|
موضوع يتعلق بالمشاريع
مساء الفل على احلى واجمل اعضاء
النهاردة عايز احكيلكم على حاجة كنت قاعد مع واحد صاحبى وبنتكلم ونتناقش حول موضوع ان فية شباب كتير قاعدة من غير شغل واحنا بنتكلم افتكرت انا حاجة عن عضو هنا كان طرح فكرة حلوة اوى وهى ان الشاب ممكن ياجر محل ولو صغير ويفتحة مثلا لتاجير الاجهزة الرياضية طبعا ممكن نقيس على كدة حاجات كتيرة غير الاجهزة الرياضية لكن صاحبى دة قالى على حاجة احلى من كدة كمان بيقولى ان ممكن اوى 2 او 3 شباب ياجروا محل مثلا ويتفتح للتموين والناس تيجى كل شهر تاخد التموين بيقولى انتا عارف البقال اللى بيشتغل فى الحوار دة بياخد على كل بطاقة بيصرفها من زيت وسكر وشاى بياخد 5 جنية شوف بقة كام بطاقة تموين بيتم صرفها فى اليوم بس الحقيقة احنا مش عارفين ازاى الواحد يبتدى فى المشروع دة وفى الاول يروح فين بحيث ان يكون لية سجل تجارى من خلالة يكون هو البقال اللى بيصرف التموين للناس فى منطقة معينة ارجو الافادة من السادة الاعضاء الحلويين وشكرا |
رد: موضوع يتعلق بالمشاريع
والله فكرة جميلة جدا
وبصراحة انا اول مرة اسمع عن 5 جنيه علي كل بطاقة بس لو الكلام ده صح يبقي اتوكل ع الله وهتعيش ملك |
رد: موضوع يتعلق بالمشاريع
شكرا اخى الغالى
بس يا ترى الاول نروح فن انهى موسسة حكومية علشان الترخيص والمفروض الواحد يكون معاة كام يعنى شوية تفاصيل كدة عن حوار التموين دة |
رد: موضوع يتعلق بالمشاريع
علي ما اعتقد تروح وزارة التموين والتجارة الداخلية
وتبدا تسأل عن الاجراءات والاوراق المطلوبة وربنا يكرمك ان شاء الله |
رد: موضوع يتعلق بالمشاريع
طب كلام مضبوط بس ياترى تفتكر المفروض الواحد يبدا بكام بس خد فى الاعتبار ان احنا 3 شباب
يعنى كل واحد مننا المفروض يكون معاة كام |
رد: موضوع يتعلق بالمشاريع
اقتباس:
هيتاجر بكام وهياخد بضاعة اد ايه ومش عارف والله كبداية هتحتاج كام |
رد: موضوع يتعلق بالمشاريع
تسلم يا غالى على تفاعلك ومجهودك فى الرد على بس عايز اسالك صحيح بخصوص الصورة اللى فيها الضباط دول
هل انتا ضابط قوات خاصة مثلا وانتا واحد من الثلاثة دول |
رد: موضوع يتعلق بالمشاريع
اقتباس:
لا انا كان يبقي ليا الشرف والله |
رد: موضوع يتعلق بالمشاريع
اصل انا من ساعت ما شفت الصورة بتاعت الضباط ولقيت نفسى من غير ما اشعر لقيت نفسى عمال بقول وبصوت عالى
تسلم الايادى تسلم يا جيش بلادى حتى الجيران جنبنا عمالين يزعقوا اهو وانا ولا حياة لمن تنادى ههههههههههههههههههههههاى |
رد: موضوع يتعلق بالمشاريع
على ما اعتقد بتحتاج موافقات كتير وزارة التموين والمجلس المحلى او مجلس المدينه بس او خطوه على ما اعتقد بتكون من مجلس المدينه
|
رد: موضوع يتعلق بالمشاريع
اقتباس:
يا باشا يارب تسلم الايادي دايما |
رد: موضوع يتعلق بالمشاريع
اعتقد ان الاجرائات مش هتبفى سهله وممكن تحتاج واسطه
|
رد: موضوع يتعلق بالمشاريع
احلى اعضاء فى احلى منتدى على النت كلة
مساء الفل والورد عليكم جميعا ومتشكر على ردودكم ومجهوداتكم فى الرد على بس انا عايز حد منكم يتكلم مع واحد صاحبى ويقنعة لان دماغة ناشفة ومصمم على ان احنا ال3 نشارك معاة مهو احنا 3 انا وواحد صرفنا نظر عن الموضوع نظرا لشدة التعقيدات وصعوبة الاجراءات فى الحصول على التراخيص والتسهيلات وعلى فكرة فية واحد قريبى كنت بكلمة النهاردة بيقولى انة مشروع جامد جدا وممكن الواحد يبقى مليونير منة وفية لعب كتير وفية زى ما بنقول كدة بلغة المصريين فية زواريق وفية حوارى بس فى نفس الوقت اى غلطة فى مشروع البقال بتاع التموين دة اى غلطة فيها حبس على طول او لو تم اللعب بالبطايق او مكررات التموين من زيت وسكر تعتبر جنائية ولا اية رايكم |
رد: موضوع يتعلق بالمشاريع
مش عارف ليه حاسس انك غريب الاطوار يا استاذ ابن الوطن
هو نعرف صاحبك علشان نكلمه |
رد: موضوع يتعلق بالمشاريع
انا بقول كدة على سبيل المجاز يعنى مش هيحصل فعلان
ثم يعنى اية انا غريب الاطوار يعنى انتا تقصد انى مش طبيعيى مثلا |
رد: موضوع يتعلق بالمشاريع
وبعدين انا ردك دة خلانى استغربت من حاجة
انا بتكلم وبعرض موضوع وبقول محتوى الموضوع واية اللى حصل المفروض انى بلاقى ردود من ناس محترمة لكن انتا دخلت على الموضوع بتاعى وبنتقدنى مش دية تعتبر غريبة شوية منك مين فينا بقة اللى غريب الاطوار |
رد: موضوع يتعلق بالمشاريع
يجماعه بالراحه بس على بعض مينفعش كده !
|
رد: موضوع يتعلق بالمشاريع
لا سبنى يا ال big man
مينفعش كدة وانا قلت كذا مرة ان غضبى شديد ومرعب دة حتى بتاع الفول عندنا فى المنطقة اول ما بيشوفنى جاى من بعيد بيطلع يجرى زى الصاروخ |
رد: موضوع يتعلق بالمشاريع
اقتباس:
ولا بياخدها معاه؟؟؟؟؟؟؟؟؟؟؟؟ |
رد: موضوع يتعلق بالمشاريع
مهو يا ابو معاذ يا جميل لما هو بيطلع يجرى اول ما انا بصدق واروح على طول زى الصاروخ اعملى ثلاثة اربع اطباق لاحسن اخوك مفجوع
هههههههههههههاى |
| الساعة الآن 03:51 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir