|
اقتراح طلعة صيد جماعيه
سلام عليكم ورحمة الله ,,,
الساده الاخوة الافاضل زملاء المنتدى تحياتى اقتراح احببت ان اعرضه عليكم الا وهو طلعة صيد جماعية لجميع اعضاء المنتدى فى القريب وطبعا يوم راحه من العمل . وايضا نتعرف على بعضنا البعض اكثر فما رأيكم |
رد: اقتراح طلعة صيد جماعيه
السلام عليكم أوافقك الرأي يا أستاذ حازم إعتبرني أول واحد يروح معاك |
رد: اقتراح طلعة صيد جماعيه
اهلا بيك فى المنتدى
فكره حلوة بجد واعتبرنى انا تانى واحد يروح معاك |
رد: اقتراح طلعة صيد جماعيه
السلام عليكم .... الموضوع من وجهة نظرى صعب شويه .... وهو ان كتر البنادق بيخلى السما فاضيه .... بس ممكن نتقابل ونتوزع بمجاميع اصغر عشان ربنا يرزقنا ان شاء الله .... تحياتى .
|
رد: اقتراح طلعة صيد جماعيه
انا اتمني تتنفذ الفكرة ولكن تكون للتعرف فقط لانها ان كنت طلعة صيد فكل انواع الطير هتنقرض من مصر و دي مش هتكون طلعة صيد دي هاتكون حرب وممكن الناس تحسب ان في انقلاب من عدد حاملي البنادق
انا بهزر طبعا انا معاك وموافق علي الفكرة الجميلة دي تقبل مروري |
رد: اقتراح طلعة صيد جماعيه
وانا موافق حدد المكان والساعة
|
رد: اقتراح طلعة صيد جماعيه
لى اقتراح ممكن نجمع كل عدد قريب من بعض ونعمل لكل مجموعه طلعه
واسم وكل مجموعه تورينا عملت ايه واصتادت كام و الخ |
رد: اقتراح طلعة صيد جماعيه
الطلعه ديه محتاجه عربيات فى كل عربيه 4 ولو هايصطادو من العربيه يبقى اوك ولو هايتمشو يبقى يتقسمو 2 و2
ده اولا ثانيا لازم يكون كل عربيه او 4 اشخاص ماسكين منطقه كامله او مربع سكنى كامل ده فى حاجه زى الشروق وتكون المسافه بين الفرق ما تقلش عن 2 كيلو علشان الطيور تطير من مكان وتروح للتانى وهكذا طبعا غير اننا هانبدل الاشخاص كل ساعتين وهايحصل تبديل هكذا 3 مرات علشان طبعا التعارف وجو الالفه بين الاعضاء يعنى لو قلنا عندنا 16 عضو هانحتاج 4 عربيات ولو هاننزل فى منطقه زى الشروق يبقى عربيتين فى الشروق 1 و2 فى الشروق 2 وهايتفرقو زى ما قلت وبعد ساعتين ونص يحصل مقابله بين كل عربيتين ويبدلو الاشخاص والمناطق لو عاوزين وبعد كمان ساعتين مقابله بين الكل العربيات ويحصل وقفه صغيره لمده نص ساعه بالكتير يتبادلو فيها الكلام والمحبه وبعدين يتقسمو ويغيرو هاتبقى محتاجه نظام لكن مش صعبه ومينفعش تتعمل بدون نظام ده رايى الشخصى اللى ممكن اكون مخطئ فيه لكن اكيد معاكو فى اى مكان بس قولو قبلها بفتره علشان الامتحانات سلام عليكم |
رد: اقتراح طلعة صيد جماعيه
اقتباس:
|
رد: اقتراح طلعة صيد جماعيه
طب أيه رأيكم نعملها مسابقة صيد؟؟
ونقسم نفسنا فرق علي حسب عددنا طبعا ويراعي فيها توزيع الاعمار والخبرات ونحدد وقت للماسابقة ساعة او ساعتين بعدها نتقابل في مكان الانطلاق ونعد كل فريق اصطاد قد ايه والفريق اللي يفوز ياخد كل حصيلة الصيد. |
رد: اقتراح طلعة صيد جماعيه
ما تنسونيش انا معكم بأذن الله
و الاقتراح جميل |
رد: اقتراح طلعة صيد جماعيه
الجميل ان الفكره حازت القبول وهذا هو الاهم , ولى اقتراح اخر بعد أذن الجميع وهو إن لم نوفق فى طلعة صيد جماعية فما رأيكم بمقابلة جماعية وايضا للتعارف اكثر وفى اى مكان يحدد داخل نطاق القاهرة الكبرى , والامر شورى سواء هذا او ذاك
ولكم كل الاحترام |
رد: اقتراح طلعة صيد جماعيه
-------------------------------------------------------------------------------------------------------------------------------------------------------
الطلعه ديه محتاجه عربيات فى كل عربيه 4 ولو هايصطادو من العربيه يبقى اوك ولو هايتمشو يبقى يتقسمو 2 و2 ده اولا ثانيا لازم يكون كل عربيه او 4 اشخاص ماسكين منطقه كامله او مربع سكنى كامل ده فى حاجه زى الشروق وتكون المسافه بين الفرق ما تقلش عن 2 كيلو علشان الطيور تطير من مكان وتروح للتانى وهكذا طبعا غير اننا هانبدل الاشخاص كل ساعتين وهايحصل تبديل هكذا 3 مرات علشان طبعا التعارف وجو الالفه بين الاعضاء يعنى لو قلنا عندنا 16 عضو هانحتاج 4 عربيات ولو هاننزل فى منطقه زى الشروق يبقى عربيتين فى الشروق 1 و2 فى الشروق 2 وهايتفرقو زى ما قلت وبعد ساعتين ونص يحصل مقابله بين كل عربيتين ويبدلو الاشخاص والمناطق لو عاوزين وبعد كمان ساعتين مقابله بين الكل العربيات ويحصل وقفه صغيره لمده نص ساعه بالكتير يتبادلو فيها الكلام والمحبه وبعدين يتقسمو ويغيرو هاتبقى محتاجه نظام لكن مش صعبه ومينفعش تتعمل بدون نظام ده رايى الشخصى اللى ممكن اكون مخطئ فيه لكن اكيد معاكو فى اى مكان بس قولو قبلها بفتره علشان الامتحانات سلام عليكم ------------------------------------------------------------------------------------------------------------------------------------------------------- الفكرة دي كويسة وممكن تكون برضو في شكل مسابقة صيد بس كل مجموعة تحتفظ بصيدها هاااااااهههاا وانا يعني باقترح تكون يوم الجمعة 28 في الشهر دة وهوة اخر جمعة في الشهر و الناس كلها هتكون خلصت امتحانات وبرضو دة مجرد اقتراح |
رد: اقتراح طلعة صيد جماعيه
اقتباس:
الواحد بس لقى مشاكل وحاجات مش حلوه قال يبعد شويه لحد ما المنتدى يهدى وادينى دلوقتى بلعب فى 3 انديه بس الاحتراف فى جراند وجولدن بحكم الخبرات الكتير اللى هناك بس يعنى مش اكتر لكن اطمن مش هاعتزل الا باصابه خطيره هههههههههههههههههه .................................. الاخوه الافاضل اللى عاوزين مسابقه الصيد مش بالخبره ولا بالمهاره قبل ما يكون بالرزق طبعا طبعا غير ان فيه ناس هاتكتسح اخرين بحكم خبرتهم سواء فى السلاح والصيد او فى المكان اللى هانروحه علشان كده خلوها تعارف الاول ورحله لذيذه وممتعه ونقعد مع بعض شويه وبعدين نكررها فى جمعه تانيه ونبدا نعمل مسابقات رمايه ومسابقات صيد بس مين اللى هايعمل ايه؟؟ يعنى الكل نفسه فى رحله وده شعور كويس بس مين هايعمل ايه؟؟ انا عن نفسى مستعد ببندقيتى وبمعرفتى لاماكن كتير فى الشروق طبعا غير خبره الصيد فى المناطق السكنيه لتجنب الحوادث او المشاكل لكن مين اللى هايتصرفلنا فى عربيات؟؟ ومين عاوز يبقى مع مين؟؟ ومين ساكن فين؟؟ ومين فاضى امتى؟؟ واسئله كتير لازم انتو تجاوبوها بس |
