الصيد فى مصر - بعض الصور لمجموعة البنادق الخاصة بي

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - بعض الصور لمجموعة البنادق الخاصة بي (http://www.egyhunt.net/showthread.php?t=4431)

Consul

11-01-08 07:48 PM

بعض الصور لمجموعة البنادق الخاصة بي

بسم الله الرحمن الرحيم

السلام عليكم ورحمة الله وبركاته...إخوتي الأعزاء أتشرف بأن أعرض عليكم بعض الصور لمجموعة البنادق الخاصة بي وهي:- العزيزة رمسيس عيار 4.5 ( نمرة 1 )معي منذ أكثر من 40 سنة أصيلة وعشرية وغالية علي قوي...والرشيقة نوريكا سبورت...وست أبوها بام 21 والشقراء بي إس إيه إير سبورتر 7...والعايقة كرال ماجنوم...كلهم عيار 5.5 ( نمرة 2 )وإن شاء الله عما قريب سأضيف إليهم المزيد...أرجو أن يحوزوا إعجابكم وينالوا رضاكم...وربنا ينولكم كل إللي تتمنوه وتحبوه اللهم آمين...أترككم مع الصور...خالص تحياتي...

http://img842.imageshack.us/img842/6860/dsc00008u.jpg http://img35.imageshack.us/img35/8917/dsc00010hx.jpg http://img141.imageshack.us/img141/3411/dsc00014xx.jpg http://img838.imageshack.us/img838/1394/dsc00016ti.jpg http://img689.imageshack.us/img689/8818/dsc00017wq.jpg http://img143.imageshack.us/img143/7922/dsc00019kb.jpg http://img141.imageshack.us/img141/6234/dsc00021iq.jpg http://img210.imageshack.us/img210/4295/dsc00027hd.jpg http://img844.imageshack.us/img844/9498/dsc00028ch.jpg http://img267.imageshack.us/img267/402/dsc00030m.jpg

البهواشى

11-01-08 09:00 PM

رد: بعض الصور لمجموعة البنادق الخاصة بي

بسم الله ما شاء الله دى مش بنادق دى تحف ربنا يباركلك فيهم ويكفيك شرهم واحلى ما فيهم انهم مع سيادتك يا استاذ جمال ويبدو ان حضرتك محافظ عليهم وبصراحة التليسكوبات مخلية البنادق ولا بنادق القنص
يا ريت حضرتك تكتبلنا شوية معلومات عن التليسكوبات يعنى هى عاملة ايه مع البندقية البام بالذات لان حضرتك عارف انى ناوى ان شاء الله اشترى البام فى القريب العاجل يعنى مثلا المنظار لما يركب على البام ممكن يصيب الهدف بدقة متناهية على كام متر لان بصراحة فية نوع من انواع اليمام معرفش اسمه اية بس هو لونة ابيض واضخم من اليمام هيجننى بيشم ريحة اى انسان من على بعد 100 متر نفسى اعملة كمين واصطادة وهو حذر جدا جدا وبصراحة مينفعش معاه غير مدفع وتلسكوب جامد جدا
ويا ريت حضرتك تكتبلنا اسعار وانواع افضل التلسكوبات لانك بصراحة استاذ ورئيس قسم ومدير جامعة الصيد فى مصر

osama2011

11-01-08 09:13 PM

رد: بعض الصور لمجموعة البنادق الخاصة بي

روائع البنادق
والأروع التنظيم
بارك الله لك وزادكم من فضله وكرمه

ابو مروان

11-01-08 10:21 PM

رد: بعض الصور لمجموعة البنادق الخاصة بي

بسم اللة ما شاء اللة
ربنا يزيدهم كمان وكمان مجموعة رائعة وتصوير اروع _بس اى واحدة اقرب لقلب جنابك؟
واى واحدة اقوى؟
واى واحدة ادق؟

adel152

11-01-08 10:46 PM

رد: بعض الصور لمجموعة البنادق الخاصة بي

الأخ العزيز جمال بك
ماشاء الله مجموعة رائعة لأنسان أكثر من رائع.
ربنا يباركلك فيهم ويكفيك شرهم.
أخبار التليسكوبات أيه مع الكرال والبى اس؟؟؟؟؟؟؟؟
أنا شايف انك مغير مسامير القعدة الحته واحده نتاعت الكرال ياريت الأفادة لماذا؟
مش حسألك كل الأسألة مرة واحده !!!!!!!!!!
خلص تحياتى

