اكشن أخر الليل
 

السلام عليكم
حصل معايا موقف مش عارف اللي عملته صح و لا غلط ..

كان معايا واحد صحبي و مروحين من القهوة علي الساعة 11 بالليل لقيت تاكسي واقف علي جنب و في صوت بنت قاعده بتصرخ
صاحبي قاللي تعالي نشوف في ايه قولتله يعم فكك و كبر ملناش دعوة
المهم وصلنا عند التاكسي لقيت ولد ماسكبنت متبرجه و كاتم فمها
الحقيقه معرفتش امسك نفسي كان فيه واحد صحبه قاعد قدام في التاكسي جنب السواق
المهم قولتلقهم " في حاجه ؟؟ "
الولد اللي قدام رد عليا و قاللي " لا مفيش حاجه دي اختي " فالبنت قالتلي " لا لا متصدقهمش انا معرفهمش "
المهم قولتلهم " طيب بطايقكم كلكم طالما الموضوع كده "
البنت قعدت تقوللي نزلني و الحقني و حاجات من الدي المهم فتحت باب التاكسي و نزلتها و لسه حطلع الموبايل اتصل بالداخلية لقيت شباب معدين و عيزين يتعاركوا معايا المهم بعدين فهموا اني زيي زيهم و جيت علشان الحق البنت
مسكوا الولد و كلموه و البنت ركبت التاكسي و مشيت
طبعا تسألوني فين صحبك اللي كان بيقولك مينفش نكبر دماغنا ارد عليكم و اقولكم كان قاعد بيتفرج من بعيد

ياريت تقولولي اللي عملته صح ولا غلط لان والدتي قالتلي ده كان ممكن يكون حوار علشان يلبسوك قضية و مكنش المفروض ادخل و كمان ايه اللي ينزل بنت في الوقت ده مع شابين !!

دعواتكم معيا في الامتحانات و قولولي ايه رأيكم صح ولا غلط ؟؟
شكرا
:lov:

رد: اكشن أخر الليل
 

موقفك شجاع والمفروض نعمل كدة بس انا بعيب عليك ان سلاحك الموبايل بس دا في خطورة عليك كويس انهم لا يوجد معهم سلاح ربنا ستر

رد: اكشن أخر الليل
 

اللى عملتة صح طبعا وانا نفس الموقف دة شفت شبية لية بس بسناريو تانى
كانت واحدة كدة ماشية فى الشارع بس من شكلها واضح انها من اللى بالى بالك من لبسها الفاضح المهم فجئة كدة جت عربية ونزل منها 3 شباب وواحد منهم ماسك فى دراعها وعايزها تركب العربية وهى عمالة تشتم وتزعق وشكلها كبيرة يعنى فى الثلاثنيات المهم جت عربية تانية فى نفس الوقت ونزل منها حوالى اربع وكلهم عايزين يمسكوها المهم قام واحد منهم فاتح باب العربية اللى ورا والتانى قام واخدها ونايم بيها وطلعوا يجروا بس انا بقة عملت حركة حلوة اوى اوى واعتقد انهم اتقبض عليهم
جيت هنا على النت ودخلت على موقع وزارة الداخلية فى قسم البلاغات وعملت بلاغ وشرحت الواقعة زى ما حصلت وكتبتلهم نمرة العربيتين وكمان نزلت بسرعة لامين مرور دايما بشوفة عندنا فى المنطقة وشرحتلة الواقعة وكتبتلة نمرة العربيتين وكلم ضابط قدامى فى اللاسلكى وسمعت الرد اية وانة جارى تتبع العربيتين

رد: اكشن أخر الليل
 

وعلى فكرة المواقف دية اللى هى بتكون بنت مع مجموعة من الشباب فى عربية وبتزعق مثلا او فى الشارع وبيحاولوا يختطفوها او بيتحرشوا بيها كترت اوى وعشان كدة انا بقول ياريت اى حد من السادة اعضاء المنتدى اصحابنا وحبايبنا شاف مواقف زى دية يحكى عليها ويقول اتصرف ازاى وعمل اية عشان تكون تجربة لكل حد مننا انة لو شاف موقف شبية يعرف يتصرف ازاى
وشكرا

رد: اكشن أخر الليل
 

ربنا يستر وطبعا والدتك خايفه عليك وانا كمان هخاف عليك بس هقولك اللى عملته طبعا صح ولو عملت حاجه انيه غير كده كان زمانك ندمان طول عمرك وبتفكر كان ايه الحوار ولو كنت عملت كذا وكذا بس الحمد لله قدر ولطف وعلى فكره لو مكتوبلك تتعور هتتعور وانتا بتحلق دقنك (بعد الشر طبعا) خد بالك وحرص بس متبقاش سلبى ابدا فى الدنيا وبالتوفيق فى المذاكره ان شاء الله

Re: اكشن أخر الليل
 

رد: اكشن أخر الليل
 

منتهى الرجوله ومش شرط تحكى لوالدتك
بحكم ان كانت تجارتى كلها على الطريق قبل كده كنت بتعرض لمواقف كتير بس بفضل الله كنت بسد
لو حكيت لوالدتى كان من خوفها تقول يا بنى ملناش دعوه
اما والدو ربنا يديه الصحه كان يقولى راااااجل هو دا الصح

رد: اكشن أخر الليل
 

شكرا.لكم.جميعا
الحمد.لله.الواحد.عمل.الصح.و.عدت.علي.خير

رد: اكشن أخر الليل
 

موقف رجولي منك يا كبير

واكيد والدتك هتقولك كده عشان خايفه عليك

رد: اكشن أخر الليل
 

ربنا.يخليك.يا.برنس..:)

رد: اكشن أخر الليل
 

راجل طبعا
مفيش كلام تاني يتقال

رد: اكشن أخر الليل
 

ربنا يخليك يا باشا :)