ضبط المنظار
 

ظبط المنظار على مسافة حوالى 30 متر هل اذا قمت بفكه يجب ظبطه مرة اخرى عند التركيب؟ وسوالى تانى المنظار ده 3-7*20بوشنيل انا ظبطه على المستوى 3 لو قربت على المستوى 5 مثلا اظبطة تانى ولا ايه ؟ يا ريت حد يكون مجرب عشان انا تعبت على بال مظبطة على 30 متر على المستوى 3 وشكرا

رد: ضبط المنظار
 

اخى تيتو مساااااااء الفل
ايوه طبعاً لو فكيت التيلسكوب لازم تظبطه تانى لما تركبه علشان تضمن الدقه لانه اكيد حيخلف بعض المليمترات عن مكان التركيب الاول وده طبعاً حيخلف فى مكان الاصابه
وبالنسبه للتقريب والتبعيد والظبط ده بيختلف من تيلسكوب لآخر
تقبل مرورى

رد: ضبط المنظار
 

الأخ تيتو
لو فكيت أو ربط أى مسمار فى التليسكوب لازم تضبط النيشان من جديد. فى حالة الزووم من 3 الى 7 ده مش حيأثر فى ضبط النيشان ومش حتحتاج تضبطه تانى لو السكوب مضبوط على 3 واستعملت زرار التقريب الى أى رقم 4 - 5 - 6 او 7 حتلاقى النيشان مضبوط.

رد: ضبط المنظار
 

السلام عليكم ورحمه الله وبركاته
زى ما زكر اخوانى بالضبط لو نقلت التليسكوب من بندقيه الا اخرى لازم تعيد ضبطه تانى ولو عايز طريقه سهله وبسيطه فى ضبطه ده ايميلى حقلك كل شىء عنه اعرفه لانى بصطاد بتليسكوب chemist.ahmedfathy@yahoo.com

رد: ضبط المنظار
 

شكرا لكل المشاركين وهضيفك يا استاذ احمد على ايميلى وشكرا ليك

رد: ضبط المنظار
 

بحاول اضيفك يا استاذ احمد بس مش عارف دة ايميلى ممكن تضيفنى انت tito_20100900@yahoo.com

رد: ضبط المنظار
 

أحمد باشا ، أهلا بيك
ليه تكتب الطريقة على الاميل
ما تعمل لنا موضوع بالشرح الوافي وياريت لو كمان صور
علشان الكل يستفيد من تجربتك
___________________

وبالنسبة لسؤالك يا أخ تـــيـــــتـــــــو
التليسكوب ظبطه يحتاج الى دقة متناهية
يعني وانت بتظبطه لازم يكون متركب كويس جدا وثابت جدا جدا كانه قطعه واحدة مع البندقية واعمل علامة خفيفة بقلم على مكان التليسكوب علشان لو رجع بعد الضرب تعرف انه بيتحرك من مكانه
وقاعدة ثابته في التليسكوبات لو فكيته او اتخبط منك او اهتز لاي سبب لابد من اعادة ضبط النشان
إلا إذا :- وانت بتركبه تكون عارف عدد اللفات اللى ربطت بها المسامير ويتم تركيبه في نفس المكان بالضبط ، وفي هذه الحالة سيحتاج الى جهد قليل لضبطة
كمان خلي بالك من حاجة وانت بتظبط التليسكوب
لازم يكون متوازي مع جسم البندقية يعني لا طالع لفوق شوية ولا لتحت شوية وكمان ولا يمين شوية ولا شمال شوية
ويستخدم موازين مياه صغيرة لضبطه
بالنسبة لموضوع الزوم ده غير مؤثر على ضبط النشان لانه يستخدم لتوضيح الصورة وتكبيرها
ارجو ان اكون أفدتك
ولك مني كل التحية والتقدير
http://i51.tinypic.com/s5h9o7.jpg

رد: ضبط المنظار
 

والله ماقدر اخفى اى معلومات عن اى حد لان ده مش من طبيعتى بس انا قلتله كده بحيث اكتسب صديق جديد على الايميل والله.
اما بالنسبه لطرق ضبط التليسكوب فهى كتيره وانا عن نفسى عملت طريقه خاصه بيا وهى بسيطه لكن مريحه جدا ودقيقه, التليسكوب من جوه عباره عن علامه زائد كبيره فانا جبت ورقه وعملت بقلم ماركر علامه زائد وطابقت علامه الزائد بتاعت التليسكوب بيها وضربت وبدئت اظبطت الشمال واليمين وفوق وتحت وكانت النتائج دقيقه جدا والحمد لله .

رد: ضبط المنظار
 

شكرا ليك يا استاذ اسامة على مشاركتك الى فادتنى كتير وبالفعل انا كنت بعلم بقلم على مكان ربط المنظار عشان الاحظ اذا تحرك ولكن موضوع عدد لفات الربط ده صعب انا كنت بضبط المنظار وبعدين لما اخلص صيد بفكة عشان ميتكسرش وكنت بعيد ظبطة فى كل مرة وده كان متعب .... الاستاذ اسامة فتحى تشرفنى صداقتك وده ايميلى مرة اخرى لنتواصلtito_20100900@yahoo.com