الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   عايز أعرف البندقية كرال التركى بتتفك أزاى (http://www.egyhunt.net/showthread.php?t=4394)

سامى الحسينى 11-01-04 12:06 AM
عايز أعرف البندقية كرال التركى بتتفك أزاى
 
الأخوة الأعزااااااء


حاولت أفك البندقية كرال التركى معرفتش


فكيت المسمار اللى جنب الزناد وحاولت أفصل الدبشك عن الجزء الحديد والماسورة وفشلت


فيه حاجة ماسكة من ناحية الماسورة مش عارف أيه هيه ومش باينة

السؤااااال

عايز أفصل الدبشك عن الجزء المعدنى أفصله أزااااى

وشكرااااااااااا

adel152 11-01-04 01:39 AM
رد: عايز أعرف البندقية كرال التركى بتتفك أزاى
 
1 مرفق
اقتباس:
المشاركة الأصلية كتبت بواسطة سامى الحسينى (المشاركة 42368)
الأخوة الأعزااااااء


حاولت أفك البندقية كرال التركى معرفتش


فكيت المسمار اللى جنب الزناد وحاولت أفصل الدبشك عن الجزء الحديد والماسورة وفشلت


فيه حاجة ماسكة من ناحية الماسورة مش عارف أيه هيه ومش باينة

السؤااااال

عايز أفصل الدبشك عن الجزء المعدنى أفصله أزااااى

وشكرااااااااااا

استاذ سامى
الجزء الحديد مربوط فى الدبشك ب3 مسامير.
حضرتك حليت واحد (الخلفى الى جنب الزناد) فى مسمارين أماميين خلف الغطاء البلاستيك من كل جانب. أنا عملت لك علامه باللون الأصفر للغطاء الموجود فى الجانب اليمين تحت الغطاء مسمار وتحت غطاء الجانب الشمال المسمار الثالث.
للعلم الغطاء البلاستيك متركب كبس فى الدبشك بأربع ظوافر بلاستيك فكن حريص فى حله علشان ماتكسرش الأظافر البلاستيك المثبته للغطاء.

لو حضرتك عايز اى معلومة اخرى أنا تحت أمرك.
تحياتى

محمود شلبي 11-01-04 02:09 AM
رد: عايز أعرف البندقية كرال التركى بتتفك أزاى
 
بجد يا جماعه الكل متعاون وهو دة الى مطلوب من الجميع والكرال جميله وسهله

تيمور777 11-01-04 03:38 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة محمود شلبي (المشاركة 42373)
بجد يا جماعه الكل متعاون وهو دة الى مطلوب من الجميع والكرال جميله وسهله

فعلا احسنت الزميل العزيز ا / محمود شلبى . هذا هو المطلوب حقيقى . ( تحياتى )

Cap. Wael Galal

msa_79 11-01-04 09:47 AM
رد: عايز أعرف البندقية كرال التركى بتتفك أزاى
 
ماشاء الله يا أستاذ عادل علي الرد الوافي المدعم بالصور بصراحة مفيش أسهل ولا أوضح من كده

adel152 11-01-04 10:30 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة محمود شلبي (المشاركة 42373)
بجد يا جماعه الكل متعاون وهو دة الى مطلوب من الجميع والكرال جميله وسهله
استاذ محمود
العمود الفقرى لأى منتدى هو التعاون وتبادل المعلومات والخبرة بين الأعضاء.
فعلا البندقية الكرال بندقية جميلة ولو أتنظفت من الداخل من رايش وزيت المصنع وأتغيرلها السوستة (قبل ما تكسر) بسوستة جامو 35 حلقة حتكون اجمل بكتير وده عن تجربتى الشخصية.

adel152 11-01-04 10:31 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة msa_79 (المشاركة 42389)
ماشاء الله يا أستاذ عادل علي الرد الوافي المدعم بالصور بصراحة مفيش أسهل ولا أوضح من كده
شكرا لزوق حضرتك فى الرد ياأستاذ محمد.

msa_79 11-01-04 10:47 AM
رد: عايز أعرف البندقية كرال التركى بتتفك أزاى
 
طب سؤال يا أستاذ عادل هيا السوسته لازم بتتكسر؟ ولو ده صحيح بعد حوالي قد ايه بتتكسر.

adel152 11-01-04 12:59 PM
رد: عايز أعرف البندقية كرال التركى بتتفك أزاى
 
1 مرفق
اقتباس:
المشاركة الأصلية كتبت بواسطة msa_79 (المشاركة 42392)
طب سؤال يا أستاذ عادل هيا السوسته لازم بتتكسر؟ ولو ده صحيح بعد حوالي قد ايه بتتكسر.
أستاذ محمد
سوستة الكرال حتتكسر حتتكسر. بعد قد أيه دى مسألة وقت وأستعمال. أنا قريت فى مواقع اوروبية انها أتكسرت بعد 100 رشاية و500 رشاية وفى الأستاذ المحترم احمد عاصم mido_23279 السوستة عنده أكسرت وغيرها من شهر تقريبا. وساعات السوستة تتكسر من غير ماتحس باى تغيير فى البندقية وده خطر جدا لأن الفتات من الحديد المكسور ممكن يأثر على جدار البندقية من الداخل.
ودى صورة السوستة المكسورة وأعتقد أنها بتتكسر فى نفس المكان فى أغلب الأحيان وهو الجزء الأخير من السوستة من الخلف تقريبا وراء الزناد.
تحياتى.

msa_79 11-01-04 01:33 PM
رد: عايز أعرف البندقية كرال التركى بتتفك أزاى
 
شكرا جزيلا أستاذ عادل علي الاجابة الوافيه وأكون شاكر لو توضح ليا وللأخوة الأعضاء سعر السوسته الجامو ومكان يكون مضمون نشتريها منه وجزاك الله خيار

mohamed shawkat 11-01-04 01:34 PM
رد: عايز أعرف البندقية كرال التركى بتتفك أزاى
 
استاذ عادل ممكن تقولي اجيب الساستة منين الجامو ال35 حلقة وبكام ولك جزيل الشكر

mohamed shawkat 11-01-04 01:35 PM
رد: عايز أعرف البندقية كرال التركى بتتفك أزاى
 
انا جابت البندقية دية وهي منطقية جدا وقوية وقادرة على عمل كل الي بتعملة البنادق الهاي بور بظبط

msa_79 11-01-04 01:41 PM
رد: عايز أعرف البندقية كرال التركى بتتفك أزاى
 
كنت مع ابن خالي في الفيوم ووقفنا علي البحيرة وقلنا نضرب ببندقيتي ال مارفيك وبندقيته الكرال ونشوف مدي كل بندقية الرشه هاتقع في الميه فين بظبط
النتيجه مفيش فرق تقريبا نفس المدي(طبعا مع ملاحطة ان المارفيك قديمه عن الكرال)
بصراحه هيا فعلا بندقية تقدر تصطاد بيها كل اللي نفسك فيه (في مصر طبعا)

avensis2010 11-01-04 04:58 PM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة adel152 (المشاركة 42390)
استاذ محمود
العمود الفقرى لأى منتدى هو التعاون وتبادل المعلومات والخبرة بين الأعضاء.
فعلا البندقية الكرال بندقية جميلة ولو أتنظفت من الداخل من رايش وزيت المصنع وأتغيرلها السوستة (قبل ما تكسر) بسوستة جامو 35 حلقة حتكون اجمل بكتير وده عن تجربتى الشخصية.
شكرا لك أستاذ/ عادل على حسن التعاون و جزاك الله خيراً
1-بس كنت عايز أعرف هل ضروري أن ننظف البندقية قبل الإسنخدام ؟مع العلم أن الأسناذ / شريف أبو ضيف أكد لي أن ذلك ليس ضروري لأن البندقية جاية متشحمة جاهزة
2-أما بخصوص السوسنة هل ينفع نضع لها سوستة ديل ذي التل المجري؟
مع جزيل الشكر

adel152 11-01-04 09:21 PM
رد: عايز أعرف البندقية كرال التركى بتتفك أزاى
 
أستاذ محمد msa والأستاذ محمد شوكت شكرا على ردود حضرتكم.
أنا أشتريت السوسته من محل الحاج محمد فتح الله شارع سعد زغلول أسكندرية وثمنها 100 جنيه وأكدولى فى المحل أنها جامو أصلى. أنا باتعامل معاهم من فترة وهذا المحل أهل ثقة بالنسبة لى (والله وأعلم).

أستاذ avensis
أنا حليت بندقيتى بعد شهر من شرائها وكانت ضربت حوالى علبة رش 100 رشه.
لكن أنصح بحلها فى أسرع وقت ممكن لأنى لقيت رايش كتير مختلط مع زيت المصنع.
السوستة التل تقريبا 43 حلقة والسوسته الأصلى 35 زى الجامو بالضبط.

سامى الحسينى 11-01-04 11:09 PM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة adel152 (المشاركة 42371)
استاذ سامى
الجزء الحديد مربوط فى الدبشك ب3 مسامير.
حضرتك حليت واحد (الخلفى الى جنب الزناد) فى مسمارين أماميين خلف الغطاء البلاستيك من كل جانب. أنا عملت لك علامه باللون الأصفر للغطاء الموجود فى الجانب اليمين تحت الغطاء مسمار وتحت غطاء الجانب الشمال المسمار الثالث.
للعلم الغطاء البلاستيك متركب كبس فى الدبشك بأربع ظوافر بلاستيك فكن حريص فى حله علشان ماتكسرش الأظافر البلاستيك المثبته للغطاء.

لو حضرتك عايز اى معلومة اخرى أنا تحت أمرك.
تحياتى
أيه الجمال والحلاوة دى

أنت رائع

أشكر حضرتك حدااااااااااااااااااااا

mahmoudalaa 11-01-05 12:35 AM
رد: عايز أعرف البندقية كرال التركى بتتفك أزاى
 
يا جماعة انا مبتدئ و جبت البندقية الكرال من حوالي اسبوعين وضربت حوالي 350 رشاية وانتو الاتوني من حكاية السوستة دي ومش عارف اعمل اية بس الصراحةالبندقية دي 10علي10

mohamed shawkat 11-01-05 08:05 AM
رد: عايز أعرف البندقية كرال التركى بتتفك أزاى
 
استاذ عادل شكرا لردك وكالعادة اجاباتك شافية وافية وشكرا جزيلا مرة اخرى

avensis2010 11-01-05 08:45 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة adel152 (المشاركة 42459)
أستاذ محمد msa والأستاذ محمد شوكت شكرا على ردود حضرتكم.
أنا أشتريت السوسته من محل الحاج محمد فتح الله شارع سعد زغلول أسكندرية وثمنها 100 جنيه وأكدولى فى المحل أنها جامو أصلى. أنا باتعامل معاهم من فترة وهذا المحل أهل ثقة بالنسبة لى (والله وأعلم).

أستاذ avensis
أنا حليت بندقيتى بعد شهر من شرائها وكانت ضربت حوالى علبة رش 100 رشه.
لكن أنصح بحلها فى أسرع وقت ممكن لأنى لقيت رايش كتير مختلط مع زيت المصنع.
السوستة التل تقريبا 43 حلقة والسوسته الأصلى 35 زى الجامو بالضبط.
شكراً أستاذ عادل علي الإفادة ولي سؤال أخر معلش تحملني شوية
ما هي أحسن سوستة من حيث القوة و التحمل التي تصلح لمثل هذا المدفع التركي؟
BSA , diana , Gamo , Norica , Relum ,Webley

adel152 11-01-05 09:41 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة mahmoudalaa (المشاركة 42469)
يا جماعة انا مبتدئ و جبت البندقية الكرال من حوالي اسبوعين وضربت حوالي 350 رشاية وانتو الاتوني من حكاية السوستة دي ومش عارف اعمل اية بس الصراحةالبندقية دي 10علي10
استاذ محمود
مافيش داعى للقلق لو حضرتك ماعندكش خبرة فى حل وتركيب البندقية خدها لشريف فى شبرا وهو حيعمل اللازم من تنظيف وتغيير للسوسته.

