أسعار الأسلحة بصراحة بقت حاجة صعبة
 

السلام عليكم اخواني الكرام ..

أنا اخوكم يحيى من سوهاج وطبعا انا لسه بقول يا مسهل يا رب في الصيد حتى لسه مش معايا سلاح وكمان محتار لو هشتري اجيب ايه من كتر اشكال والوان الاسلحة الموجودة لكن ما علينا ان شاء الله ربنا يكرم بحاجة كويسة

لا أقصد من موضوعي هذا الا مشاركة بعض الخواطر مع اخوانا في المنتدى والموضوع مفتوح للنقاش والمشاركة
وجهة نظري في الموضوع ان الاسعار الموجودة حاليا يعني صعبة شوية خصوصا على المبتدئين اللي زي حالاتي وبعبارة اخرى يعني ممكن بعض الناس اللي بتحب الصيد والاسلحة تعزف عن الهواية الجميلة دي ومع ذلك انا بإذن الله ناوي اجيب سلاح لكن طبعا لما يتوفر تمنه معايا

السؤال : هل من الممكن ان اسعار الاسلحة ترجع زي زمان ؟ ( عارف انه صعب )

انا على ما اذكر من ايام الثانوي وانا نفسي في سلاح حتى كنت ابقى مستني حصة الرماية بفارغ الصبر وكنت بستحمل رزالة العساكر والقائد والضابط المساعد ( وربنا يجعل كلامنا خفيف عليهم ) وكنت اروح اقف عند محل ابوضيف عندنا في شارع البحر بالساعة قدام الفاترينة اتفرج وابقى مش عاوز امشي الكلام ده من حوالي 11 سنة تقريبا وكان سعر اغلى بندقية عنده 500 جنيه وكان واضح انها حاجة حلوة قوي وسألته مرة كان الاسباني سعره في حدود 300 .. طبعا ما اعتقدش ان الايام الحلوة دي ترجع تاني

تقبلوا تحياتي واحترامي للجميع

رد: أسعار الأسلحة بصراحة بقت حاجة صعبة
 

اهلاً وسهلاً بيك يا يحى فى بيتك ووسط اخوانك وهلاً بأهل سوهاج
بس انـــــــــــــــســـــــــــــــــــــــى يا يحى
( قال تعالى ان الله لا يغير ما بقوماً حتى يغيروا ما بأنفسهم )
وبعدين دا احنا فى بلد ملخفنه محدش فهملها حاجه
هو الاستيراد مفتوح ولا مقفول
واذا كان مقفول التركى وبعديه الماجنوم والبنادق اللى بتددخل دى بتدخل ازاااااااااى
واذا كان مفتوح الاسعار مالها عامله ليه كده
والله المفروض كلنا نقوم بحمله زى اخونا السعوديين ونقول للتجار (خليها تصدى )
ولا ايه رأيكم يا اخونا ياريت الكل يدلى بدلوه

رد: أسعار الأسلحة بصراحة بقت حاجة صعبة
 

مرحبا بيك ا/ هشام
انا والله كنت عاوز اقول كده بردو في موضوع اخواننا السعوديين بس خفت يقولوا عاوز يعمل انقلاب
يعني مش من اولها كده ههههههههههههه

رد: أسعار الأسلحة بصراحة بقت حاجة صعبة
 

منور المنتدى وبيتك الثانى يا يحيى
احب ارحب بيك فى وسط الاسره الكريمه اسره منتدى الصيد فى مصر وارحب بيك كصياد جديد وان شاء الله تكتسب من الخبرات ما يجعلك صياد قديم ومحترف
اما بالنسبه لموضوع البنادق فهى حتى لو جاتلك بسعرها اللى فى بلدها هاتبقى اقبل بندقيه ب 800 جنيه مصرى
وطبعا بما ان ده سوق سلاح ومحدش عارف يدخل بندقيه طبيعى من المطار
فالتجار بينتهزو كده وتتقلب سوق سوده ويعلو فى السعر
انما لو الدوله سمحت بالاستيراد وفتحت الابواب وانشأت سوق دولى للسلع الناس تتبادل فيه السلع بنفس سعرها الاصلى فى الدوله المصنعه هايبقى كويس جدا
لكن للاسف لا حياه لمن تنادى
واضراب اخوانا السعوديين فى محله لكن اطمن البنادق مش هاتصدى ولا هم هايخسرو لان نوادى الرمايه مشغلاهم كويس اوى
الحل هو اننا نجتمع على صوت واحد ونوجهه لاى جهه مختصه تسمع صوتنا وتحاول تيسرلنا الامور
ومشروع الجمعيه العامه للصيادين المصريين ده مشروع ناجح جدا لو اتنفذ بس للاسف بردو محدش راضى يعمل حاجه
ربنا يهدينا جميعا ويكرمنا ويرزقنا ويفتح علينا ابواب رحمته
سلام عليكم

رد: أسعار الأسلحة بصراحة بقت حاجة صعبة
 

الاخ العزيز يحيي
تحية طيبة الاسعر الي موجودة في مصر تقترب الي حد كثير من الاسعار الخارجية لان السعر المعلن عنة علي النت يضاف الية 40 % ضريبة علي الفاتورة المرسلة ولك التحية

رد: أسعار الأسلحة بصراحة بقت حاجة صعبة
 

شكرا على مروركم الكريم
وانا حاسس فعلا انكم اخواتي واكيد ان شاء الله اول ماجي اجيب سلاح هتعرفوا بس لازم تساعدوني :D وهيكون قريب باذن الله
شكرا على مرورك اخي الكريم Hoka
شكرا على ردك ا/جلال
انا ليا حوالي 4 شهور هنا بتعلم وبجمع معلومات ولسه طبعا هتعلم ونفسي الرياضة دي تنتشر لأني تقريبا مش بشوف ناس هنا في سوهاج بتصطاد
ممكن في ناس معاها سلاح لكن يعني ما اعتقدش انهم بيعملوا اي نشاط في الصيد

رد: أسعار الأسلحة بصراحة بقت حاجة صعبة
 

رد: أسعار الأسلحة بصراحة بقت حاجة صعبة
 

فعلا والله اموضوع ده بقى حاجة صعبه اوي

رد: أسعار الأسلحة بصراحة بقت حاجة صعبة
 

فعلا الاسعار بقت حاجه صعبه اوي ولكن زياده الاسعار عالميه و ممكن تخفيض او الغاء الضرائب التى تشكل نسبه كبيره من السعر و الحل في شراء المستعمل بحاله جيده