رد: اقتراح طلعة صيد جماعيه
ان عن نفسي ساكن في منطقة حدائق القبة والي اقدر اوفرة البندقية بتاعتي وعربية بس علشان انا لسة صغير ماينفعش اسوق فهيكون معايا سواق وكدة يعن ممكن يكون معايا عضوين او 3 بس ماعرفش اي مكان للصيد وبالنسبة للوقت فانا لاجازة بتاعتي هتبدا من الخميس الموافق 27 يناير
|
رد: اقتراح طلعة صيد جماعيه
لقاء جماعى اوتجمع للصيد انا موافق المهم نشوف الناس الحلوى دى ( اعضاء المنتدى ) ونتعرف على اصحاب اكتر
|
رد: اقتراح طلعة صيد جماعيه
طب خلاص نخليها تجمع الاول وفي اللقاء نتفق علي يوم الصيد ومكانه
|
رد: اقتراح طلعة صيد جماعيه
يا ريت والله يا جماعه انا نفسي اصطاد من زماااااااااااااااااااااااااااااااان
بس هيكون فين؟ |
رد: اقتراح طلعة صيد جماعيه
يا ريت كل واحد يقول اية الي هيقدر يعملة او يوفرة وهو فاضي امتة زي ما قال الاستاذ hoka
|
رد: اقتراح طلعة صيد جماعيه
فى اى يوم واى وقت لو مش فاضى افضى نفسى عشان عيون المنتدى بس اعرف الميعاد قبلها بيومين
|
رد: اقتراح طلعة صيد جماعيه
فكرة جميلة. و انا جاهز بسيارتى فى اى وقت. و انا من الهرم. لكن يجب ان اعرف قبلها بيوم على الاقل. بس فعلا فكرة جميلة للتعارف عن قرب.
|
رد: اقتراح طلعة صيد جماعيه
كده فيه عربيتين تتسع ل 7 افراد بمن فيهم اصحاب العربيات
يعنى هاينضمن ليهم 5 من اعضاء المنتدى شوفو بقى عاوزينها كده ولا عاوزين عدد اكتر؟؟ ولو عاوزينى معاكو ياريت بعد يوم 26 علشان اكون خلصت وكمان تقولو قبلها باسبوع علشان رحلاتى مع اصدقائى اعرف اظبطها ربنا يجمعكم ع الخير دايما سلام عليكم |
رد: اقتراح طلعة صيد جماعيه
وانا كمان وعربيتى يبقو تلاتة ومن الهرم بس نعرف قبلها بيوم ويكون الجو مشرق ومفيش مطر
|
رد: اقتراح طلعة صيد جماعيه
كده يبقى فيه مكان ل 3 كمان من الاعضاء
يللا شوفو هاتعملو ايه ومعاكو استاذ محمد اهه |
رد: اقتراح طلعة صيد جماعيه
وانا كمان بعربيتي بس بعد يوم 12 /2
اتمني اخرج معاكم في رحلة صيد |
رد: اقتراح طلعة صيد جماعيه
كده ممكن نعمل رحله ل 11 عضو بمن فيهم اصحاب السيارات قبل يوم 12/2
او رحله ل 15 عضو بمن فيهم اصحاب السيارات بعد يوم 12/2 واعتقد ان عدد الاعضاء اللى ردو ع الموضوع وجاهزين للخروج ما يعدوش 6 بغير اصحاب السيارات يللا ظبطو مع بعض ورسايل وموبايلات علشان تخرجو فى اقرب فرصه فى الاجازه ان شاء الله وانا ده رقمى للتواصل 0111964552 بس بردو لحد كده ما كملتش الرحله الجماعيه ومحتاجه لتنظيم اكتر من كده بكتير ارجو انكم تكونو فهمتونى وعرفتو قصدى سلام عليكم |
رد: اقتراح طلعة صيد جماعيه
السلام عليكم انا كريم حبيب عضو جديد وعجباني الفكره جدا انا معايا موتوسيكل ممكن اخد معايا عضو واحد من المنتدي الكريم
|
رد: اقتراح طلعة صيد جماعيه
رقمي 0120120135
|
رد: اقتراح طلعة صيد جماعيه
يا ريت تبغلونى ولو برساله على الموبايل و يا سلام لاو يوم جمعه
|
رد: اقتراح طلعة صيد جماعيه
انا معاكوا بس انا لسه خام
|
رد: اقتراح طلعة صيد جماعيه
محدش عايز يطلع ولا ايه
|
رد: اقتراح طلعة صيد جماعيه
انا جاهز فى اى وقت ومعايا عربيتى
|
رد: اقتراح طلعة صيد جماعيه
والله كان نفسى بس المشكله انى فى العريش والمسافه بعيده جدا وكمان مفيش معايا عربيه
|
رد: اقتراح طلعة صيد جماعيه
لأ هنطلع ان شاء الله بس الواحد مستنى الوضع يهدى شويه
احسن اللى يتمسك ببندقيه رش دلوقتى هيعتقلوله هههههههههه |
رد: اقتراح طلعة صيد جماعيه
انا شاري البندقية من حوالي شهرين ومطلعتش بيها ولا طلعة وكنت مستني الاجازة اللي فاضل فيها 5 ايام دية علشان اطلع و البندقية قاعدة تعيط عايزة حتي تشم هواء حتي لوطلعة تعارف
|
رد: اقتراح طلعة صيد جماعيه
ياجماعة انتو حددتو مكان الالتقاء هيبقى فين ولا لسه
|
رد: اقتراح طلعة صيد جماعيه
انا باقترح المقابله في حلوان عشان اقدر اقوم بواجب الضيافه وبرضه في اماكن صيد قريبه اتمنى الموافقه علي طلبي اللي موافق يقول رايه ونستاذن سياده القنصل ا/جلال خليفه والمهندس/طلعت بخيت بالمشاركه لنستفيد من الخبرات التميزه ونتعرف عليهم عن قرب
|
رد: اقتراح طلعة صيد جماعيه
اقتباس:
|
رد: اقتراح طلعة صيد جماعيه
شكرا علي التصحيح وكلكم اخوتي الكبار ومازلت اتمني نول شرف ضيافه الجمع الكريم بحلوان
|
رد: اقتراح طلعة صيد جماعيه
موافق حددوا الزمان ومعكم إن شاء الله
|
رد: اقتراح طلعة صيد جماعيه
و انا عايز اطلع بس مكان كويس والعربية موجودة0101311087
|
رد: اقتراح طلعة صيد جماعيه
هل الفكرة لسه قائمة
انا ساكن فى مدينة السلام يعنى الشروق والعبو كويسين والعربية موجوده بس للعلم انا بقالى 15 سنه ممسكتش سلاح واخر مرة كان بندقية رمسيس وكانت اخرها عصافير وحاليا انا معايا كرال بس للاسف لسه مجبتش رش |
رد: اقتراح طلعة صيد جماعيه
انا اتمني تتنفذ الفكرة ولكن تكون للتعرف فقط لانها ان كنت طلعة صيد فكل انواع الطير هتنقرض من مصر و دي مش هتكون طلعة صيد دي هاتكون حرب وممكن الناس تحسب ان في انقلاب من عدد حاملي البنادق
ههههههههههههههههههههه والله كلامك جميل ربنا يوفقنا كلنا يارب تقبل مروري وانا معجب بالفكرة اوي ونتمني تنفيذها عن قريب |
رد: اقتراح طلعة صيد جماعيه
اقتباس:
|
رد: اقتراح طلعة صيد جماعيه
والله معاكو الحق الجيش ممكن يلمنا كلنا على المعتقلات هههههههههههههههههههههههههههه بس فكرة انها تبقى للتعارف فكره رائعه ومميزه بصراحه واتمنى انها تتم على خير انشاء الله
|
| الساعة الآن 06:22 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir