الصيد فى مصر - حل مشكله كسر منيم الطلقات (فيرتينا

الصيد فى مصر (http://www.egyhunt.net/index.php)

- الورشة (http://www.egyhunt.net/forumdisplay.php?f=63)

حل مشكله كسر منيم الطلقات (فيرتينا - سيج.........وغيرهم)

بسم الله الرحمن الرحيم

http://www13.0zz0.com/2013/11/03/05/678827375.jpg
الفرتينا

http://www13.0zz0.com/2013/11/03/05/659062660.jpg

يا صباح الفل علي أحلي منتدي و أرجل صيادين النهارده أنا جايب حل لمشكله كانت بتتسبب في رمي طبنجات كتير جدا لأنه بالمختصر مكنلهاش حل وهي إن بعض أنواع الطبنجات الصوت فيها منيم كعب الطلقه (المكان اللي بيخرج منه مقدمه الابرة في الأجزاء علشان تضرب كبسوله الاطلاق اللي في كعب الطلقه ) المنيم دا بيبقي في أنواع زي الفيرتينا بيبقي مش جزء واحد مع الاجزاء انما بيكونعباره عن جلبه حديد تخانه 5 ملم وطول 4 ملم وخرم 2 ملم مصبوب عليها الأجزاء الأنتيموننيوم المشكله هنا ان اغلب الانواع دي بيبقي نظام تثبيت الابرة فيه بيسمحلها انها تتقدم مسافه غير محكومة ومحدده حسب قوة ضربه الطارق علي الابرة وأنا بسمي النوع دا (الابرة الحرة) طيب ودا بيسبب ايه؟؟؟؟
دا بيسبب ان مع كل تقدم للابرة وبتصطدم بالمنيم دا من ورا وهو زي ما قلنا مش جزء واحد مع الطبنجة فبيتلخلخ واحده واحده لحد ما بيخرج من مكانه وتصبح الابرة بتطلع من المنيم من قدام هيا والسوسته وبكدا الله يرحمها الأجزاء والبديل مر الأجزاء بتعمل من 400 ل 600 انت وحظك مع التاجر وبرده هيطلع نفس العيب طب والعمل ؟؟

احنا الأول هنعرف شكل الأجزاء وهيا سليمة ودي صورة بتوضح حاله الأجزء أول ما تجيب الطبنجة

http://www6.0zz0.com/2013/11/02/04/113049430.jpg

تمام المنيم اهوه مفرغين فيه حلقه في النص عشان ميبوظش علي طول لحد ما تتباع وبعدين تبوظ عندك الابرة ماسكها ايه من ورا صاموله 6 في 1 ومخرومة علي قد الجزء الرفيع من اخر الابرة وتصد التخين اضرب انت بقي الجزء التخين هيخبط في المنيم ويخلعه بعد مده ويبقي الحال زي الصورة دي

http://www6.0zz0.com/2013/11/02/04/769861813.jpg

والحل هو الأتي
أولا بعض المقاسات للفرتينا كمثال
مجري الابره 4ملم ونص
الابرة 4 ملم ونص
سن الصاموله 6 في ا
مكان المنيم 5 ملم

الحل هو عبارة عن شيميز هيتم خراطته بعد توسيع مجري الابرة ليصبح 5 ملم بالكامل ويكون فيه سن من ورا 7 في 1 ومخروم 4 ملم بدل 4ونص اللي هو مجري الابرة ونجيب الابرة نرفعها نخليها 4 ملم وداعن طريق ربطها في متاب او شنيور علي سرعه سريعه وبرادتها بمبرد ونعكس وناخد الجزء اللي كان مربوط ، ونركبلها سوسته زفر من الرفيعه لان السوسته القديمه مش هتنفع ونقلوط لصاموله جديده اتركيب الابرة هتبقي 5 ملم في 8 ونعمل صاموله بالشكل دا من مسمار ونخرمه بس علي الخرطة عشان لازم يبقي متسنتر في النص ونفتح في الشيميز مجري من ورا مفك عشان نربطة منها وبالنسبة لطول الشيميز الكلي هيبقي 42 ملم وطول المنيم 4 ملم وطول مسافه السن ال 7 في 1تبقي 6 ملم وبكدا بقت أجمد من شغل بلاده ومنشتريش منهم أجزاء وتعيش معانا الطبنجة للعمر
الصورة دي الاخيرة للشيميز بعد ما خلص أنا نفذتها فعلا بس نسيت أصورها بس أرجو ان الشرح يكون أفادكم ونتمني التثبيت ولو عجبك الموضوع متبخلش علينا بتقييم واسيبكم مع الصورة :

http://www6.0zz0.com/2013/11/02/04/754623224.jpg

الموضوع مهدي لرجاله المنتدي وتحت أمركم في أي استفسار و اللي هينفذ يدور علي خراط بيفهم عشان يطلعها مضبطة لان الدقة مطلوبة ومنتظر تفاعلكم :sante: