الصيد فى مصر - الفتاكة bam 21

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - الفتاكة bam 21 (http://www.egyhunt.net/showthread.php?t=4403)

Mahmoud

11-01-05 12:36 AM

الفتاكة bam 21

5 مرفق

اخواني الاعزاء اعضاء المنتدى الكرام

عرض خاص لاعضاء المنتدى الكرام بندقية بام 21 5.5 السرعة 950 قدم جديدة تماما بحالة الزيرو بالكرتونة و الكتالوج مضروب بيها علبة رش بروماجنوم مطلوب 1600 جنيه
للاتصال : 0101620375
و اسيبكم مع الصور

تيمور777

11-01-05 01:46 AM

رد: الفتاكة bam 21

بندقية جميلة و بيع و شراء مبارك و موفق باذن الله . محمود باشا : لى استفسار بعد اذنك و هو اذا كان هذا النوع يقبل التعديل بتغير السوستة بنظيرتها من الديانا بغض النظر عن اى اثار جانبية على الأمد البعيد ?? . ولسيادتكم جزيل الشكر . (تحياتى يا باشا )

Cap. Wael galal

بندق	11-01-05 02:18 AM

رد: الفتاكة bam 21

السلام عليكم
بسم الله ماشاء الله بالتوفيق في البيع
السلام عليكم

بندق	11-01-05 02:21 AM

رد: الفتاكة bam 21

اقتباس:

المشاركة الأصلية كتبت بواسطة تيمور777 (المشاركة 42474)

السلام عليكم
ا/تيمور البندقيه قويه جدا مش محتاجه تغيرلها سوسته وممكن السوسته بتاعت الديانا تجيب اثر عكسي وتكون حمل زائد علي جسم البندقيه
السلام عليكم

تيمور777

11-01-05 03:04 AM

رد: الفتاكة bam 21

الاستاذ العزيز/ بندق :
شكرا لمروركم الكريم الغالى جدا جدا. و لكن سؤالى واضح و استفسارى ما زال قائما !!. ( تحياتى يا باشا )
و السلام عليكم ورحمة الله وبركاته .

Cap. Wael galal

chemist ahmed fathy

11-01-05 03:46 AM

رد: الفتاكة bam 21

السلام عليكم
كان ليا استفسار هل البندقيه دى لو اتركبلها تليسكوب هل يثبت عليها ولا لا وجزاكم الله خيرا .

تيمور777

11-01-05 04:45 AM

رد: الفتاكة bam 21

الزميل العزيز احمد باشا :
صباح الخير يا باشا . البندقيه فعلا جميلة و انا كنت شفتها عند فتح الله منذ حوالى عام وجربتها فى المحل بس كانت عيار 1.77 وكان رد الفعل معقول و لا يخل بتنسيق التليسكوب . اضف لهذا طبعا وجود المسطرة المثبتة اعلى البستم بالخلف و هو نظام ممتاز لتقليل رد الفعل اسوه بالماركات الاعلى ثمنا و ليس جودة فكل له مميزات و عيوب . و هذا بالاضافه لحسن عملية التركيب والاغلاق من المستخدم من حيث ..... بين كلا من ( التليسكوب , قاعدة جسم التليسكوب , القاعدة بالسلاح سواء مسطرة مفرغة الاجناب كما هو الحال هنا او حفر متوازى على اجناب البستم الخلفية .... الخ )

( تحياتى احمد باشا والسلام عليكم ورحمة الله )

Cap. Wael galal

avensis2010

11-01-05 08:21 AM

رد: الفتاكة bam 21

مبروك يا أستاذ محمود على المارفيك وعقبال الديانا و ال b s a

mimic

11-01-05 09:38 AM

رد: الفتاكة bam 21

الأول السلام عليكم ورحمة الله وبركاته ............
ثانيا اعتذر عن عدم مشاركتي في المنتدى في الأيام أو الشهور الماضية وذلك لكثرة المهاترات التي وجدتها وحرصا أن لا اتدخل في هذه المهاترات وخصوصا انني كنت ارى بعض التعديات والإسلوب الغير لائق في الحوار ........

ثالثا : البندقية بيتركبلها فعلا تليسكوب لأنها فيها امجرى يسمح بتركيب تليسكوب عليها.... انا معايا بام 21 بس اول لما تشتريها هتروح بيها عند شريف اللي في 100 شارع شبرا وتقولو يربطهالك ويظبطلك الدراع لأنه مش بيقفل زي الديانه لما تشدوا وتحط الرشة وتيجي تقفلو مش بيثبت وده مش عيب دي حاجة بتتربط عند شريف مش هتاخد منو 5 دقايق ... انا مركب عليها تليسكوب جامو وزي الفل معايا...
هيا فعلا قوية جدا جدا جدا انا ضارب بيها لغايت دلوقتي 12 علبة رش برومجنوم يعني تقريبا 3000 رشة وما زالت زي الفل كل اللي عملتو اني ودتها عند شريف اول مره ربطهالي وكنت عايز اغيرلها سوسته ديانا 52 طفاسة مني مش أكتر والله ولكن الراجل قالي حرام عليك مش محتاج تغيرلها حاجة ... وعلى فكرة هيا وزنها ممكن تحس انو تقيل شوية بس ايدك هتاخد عليها ... انا فكيت التليسكوب وبقيت بضرب بيها فاضية بدون التليسكوب ولاقيت ان التجميع بيكون اسرع وادق ده بالنسبالي ... وهيا فعلا ليها ردت فعل بس مع عصرة الصباع اثناء الضرب وثبات الواحد مش بحس بيه خالص او يمكن احساسي بيكون بردة فعلها ضعيف ....

