|
انا اتقهرت
السلام عليكم
نتابع معكم اكشن أخر الليل : http://egyhunt.net/showthread.php?t=44484 كنت قاعد في كافيه في مكان هادئ جدا جدا و الدنيا جميله مع صديق ليا ..المهم الولد اللي لحقت البنت منه عدي قدامي و انا مخدتش بالي منه اساسا و لاقيته بينظر لي و لكن لم اتذكره ..المهم دورت وشي و كبرت دماغي بعد حبة لقيت الولد ده جي و معاه حوالي 10 شباب او اكثر و دخلوا اتعاركوا معايا و للأسف مكنتش مدي خوانه و مكنتش مسلح خالص المهم الولد ضربني علي وجهي و شتمني شتيمه قبيحه فضربته علي وجهه و شتمته و لقيت كلو دخل يضرب فيا و قاومت و لكن للأسف مكنش في بد من المقاومة الكترة تغلب الشجاعه و صديقي حاول يحامي عني بس مفيش فايدة صديقي قاللي اجري فجريت فمسكوه و قالولي لو راجل ارجع خد صحبك فللأسف اضطريت اني ارجع لاني مكنتش مستعد ان حاجه تحصل لصديقي ده و الحمد لله هو ممسهوش السوء و محدش عمله حاجه رغم انهم مجموعه من الهمج للاسف انا كنت في منطقة الولد ده و هو من عائلة عربيه و كل اللي كانوا معاه كانوا قرايبه المهم واحد جدع من عائلة كبيره دخل و قاللي اغسل وشك علشان وشي كان مليان دم نازل من فمي و انفي و ووجهي اتخربش فقط ( الحمد لله ) و بعدين قام بحمايتي و اخرجني من وسطهم و قالهم لو حد قرب حتبقي المشكله معايا و مع علتي و بعدين روحت انا و صديقي و للأسف حاسس بقهر كبير جدا و حاسس اني مش راجل و للأسف مفيش امكانيه اني انزلهم بالمسدس لان عددهم كبير و السلاح عندهم زي الرز .. و الحمد لله انها جت علي قد كده معلش طولت عليكم و حبيت افضفض حبة لاني بعتبركم اسرتي و الخلاصه مصر دي للأسف بقت بلد زبالة و محدش بيقف مع الحق فيها ففكك و كبر دماغك من اي حاجه بتشوفها لانك لو كنت شهم و عملت الصح حتخسر كتييير جداااا في بلد انتهت منها الرجولة و الجدعنه شكرا لكم |
رد: انا اتقهرت
اولا بغض النظر عن اى حاجه انت رجوله كونك انك تشوف بنت بتستغيث وتحاول تنقذها ده ف حد ذاته شهامه منك وموضوع الكتره تغلب الشجاعه ده اكيد لكن الحق يهزم الباطل وانت كنت ف صف الحق وتصرفك ده دليل ع حسن اخلاقك...لكن متخليش موقف زعلك او جه عليك بأذى يقلل من شهامتك لكن تاخد بالك بعد كده وتحكم عقلك قبل اى شئ ومتنساش ان اللى بتعمله انهارده هيتردلك بكره سواء خير او شر
ارجو تقبل مرورى.. |
رد: انا اتقهرت
بلاغ محترم يا باشا بوجود ارهابيين في المنطقه دي بأسمائهم و الشرطه هتعمل اللازم.
|
رد: انا اتقهرت
اعمل بلاغ و انت راجل من موقفك ده و اهم شئ انك تمام
|
رد: انا اتقهرت
شكرا لكم جميعا :)
بالنسبة للبلاغ فده شبه مستحيل لان القسم عندنا بيقولولك روح جيبهم انت و احنا نظبطهوملك و حصلت معايا قبل كده و المرة اللي فاتت كانت مع حبة عيال ملهومش اهل امال المرة دي مع عيله كامله يبقي لا حياة لمن تنادي :( :( |
رد: انا اتقهرت
احييك علي رجولتك القويه
والكل عارف ان العدد هيتفوق علي الفرد وان شاء الله ربنا يجبلك حقك |
رد: انا اتقهرت
باشا من متابعتي لكلام حضرتك اولا تصرف حضرتك انك تقف لحد بيصوت دي رجوله تمام التمام ولكن حضرتك مشيت البنت ليه .. وعرفت هيا قريبتهم ولا خاطفينها ولا هيا مش تمام ...
وقتها حضرتك كنت وقفتهم كلهم وبلغت الشرطه بحاله اختطاف انثي وكانوا هم اتصرفوا .. ثانيا .. خناقه حضرتك معاهم في الاول مش صح لان دي مش منطقتك والمعروف ان اي تصرف في غير منطقتك يبقي بالعقل وحتي لو معاك ترسانه اسلحه الا في حاله بتدافع عن الشرف او بايع الدنيا وعايز بالبلدي تعلم علي حد ثالثا.. بالنسبه للبلاغ لن يحدث شئ لانها تعتبر خناقه ولن تحقق اي شئ الاان كنت بالكشف في مستشفي مع تقرير بأكتر من 21 يوم وبرده لو ملكش في قله الادب والحوارات مكنتش هتسلك فيها علي كل حال حمدالله علي السلامه بس ابقي احسبها صح |
رد: انا اتقهرت
حمد لله على سلامتك يا كبير ....
و حط فى نفوخك حاجة ..... الكترة تغلب الشجاعة ..... و اى حد فكهانى بق هيقول انا كنت عملت و سويت قول له انت كداب و هجااص بعد كده لازم الموضوع يتحسب صح ويبقي في تقدير موقف .... الخناقة حاجة من اتنين ..... يا اما هتبقي خناقة زعيق و تهويل و اللى قدامك يتهز منك ..... وهنا لازم انت تزعق اكتر وتسوء فيها و تعلى حسك و تعمل فيها الشجيع .... او تبقي اشتباك وش ..... و هنا لو لقيت نفسك مضروب مضروب ..... اول الخناقة تلطش اللى قدامك قلم مخبرين .... حتى لو طلعت عينك .... بعد الخناقة الناس كلها هتحكى عن القلم بتاعك ..... و ينسوا اللى حصل فيك ... ولو لقيت وسيلة تنقذ نفسك بيها .... ايا كانت استخدمهاااااا ..... ياروح ما بعدك روح ..... |
رد: انا اتقهرت
انتا رجووووووووووله واحتسب الموقف ده عند ربنا عز وجل ربنا يجزيك بيه خير ان شاء الله
وبخصوص النفسيه والقاهره شويه وكل حاجه هترجع طبييعه |
رد: انا اتقهرت
كل الي هقوله انت رااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااجل
ومتخليش موقف زي ده يهزك |
رد: انا اتقهرت
يا عم عادى.......قول حسبى الله ونعم الوكيل من قلبك وربنا هايجيبلك حقك...انت كنت تزعل لو واحد لواحد جه يتخانق معاك وانت جريت منه..انما انك ترجع تانى وتحوش عن صاحبك فدة موقف شهوميه ورجولة..كنت ممكن تجرى وخلاص لو انت اى كلام
|
رد: انا اتقهرت
احييك علي رجولتك
|
رد: انا اتقهرت
شكرا لكم جميعا و الله مش عارف اقولوكم ايه و مش عارف اوصف قد ايه انا مبسوط باهتمام حضراتكم :) الحمد لله انها جت علي قد كده و انا كلمت ناس صحابي و الواد ده حيتربي هو و عيلته عم قريب ان شاء الله ...دعواتكم معانا
|
| الساعة الآن 11:52 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir