الصيد فى مصر - ما هي افضل بندقية ممكن شرائها

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - ما هي افضل بندقية ممكن شرائها (http://www.egyhunt.net/showthread.php?t=4368)

tiger_chan

10-12-31 03:42 PM

ما هي افضل بندقية ممكن شرائها

ما هي افضل بندقية ممكن شرائها في مصر علما بأن عندي اكثر من واحدة خارج مصر ولا يمكنني ادخال اي منها
و شكرا

adel152

10-12-31 03:57 PM

رد: ما هي افضل بندقية ممكن شرائها

استاذ tiger-chan
فى بنادق فى مصر تبداء من 500 جنيه الى 7000 جنيه واكتر.
أعتقد كل واحد حيرد عليك حسب البندقية الى هو محب لها.
أحسن حاجة حضرتك تنزل لأقرب محل سلاح وتشوف بنفسك البنادق الموجوده من أول المصرى مرورا بالسبانى مثل النوريكا والجامو والأنجليزى البى أس أيه والألمانية الديانا.
وحضرتك الوحيد الى ممكن تقرر اى هذه البنادق تكون مناسبه لحضرتك.
بالتوفيق وتحياتى.

tiger_chan

10-12-31 04:11 PM

رد: ما هي افضل بندقية ممكن شرائها

اشكرك يا استاذ عادل,لكن المشكلة اني غير مقيم بمصر في الوقت الحاضر و لا اعرف عناوين معظم المحلات ولا انواع البنادق المتوفرة في مصر...اريد ان اعرف فقط ماهو افضل و اقوي نوع ممكن شرائه من مصر.
و شكرا

مصطفى_منصور

10-12-31 04:16 PM

رد: ما هي افضل بندقية ممكن شرائها

شوف الجامو شادو1000

tiger_chan

10-12-31 04:25 PM

رد: ما هي افضل بندقية ممكن شرائها

اشكرك جدا...ممكن اعرف سعرها كام؟

chemist ahmed fathy

10-12-31 05:48 PM

رد: ما هي افضل بندقية ممكن شرائها

بص حضرتك انا حقسملك البنادق من الاقل للاعلى وكلهم بامر الله كويسين جدا
1. كارال التركى ودى تقريبا فى خدود 1000 جنيه ودى بندقيه قويه وثابته نفسها فى السوق المصرى.
2. بام 21 او بام 22 صينى تقريبا فى حدود 1800 جنيه وبرضه قويه جدا ومشابهه للديانا 52 تقريبا من حيث الشكل .
3 . نوريكا مارفك جولد ودى تقريبا ب 2700 جنيه .
4 . بى اس ايه جولد ستار ودى تقريبا 3500 .
5. ديانا 52 ودى تقريبا فى ال 5000 وديانا 54 ايركنج تقريبا 6200 .

مصطفى_منصور

11-01-01 10:11 AM

رد: ما هي افضل بندقية ممكن شرائها

اقتباس:

المشاركة الأصلية كتبت بواسطة tiger_chan (المشاركة 42015)

اشكرك جدا...ممكن اعرف سعرها كام؟

تقريبا 2200 جنيه بس هى كويسة جدا

مصطفى_منصور

11-01-01 10:14 AM

رد: ما هي افضل بندقية ممكن شرائها

و لو عايز حاجة فى حدود 1000 او 1100 السلافيا التشيكى مالهاش حل جميلة جدا الصيادين القدام بيقولوا عليها الخرساء علشان ملهاش صوت تقريبا فى منها 630 و 634

tiger_chan

11-01-02 06:32 PM

رد: ما هي افضل بندقية ممكن شرائها

اشكرك جدا علي مجهودك...افهم من كده ان ديانا 54 افضل بندقية ممكن شرائها في مصر

chemist ahmed fathy

11-01-02 06:41 PM

رد: ما هي افضل بندقية ممكن شرائها

ديانا 54 فيها حاجه مش موجوده فى اى بندقيه هى لو من جهه القوه ففى بنادق مماثله ليها فى القوه ولكن ديانا 54 الى بيميزها عن غيرها من البنادق من اى ماركه او من مثيلاتها حتى من البنادق نظام الريكويل بتعها الى مبيخليش للبندقيه اى رد فعل يذكر مما يجعلها من افضل البنادق من وجه نظر الخبراء بس مشكلتها حاجه البندقيه دى وهى وزنها تقيله وبتتعب الصياد بسرعه بس اقلك حاجه دى بينى وبين نفسى بقلها بس حقللهالك ورزقى على الله انا لو معايا تمن البندقيه دى مش حشتريها بصراحه وحشترى البى اس ايه سوبر ستار او جلود ستارلان الماركه دى بالذات وهى البى اس ايه دقيقه جدا جدا واخف من الديانا وفى نفس قوتها غير ان السعر اقل منها ومع كل الى قلتهولك شوف انت قلبك يميل لايه واعمله .

msa_79

11-01-02 06:45 PM

رد: ما هي افضل بندقية ممكن شرائها

فعلا الديانا بالرغم من قوتها الفائقه الا انها يعبها ثقل وزنها يعني مينفعش تمشي بيها كتير

خط الصعيد

11-01-02 07:20 PM

رد: ما هي افضل بندقية ممكن شرائها

الزى ما الاخوة قالو فعلا الدينا ملهاش حل بس برضو البى اس بندقية جبارة بمعنى الكلمة لو هتشترى اشترى فى المضمون يا دينا يا بى اس ابعد عن الصينى حط فلوسك فى حاجة تستاهل و تعيش

مختار

11-01-02 07:44 PM

رد: ما هي افضل بندقية ممكن شرائها

ياجماعه أنا استعملت البى اس الأنجليزى والكومتا الأسبانى والجامو سى اف 20 والرمسيس والمعادى وبنادق اخرى مش عارف نوعها نظرا لصغر سنى فى هذا الوقت وحاليا معايا الديانا 52 وبصراحه لا تقارن بأى بندقية أخرى وبالنسبه للوزن تعودت عليه بعد فتره قليله من الاستعمال وهى بندقيه قويه جدا ودقييقه وأسف جدا على الاطاله

tiger_chan

11-01-03 09:45 PM

رد: ما هي افضل بندقية ممكن شرائها

جزاك الله كل خير و اشكرك علي مجهودك.

الساعة الآن 06:42 AM