Consul

11-01-08 11:03 PM

رد: بعض الصور لمجموعة البنادق الخاصة بي

أخوتي الأعزاء الأفاضل...الأستاذ البهواشي...الأستاذ أسامة2011...بارك الله فيكم يا شباب شرفتوني ونورتوا موضوعي وحصلت البركة بمروركم الكريم وتعليقاتكم العطرة الجميلة...بصراحة البام غلبتني في الأول وكنت على وشك إني أفقد الأمل فيها بسبب رد فعلها الشديد وثقل وزنها إللي بتحس به فعلا بعد فترة من حملها والتحرك بها فكانت يدي فعلا من التعب ( وكبر السن طبعا ) ترتعش لا إراديا...وبالتالي لا أستطيع أن أجمع النيشان...فقررت حلا لهذه المشكلة أن أستعمل وضع الجلوس على الأرض لاكتساب مزيد الثبات...بأن أجلس على قدمي اليمنى كما في وضع السجود في الصلاة...مع ثني قدمي اليسر كما في القرفصاء بحيث تكون الركبة لأعلى...وأضع كوعي الأيسر على ركبتي اليسري...وهذا هو أفضل وضع ثبات للبنادق الثقيلة...( طبعا غير وارد أن أطبق وضع الإنبطاح...العملية مش ناقصة بهدلة على كبر وأضحك الناس عليا ويتلموا العيال بقي علشان يتفرجوا )...كده حليت أول مشكلة...ثاني مشكلة من شدة رد فعل البندقية كان التليسكوب يتحرك من مكانه...فأعيد تأكيد الربط على المسامير الألنكيه كل ثلاث أو أربع مرات أضرب بالبندقية يتحرك التليسكوب وأعيد تأكيد الربط من ثاني...حسيت أن المسامير الألنكية ضعيفة وغير محكمة الربط...غيرتها بمسامير صلب نفس السن والمقاس وبرأس صليبة وأحكمت ربطهم جيدا...ثبتت لفترة قصيرة ورجعت تعمل نفس الحكاية ثاني...مافيش حاجة نفعت غير لما ركبت إستوبر...وباين في الصور...الحمد لله بقت ثابتة ودقيقة وبأحقق أهداف ( رماية ) على بعد 70 و80 متر...والتليسكوب عملي جدا مع هذه النوعية من البنادق...طبعا يستحسن أستعمال حامل أو الإرتكاز على سور أو سند ظهرك على حائط أو عامود لو لم تتخذ وضع الجلوس السابق توضيحه...بالنسبه للكرال والبي إس إيه لم يصادفني أي مشكلة...التليسكوبات 2 بوشنيل كل واحد مقاس 3 - 9 * 50 والثالث بي إس إيه مقاس 3 - 9 * 32 وكلهم إضاءة الشعار الداخلي بلونين أحمر وأخضر متدرج...تحياتي...

Consul

11-01-08 11:20 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة ابو مروان (المشاركة 42923)

بارك الله فيك أخي العزيز الأستاذ أبو مروان...شرفني مرورك الكريم وتعقيبك الجميل...كلهم طبعا حبايبي وأصدقائي...أقربهم لقلبي العزيزة الرمسيس ( بتفكرني بذكريات شبابي الجميلة )...وأقواهم ست أبوها البام 21...وأدقهم الشقراء البي إس أيه...والرشيقة النوريكا سبورت برضو دقيقة...أما الكرال فدي عايقة ومتضايقة قوية برضو بس مش في دقتهم...بس كلهم بالتليسكوبات أدق...تحياتي...

تيمور777

11-01-09 12:36 AM

رد: بعض الصور لمجموعة البنادق الخاصة بي

الزميل العزيز والاخ الاكبر الاستاذ / جمال :

بارك الله لكم فيما رزقكم و زادكم من سعته و فضله ....... ( تحياتى و احترامى ) .

Cap. Wael galal

chemist ahmed fathy

11-01-09 05:56 AM

رد: بعض الصور لمجموعة البنادق الخاصة بي

بسم الله ما شاء الله ايه الجمال ده كله يا استاذ جمال ربنا يزيدك ويباركلك عقبال ما يكمل الطقام بال بى اس ايه ار 10 , بس كان ليا تعليق بسيط بخصوص ثبات التليسكوبات وبيتهيئلى افضلك من الاستوبر ووجع القلب ده كله فى ستوبر مخصص للتليسكوبات بس طويل بمسك التليسكوب على المجرى كلها وده لو حضرتك اشتريته حيغنيك عن وجع القلب ده كله ومش ممكن حيحركلك التليسكوب ابدا هو تقريبا فى حدود ال 150 جنيه انا عندى التليسكوب الى عند حضرتك الى هو بى اس ايه وفى النهايه اتمنالك دوام الصحه والعافيه وان ربنا ميحرمناش ديما بطلتك المشرقه علينا .

البهواشى

11-01-09 09:36 AM

رد: بعض الصور لمجموعة البنادق الخاصة بي

بسم الله ما شاء الله شرح اكثر من رائع من استاذنا جمال بك فى كيفية تثبيت التليسكوبات خصوصا مع البنادق القوية والتى يكون لها ردفعل قوى
ويا ريت حضرتك تذكر لنا اسعار التليسكوبات لانى بصراحة بسمع اسعار فلكية
وعلى فكرة ان شاء الله قبل ما اشترى البندقية البام21 او22 سوف احضر الى سيادتك عشان اشرب معك الشاى (معلش استحمل اخوك الصغير ) عشان اشوف البام واكيد هيكون لحضرتك ملاحظات ووصيا وتوجيهات قبل الشراء
ودة طبعا لو مفيش مانع عند حضرتك

smsmn8888

11-01-09 10:35 AM

رد: بعض الصور لمجموعة البنادق الخاصة بي

يا ماشا اللة
كرال دي التركي وياليت تقولي معلومات عن مميزاتها وعيوبها والسعر

hany salem

11-01-09 10:48 AM

رد: بعض الصور لمجموعة البنادق الخاصة بي

بصراحة حاجة جميلة وتفرح

tito	11-01-09 11:27 AM

رد: بعض الصور لمجموعة البنادق الخاصة بي

ربنا يبارك لك فيهم دانت فاضلك عسكريين وتعلن الحرب

hanitarek

11-01-09 02:42 PM

رد: بعض الصور لمجموعة البنادق الخاصة بي

ما شاء الله يا سعادة القنصل, مجموعة جميلة ربنا يزيدك و تضم الخرطوش بإذن الله , البام فعلاَ محتاجة استوبر عشان التلسكوب يثبت.

أنا ركبت مسمار مؤقتاَ بدل ال استوبر لغاية ما ربنا يكرم و الاقيه.

تحياتى لحضرتك و أتمنى لك تمام الصحة و السعادة

msa_79

11-01-10 11:24 AM

رد: بعض الصور لمجموعة البنادق الخاصة بي

ماشاء الله لا قوة إلا بالله مجموعة رائعة وتحف فنيه صحيح
حاسب عليهم احسن يتحسدو

dr mohamed kamal

11-01-10 02:25 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة msa_79 (المشاركة 43020)

ماشاء الله لا قوة إلا بالله مجموعة رائعة وتحف فنيه صحيح
حاسب عليهم احسن يتحسدو

الله أكبر ماشاء الله ,ربنا يكفيك شرهم ,و أريدك أن تعيد التفكير ثانيا فى الصيد,ونكون سويا ,حتى يعطيك الله خيرهم, انا خلاص زهقت من البى إس وقررت عدم إستعمالها, حسبى الله ونعم الوكيل فى من باعها لى ,يومان بظبط فيها بدون أمل منذ أمس نتائج سيئة ,وأمس جاء أخى الاكبر وعجبه الجاز رام ,فلم أضن عليه به و أعطيته له ,ليركبه على الجامو,ونزلت اليوم وإشتريت سوستة للرمسيس 1 وركبتها,قوتها قلت شوية بس محتفظة بدقتها ,فكر فى الصيد,و كلمنى تحياتى

msa_79

11-01-10 03:15 PM

رد: بعض الصور لمجموعة البنادق الخاصة بي

دكتور محمد كمال معلش ان اعارف انك زعلان بس لازم هانعوضك عن يوم البط وان شا ءالله تظبط البي إس اللي حيرتنا معاها.

dr mohamed kamal

11-01-10 03:39 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة msa_79 (المشاركة 43032)

أستاذ محمد تحياتى ,أنا زهئت معاها أمس واليوم بظبط فيها ومفيش فايده ,تخيل بضرب ومثبت البندقية على كرسى والمسافة 13 متر والرش على مسافة 15 سم من منتصف الهدف أقرب حاجه على 5سم يا محمد,يا أخى دى لو بأضرب بنبلة حيكون نشانها أحسن, دى السبب الذى بيعت من أجله البندقية ,على العموم ربنا يخلص منه البائع,لينا طلعة تانيه إن شاء الله,بس يمام ولا بط ,ولا الإثنين, سلامى لعمرو

هشام سمير

11-01-10 03:40 PM

رد: بعض الصور لمجموعة البنادق الخاصة بي

معالى القنصل ربنا يبركلك فى مجموعتك الرائعه فعلاً تحف جميله جداً
وشكل التيلسكوبات عليهم جميل يارب تكون التلسكوبات شرفتنا مع معاليك

msa_79

11-01-10 03:42 PM

رد: بعض الصور لمجموعة البنادق الخاصة بي

ياباشا ان شا ءالله يمام ولو تحب بط تاني نطلع بس طبعا منغلطش نفس الغلطه اللي غلطناها
وبالنسبه للبندقية ربنا مش بيضيع حق حد وربنا هايعوضك

hazeeeeem

11-01-10 09:23 PM

رد: بعض الصور لمجموعة البنادق الخاصة بي

بارك الله لك وتفرح بيهم كده وتشوف ولاد ولادهم هههههه طبعا ده لأن معزتهم عندك اكيد كبيره جدا

avensis2010

11-01-10 10:36 PM

رد: بعض الصور لمجموعة البنادق الخاصة بي

ربنا يباركلك فيهم ويكفيك شرهم

أميجو

11-01-11 12:20 AM

رد: بعض الصور لمجموعة البنادق الخاصة بي

إيه الجمال ده يا حاج ؟؟؟؟؟؟؟؟؟
فاضل فعلا 3 عاسكر وبندقية كما وتعلن الحرب بجد
أنا أحاسس انى دخلت متحف السلاح اللى فى القلعه
مبروكين كلهم عليك ويكفيك شرهم ودقات النقص اللى بتصبهم .
وعقبال ما يجليك كام مسدس رش صغير ههههههههههههههه

rock	11-01-11 12:54 AM

رد: بعض الصور لمجموعة البنادق الخاصة بي

السلام عليكم .... بسم الله ماشاء الله .... اللهم زد وبارك .... تحياتى .

hoka	11-01-11 12:22 PM

رد: بعض الصور لمجموعة البنادق الخاصة بي

ما شاء الله
ربنا يزيد ويبارك يا استاذ جمال
بس بردو البندقيه من غير صيد بتبقى حزينه
ياريت تفرحهم وتفرحنا بصور صيد حضرتك قريب وما تقلقش مش هانحسد احنا هانقر بس
هههههههههههههههههههه
سلام عليكم

العربى

11-01-11 01:48 PM

رد: بعض الصور لمجموعة البنادق الخاصة بي

بسم الله ما شاء الله
الهم ذد وبارك وارزقنا كذالك
تحياتى سيادة القنصل

Consul

11-01-26 11:19 PM

رد: بعض الصور لمجموعة البنادق الخاصة بي

أشكركم جميعا حبياب قلبي كل بإسمه على مروركم الكريم وتعليقاتكم الجميلة الرائعة...لا حرمني الله منكم أبدا...خالص تحياتي...

صائد البوم

11-01-27 12:52 AM

رد: بعض الصور لمجموعة البنادق الخاصة بي

بسم الله ما شاء الله ربنا يبارك لسيادتك ويكفيك شرهن وعقبال الخرطوش

professional sniper

11-02-03 12:38 PM

رد: بعض الصور لمجموعة البنادق الخاصة بي

السلام عليكم ورحمة الله تعالى وبركاته
ماشاء الله لاقوة إلا بالله ,مجموعه جميله جدا ربنا يباركلك فيهم ويقيك شرهم
انا اود ان اعرف ماهو اسم البندقيه اللى راكب فيها تيليسكوب فيه قطعه صفراء لا تأخذونى لانى صياد جديد
وبارك الله فيكم...................

Consul

11-02-03 12:55 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة professional sniper (المشاركة 44907)

بص حبيب قلبي...البندقية صناعة إنجليزي ماركة BSA Air Sporter mk7 عيار 5.5 ( نمر 2 ) سرعة 230 م/ث الماسورة ثابتة والتعمير بعتلة سفلية وكذلك التيليسكوب BSA درجة تقريبه 3-9 *32 بإضاءة الشعار الداخلي بلونين أحمر وأخضر...خالص تحياتي...

talha

11-02-03 03:04 PM

رد: بعض الصور لمجموعة البنادق الخاصة بي

بسم الله ما شاء الله البنادق هايلة وكمان مع التليسكوبات حضرتك لازم كل يوم تقرأ عليهم سورة الفلق علشان ميتحسدوش وربنا يباركلك فيهم

professional sniper

11-02-03 04:08 PM

رد: بعض الصور لمجموعة البنادق الخاصة بي

ماشاء الله لا قوة إلا بالله
بارك لك الله فيهم وكفاك شرهم

كريم الشامي

11-02-03 04:15 PM

رد: بعض الصور لمجموعة البنادق الخاصة بي

بسم الله ماشاء الله ربنا يبارك لحضرتك فيهم و تيجيب قدهم تاني :)

professional sniper

11-02-03 04:32 PM

رد: بعض الصور لمجموعة البنادق الخاصة بي

بارك الله فيك ابى الغالى
ممكن حضرتك تعرفنى سعرها وسعر التيليسكوب اللى فيها
وجزاك الله كل خير

Consul

11-02-03 04:50 PM

رد: بعض الصور لمجموعة البنادق الخاصة بي

بارك الله فيكم يا شباب...كل بإسمه حتي لا أنسي أحد...وأشكركم على مروركم وتعليقاتكم الجميلة الرائعة وعقبال ما أشوف عندكم أحسن منهم يا رب...بالنسبة للأسعار البندقية كنت شاريها بـ 3000 جنيه جديدة بالكرتونة من زميل وكانت تباع في نفس الوقت عند ميشيل عازر بـ 3500 جنيه...وكذلك التيليسكوب بـ 700 جنيه...وأنا سبق وذكرت هذا في باقي الموضوع لو قرأتوه بالكامل...وباقي المعلومات عن البنادق والتليسكوبات الأخري...أكيد الأسعار ستختلف طبعا بعد عمليات السرقة والنهب والوضع الحاصل الآن...ربنا يستر...خالص تحياتي...

professional sniper

11-02-03 06:31 PM

رد: بعض الصور لمجموعة البنادق الخاصة بي

بارك الله فيك
وجزاك الله عنا كل خير

professional sniper

11-02-03 06:34 PM

رد: بعض الصور لمجموعة البنادق الخاصة بي

اعذرنى ابى الحبيب فأنا كثير الاسئله
ماهو سعر البندقيه البام ومنظارها
ربنا يبارك لنا فيك ويكثر من امثالك

Consul

11-02-03 06:44 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة professional sniper (المشاركة 44959)

اعذرنى ابى الحبيب فأنا كثير الاسئله
ماهو سعر البندقيه البام ومنظارها
ربنا يبارك لنا فيك ويكثر من امثالك

ما فيش مشكلة حبيب قلبي إسأل إللى إنت عايزه في أي وقت...البندقية البام سواء 21 أو 22حدود سعرها ( قبل الأحداث الأخيرة طبعا ) ما بين 1600 - 1800 جنيه حسب المحل والمكان...التيليسكوب المثبت عليها في الصورة ماركة بوشنيل صناعة صينية نمرة 1 ( خامة وجودة عالية ) مقاسه 3-9 *50 سعره بـ 700 جنيه غير موجود ولا يباع في المحلات وكان عارضه أخونا العزيز الأستاذ هشام سمير...أرجو أن أكون قد أفدتك...خالص تحياتي...

professional sniper

11-02-03 08:03 PM

رد: بعض الصور لمجموعة البنادق الخاصة بي

بارك الله فيك ولك وزادك من علمه
ولك جزيل الشكر على سعة صدرك لى
وجزاك الله كل خير

mlikhunter

11-02-04 10:27 AM

رد: بعض الصور لمجموعة البنادق الخاصة بي

السلام:اه ده ياعم ايه ده................ولا مشجب وزاره الحربيه
يسلمو والله يكيفيك شرهم

professional sniper

11-02-04 11:38 PM

رد: بعض الصور لمجموعة البنادق الخاصة بي

السلام عليكم ورحمة الله تعالى وبركاته
سؤال بعد إذن حضرتك
ماهى ابعد مسافه قاتله للبندقيه بام ؟

Consul

11-02-04 11:49 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة professional sniper (المشاركة 45078)

السلام عليكم ورحمة الله تعالى وبركاته
سؤال بعد إذن حضرتك
ماهى ابعد مسافه قاتله للبندقيه بام ؟

بحسبة بسيطة...ماذا تتوقع من بندقية سرعتها 290م/ث...أنا عن نفسي حققت إصابة أهداف ( رماية بالتيليسكوب طبعا ) على مسافات تعدت 80-90 متر...وكانت إصابات قوية ومؤثرة...بالنسبة للطيور بالطبع مخترقة وقاتلة...خالص تحياتي...

professional sniper

11-02-04 11:54 PM

رد: بعض الصور لمجموعة البنادق الخاصة بي

بارك الله فيك ابى العزيز وجعلك من الصالحين وجمعك مع النبيين و الصديقين والشهداء والصالحين وحسن ألئك رفيقا

"اللهم آمين"

@khaled_taha@

11-02-17 05:48 PM

رد: بعض الصور لمجموعة البنادق الخاصة بي

بسم الله ماشاء الله ربنا يزيد ويبارك لك فيهم ويديك خيرهم ويكفيك شرهم
شكرا علي العرض الممتع أستاذي الغالي جمال
بارك الله فيك

doos99

11-02-17 06:02 PM

رد: بعض الصور لمجموعة البنادق الخاصة بي

اللة يبارك لك ويحافظ عليك وربنا يزيدك واطيب الامنيات بالسعادة والصحة تحباتى

zalabany

11-02-17 08:42 PM

رد: بعض الصور لمجموعة البنادق الخاصة بي

مجموعة رائعه ما شاء الله ربنا يبارك لحضرتك فيها وحضرتك واضح انك انسان منظم جدا ربنا يديك الصحة

صائد البوم

11-02-17 10:26 PM

رد: بعض الصور لمجموعة البنادق الخاصة بي

الله ينور بجد

Consul

11-02-18 05:04 AM

رد: بعض الصور لمجموعة البنادق الخاصة بي

إخوتي الأعزاء وحبايب قلبي...الأستاذ مليك القناص...الأستاذ القناص المحترف...الأستاذ خالد طه...الأستاذ دوس99...الأستاذ زلباني...الأستاذ صائد البوم...بارك الله فيكم جميعا...شرفني مروركم الكريم وتعليقاتكم الجميلة الرائعة...خالص تحياتي وتقديري واحترامي...

kemohabib

11-02-18 05:37 PM

رد: بعض الصور لمجموعة البنادق الخاصة بي

بسم الله ماشاء الله اللهم ارزقه خيرها وخير ما هي له وجنبه شرها وشر ما هي له
لي سؤال اذا سمحت عايز اعمل هدف للرمايه صممت شكل هدف دائري مدرج علي الكمبيوتر وطبعته وصورته عدد كبير
لحد هنا الموضوع طبيعي وثبتت الورق بدبابيس الرسم علي خشب كونتر 16مم السيئ ان الرشه بتكسر الخشب اثناء اختراقها له والحيطه اللي وراه كمان الصح يتثبت الورق علي ايه عشان كده البيت باظ خالص ومحتاج مغلق خشب يوردلي ومرتب تاني اشتري به خشب هههه اسف للاطاله

Consul

11-02-18 09:53 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة kemohabib (المشاركة 47747)

بارك الله فيك أخي الحبيب وأشكرك لمرورك الكريم وتعقيبك العطر الجميل...أولا لا تتعب نفسك أخي الحبيب في رسومات وغيره...إليك رابطين جاهزين فيهما أشكال مختلفة ممكن تنزلها على الكومبيوتر وتطبعها سواء أبيض وأسود أو ألوان...حسب الطابعة عندك...ثانيا ممكن تثبيت الشكل أو الصورة على كرتونة ليكون سطحها مستوي...ويمكن تعليقها أو تثبيتها على شجرة مثلا أو شكارة رمل أو لوح خشب سميك وتكون في مواجهتك وعلي أرتفاع مناسب لك وعلى بعد 10-15 متر...طبعا حسب خبرتك ومهارتك ممكن تزود المسافة أو تقللها وهكذا...ولا مغلق خشب ولا تبوظ البيت ولا يحزنون...وممكن تغير لوح الخشب كل 6 شهور مثلا أو أكثر أو تنقل الرمل لشكارة أو كيس آخر وهكذا...طبعا حسب إستعمالك...الرابطين بالأسفل...خالص تحياتي...

http://www.arld1.com/images/swfs/mixedtargets.swf

http://www.arld1.com/images/swfs/fieldtarget2b.swf

sniper shot

11-02-19 01:10 PM

رد: بعض الصور لمجموعة البنادق الخاصة بي

قنصلنا العزيز تسلم ايدك وبنادقك من كل شر
وربنا يديلك خيرهم ويطعمك من صيدهم دايما ان شاء الله
وبلغنا بكل جديد يا شيخ القناصين

kemohabib

11-02-19 03:49 PM

رد: بعض الصور لمجموعة البنادق الخاصة بي

الف شكر لسيادتك علي الفكره والخبره وسرعه الاستجابه اتمني لسيادتك دوام الصحه والعافيه وطول العمر

mlikhunter

11-02-19 05:41 PM

رد: بعض الصور لمجموعة البنادق الخاصة بي

السلام:ماشاء الله ...الله يكفيك شرهم .
الي بتاع الناظور بالخط الاصفر ايش نوعيتها ؟

Mina	11-02-20 09:18 AM

رد: بعض الصور لمجموعة البنادق الخاصة بي

تصوير ممتاز وتسمية جميلة ربنا يملاهملك بركة وخير

مصراويي

11-02-24 11:41 PM

رد: بعض الصور لمجموعة البنادق الخاصة بي

الصور مش بتتفتح، فيها مشكلة.. ممكن حضرتك تعملها upload عشاننتفرج على مجموعتك المميزة
------------------------------------
تم التعديل في يوم 25 فبراير 2011

الحل:

لازم تعملو account على imageshack.us عشان الصور تتعرض صح
او تعملو register للدومين بتاعكم egypthunt.net على موقعهم والصور تفتح معاكم:):D

BooGY

11-02-28 03:04 AM

رد: بعض الصور لمجموعة البنادق الخاصة بي

بسم الله ما شاء الله لا قوة الا بالله ربنا يبارك لك فيهم ويرزقك برزقهم يا سيادة القنصل مش بيقولوا برضو العيل بييجي برزقه ويرزقنا زيهم يا رب

Abdelrahman Anwar

11-03-01 01:09 AM

رد: بعض الصور لمجموعة البنادق الخاصة بي

بسم الله ماشاء الله ربنا يبارك يا أ/جمال
بعد اذنك استازى لى سؤال : ما نوع التلسكوب الموجود على البندقية البام 21 بالتفصيل الكامل ؟
تحياتى

Consul

11-03-01 01:27 AM

رد: بعض الصور لمجموعة البنادق الخاصة بي

بارك الله فيكم الأخوة الأعزاء الأفاضل...الأستاذ سنيبر شوت...الأستاذ كيمو حبيب...الأستاذ مليك هانتر ( التيليسكوب bsa مقاس 3-9*32 )...الأستاذ مينا...الأستاذ مصراوبي ( آسف حبيب قلبي الصور شغالة مع الكل )...الأستاذ بوجي ( ربنا يرزقك بأحسن منهم آمين )...الأستاذ عبد الرحمن أنور ( التيليسكوب بوشنيل مقاس 3-9*50 )...أشكركم جميعا علي مروركم الكريم وتعليقاتكم الأكثر من رائعة...خالص تحياتي...

ناصر-56

11-03-01 01:33 AM

رد: بعض الصور لمجموعة البنادق الخاصة بي

هههههههه ياحبك للاسلحه يااخي ربنا يملاهم لك بركه ويديك طوله العمر والصحه لتستمتع بهم وبهذه الهوايه الجميله لك كل الود والتحيه

Consul

11-03-01 01:45 AM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة ناصر-56 (المشاركة 50697)

الله يبارك فيك أخي الحبيب...على قد الحال ولله الحمد...شرفتني وحصلت البركة بمرورك الكريم وتعليقك الجميل...خالص تحياتي...

sadek

11-03-01 09:09 AM

رد: بعض الصور لمجموعة البنادق الخاصة بي

بسم الله ما شاء الله ربنا يباركلك فيهم

مصراويي

11-03-01 09:46 AM

رد: بعض الصور لمجموعة البنادق الخاصة بي

أنا الصور اشتغلت معايا تمام يا أستاذ جمال القنصل.. وبصراحة استمتعت بالصور والتشكيلة الرائعة... ربنا يباركلك

braveheart

11-03-29 12:46 PM

رد: بعض الصور لمجموعة البنادق الخاصة بي

اللهم صلي علي النبي ... ربنا يزيد و يبارك لك يا سيادة القنصل.

bahy	11-03-30 01:01 AM

رد: بعض الصور لمجموعة البنادق الخاصة بي

بسم الله ما شاء الله استاذنا الكبير ادام الله عليك بالصحه والعافيه مجموعه رائعه والاروع فيهم ان حضرتك تقتنيهم فذلك اكبر شهاده تناله بندقيه على الاطلاق واحييك على الترتيب الرائع

said ali

11-03-30 01:14 AM

رد: بعض الصور لمجموعة البنادق الخاصة بي

بسم الله ماشاء الله
مجموعه رائعه
و لا اروع منها الا مقتنيها
بارك الله لك فيها
واعطاك خيرها
وكفاك شرها

Peace Missile

11-03-30 01:32 AM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة consul (المشاركة 42927)

ماشاء الله .. ربنا يحميلك الاولاد دول يارب ويباركلك فيهم ... كان عندى سؤال بالنسبه للسكوب اللى متركب على الكرال ؟
هل دة بردة فى اضاءة للشعار ؟ لانى معروض عليه واحد شبهه بالظبط بس مش مكتوب عليه اى حاجة وهو 3:9* 40 وياترى لو كدة تمنه تقريبا كام ؟؟
بالنسبه للانواع الثللاثه ايه افضلهم من وجهه نظر حضرتك ؟
وبالنسبه للكرال افضل ليها اركبلها 3:9 * 40 ولا * 50 لان طبعا القطر اكبر ؟
اسف للاطاله
تقبل تحياتى سيادة القتصل ..

Consul

11-03-30 02:19 AM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة Peace Missile (المشاركة 64567)

بارك الله فيك أخي الحبيب...باركت الموضوع بمرورك الكريم وتعليقك العطر...بالنسبة للكرال التيليسكوب صيني ولا توجد به إضاءة شعار...وهو نفس المعروض عليك حسب الوصف...بس للأسف أنا إشتريته من مدة مستعمل ومن زميل على المنتدي بـ 600 جنيه بالفصال وبالعافية وبدون كرتونة أو كتالوج ( حلف أيمانات إنه شاريه بـ 1200 جنيه )...فوجئت من وقت قريب أن أخونا العزيز الأستاذ محمد العناني كان عارض أخوه جديد بالكرتونة والكتالوج ( لم يستعمل ) بـ 450 جنيه...الله يسهل للجميع...بالنسبة للتيليسكوبات أحسنهم خامة bsa وأوضحهم صورة البوشنيل مقاس 3-9*50...والمناسب للكرال هو 3-9*40 لأنه ليس لها قاعدة عالية للتيليسكوب مثل البام 21...خالص تحياتي...

محمد رضا العبد

11-03-30 02:30 AM

رد: بعض الصور لمجموعة البنادق الخاصة بي

الله ينور يا استاذنا

Consul

11-03-30 02:30 AM

رد: بعض الصور لمجموعة البنادق الخاصة بي

حبايب قلبي الأعزاء الأفاضل...الأستاذ صادق...الأستاذ مصراوبي...الأستاذ ( بريف هارت ) القلب الشجاع...الأستاذ باهي...الأستاذ سيد علي...الأستاذ محمد رضا العبد...أشكركم على مروركم الكريم وتعليقاتكم الجميلة العطرة...بارك الله فيكم ولا حرمني منكم ولا من مروركم وتعليقاتكم أبدا...خالص تحياتي...

mohammed maree

11-04-01 11:25 PM

رد: بعض الصور لمجموعة البنادق الخاصة بي

انا عايز اسال حضرتك سؤال هى افضلهم ايه وبكام واجيبها منين انا مبتدئ ونفسى اصطاد اوى وحاشترى واحده تنصحنى بايه

Peace Missile

11-04-01 11:34 PM

رد: بعض الصور لمجموعة البنادق الخاصة بي

السلام عليكم سيادةالقنصل .......
ايه اخبار القاعدة المثبت عليها التليسكوب على الكرال .... لانى جبت واحد 3:9*50 وطبعا هجيبله قاعدة من ا هشام ياترى ايه اخبارها مع حضرتك ؟؟؟ وبالنسبه للبوشنيل 3:9*50 مع اضاءة الشعار احمر واخضر - تدرج فى حدة الرؤيه - شبكيه داخليه مش مجرد كروشير .... من الاخر بتاع الاستاذ هشام وانا اشتريته منه خلاص وهو تحفه بس عايز اعرف راى حضرتك سعره يكون كام ؟؟؟؟؟

sameer

11-04-06 01:27 PM

رد: بعض الصور لمجموعة البنادق الخاصة بي

ما شاء الله تبارك الله انا عاجز عن الكلام ربنا يبارك لحضرتك فيهم

عبــ الله ــد @

11-04-06 05:13 PM

رد: بعض الصور لمجموعة البنادق الخاصة بي

ما شاء الله ماشاء الله :) بندقيات تمام والله يباركلك فيهم
:d

وليدعادل

11-04-06 10:03 PM

رد: بعض الصور لمجموعة البنادق الخاصة بي

ماشاء الله ياحاج ربنا يبارلك فيهم بس ياريت راي حضرتك المهم بالنسبالي في الكرال الماجنوم حيث اختلف عليها الاقاويل انا ليسه ماشترتش من اول ماسألت حضرتك والله معلش بقي
و ياريت هيا انهي واحده في اخر صوره

عبــ الله ــد @

11-04-07 02:36 AM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة Consul (المشاركة 42914)

اترجاك يا استاذ تخبرنا اى منها الرمسيس وعن اساعارها واكون شاكر لك والله يباركلك فيهم ارججججججججججججججججججوك تخبرنى عن الاسعا ر:o

وليدعادل

11-04-07 03:05 AM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة عبــ الله ــد @ (المشاركة 69795)

تقريبا تقريبا و الله اعلم الرمسيس هيا اللي لونها اسود
و دي بتتباع في المصانع الحربيه علي كورنيش المعادي الايام دي ب 753 جنيه كان في عضو سال عليها و بتتباع مستعمل ب 500-600 حسب الحاله كان في كذا عطو بردوا جابها من الاستاذ هشام سمير
مع العلم ان الرمسيس القديمه احسن من الرمسيس الجديده في القوة و دقة النشان

aly406

11-04-09 11:11 PM

رد: بعض الصور لمجموعة البنادق الخاصة بي

ما شاء الله مجموعة جميلة فعلا

koktal

11-04-22 03:18 PM

رد: بعض الصور لمجموعة البنادق الخاصة بي

اقتباس:

المشاركة الأصلية كتبت بواسطة عبــ الله ــد @ (المشاركة 69795)

تانى بندقية من اليمين

رمزى البيلى

11-04-22 03:42 PM

رد: بعض الصور لمجموعة البنادق الخاصة بي

اللة يباركلك

Heavy equipment

11-04-22 09:29 PM

رد: بعض الصور لمجموعة البنادق الخاصة بي

الله اكبر ولله الحمد
بقولك ايه ما تكتب اسم كل بندقيه فيهم بقه علشان انا مبفهمش حاجه خالص في الموضوع ده

Heavy equipment

11-04-22 09:32 PM

رد: بعض الصور لمجموعة البنادق الخاصة بي

الاخ وليد عادل حضرتك كاتب المصانع الحربيه ؟
هوه مصانع حلوان بتبيع مسدسات صوت وبنادق رش بجد ؟ ولا لازم تروح معرض معين ولا ايه ارجوك ابعتلي رساله في الخاص او هنا فيها كل التفاصيل وعنوان المصنع

البطل

11-06-03 04:08 PM

رد: بعض الصور لمجموعة البنادق الخاصة بي

بسم الله مشاء الله ............... بنادق جميلة وربنا يباركلك فيهم ويذيدك بافضل منهم

ramyhekal

11-06-03 04:20 PM

رد: بعض الصور لمجموعة البنادق الخاصة بي

ما شاء الله لا قوة ألا بالله
اللهم ارزقك خيرهم وخير ما جلبوا له
واصرف عنك شرهم

cono	11-06-11 06:14 PM

رد: بعض الصور لمجموعة البنادق الخاصة بي

ازيك يا معالى القنصل ربنا يزيد ويبارك ويرزقك بالأفضل دايما
انا كنت عايز اسال حضرتك انت جبت الاستوبر منين وبكام لانى بعانى من مشكلة تثبيت المنظار برضه على الماجنم مع انى جايبله القاعده العريضه

سرسور

11-06-16 08:10 PM

رد: بعض الصور لمجموعة البنادق الخاصة بي

بسم الله ما شاء الله
تبارك الله

الساعة الآن 12:01 PM