بالنسبة للأخ اللي سأل عن السوسته هيا فعلا بيتركبلها سوسته ديانا 52 ومش بتأثر عليها خالص بل يمكن بالعكس هتحس انها بقت ديانا بالظبط ... ده كلام شريف بتاع محل شبرا اللي بعتبرو استاذ ورئيس قسم التصليح في مصر ... وبشهادة الأخوة الافاضل الخبراء هنا في المنتدى..

هشام سمير

11-01-05 09:48 AM

رد: الفتاكة bam 21

اقتباس:

المشاركة الأصلية كتبت بواسطة mimic (المشاركة 42490)

اهلاً بعودتك لبيتك واخوانك مره تانيه سألين الله عز وجل ان ينحى من بينن كل الخلافات

Mahmoud

11-01-05 09:55 AM

رد: الفتاكة bam 21

عزيزي استاذ/ mimic ، اخواني الاعزاء

انا فعلا وديت البندقية ده اول ما جبتها لشريف و قام بهذه التظبيطات و ربط كل الناشنكات و غير مساميرها و البندقية مسنونة تماما و خالية من اي عيب و بعد تربيط نشاناتها بقيت بضرب بيها اهداف بعيدة و تكاد تكون مستحيلة و ربنا يبارك لصاحب النصيب

Mahmoud

11-01-05 09:57 AM

رد: الفتاكة bam 21

عزيزي الكيميائي / أحمد فتحي

البندقية من البنادق المثالية في تركيب المنظار و ده مش علشان بندقيتي و الله بس هي بها مسطرة اعلى البستم تجعل ثبات المنظار اعلى من اي بندقية اخرى

hany salem

11-01-05 12:18 PM

رد: الفتاكة bam 21

اقتباس:

المشاركة الأصلية كتبت بواسطة mimic (المشاركة 42490)

بصراحة كلامك جميل جدا

Consul

11-01-05 12:51 PM

رد: الفتاكة bam 21

اقتباس:

المشاركة الأصلية كتبت بواسطة chemist ahmed fathy (المشاركة 42480)

السلام عليكم
كان ليا استفسار هل البندقيه دى لو اتركبلها تليسكوب هل يثبت عليها ولا لا وجزاكم الله خيرا .

كنت مركبه فعلا ولكن لقوة البندقية ورد فعلها كان يتحرك ويرجع للخلف...لضعف المسامير الألنكيه لربط وتثبيت التليسكوب على البندقية...أولا كان لزاما أن أغيرها بمسامير أخري صلب نفس المقاس والسن ويكون رأس الربط صليبة وليس ألانكيه...ثانيا لابد من تركيب ستوبر لمنع إنزلاق ورجوع التليسكوب وهذا ما قمت بعمله وأصبح فعلا ثابتا في مكانه...خالص تحياتي...

chemist ahmed fathy

11-01-05 06:09 PM

رد: الفتاكة bam 21

ازى حضرتك يا استاذ جمال ليك وحشه والله ايوه انا فاكر فعلا انك كان عندك تليسكوب ومثبتش عليها بس الحمد لله اهو ثبت بس يا استاذ جمال هل بعد اما بتضرب بيهخا كذا ضربه النيشان بيفضل ثابت ولا بيتغير بفعل رد فعل البندقيه ؟

Mahmoud

11-01-05 06:10 PM

رد: الفتاكة bam 21

القنصل بنفسه عنده بندقيتي

طيب اعمل ايه دلوقتي ده شرف كبير لي انا مش قده ، ده انا كده هفكر احتفظ بيها و مبيعهاش
اشكرك كثيرا على المرور بموضوعي

Mahmoud

11-01-05 06:12 PM

رد: الفتاكة bam 21

اسمحلي ارد على حضرتك يا استاذ/ احمد

انا اخدت البندقية ده اول ما اشتريتها و رحت على شريف بتاع صيانة الاسلحة و هو عمل اللازم ز غير كل مسامير الناشنكات بمسامير ثابتة و لا اجد فيها اي اختلاف مع تكرار الضرب الان حيث انها اصبحت ثابتة زي الحديد

Consul

11-01-05 06:28 PM

رد: الفتاكة bam 21

اقتباس:

المشاركة الأصلية كتبت بواسطة mahmoud (المشاركة 42546)

أخي العزيز الأستاذ محمود...بارك الله فيك أخي الحبيب...الشرف لي أنا...ومن حسن حظي أن أشارك في موضوعك..وأن أقتني نفس نوع وموديل بندقيتك...وبعدين...أنت تشرف بلد بحالها...تقبل خالص تحياتي وتقديري واحترامي...

Consul

11-01-05 06:36 PM

رد: الفتاكة bam 21

اقتباس:

المشاركة الأصلية كتبت بواسطة chemist ahmed fathy (المشاركة 42545)

أخي العزيز الغالي الكيميائي أحمد فتحي...الله يبارك فيك حبيب قلبي...أنا بخير والحمد لله وأنت واحشني والله كتير...الحمد لله التليسكوب أصبح ثابتا ولا يتحرك من مكانه...وكأنه والبندقية قطعة واحدة...تقبل خالص تحياتي وتقديري واحترامي...

chemist ahmed fathy

11-01-05 06:39 PM

رد: الفتاكة bam 21

انا قصدى يا استاذ جمال النيشان نفسه مش التليسكوب ككل يعنى لو انت ظبطته على عشرين متر وضربت بيه خمسين ضربه مثلا هل بيتغير النيشان ولا ثابت زى ما هو ؟

Consul

11-01-05 07:01 PM

رد: الفتاكة bam 21

اقتباس:

المشاركة الأصلية كتبت بواسطة chemist ahmed fathy (المشاركة 42550)

فهمت قصدك حبيب قلبي...لو التليسكوب إللي عندك نوع قديم أي أنه ليس به تدرج للمسافات والأبعاد أو العمق الميداني ( Depth of Field ) ستحتاج إلي التعديل...ولكن كل التليسكوبات الحديثة يوجد بها هذا التدرج وبذلك حلت هذه المشكلة...الخلاصة أنه يتم ظبطه مرة واحدة مع البندقية...وبعد ذلك يستخدم التدرج الموجود داخل التليسكوب...سواء في المسافات القريبة أو البعيدة...وأنت عموما في التليسكوب العادي الذي تم ظبطه على 20 متر مثلا...وتريد أن تصطاد على بعد 30 متر...ترفع مقدمة ماسورة البندقية لأعلى قليلا بحيث يكون المؤشر ونقطة الكروس في التليسكوب فوق وأعلي الهدف...وهكذا...كلما بعد الهدف إرتفعت بمقدمة ماسورة البندقية...وطبعا هذا يكتسب بالخبرة والتدريب...أرجو أن أكون وفقت في التوضيح وأفدتك...خالص تحياتي...

chemist ahmed fathy

11-01-05 07:05 PM

رد: الفتاكة bam 21

جزاك الله كل الخير يا استاذ جمال طيب حسال حضرتك سؤال تانى لو حضرتك بفرض انك مش معاك الا مبلغ الفين جنيه فقط ومتقدرش تجيب غيرهم ايه البندقيه الى على طول حتختارها من غير تفكير وتشتريها ؟

Consul

11-01-05 07:16 PM

رد: الفتاكة bam 21

اقتباس:

المشاركة الأصلية كتبت بواسطة chemist ahmed fathy (المشاركة 42554)

دول حتي كتير...ومش عايزهم كلهم...يكفيني من 1600-1800 جنيه...ومن غيير تفكير أجيب بام 21 أو 22...لأنها نسخة وتقليد الديانا 52...مع إختلاف الخامة والإسم التجاري والشهرة...ويمكن أن تصيد بها طيور كبيرة وحتي أرانب ومن مسافات بعيدة...مدفع بصحيح وعلى حق سرعتها 950 قدم أي تقريبا 290م/ث...ودقيقة أيضا بعد تثبيت الناشنكان الخلفي وتغيير المسامير الخاصة به...ولو المبلغ أقل وفي حدود 1000 جنيه بس...أشتري الكرال التركي أم دبشك بنى بلون الخشب...خامتها وتشطيبها مش بطال وقوية 240 م/ث...خالص تحياتي...

chemist ahmed fathy

11-01-05 07:21 PM

رد: الفتاكة bam 21

جزاك الله كل الخير يا استاذ جمال واتمنى لك دوام الصحه والعافيه وربنا ما يحرمنا من نصائحك القيمه لينا واسأل الله ان يعلمنا جميعا ما ينفعنا وان ينفعنا بما علمنا اللهم امين .

البهواشى

11-01-05 07:58 PM

رد: الفتاكة bam 21

السلام عليكم
اولا اشكر اعضاء المنتدى الرائع وعلى راسهم الاستاذ جلال لانة بصراحة حل لى مشكلتى بهذة الكلمات البسيطة
فانا معى بندقيه b2 الصينى واريد ان اشترى بندقية اخرى تكون افضل واقوى وانا معى الان 1300 ج وكنت حائر بين الانواع والان اقتنعت بكلام استاذنا جلال فسوف اصبر قليلا واجمع ثمن بام 21 أو 22 بس يا ريت حد يدلنى على محل اسعارة كويسة ويكون مضمون ويا ريت كل الى عندة بام 21 أو 22 يذكر عيوبها ومميزاتها
وجزاكم الله كل خير

البهواشى

11-01-05 08:20 PM

رد: الفتاكة bam 21

اسف على هذا الخطأغير المقصود لانى كتبت ا/جلال وانا اقصد ا/ جمال معكامل احترامنا للجميع
ولى استفسار بسيط يا ريت ا/ جمال وكل من يمتلك بام 21 أو 22 يعرفنا ايه الفرق بين بام 21 و بام 22

osama2011

11-01-05 09:49 PM

رد: الفتاكة bam 21

لا يوجد اي فارق بين البام21 والبام22 الا في الدبشك فقط وحتي السعر واحد

تيمور777

11-01-06 03:01 AM

رد: الفتاكة bam 21

اقتباس:

المشاركة الأصلية كتبت بواسطة mimic (المشاركة 42490)

شكرا الزميل العزيز على اجابة الاستفسار .. ( تحياتى )

Cap. Wael galal

Consul

11-01-06 03:41 AM

رد: الفتاكة bam 21

اقتباس:

المشاركة الأصلية كتبت بواسطة البهواشى (المشاركة 42559)

إبني الغالي الأستاذ بهواشي...لا داعي وليس هناك سبب للإعتذار...فأنت لم تسبني لا سمح الله...والأستاذ جلال عمدتنا وعمدة الصيادين وأخونا الغالي...بالنسبة للبام 21 أو 22 قد يرى البعض ويعيب عليها ثقل وزنها 4.6 كجم...وكذلك ثقل العتلة الجانبية ( ذراع التعمير ) وفي الإجمال إشيع عنها أن من يقتنيها يجب أن يكون رياضي وصحته مساعداه...طبعا كلام فيه شيئ من المبالغة ولكن يجب أن تنظر إليه بإعتبار وتأخذه في الحسبان...حتى لا تصدم...فهى شديدة فعلا...وتحتاج لشخص ثقيل وثابت على الأرض...وإن كانت خبرتك محدودة أو وزنك خفيف...فأنصحك بالكرال التركي عيار 5.5 ( نمرة 2 ) أم دبشك بني بلون الخشب خامتها وتشطيبها وتقفيلها أحسن وأنظف من الرمادي...فهي أيضا بندقية قوية وخفيفة الوزن وإمكانياتها عالية بالنسبة لسعرها في حدود 1000 جنيه...شرفتنا ونورتنا وأسعدتنا بوجودك معنا وبيننا...خالص تحياتي...

osama2011

11-01-06 04:12 AM

رد: الفتاكة bam 21

جزاك الله خيرا اخي الكبير القنصل علي ردودك الرائعة واعتقد انك أصلح انسان للاشراف علي المنتدي والرأي الاول والأخير للادارة

تيمور777

11-01-06 05:05 AM

رد: الفتاكة bam 21

الزميل العزيز و الأخ الأكبر الاستاذ جمال نصر :
اسمح لى ان اسجل اعجابى بشخصكم الكريم و ادبكم الرفيع الجم و ( مشاركاتكم المثمرة الجميلة ) بالفعل سيدى حضرتكم قدوة عظيمة على ان الادب و الأخلاق فوق العلم .

و لك منى كل الاحترام و التقدير .

Cap. Wael galal

البهواشى

11-01-06 12:19 PM

رد: الفتاكة bam 21

السلام عليكم اخوانى الصيادين
اشكركم جميعا واخص بالشكر استاذنا جمال نصر واريد ان اوضح له بعض الامور واستفسر عن امور اخرى
اولا انا لم اجرب بنادق كسر وكل الى اتعملت معاة من البنادق البنادق ذات العتله (الصينى طبعا ) لانى سمعت ان البنادق ذات الماسورة الثابتة بتكون افضل ولهذا فكرت فى bam 21 او bam22 (وذالك حفاظا على عدم اعوججاج الماسورة .
ثانيا انا اذهب الى الصيد فى اماكن شبه صحراوية وبالتالى فأنا اضرب على مسافات بعيدة
اما استفسارى هل البنادق الكرال التركى فيها موديلات بعتلة ولو مفيش غير الكسر هل ذلك يوثر على الماسورة وبالتالى يؤثر على دقة البندقية فى النشان
ويا ريت حد يقول لنا اخبار الدقه فى البنادق دى اية (يعنى الbam 21 او bam22 ادق ام الكرال ادق) فأنا من عشاق الدقة فى النشان
ارجوا الافادة وترشيح اى من البندقيتين
ولكم جزيل الشكر

Consul

11-01-06 04:33 PM

رد: الفتاكة bam 21

اقتباس:

المشاركة الأصلية كتبت بواسطة البهواشى (المشاركة 42631)

بارك الله فيك أخي العزيز الأستاذ البهواشي...كقاعدة عامة ومعلومة نعرفها جميعا...أي بندقية حتي لو ماركة عالمية ومشهورة وغالية الثمن...لو لم يتم تجربتها وظبطها جيدا...لن تكون دقيقة...ولله الحمد الموجودين عندي مظبطهم ودقيقين في النيشان...وتجميعهم للنيشان سريع...
بالنسبة لاعوجاج الماسورة فهذا وارد في جميع البنادق...وليس بقاصر علي أنواع بعينها...فلابد أن تكون حريصا ألا تعرض ماسورة البندقية لأي صدمات أو خبطات أو أن تقع وتسقط عليها...وعلى رأي أخونا العزيز وعمدتنا الغالي جلال بك...لا توجد بندقية لا يوجد بها عيوب...المهم أن تفهمها وتعرف كيف تستغل إمكانياتها وتحافظ عليها وتواظب علي تنظيفها وصيانتها...ونصيحتي لك في حالة الصيد على أهداف بعيدة وأماكن شبه صحراوية...أرشح لك البام سواء 22أو21 الإثنين نفس القوة والدقة والخامة والثقل...بالنسبة للكرال التركي حسب علمي الموجود هنا فقط الكسر...وهي أيضا بندقية قوية ودقيقة وسرعتها 240م/ث وأرشح لك أم دبشك بني بلون الخشب خامتها أنظف وتقفيلها أحسن...ولكن أرجع وأذكر البام أقوى وأشد...وكله طبعا تشتريه عيار 5.5 ( نمرة 2 ) خالص تحياتي وصيد مبارك إن شاء الله...

Consul

11-01-06 04:54 PM

رد: الفتاكة bam 21

اقتباس:

المشاركة الأصلية كتبت بواسطة osama2011 (المشاركة 42602)

اقتباس:

المشاركة الأصلية كتبت بواسطة تيمور777 (المشاركة 42603)

أخوتي الأعزاء الأفاضل...الأستاذ أسامة...الأستاذ تيمور...بارك الله فيكم وبكم وعليكم...أشكركم طبعا علي ثقتكم الغالية...ولكن سعادتي وفرحتي في مكاني هنا وكما أنا...بينكم ووسطكم ومعكم...لأشعر بكم وأنعم بدفئكم...وأستفاد وأتعلم منكم ومن حواراتكم ومناقشاتكم...تقبلوا خالص تحياتي وتقديري واحترامي...

البهواشى

11-01-06 05:54 PM

رد: الفتاكة bam 21

السلام عليكم اخوانى الصيادين
اشكرك يا ا/ جمال على المعلومات القيمة فأنا فعلا احتاج الى خبرة سيادتك كى استطيع ان اشترى بندقية جيدة
فبناء على توجيهاتك سوف اصبر قليلا وان شاء الله سوف اشترى الbam 21 او bam22 ما دمت حضرتك تشكر فيها وصالحة للاهداف البعيدة .
ويا ريت كل من استخدم الbam 21 او bam22 يذكر عيوبها ومميزاتها
واشكر الجميع على التفاعل واخص بالشكر استاذى/ جمال
ووفق الله الجميع الى كل خير

osama2011

11-01-06 08:35 PM

رد: الفتاكة bam 21

ليس هناك ادني فارق بين البام21 و22
وعيبها انها ثقيلة
ولا يوجد لها اي عيوب اخري طبعا بعد تربيط البندقية بالكامل عند شريف شارع شبرا وبالأخص الناشينكاه الخلفي وهذه المشكله موجود حتي بالديانا لقوة رد فعل البندقية غير كده لا يوجد اي فارق بين البام والديانا الالماني باستثناء طبعا الخامات في الديانا من الجودة بحيث لا تقارن مع البام

البهواشى

11-01-07 04:54 PM

رد: الفتاكة bam 21

الاستاذ صاحب المشاركه السابقه هل دا مكان صحيح للمشاركه بتاعت حضراتكم الرجاء المشاركه فى نفس الموضوع
والرجاء من الاداره حذف المشاركات البعيدة عن صلب الموضوع فهذا المنتدى للصيد والصيادين وشكرا

adel152

11-01-07 06:21 PM

رد: الفتاكة bam 21

اقتباس:

المشاركة الأصلية كتبت بواسطة consul (المشاركة 42708)

أستاذنا المحترم جمال بك
اعتقد الكرال العتلة موجودة حاليا فى مصر بس غالية شوية سمعت انها 2200 جنيه.
تحياتى

البهواشى

11-01-07 07:14 PM

رد: الفتاكة bam 21

السلام عليكم يا اجمل صيادين
استاذadel152 ممكن حضرتك تذكر اين يوجد الكرال الى بعتلى يعنى بيتباع فى اى محل
وشكرا

dr mohamed kamal

11-01-07 07:31 PM

رد: الفتاكة bam 21

اقتباس:

المشاركة الأصلية كتبت بواسطة adel152 (المشاركة 42812)

أستاذنا المحترم جمال بك
اعتقد الكرال العتلة موجودة حاليا فى مصر بس غالية شوية سمعت انها 2200 جنيه.
تحياتى

هى نفس القوة 240م/ث عيار 22

هشام سمير

11-01-07 08:46 PM

رد: الفتاكة bam 21

اقتباس:

المشاركة الأصلية كتبت بواسطة البهواشى (المشاركة 42815)

السلام عليكم يا اجمل صيادين
استاذadel152 ممكن حضرتك تذكر اين يوجد الكرال الى بعتلى يعنى بيتباع فى اى محل
وشكرا

موجوده عندى اخى الكريم بسعر
للاستعلام
0117228817

البهواشى

11-01-07 08:55 PM

رد: الفتاكة bam 21

اتمنى ان تكتب لنا مواصفاتها واخبار الدقة اية وكل شىء عنها وسعرها
وشكرا اخى هشام

adel152

11-01-07 08:56 PM

رد: الفتاكة bam 21

اقتباس:

المشاركة الأصلية كتبت بواسطة هشام سمير (المشاركة 42825)

موجوده عندى اخى الكريم بسعر
للاستعلام
0117228817

أزيك ياأستاذ هشام
طبعا السعر لازم يكون أقل من السوق ولا أيه ؟؟؟؟؟؟
تحياتى

ابو مروان

11-01-07 09:00 PM

رد: الفتاكة bam 21

يا اخوانى الصيادين انا ما جربتش البنادق اللى بعتلة وليا سؤال
انهو الاسرع فى التعمير اللى بعتلة والا الكسر؟

Consul

11-01-07 09:02 PM

رد: الفتاكة bam 21

اقتباس:

المشاركة الأصلية كتبت بواسطة هشام سمير (المشاركة 42825)

موجوده عندى اخى الكريم بسعر
للاستعلام
0117228817

أخي العزيز الأستاذ هشام...موجودة عندك بكام وإيه رقم الموديل...ويا ريت لو عندك صور والعيار والسرعة...وهل الدبشك خشب ولا فايبر...وجزرة ولا شباك...والعتلة سفلية ولا جانبية...خالص تحياتي...

البهواشى

11-01-07 09:05 PM

رد: الفتاكة bam 21

انا عندى بعتلة والحمد لله سريعة جدا فى التعمير ومن مميزات البناد ق الى بعتلة انها بتكون دقيقة جدا وذلك لثبات الماسورة والحمل كله بيكون على ذراع التعمير

adel152

11-01-07 09:05 PM

رد: الفتاكة bam 21

اقتباس:

المشاركة الأصلية كتبت بواسطة ابو مروان (المشاركة 42831)

يا اخوانى الصيادين انا ما جربتش البنادق اللى بعتلة وليا سؤال
انهو الاسرع فى التعمير اللى بعتلة والا الكسر؟

الكسر أسرع فى التعمير

Consul

11-01-07 09:09 PM

رد: الفتاكة bam 21

اقتباس:

المشاركة الأصلية كتبت بواسطة ابو مروان (المشاركة 42831)

يا اخوانى الصيادين انا ما جربتش البنادق اللى بعتلة وليا سؤال
انهو الاسرع فى التعمير اللى بعتلة والا الكسر؟

الكسر طبعا أسرع في التعمير...وإللي بعتلة بتبقي بجزرة زي BSA air sporter mk7 أو شباك زي Diana Air King 54.تحياتي...

Consul

11-01-07 09:17 PM

رد: الفتاكة bam 21

اقتباس:

المشاركة الأصلية كتبت بواسطة dr mohamed kamal (المشاركة 42818)

هى نفس القوة 240م/ث عيار 22

لو نفس القوة...أنا عن نفسي أفضل الكسر...لأن العتلة بها ذراع ومفصلات ووصلات أكثر وقابلة للكسر والتلف السريع سواء بالإستعمال العادي أو بسوء الإستعمال...وكذلك مكان تلقيم الرش بيكون إما جزرة أو شباك وطبعا قابلة وعرضة للتنفيس وعدم الإحكام أكثر...وتحتاج صيانة وخدمة أكثر...

ابو مروان

11-01-07 09:19 PM

رد: الفتاكة bam 21

شكرا جناب القنصل ودة راى يحترم _وانا كمان زى حضرتك بافضل الكسر (احيانا الرشة لا تصيب الطائر والواحد بيحب يعمر بسرعة قوى وساعات الواحد بيبقى متلخبط هههههه حضرتك اكيد مريت بالشعور دة _الكسر الواحد بيعمرها وهو مغمض

هشام سمير

11-01-07 09:30 PM

رد: الفتاكة bam 21

اقتباس:

المشاركة الأصلية كتبت بواسطة adel152 (المشاركة 42830)

أزيك ياأستاذ هشام
طبعا السعر لازم يكون أقل من السوق ولا أيه ؟؟؟؟؟؟
تحياتى

اخى الاكبر وحبيبى وفاكهة المنتدى كلام حضرتك سيف على رقبتى وحتى لو مش ارخص من السوق لازم نرخصها استجابه لامرك

Consul

11-01-07 09:36 PM

رد: الفتاكة bam 21

اقتباس:

المشاركة الأصلية كتبت بواسطة adel152 (المشاركة 42812)

أستاذنا المحترم جمال بك
اعتقد الكرال العتلة موجودة حاليا فى مصر بس غالية شوية سمعت انها 2200 جنيه.
تحياتى

أخي العزيز الأستاذ عادل...طبعا يبقي سعرها غالي كده...عند مين بالسعر ده...ولو سعرها كده فعلا...أنا في رأيي إللي عايز يشتري يبقي يجيب البام 21 أو 22 أقوى وأحسن وأرخص طبعا...

adel152

11-01-07 09:37 PM

رد: الفتاكة bam 21

اقتباس:

المشاركة الأصلية كتبت بواسطة هشام سمير (المشاركة 42846)

اخى الاكبر وحبيبى وفاكهة المنتدى كلام حضرتك سيف على رقبتى وحتى لو مش ارخص من السوق لازم نرخصها استجابه لامرك

أخى الحبيب هشام
ربنا يديم المعروف يارب.
وعلشان خاطر ابومروان واستاذنا الكبير ا/جمال انا حأعمل موضوع جديد فيه صورلمجموعة السلاح بتاعى. لغاية لما احد الصيادين يضع صور للصيد.
بالتوفيق ان شاء الله.
تحياتى.

هشام سمير

11-01-07 09:38 PM

رد: الفتاكة bam 21

اقتباس:

المشاركة الأصلية كتبت بواسطة consul (المشاركة 42832)

عمنا سيادة السفير طلابات حضرتك اوامر
كرال ماجنوم 003
عيار 5.5
السرعه واحده
الدبشك خشب
والعتله سفليه وتعمل بنظام البوابه وهى تشبه السى فى اكس رويال كثيراً
اما بخصوص السعر فهو اقل من المحلات 250 جنيه وانا مواجه لاى سعر

ابو مروان

11-01-07 09:38 PM

رد: الفتاكة bam 21

شكرا يا استاز عادل (ايوة كدة ) نعنش المنتدى_هههههههههه

هشام سمير

11-01-07 09:41 PM

رد: الفتاكة bam 21

اقتباس:

المشاركة الأصلية كتبت بواسطة consul (المشاركة 42848)

سيادة السفير السعر ان شاء الله اقل من السعر الذى ذكره الاستاذ عااادل بكثيــــــــــــــــــــــــــــــــر

adel152

11-01-07 09:44 PM

رد: الفتاكة bam 21

اقتباس:

المشاركة الأصلية كتبت بواسطة consul (المشاركة 42848)

أستاذ جمال
أنا سمعت السعر على منتدى أخر من احد الأعضاء وأعتقد أن البندقية موجودة فى الأسكندرية.
أنا لم أستعمل البام للحكم عليها لكن بالتأكيد كلام حضرتك صح %100 لو المشترى يقدر على وزن البام أكيد البام بسعرها الحالى أحسن.

الغريب أن الأسعار المفروض ماتفرقش بين الكسر والعتلة لأن مواصفات البندقية واحدة والأختلاف فى طريقة التعمير فقط.

تحياتى

Consul

11-01-07 09:46 PM

رد: الفتاكة bam 21

اقتباس:

المشاركة الأصلية كتبت بواسطة هشام سمير (المشاركة 42850)

والله أنا عارف انك قد القول يا أبو هشام...وعارف انك راجل قنوع مش طماع...بارك الله فيك...إخوانك شباب ومن سنك وإنت أدرى الناس بالحال...وبظروف إخوانك...

هشام سمير

11-01-07 09:47 PM

رد: الفتاكة bam 21

اقتباس:

المشاركة الأصلية كتبت بواسطة adel152 (المشاركة 42857)

كلام حضرتك مظبوط جداً يا استاذ عادل والفرق ان شاء الله فرق الدبشك الخشب من الفيبر

والبوابه ودراع التعمير هههههه

Consul

11-01-07 10:04 PM

رد: الفتاكة bam 21

اقتباس:

المشاركة الأصلية كتبت بواسطة adel152 (المشاركة 42857)

بارك الله فيك أخي الحبيب...حاجة غريبة والله الأتراك دول...إللى لاحظته إن تقريبا الموديلات كلها لها أرقام مختلفة ولكن الماكينة واحدة...والإختلاف فقط في شكل الدبشك ولونه ونوعه...ونوع واحد بس بعتلة...نصيحتي للشباب...خليكوا في أم دبشك بني بلون الخشب...حنينة وبنت حلال وتعمر في البيت...وأحلى وصحتها أحسن من السوداء...

adel152

11-01-07 10:12 PM

رد: الفتاكة bam 21

اقتباس:

المشاركة الأصلية كتبت بواسطة consul (المشاركة 42863)

انا وضعت صورة الكرال بتاعتى فى قسم الصور مخصوص لأبومروان وحضرتك.
تحياتى

Consul

11-01-07 10:19 PM

رد: الفتاكة bam 21

...مبروك عليك...وربنا يديك خيرها ويكفيك شرها...هأروح أشوفها...بس مافيناش من غيرة...أنا صعيدي ما تخافش...

Mahmoud

11-01-10 05:44 PM

رد: الفتاكة bam 21

يا جماعة انا متشكر جدا انكوا وجدتوا من موضوعي هذا حلقة للنقاش عن النادق الكرال ربنا يبارك لاستاذ هشام في بيعه اللي بيعرضه و استاذ عادل في البندقية اللي بيفكر فيها و ترسانة الاسلحة بتاعته و الاستاذ جمال في ارائه الجميلة و اقتراحاته للاخوة الاعضاء دون ادني اهتمام ان هذا الموضوع يخص الاعلان عن بندقية اخرى تخصني ، انا لم و لن احتكر هذا الموضوع لبيع بندقيتي البيع و الشراء ده رزق من عند الله بس انا راضي ذمتكم و راضي ذمتك انت بالذات يا استاذ هشام سمير لو ده اعلان لبندقيتك هتبقى مبسوط و الناس بتبيع و تشتري في بندقية تانية على نفس الموضوع بتاعك ، ربنا يسهل للناس جميعا ، و الله يرحم الادارة السابقة و تعليماتها و اقتراحاتها

هشام سمير

11-01-10 06:41 PM

رد: الفتاكة bam 21

اقتباس:

المشاركة الأصلية كتبت بواسطة mahmoud (المشاركة 43053)

اخى الكريم الاستاذ محمود والله انا غفلت تماماً ارجوك اعزرنى وسامحنى وانا فعلاً معترف بخطائى الشخصى وانا هذا الوضع لو فى عرض لى كنت رفضته تماماً رجاءً يا استاذ محمود تعيد وضع عرضك فى سوق المنتدى مرة اخرى حتى نلفت الاداره لهذا الموضوع

Consul

11-01-10 06:50 PM

رد: الفتاكة bam 21

أخي العزيز الأستاذ محمود...حبيب قلبي والله أنا آسف عندك حق طبعا...الكلام أخدنا ونسينا نفسنا...حقك علينا أرجوك ما تزعلش إنت لك معزة خاصة وماحدش يقصد حاجة والله...العفو من شيم الكرام...سامحنا...بس أنا ملاحظ إنك أضفت النوريكا مارفيك جولد...مبروك عليك جبتها إمتي ومن أين...تحياتي...

adel152

11-01-10 10:04 PM

رد: الفتاكة bam 21

اقتباس:

المشاركة الأصلية كتبت بواسطة mahmoud (المشاركة 43053)

أستاذ محمود حضرتك عندك حق مليون % .
أنا أسف جدا على ردودى للأعضاء فى موضوع بيع بندقية حضرتك. أرجو أن تتقبل أسفى على هذا الخطأ الغير مقصود.
تحياتى.

adel152

11-01-11 07:48 AM

رد: الفتاكة bam 21

اقتباس:

المشاركة الأصلية كتبت بواسطة Mahmoud (المشاركة 42470)

UP UP uP UP

osama2011

11-01-12 01:56 AM

رد: الفتاكة bam 21

عندك حق يا استاذ محمود واحنا كلنا بنعتذر ليك

Mahmoud

11-01-12 09:52 AM

رد: الفتاكة bam 21

انا متشكر جدا لردكم و شعوركم الجميل و مفيش زعل بين اخواتي و حبايبي اعضاء المنتدى الكريم الكرام و على الاخص الاستاذ جمال و الاستاذ / هشام سمير و الاستاذ/ عادل و اسامة و اود ان ابلغك يا قنصل انني مجبتش المارفك لسة و لا حاجة و انا اوعد حضرتك لو عترت لها على طريق يبقى لازم يكونوا اتنين مش واحدة

Consul

11-01-13 04:13 AM

رد: الفتاكة bam 21

اقتباس:

المشاركة الأصلية كتبت بواسطة mahmoud (المشاركة 43231)

بارك الله فيك أخي الحبيب...ده العشم برضو...وبصراحة إللي هايشتري البام ها يكسب مدفع وبندقية قوية ومعمرة ويعتمد عليها...مبارك البيع والشراء إن شاء الله...تحياتي...

tamer_tatow

11-02-26 12:28 AM

رد: الفتاكة bam 21

هو العرض ما زال قائم ولا خلاص يا ستاذ محمود

Mahmoud

11-02-27 10:36 AM

رد: الفتاكة bam 21

اقتباس:

المشاركة الأصلية كتبت بواسطة tamer_tatow (المشاركة 49788)

هو العرض ما زال قائم ولا خلاص يا ستاذ محمود

تم البيع بحمد الله

مصراويي

11-02-27 10:48 PM

رد: الفتاكة bam 21

مبرووووووووك للبائع والشـــــــاري

الساعة الآن 05:51 AM