الصيد فى مصر

خطورة الفرد الخرطوش الصناعة المحلية
فى الاونة الاخيرة حدث انفلات امنى لم تشهده البلاد وتهافت بعض المصريين على اقتناء العديد من الاسلحة للدفاع عن النفس ومنها بالطبع فرد الخرطوش الذى يصنع محليا فى ورش بير السلم كما يطلقون عليها ولفرد الخرطوش هذا مخاطر عديدة
الفرد الخرطوش اللى موجود ف مصر معظمه اذا مش كله صناعة محلى فبالتالى اول مشكله فيه انه مش هيكون مرخص باى حال من الاحوال وده لاسباب كتير منطقية واهمها انه هيكون خالى من اى عنصر من عناصر الامان ببساطه لانه مصنوع كده بالبركة من غير مقايسة ولا مواصفات ولا تصاريح ولا..................الخ
وبما انه من غير مقايسة او مواصفات موحده انتشرت صناعته فى ورش الخراطة ومصانع بير السلم يعنى هتلاقى الفرد اللى فى السوق السوداء له اشكال عديدة ويصنع من خامات كثيرة منها خامات معقوله وقد يكون ليس له اضرار فنيه
لكن هنا هتكون الخطورة ف عدم وجود امان بالمرة بالاضافة لقصر طول الماسورة اللى هتخلى مجموعة البلى هتفرش على ارتفاع قريب جدا من الفرد يعنى ممكن تصيب اى حد قريب من المحيطين بالشخص اللى هيستعمله وخاصة اذا بيضرب فى فرح او اى مكان زحمه ده عيب والعيب التانى ان ممكن يكون فرد من خامات كويسة بس مافيش اى مسافة فاصلة بين الابرة والشاكوش(الطارق) يعنى بتضرب اول خرطوشة واذا هتضرب التانيه اذا نسيت ترجع الشاكوش قبل ما تعمر الخرطوشة التانيه يبقى انتهت لان بمجرد انك تقفل الفرد هتحتك الابرة بكبسولة الخرطوشة وهتنطلق تلقائى بشكل مباغت وهنا الفرد نفسه هينطلق بالاتجاه المعاكس لشدة رد الفعل بالاضافة لجملة من المصابين اللى هتصيبهم الخرطوشة ده بعد ما تدمر ايد اللى بيستخدمه ده ف احسن الظروف اذا بتستخدم فرد من صناعة واحد فنان او محترف اما لو بتستخدم فرد مصنوع من مواد رديئة وماسورة ميه (مصنوع بغرض تجارى )او مش على ايد محترف هنا اكيد حجات كتير هتحصل زى ان الماسورة ممكن تنفجر ولك ان تتوقع حجم الخسارة ليك وللشخص القريب منك ولو حظك كويس والماسورة صمدت لعدة طلقات ممكن يحصل ارتداد نارى ناتج عن تسرب الغاز للخلف وده بيكون بسبب عيوب فنية من المصنع مع ردائة الخامات واكيد هنا كمان هيحصلك اصابة وف افضل الظروف اذا ما قابلكش ده كله ممكن ينوبك جرح ف قبضة ايدك اللى بتضرب بيها وده نتيجة لشدة رد فعل الفرد وخاصة اذا عيار 16 وخرطوش مستورد مش مصرى وده بيكون بسبب ان الفرد حتى لو اتصنع من خامات جيده جدا وعلى ايد محترف ما بيكونش مر باى حسابات لتوزيع رد الفعل الناتج عن الانفجار وهنا ممكن رد الفعل يتركز كله ع نقطه واحده بايدك وقد تكون اضعف مكان بايد المستخدك زى المكان ما بين السبابة والابهام سهل جدا انه يتفتح ومش هيكون جرح سهل ابدا
نفس الحال ينطبق على اجراء تعديلات بمسدسات الصوت لأن مسدس الصوت مصنع من الانتمونيا عكس الحي سباءك صلب حرارى لتحمل قوة الانفجار والحرارة و الضغط الناتج لانفجار الطلقة