adel152 11-01-05 10:32 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة avensis2010 (المشاركة 42488)
شكراً أستاذ عادل علي الإفادة ولي سؤال أخر معلش تحملني شوية
ما هي أحسن سوستة من حيث القوة و التحمل التي تصلح لمثل هذا المدفع التركي؟
BSA , diana , Gamo , Norica , Relum ,Webley
استاذ Avensis
على قد معلوماتى القليلة جدا فى هذا المجال اعتقد أنسب سوسته هى الجامو 35 حلقة. لأن البندقية تقليد للجامو. كل سوسته ليها مواصفات يجب اخذها فى الاعتبار وهى مسافة القطر الخارجى - مسافة القطر الداخلى - سمك حديد السوسته - طول السوسته وعدد حلاقتها.
القطر الخارجى ناقص القطر الداخلى مع قسم الناتج على 2 = سمك الحلقة.
يعنى مثلا لو فرضنا أن السوسته نتاعتنا
قطرها الخارجى = 21مم
قطرها الداخلى = 14مم
سمك الحلقة = 21 - 14 =7 7/2 = 3.5مم
طول السوسته = 27سم
عدد الحلقات = 35
لو حضرتك لقيت نفس مواصفات السوسته المطلوب تغييرها فى أى نوع أنجليزى المانى اسبانى مجرى.....الخ حتركب بدون أى مشكلة.

أسف على الأطالة
تحياتى

mahmoudalaa 11-01-05 05:29 PM
رد: عايز أعرف البندقية كرال التركى بتتفك أزاى
 
انا شاكر جدا يا استاذ عادل علي الافادة

avensis2010 11-01-05 08:27 PM
رد: عايز أعرف البندقية كرال التركى بتتفك أزاى
 
شكراً أستاذ عادل على المساعدة

Mr.EmOo 11-01-24 12:12 PM
رد: عايز أعرف البندقية كرال التركى بتتفك أزاى
 
ياريت يا استاذ عادل رقم حضرتك علشان لو فية استفسارات

وجزاك الله عنا كل خير

mlikhunter 11-01-24 07:29 PM
رد: عايز أعرف البندقية كرال التركى بتتفك أزاى
 
السلام:انا جربت الكرال بندقية رش جيده وقويه تخترق علبة بويه من بعد 15 متر وبالتنظيف والتزييت تقاوم اكثر
هذه صوره لها
http://www.iraqup.com/up/20110124/bu..._611778688.JPG

بدر 11-01-24 08:20 PM
رد: عايز أعرف البندقية كرال التركى بتتفك أزاى
 
الاخ الفاضل
ممكن اعرف المنظار اللى راكب نوعة اية

mlikhunter 11-01-24 09:34 PM
رد: عايز أعرف البندقية كرال التركى بتتفك أزاى
 
السلام عليكم: يااخي يابدر المنظار نوع بوشنيل نوعيه جيده وفيه تغيير لون الصليب الداخلي اخضر واحمر للظلام
صورتهhttp://www.iraqup.com/up/20110124/GH..._341378806.JPG

talha 11-02-05 07:14 PM
رد: عايز أعرف البندقية كرال التركى بتتفك أزاى
 
معلومات قيمة جدا

بدر 11-02-06 12:59 PM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة mlikhunter (المشاركة 44381)
السلام عليكم: يااخي يابدر المنظار نوع بوشنيل نوعيه جيده وفيه تغيير لون الصليب الداخلي اخضر واحمر للظلام
صورتهhttp://www.iraqup.com/up/20110124/gh..._341378806.jpg
شكرا يا أخى
وانا جبت البندقية فعلا فى هذة الاحداث نفس اللون وهركب عليها ان شاء الله نفس المنظار ان شاء الله

mlikhunter 11-02-09 09:05 PM
رد: عايز أعرف البندقية كرال التركى بتتفك أزاى
 
السلام:الله يعينكم يااخي يابدر ومبروك الكرال هو المنظار ده انا اشوفه كبير على الهوائيه مداه بعيد . ممكن تلقى انواع ابسط وخاص للبنادق الرش الهوائيه وخذلك نفس القاعده تمنع حركة المنظار ويثبت تمام .
سعره بحدود 22$ عندنا في العراق تعرف عندنا مافي كمرك بلد سايب.
الله يحفظ مصر البطله لاني احبها كثير

بدر 11-02-09 09:11 PM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة mlikhunter (المشاركة 45855)
السلام:الله يعينكم يااخي يابدر ومبروك الكرال هو المنظار ده انا اشوفه كبير على الهوائيه مداه بعيد . ممكن تلقى انواع ابسط وخاص للبنادق الرش الهوائيه وخذلك نفس القاعده تمنع حركة المنظار ويثبت تمام .
سعره بحدود 22$ عندنا في العراق تعرف عندنا مافي كمرك بلد سايب.
الله يحفظ مصر البطله لاني احبها كثير
احبك الله وحفظ الامة العربية. وسعدنا بك وسط اخوانكم فى بلدكم التانى مصر.والحمد لله لقد اشتريت اليوم منظار bsa .وركبتة للبندقية بس لسة بضبطة. تحياتى

mlikhunter 11-02-10 09:23 PM
رد: عايز أعرف البندقية كرال التركى بتتفك أزاى
 
سلام:مبروك اخي الناظور الجديد في فديو باليو تيوب طريقة تصفير الناظور ممكن تستعين به(ولو هو شغله بسيطه)

wataweet 11-02-21 02:21 PM
رد: عايز أعرف البندقية كرال التركى بتتفك أزاى
 
السلام عليكم انا كنت عاوز اسأل هل من الممكن تركيب المنظار ال Bushnell الاكبر مقاس 3 - 9 * 50 و ايه الفرق بينهم و السعر كام تقريباً ؟

wataweet 11-02-21 02:24 PM
رد: عايز أعرف البندقية كرال التركى بتتفك أزاى
 
و ياريت اعرف الفرق بين ال BSA و Bushnell و ايهما افضل

sky.line_2010 11-02-21 11:29 PM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة بدر (المشاركة 45301)
شكرا يا أخى
وانا جبت البندقية فعلا فى هذة الاحداث نفس اللون وهركب عليها ان شاء الله نفس المنظار ان شاء الله
السلام عليكم استاذ بدر ممكن اعرف من حضرتك انت اشتريت الكرال من اى محل فى القاهرة وسعرها بعد الاحداث الاخيره وجزاك الله خيرا

مصراويي 11-02-22 11:35 PM
رد: عايز أعرف البندقية كرال التركى بتتفك أزاى
 
أشكركم جميعا للمعلومات القيمة التي يتم ذكرها في هذا المنتدى الرائع
مبروك يا أستاذ بدر على الكرال والله يحفظك ويباركلك فيها.. ممكن تقوللي سعرها كام خصوصا بعد الأحداث الأخيرة خصوصا وإني ناوي أجيبها بعد ما الناس شكرت فيها جدا.
أنا دلوقتي معايا بندقية رمسيس نمرة واحد بس هي قديمة شوية، صنع الجمهورية العربية المتحدة..هههه
بس أنا حاسس انها في الفترة الأخيرة فقدت جزء كبير من قوتها.. كمان النشان بتاعها مش مضبوط.. وعايز أعرف اذا من الممكن أصلحها..متهيألي انه لازم تتغيرالسوستة والجلبة... ياريت تساعدوني وترشدوني أصلحها فين؟؟ علما بأني من اسكندرية.. وشكر لكل الناس اللي في المنتدى

بدر 11-02-23 12:05 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة sky.line_2010 (المشاركة 48576)
السلام عليكم استاذ بدر ممكن اعرف من حضرتك انت اشتريت الكرال من اى محل فى القاهرة وسعرها بعد الاحداث الاخيره وجزاك الله خيرا
الاخ الكريم
اعذرنى فى التأخر على الرد
انا ياسيدى كنت ضحية لاحد المحال التى استغلت الاحداث الاخيرة مع العلم ان نفس المحل كان عامل عرض للمنتدى ب1000 جنية وانا اخدتها منة ب ....... بلاش الله يكرمك تقلب عليا المواجع ولكن الاخ هشام سمير يبعها للاعضاء بسعرها الطبيعى وكمان الدبشك البنى. تحياتى

Consul 11-02-23 12:26 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة مصراويي (المشاركة 48859)
أشكركم جميعا للمعلومات القيمة التي يتم ذكرها في هذا المنتدى الرائع
مبروك يا أستاذ بدر على الكرال والله يحفظك ويباركلك فيها.. ممكن تقوللي سعرها كام خصوصا بعد الأحداث الأخيرة خصوصا وإني ناوي أجيبها بعد ما الناس شكرت فيها جدا.
أنا دلوقتي معايا بندقية رمسيس نمرة واحد بس هي قديمة شوية، صنع الجمهورية العربية المتحدة..هههه
بس أنا حاسس انها في الفترة الأخيرة فقدت جزء كبير من قوتها.. كمان النشان بتاعها مش مضبوط.. وعايز أعرف اذا من الممكن أصلحها..متهيألي انه لازم تتغيرالسوستة والجلبة... ياريت تساعدوني وترشدوني أصلحها فين؟؟ علما بأني من اسكندرية.. وشكر لكل الناس اللي في المنتدى
بارك الله فيك أخي الحبيب...لا تقلق أخي الحبيب...البندقية عندى ولها أكثر من 40 سنة وبسم الله ما شاء الله زي الفل عروسة في الكوشة مع باقي أخواتها الخواجات ( وللعلم لم أغير لها السوستة )...وكل ما عليك أن تفعله أن تفكها وتنظفها جيدا من الداخل وتغير لها الجلبة الزفرة فقط لو مهرية ومقطعة بأخرى جديدة وتزيتها جيدا ( الجلبة )وتشحم البستن بلمسة خفيفة من الشحم وكذلك السوستة...والجلبة عند بيت الرش لو مسطحة وليس بها بروز أو مهرية غيرها أيضا...ترجع زي الفل...لا تلعب أو تغير وزنية النيشان...البندقية ليست مظبوطة لأنها فقدت قوتها...بمجرد ما تنظفها وتعملها صيانة ها تظبط معاك...صدقني...خالص تحياتي...

بدر 11-02-23 12:42 AM
رد: عايز أعرف البندقية كرال التركى بتتفك أزاى
 
[QUOTE=Consul;48882]بارك الله فيك أخي الحبيب...لا تقلق أخي الحبيب...البندقية عندى ولها أكثر من 40 سنة وبسم الله ما شاء الله زي الفل عروسة في الكوشة مع باقي أخواتها الخواجات
السلام عليكم ورحمة الله وبركاتة
منور المنتدى سعادة القنصل . تقبل تحياتى ومرورى

مصراويي 11-02-23 01:19 AM
رد: عايز أعرف البندقية كرال التركى بتتفك أزاى
 
أستاذي القنصل.. أشكرك لسرعة الرد ولكن للأمانة ليس عندي أي خبرة في الفك أو التنظيف، حيث أني لم أقم مطلقا بفكها أو تشحيمها طوال فترة اقتنائي لها، أعتقد أن هذه المعلومات أساسية لكل صياد فهل من الممكن شرح خطوات الفك والتنظيف، أو من الأفضل صيانتها وتنظيفها لدى متخصص و أتمنى منك ترشيح مكان في الاسكندرية..
بالمناسبة ماهي سرعة المقذوف؟ والمدى المؤثر؟ وهل ترشح لي الكرال حيث علمت انها قوية ومداها كبير؟ أشكرك بشدة، كما أشكر الاستاذ بدر للمرور والتعليق

Consul 11-02-23 04:28 AM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة مصراويي (المشاركة 48900)
أستاذي القنصل.. أشكرك لسرعة الرد ولكن للأمانة ليس عندي أي خبرة في الفك أو التنظيف، حيث أني لم أقم مطلقا بفكها أو تشحيمها طوال فترة اقتنائي لها، أعتقد أن هذه المعلومات أساسية لكل صياد فهل من الممكن شرح خطوات الفك والتنظيف، أو من الأفضل صيانتها وتنظيفها لدى متخصص و أتمنى منك ترشيح مكان في الاسكندرية..
بالمناسبة ماهي سرعة المقذوف؟ والمدى المؤثر؟ وهل ترشح لي الكرال حيث علمت انها قوية ومداها كبير؟ أشكرك بشدة، كما أشكر الاستاذ بدر للمرور والتعليق
العفو أخي الحبيب...نحن جميعا أخوة وكلنا أسرة واحدة...الرمسيس عيار 4.5 ( نمرة 1 ) سرعتها 128-140 م/ث أفضل مدي للصيد بها 20-30 متر...بالنسبة لشرح طريقة فك البندقية أول مرة يستحسن طبعا أن يكون معك أحد أو تذهب بها لفني وتراقبه بعينك وتعرف خطوات وطريقة الفك والصيانة...وأرجو أن تقبل إعتذاري لأنني في القاهرة ولا أعرف فنيين في الإسكندرية...أرجو من الأخوة الأعزاء الأفاضل الإسكندرانيين وأخص بالذكر حبيب قلبي وإبني الغالي الكيميائي أحمد فتحي أن يفيدوك بفني متخصص...بالنسبة للكرال التركي...طبعا هذا يرجع لإمكانياتك المادية...عموما أقضل الفايبر البني بلون الخشب خامتها أنظف وتقفيلها أفضل ...وهي من البنادق القوية ( الهاي باور ) وسرعتها في عيار 5.5 ( نمرة 2 ) 240 م/ث حدود سعرها 1000-1100 جنيه...سعرها بالنسبة لخامتها وقوتها وإمكانياتها مقارنة بمثيلاتها من الماركات العالمية الشهيرة يعتبر ممتاز...الخالص تحياتي...

مصراويي 11-02-23 08:25 PM
رد: عايز أعرف البندقية كرال التركى بتتفك أزاى
 
اقتباس:
المشاركة الأصلية كتبت بواسطة consul (المشاركة 48930)
العفو أخي الحبيب...نحن جميعا أخوة وكلنا أسرة واحدة...الرمسيس عيار 4.5 ( نمرة 1 ) سرعتها 128-140 م/ث أفضل مدي للصيد بها 20-30 متر...بالنسبة لشرح طريقة فك البندقية أول مرة يستحسن طبعا أن يكون معك أحد أو تذهب بها لفني وتراقبه بعينك وتعرف خطوات وطريقة الفك والصيانة...وأرجو أن تقبل إعتذاري لأنني في القاهرة ولا أعرف فنيين في الإسكندرية...أرجو من الأخوة الأعزاء الأفاضل الإسكندرانيين وأخص بالذكر حبيب قلبي وإبني الغالي الكيميائي أحمد فتحي أن يفيدوك بفني متخصص...بالنسبة للكرال التركي...طبعا هذا يرجع لإمكانياتك المادية...عموما أقضل الفايبر البني بلون الخشب خامتها أنظف وتقفيلها أفضل ...وهي من البنادق القوية ( الهاي باور ) وسرعتها في عيار 5.5 ( نمرة 2 ) 240 م/ث حدود سعرها 1000-1100 جنيه...سعرها بالنسبة لخامتها وقوتها وإمكانياتها مقارنة بمثيلاتها من الماركات العالمية الشهيرة يعتبر ممتاز...الخالص تحياتي...

تحية واحتراما لأستاذي الغالي
لقد عملت بنصيحتك و راسلت الأستاذ الكيميائي أحمد فتحي على الخاص وأتمنى أن أجد عنده ردا لسؤالي ان شاء الله..
أتمنى أن يكون للمنتدى طلعة أسبوعية أو شهرية في كل محافظة حتى نتعرف على أسرتنا الحبيبة و منتدانا الجميل واقبلوني بينكم فلقد أحببتكم وأحببت روح التعاون والمساعدة فيما بينكم..

خالص تحياتي


الساعة الآن 01:53 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir