الصيد فى مصر - قنبلة القبطان المصرى لعام 2014

الصيد فى مصر (http://www.egyhunt.net/index.php)

- الورشة (http://www.egyhunt.net/forumdisplay.php?f=63)

- - قنبلة القبطان المصرى لعام 2014 (http://www.egyhunt.net/showthread.php?t=43539)

قنبلة القبطان المصرى لعام 2014

السلام عليكم ورحمة الله وبركاته
خلاااااااااااااااااااااااااص زمن الخوف على الدبشك انتهى
القبطان المصرى يحييكم ويقدم لكم
كل ماهو جديد فى عالم الصيد
وموضوعنا النهارده عن طريقه جديده لانج ولذيذه وبنت حلال لتمويه البندقيه بدون اى اثار جانبيه
وبدون اى مجهود او تعب
والفكره دى انا فكرت فيها بعد ماجبت الجامو رويال وشفت دبشكها الرائع
وكنت خايف عليها جدا من الخدوش
وفى نفس الوقت كنت خايف شويه من اطرق التمويه القديمه
فعصرت دماغى وطلعت الفكره الجديده دى
واولا عاوز اقول ملحوظه كده عالماشى
معظم الصيادين فاكرين او فاهمين ان تمويه البندقيه ده حاجه كده بتدى منظر حلو للبندقيه وبس
وده طبعا تفكير خاطئ
لان الميزه الاولى فى اعتقادى للتمويه هى حماية البندقيه من الخدوش والتعرض لعوامل الجو من اتربه ومياه وخلافه
زائد طبعا الميزه القديمه للتمويه الخاصه بخداع الطيور والحيوانات
وكان معظم الصيادين زمان بيخافو من التمويه لانو ممكن يسيب اثر على الدبشك بعد نزع اللزق
ولكن الان
انسسسسسى ياعمرو
والفكره دى باهديها لكل قناصين مصر اللى عايزين يحافظو على بنادقهم من الخدوش او الاذيه لمكونات البندقيه
والفكره دى ميزتها انها هاتلغى سلبيات التمويه اللى فى الطرق القديمه نهائيا
وكانت السلبييات كالتالى
الفكره الاولى اللى هى باللزق الدبل فيس
كانت سلبياتها انك لما تيجى تفك التمويه من البندقيه كان بيسيب اثر على الدبشك وبيطلع بصعوبه
وبرده بيفضل منو اثار بسيطه على الدبشك صعب جدا تطلع
وده شىء كان بيرعب اصحاب البنادق الفخمه ويقول لا ياعم مش لاعب
والفكره التانيه اللى هى عمل تمويه بالكربون عند بتوع محلات اكسسوار السيارات
كانت سلبياتها
انو عشان يلزق التمويه على البندقيه كان لازن يسخن الاول بالاستشوار عليها
وده برده كان بيرعب اى صياد بيخاف على بندقيته
وبرده كان بيقول لا ياعم مش لاعب
يلا بقى ياباشا قوم اعملك كوباية شاى او نسكافيه وتعالى اقعد معايا وركز فى اللى هاقوله
وبسم الله نبدا
المطلوب
نص متر او متر قماش مموه بـــ15 جنيه
http://www6.0zz0.com/2013/10/31/15/647848225.jpg
بكرة لزق من بتاعة النقاشين هاتلاقيها عند بتوع الحدايد والبويات بــــ 3 جنيه
من مميزاته انو خامه ورق مقوى و الماده اللاسقه اللى فيه ضعيفه جدا
ومش هاتسيب اى اثر فى البندقيه لو حبيت تنزعه
وبرغم ضعف الماده اللاسقه اللى فيه لكنو بيمسك فى البندقيه باحكام
وعشان كده اختارته
http://www6.0zz0.com/2013/10/31/15/730656739.jpg
http://www6.0zz0.com/2013/10/31/15/243770127.jpg
امبوبة ( كله الشعله) بـــ4 جنيه
من مميزاتها انها مرنه وبتاخد وقت على ماتنشف حوالى ساعه
http://www6.0zz0.com/2013/10/31/15/213429198.jpg
موس حلاقه
وهانبدأ نلف بالزق على الدبشك بالشكل ده ومنسبش فواصل بين اللزق وبعضه
http://www6.0zz0.com/2013/10/31/15/475554541.jpg
http://www6.0zz0.com/2013/10/31/15/932154711.jpg
http://www6.0zz0.com/2013/10/31/15/925713505.jpg
مع الوضع فى الاعتبار انك متسبش اى فواصل بين كل شريط وشريط اطلاقا
يعنى بالعربى دارى الدبشك نهائيا
وبعد ماتخلص لف الدبشك باللزق ده
تمسك امبوبة الكله وتحط حته على صباعك وتبدأ فى دهان الدبشك باصباعك كأنك بتدهن كريم كده
مع الوضع فى الاعتبار ان الكله طبعا مش هاتلمس الدبشك نهائى لان احنا مغطيين الدبشك بالكامل باللزق
وبعد ماتخلص دهان اول وش من الدبشك هات القماش وابدأ فى لزقه على الكله اللى دهنتها
وحاول بعد ماتدهن الكله تحط القماش على طول ومتغبش عن ربع ساعه
لانو بيبدأ يجف بعد عشر دقائق جفاف بسيط حتى يصل الى الساعه ويكون جف تماما
واضغط على القماش كويس وانت بتلزقو وفرغ اى هوا موجود تحت القماش لغاية ماتلاقيه بقى هو والدبشك قطعه واحده
وبعدين ابدأ فى دهان الوش التانى من الدبشك وكرر معاه نفس العمليه اللى عملناها فى الوش الاول
وبعد ماتخلص هتلاقى نفسك عملت تحفه فنيه بكل المقاييس
ووقت ماتحب تفك التمويه فى اى وقت فكه ومتقلقش بكل سهوله
وبقطعة قماشه مبلوله ميه على خفيف امسح البندقيه هتلاقيها بتلمع
واااااااااااادى النتيجه بعد التمويه
http://www6.0zz0.com/2013/10/31/15/503890206.jpg
http://www6.0zz0.com/2013/10/31/15/610682095.jpg
http://www6.0zz0.com/2013/10/31/15/801701093.jpg
http://www6.0zz0.com/2013/10/31/15/972174842.jpg
http://www6.0zz0.com/2013/10/31/15/889788718.jpg
وتحياتى للجميع
وارجو الدعاء لى ولكل المسلمين بكل ماهو خير
وادعولى انا بالاخص انى اجيب ديانا 52 او فايروخ 90
ههههههههههههههههههههههه
:lov: