الصيد فى مصر

الصيد فى مصر (http://www.egyhunt.net/index.php)
-   صور وفيديو الصيد ورحلاته (http://www.egyhunt.net/forumdisplay.php?f=47)
-   -   طلعة اليوم بتاريخ 24\12\2010 البندقيه اتحولت!!! (http://www.egyhunt.net/showthread.php?t=4288)

محمد رضا العبد 10-12-24 11:32 AM
طلعة اليوم بتاريخ 24\12\2010 البندقيه اتحولت!!!
 
بسم الله الرحمن الرحيم

تحياتى للمنتدى الرائع وبعد

طبعا اصريت الصحيان بدرى النهارده الجمعه لانى حظى وحش مع يوم الجمعه
وبصحى متاخر على طول

وقلت اما ازيت البندقيه بزييت السيارات ذوى الجوده العاليه

فكييت البندقيه زيت تمام والزيت لزج جدا وانا بركب البندقيه حسيت انى بركب حلاوه طحينيه

لان الزيت كان معطى نعومه شديده واحتكاك تقريبا منعدم وقفلت البندقيه تمام

وهنا بقى كان التحول

كنت الاول بضرب بالبندقيه بعد الزييت بالزيت الى بيتباع فى المحلات بلاقى الصوت عالى اوى فى الضرب

انما المره دى بعد التزييت بزيت السيارات عالى الجوده

والله ياجماعه مش ببالغ حاسس ان مركب كاتم صوووت ومش اى كاتم

مفيش صوت اطلاقا غير الصوت بتاع احتكاك الطلقه مع الهواء

ومش هقولكم بقى البندقيه حاسس انها اتنفست وكانت ميته

من حيث الدقه درجة تجميع انا ماشفتهاش مع ال B3-2 قبل كدا

والقوه انا حاسس انها بقت جامو هنتر واكستريم كمان

والنهارده كانت الطلعه خفافى بسبب الشبوره الكثيفه جدا

واسيبكم مع الصور بتاع الضحايا يمامه وحمامه بعد التنظيف
وطبعا انا مش فى الصور لانى بصطاد لوحدى
وتحياتى للجميع

http://www.iraqup.com/up/20101224/45..._561976068.jpg

http://www.iraqup.com/up/20101224/y7..._350393722.jpg

http://www.iraqup.com/up/20101224/V1..._953649344.jpg

وتحياتى لكم جميعااا

dr mohamed kamal 10-12-24 12:04 PM
رد: طلعة اليوم بتاريخ 24\12\2010 البندقيه اتحولت!!!
 
صباح الفل يا أ/ محمد, الظاهر الحمام واليمام كان فى أجازة النهارده على العموم تعوض المره القادمه ,أما بخصوص التزيت ,زيت السيارة ثقيل ويقلل من إندفاع البستم داخل الكانون وبذلك ينخفض الصوت ولكن ده ينعكس على سرعة الرش تقل طبعا ,أما إحساسك بأن السرعة زادت فهذا راجع إلى تنفيس بالبندقية ,والزيت الثقيل يتغلب على هذه المشكلة مؤقتا ,مثل موتور السيارة الخفيف لتحسين أدائه نضع فيه زيت ديزل عالى الكثافة ,والحل الامثل هو عمل عمرة للموتور ,لذلك لابد من فك البندقية و تغير الجلدة و الجوان حول مكان التعمير إذا كانت من النوع الذى يكسر ,بس أنا لا أرى إصابات باليمامة أو الحمامة الظاهر إتخض لما شافك وقع من غير ضرب, أنا بهذر طبعا,وتقبل تحياتى

rock 10-12-24 12:31 PM
رد: طلعة اليوم بتاريخ 24\12\2010 البندقيه اتحولت!!!
 
السلام عليكم ..... ازيك يامحمد ...... اخبارك ايه ياوحش ...... الله ينور ..... بس انا متهيألى لو مش لاقى زيت كويس ممكن تستخدم زيت ماكينات الخياطه (روعه ) ونقى جدا ...... تحياتى.

Oonyx 10-12-24 01:06 PM
رد: طلعة اليوم بتاريخ 24\12\2010 البندقيه اتحولت!!!
 
تمام يا محمد تسلم ايدك
هقولك على حاجة وخدها نصيحة من اخوك -----> ماتزيتش البندقية غير للشديد القوي يعني في لما بتزيت الجلبة بتدي انزلاق شديد مش بيخليها تكبس هوااء بكفاءة
حاجة تانية ممكن إنك تنضف من جوه الكانون بزيت لو تحب بس تمسحه كويس بعد ماتخلص ..... كذلك الماسورة
التزييت بيرفع الرشه وكمان خصوصا في حالة الجلبة الزفرة
تقبل تحياتي
عامر حسني

hoka 10-12-24 01:18 PM
رد: طلعة اليوم بتاريخ 24\12\2010 البندقيه اتحولت!!!
 
يا يمامك يا حمامك
ما شاء الله ع الصياد والبندقيه والصيد
ربنا يباركلك
وطبعا حكايه التزييت الخبراء قالولك عليها لكن احب اضيف جزئيه
يفضل الزيت الخفيف اوى علشان ما يبطأش الجلبه وزى ما قال الاخوه الكرام
وكمان سيبك من زيت العربيات لانى واثق مليون فى الميه انك لو سيبت الزيت لحد بكره هاتلاقى البندقيه كلها صدا لانه زيت قوى جدااااااااااااااا وانا جربته مره مع الرمسيس صحيت تانى يوم لقيتها جايه من عصر المماليك ومليانه صدا
وانصحك زى ما روك نصحك بزيت المكن الخياطه وقول للراجل عاوزه نضيف علشان بندقيه وهو هايديك ازازه حلوه وخفيف وبيلخص فى السريع
وما تقلقش اهو كلنا غلطنا وبنتعلم وربنا يوفقك ويحميك

محمد رضا العبد 10-12-24 05:05 PM
رد: طلعة اليوم بتاريخ 24\12\2010 البندقيه اتحولت!!!
 
اقتباس:
المشاركة الأصلية كتبت بواسطة dr mohamed kamal (المشاركة 41151)
صباح الفل يا أ/ محمد, الظاهر الحمام واليمام كان فى أجازة النهارده على العموم تعوض المره القادمه ,أما بخصوص التزيت ,زيت السيارة ثقيل ويقلل من إندفاع البستم داخل الكانون وبذلك ينخفض الصوت ولكن ده ينعكس على سرعة الرش تقل طبعا ,أما إحساسك بأن السرعة زادت فهذا راجع إلى تنفيس بالبندقية ,والزيت الثقيل يتغلب على هذه المشكلة مؤقتا ,مثل موتور السيارة الخفيف لتحسين أدائه نضع فيه زيت ديزل عالى الكثافة ,والحل الامثل هو عمل عمرة للموتور ,لذلك لابد من فك البندقية و تغير الجلدة و الجوان حول مكان التعمير إذا كانت من النوع الذى يكسر ,بس أنا لا أرى إصابات باليمامة أو الحمامة الظاهر إتخض لما شافك وقع من غير ضرب, أنا بهذر طبعا,وتقبل تحياتى
بشكرك يا دكتور على كلامك الجميل

بس احب اوضح بعض النقاط
بعد التزييت انا حكمت على البندقيه بالتجربه
دقه وقوه عاليه قبل التزييت الرشه لا تؤثر على الغراب بعد التزييت بزيت السيارات
الرشه تخترق العراب من مسافة 35 متر تقريبا
وانا بردو شايف ان الزيت مش تقيل والدليل على كدا قوة البندقيه
مع العلم ان البندقيه لا يوجد بها اى تنفيس ودا بردو بالتجربه
وبالنسبه للاصابات الى فى الحمامه واليمامه هيا منطقة اعلى الصدر ودا بيدل على الدقه
والاختلاف فى الراى لايفسد للود قضيه
وتحياتى ليك

محمد رضا العبد 10-12-24 05:21 PM
رد: طلعة اليوم بتاريخ 24\12\2010 البندقيه اتحولت!!!
 
اقتباس:
المشاركة الأصلية كتبت بواسطة rock (المشاركة 41152)
السلام عليكم ..... ازيك يامحمد ...... اخبارك ايه ياوحش ...... الله ينور ..... بس انا متهيألى لو مش لاقى زيت كويس ممكن تستخدم زيت ماكينات الخياطه (روعه ) ونقى جدا ...... تحياتى.
والله يا روك مدفع بعد الزيت بتاع السيارات

واكيد كل صياد عارف بندقيته وحاسس بيها

يعنى مع تكة الزناد بتلاقى الطلقه مسمعه فى الهدف من مسافة 30 متر
وتحياتى ليك

محمد رضا العبد 10-12-24 05:24 PM
رد: طلعة اليوم بتاريخ 24\12\2010 البندقيه اتحولت!!!
 
اقتباس:
المشاركة الأصلية كتبت بواسطة oonyx (المشاركة 41154)
تمام يا محمد تسلم ايدك
هقولك على حاجة وخدها نصيحة من اخوك -----> ماتزيتش البندقية غير للشديد القوي يعني في لما بتزيت الجلبة بتدي انزلاق شديد مش بيخليها تكبس هوااء بكفاءة
حاجة تانية ممكن إنك تنضف من جوه الكانون بزيت لو تحب بس تمسحه كويس بعد ماتخلص ..... كذلك الماسورة
التزييت بيرفع الرشه وكمان خصوصا في حالة الجلبة الزفرة
تقبل تحياتي
عامر حسني
اوكى ياباشا
وباذن الله هعمل الى انت بتقوله

محمد رضا العبد 10-12-24 05:25 PM
رد: طلعة اليوم بتاريخ 24\12\2010 البندقيه اتحولت!!!
 
اقتباس:
المشاركة الأصلية كتبت بواسطة hoka (المشاركة 41155)
يا يمامك يا حمامك
ما شاء الله ع الصياد والبندقيه والصيد
ربنا يباركلك
وطبعا حكايه التزييت الخبراء قالولك عليها لكن احب اضيف جزئيه
يفضل الزيت الخفيف اوى علشان ما يبطأش الجلبه وزى ما قال الاخوه الكرام
وكمان سيبك من زيت العربيات لانى واثق مليون فى الميه انك لو سيبت الزيت لحد بكره هاتلاقى البندقيه كلها صدا لانه زيت قوى جدااااااااااااااا وانا جربته مره مع الرمسيس صحيت تانى يوم لقيتها جايه من عصر المماليك ومليانه صدا
وانصحك زى ما روك نصحك بزيت المكن الخياطه وقول للراجل عاوزه نضيف علشان بندقيه وهو هايديك ازازه حلوه وخفيف وبيلخص فى السريع
وما تقلقش اهو كلنا غلطنا وبنتعلم وربنا يوفقك ويحميك
اوكى يا حوكا دنتا تؤمر
ونصايحك هاخدها على محمل الجد باذن الله

المستشار 10-12-24 07:04 PM
رد: طلعة اليوم بتاريخ 24\12\2010 البندقيه اتحولت!!!
 
مبروك عليك الصيد ومبروك عليك سلامه بندقيتك

hany salem 10-12-26 11:50 AM
رد: طلعة اليوم بتاريخ 24\12\2010 البندقيه اتحولت!!!
 
عقبالى اما اصطاد حمام يارب

خط الصعيد 10-12-26 08:27 PM
رد: طلعة اليوم بتاريخ 24\12\2010 البندقيه اتحولت!!!
 
تسلم ايدك يا برنس

مصطفى قناص الليل 10-12-28 02:58 PM
رد: طلعة اليوم بتاريخ 24\12\2010 البندقيه اتحولت!!!
 
حبيب قلبى حمادة ازيك يا جميل انت اخبارك اية وحشى والله وتسلم ايديك يا جميل وربنا يكرمك ...

............ وتحياتى لك ............ مصطفى صبرى ...........

محمد رضا العبد 10-12-28 10:27 PM
رد: طلعة اليوم بتاريخ 24\12\2010 البندقيه اتحولت!!!
 
اقتباس:
المشاركة الأصلية كتبت بواسطة مصطفى قناص الليل (المشاركة 41652)
حبيب قلبى حمادة ازيك يا جميل انت اخبارك اية وحشى والله وتسلم ايديك يا جميل وربنا يكرمك ...

............ وتحياتى لك ............ مصطفى صبرى ...........
الله يخليك يا مصطفى
فينك بقالى فتره ما سمعتش اخبارك ياكبيييييير

تحياتى ليك

ahmed2101 10-12-28 11:37 PM
رد: طلعة اليوم بتاريخ 24\12\2010 البندقيه اتحولت!!!
 
صيد جميل ماشاء الله بالهنا والشفا


الساعة الآن 11:35 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir