|
طلب استشاره من اخوانى خبراء المنتدى
السلام عليكم ورحمه الله وبركاته
ونحن فى بدايه سنه هجريه جديده نسال الله سبحانه وتعالى ان يجعلها سنه بركه وخير علينا وعليكم وعلى الامه الاسلاميه كلها. كان عندى سؤال لو سمحتم محتار في ايجابته انا عندى بندقيه صينى اسمها b2-2a وهى نمره 2 هل ينفع اغير سوسته البندقيه دى بسوسته اقوى منها لبنادق المانى مثلا او اسبانى ولو ينفع فما هى نوع السوسته المطابقه لسوسته البندقيه دى وسعرها بكام افيدونى افادكم الله وجزاكم الله عنى كل الخير. |
رد: طلب استشاره من اخوانى خبراء المنتدى
عزيزي الغالي الكيميائي أحمد فتحي...وكل عام وأنت وأعضاء منتدانا وأسرتنا الحبيبة جميعا مسلمين ومسيحيين ومصرنا الحبيبة والأمة الإسلامية والعربية جميعا بألف خير وصحة وسعادة وسلام...بشوية صيانة ونظافة وتشحيم وتزييت بندقيتك تبقي زي الفل...ولماذا نذهب بعيدا...وأخونا العزيز المحترم الأستاذ محمد رضا العبد لديه نفس البندقية والموديل...وما شاء الله عليه مكسر بيها الدنيا وكاتب فيها قصائد شعر من كثرة حبه وعشقه لها...ولله الحمد لم يشتكي منها ولم يفكر في تغيير السوستة بأخرى أشد...بل وأكثر من هذا في آخر موضوع ومشاركة له قال بالحرف الواحد أن الحمام واليمام بيصعب عليه لما بتيجي فيه الرشه بيحس إنها بتفرتكه من قوتها...لا قوة إلا بالله...يا ريت يكون موجود وشايفنا ويفيدك هو أكثر مني ويقول لك رأيه وماذا يفعل للحفاظ عليها وعلي قوتها...وبالنسبة لتغيير السوستة كل ما أخشاه هو أن السوستة الأقوي والأشد مع الإستعمال المتكرر يمكن أن تكسر البستم ففي الأول والآخر نحن نتكلم عن بندقية صيني...والأمر لا يسلم بسبب أن خامتها غير مؤهلة وغير مجهزة لسوستة أقوى وأشد...هذا في رأيي ومن وجهة نظري...مع خالص تحياتي...
|
رد: طلب استشاره من اخوانى خبراء المنتدى
جزالك الله كل الخير يا استاذ جمال على نصائحك الغاليه , انا والله فكتها وشحمتها وطبعا كلام حضرتك جميل وصحيح بس قلت اسال يمكن حد ركب سوسته مختلفه ونجحت معاه العمليه وللمره التنيه بشكرك فعلا على جميع نصائحك الغاليه من انسان اغلها منها وعزيز على القلب زى حضرتك .
|
رد: طلب استشاره من اخوانى خبراء المنتدى
بارك الله فيك يا غالي...لا شكر علي واجب...تعالى كل يوم...إن هذا لمن دواعي سروري وسعادتي...خالص تحياتي...
|
رد: طلب استشاره من اخوانى خبراء المنتدى
استاذ جمال انا مسمعتش فى مره ان حضرتك اخدت البندقيه ورحت اصطدت هل حضرتك بتحب التنشين فقط ؟
|
رد: طلب استشاره من اخوانى خبراء المنتدى
الاخ الغالى الموضوع مش سوسته وبس الموضوع انه منظومه متكامله من قطع متوافقه ومتغانمه مع بعضها البعض للوصول للهدف وهو الدقه والقوه ليست المفرطه ولكن القوه التى تؤدى الغرض وبالذات البنادق الصينى باستثناء البام 21 يفضل تركيب نفس السوسته ولكن جديده اما عن عمنا المحترم جمال بك فنحن تعلمنا منه الصيد وانا برد بالنيابه عنه انه لكثره مشاغله وسفره الدائم هو حارمنا من متعه صحبته فى الصيد وكفايه انه معانا بقلبه وشكرا
|
رد: طلب استشاره من اخوانى خبراء المنتدى
العفو حبيب قلبي الغالي سيادة المستشار محمد بك عبد الرازق...العين لا تعلى علي الحاجب...أنت أستاذنا ومعلمنا...بارك الله فيك وبك وعليك...واحشني والله كثييييييييييير وعايز أكلمك من زمان...وأنا مقصر معاك كثييييييييييييير بسبب مشاغل عندي ومشاكل في الشغل ليل ونهار...والله من آخر مرة تقابلنا في عيد الأضحي ولم أخرج أو أذهب لمكان أكثر من الشغل والعودة للمنزل ثم العودة مرة أخرى للشغل لإستكمال باقي العمل...ربنا يسهل ونتقابل قريبا لإني فعلا مشتاق لكم كثيرا...تقبل خالص تحياتي وتقديري واحترامي...
|
رد: طلب استشاره من اخوانى خبراء المنتدى
ممنون جدا لحضرتك يا سياده المستشار على معلومات حضرتك القيمه واسال الله ان يعلمنا جميعا ما ينفعنا وان ينفعنا بما علمنا وكويس اهو انى فتحت سيره صيد استاذ جمال معاكم واتمنى عن قريب تتقابل جماعه الخير وتورونا بقى اجمل طلعات صيد فى مصر كلها بامر الله .
|
رد: طلب استشاره من اخوانى خبراء المنتدى
معلومات شيقة جدا جدا جدا جدا
|
رد: طلب استشاره من اخوانى خبراء المنتدى
اقتباس:
تحياتى وتقديرى للجميع |
| الساعة الآن 02:16 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir