الكاموفلاج
 

الى جميع الأخوة الأعضاء السلام عليكم
وكل عام والجميع بخير وسلام.
لاحظت فرق اسعار البنادق ذات الدبشك بالون الكاموفلاج عن غيرها ذات لون الخشب العادى (الورنيش) أو لون الفايبر الأسود وندرة الدبشك بألوان الكاموفلاج فى مصر.
ووجدت موقع لشركة امريكية تقوم ببيع المطلوب عبر الأنترنت لتحويل الدبشك من اللون الورنيش العادى أو الفايبر الى الكاموفلاج بالصور الطبيعية بسهولة متناهية.

يوجد 26 شكل من الكامو فلاج للأختيار حسب ذوق المشترى.
طقم المعدات (DIPKIT) عبارة عن:
واحد علبة سبراى لتفعيل الفيلم مع الماء حوالى 115 جرام
واحد علبة سبراى برايمر شفاف حوالى 115 جرام
واحد علبة سبراى للون كقاعدة اساسية حوالى 115 جرام
واحد علبة سبراى ورنيش حوالى 115 جرام (لحماية الألوان)
كمامة انف وفم للحماية
قفاز مطاطى للحماية
ليفة خشنة (زى المستعمله فى المطبخ) مقاس 10سم فى 7.5 سم للسنفرة وازالة اى رواسب
متر مربع من الفيلم المائى (وده الى بيكون ب26 شكل مختلف)
كتالوج لشرح كيفية الأستخدام.

مهم جدا أن المياه المستخدمة تكون درجة حرارتها ما بين 70 و 80 درجة.

السعر 99 دولار امريكى شامل مصاريف الشحن مايعادل 575 جنيه مصرى تقريبا.
الفيلم المتر المربع ممكن يعمل حوالى 6 دبشك يعنى متوسط تكلفة الدبشك حيكون تقريبا 95 جنيه مصرى.
فى موقع الشركة موجود 2 فيديو لطريقة الأستخدام أتفرجوا عليهم وقولولى ايه رأيكم فى الطريقة دى.
بعد الدخول على الموقع دوس على صورة علب الأسبراى الى فى أخر الصفحة على الشمال وأتفرج على ال26 شكل الموجوديين واخر صفحة الأشكال المختلفة دوس على كاميرة الفيديو وأتفرج على الفيديوهين (الدبشك موجود فى ثانى فيديو) .

للعلم والتنبيه أنا شخصيا لم أتعامل مع هذه الشركة وليس لى أى صلة بيها من قريب او بعيد ولكن كتبت كل التفاصيل للأخوة الأعضاء الغير متمكنين فى اللغة الأنجليزية حتى يتمتعوا أثناء مشاهدة الفيديو.
اسف للأطالة وعام جديد عام سعيد على الجميع أن شاء الله.
http://www.timbersedgecamo.com

رد: الكاموفلاج
 

ايه لون الكنتالوب ده
هههه
لامؤخذاه
ااقصد الكاموفلاج
شكلة ايه
ولو هاغير للون ده يبقى ايه السبب

رد: الكاموفلاج
 

الف مليون شكر يا استذنا على الموضوع الجميل ده فعلاً التجار بيستهبلوا قوى يبيعو الكموفلاج بسعر ازيد 300 جنيه عن العادى ليه يعنى بس الموضوع ده ممكن يفتح باب التفكير فى تنفيذ الفكره بستلزمات محليه وشكراً مره تانيه يا عادل بك

رد: الكاموفلاج
 

الكاموفلاج يساعد فى التخفى اثناء الصيد بأستعمال الوان من نفس طبيعة المكان بمعنى لو فى صحراء بتكون الألوان بلون الرمال لو فى غابة بتكون بلون الأشجار وهكذا.
مصطلح كاموفلاج يطلق على الوان المعدات (بما فيها الأسلحة) والملابس زى بدل رجال الجيش والصعقة....الخ
وهذه صورة توضح لك كلامى أكتر.

رد: الكاموفلاج
 

استاذ هشام كل سنة وحضرتك طيب
فعلا الى خلانى ابحث فى الموضوع ده هو الفرق الكبير الملحوظ فى الأسعار بين الوان البنادق المعروف وبين الكاموفلاج عندنا فى مصر رغم ان فى الخارج مافيش اى فرق فى الأسعار بين الألوان ولا حتى العيار نمرة 1 نفس سعر نمرة 2 .
والله ياريت لوفى حد يقدر يوفر الخامات دى وتصنيعها بخامات محلية بنفس الجودة يبقى فعلا عبقرى وده حيكون مكسب للجميع.
والله الموفق.
تحياتى.

رد: الكاموفلاج
 

رد: الكاموفلاج
 

شكرا محمود باشا على مرورك.
وكل عام وحضرتك بخير.

رد: الكاموفلاج
 

موضوع رائع يا استاذ عادل
واشكر لسعادتك دقتك وامانتك في الكلام علي انك لم تتعامل مع الشركة منقبل و
ولك مني اعلي تقييم

رد: الكاموفلاج
 

موضوع ممتاز يااستاذ عادل بارك الله فيك

رد: الكاموفلاج
 

مجرد اسم استاذ اسامه فى مشاركه لموضوعى. ده والله شرف لى.
شكرا وتحياتى

رد: الكاموفلاج
 

ياباشا بعض ما عندكم واحناكل يوم بنتعلم منكم حاجه جديدة.
كل عام وحضرتك بخير.