|
استفسار عن الهاي باور
السلام عليكم و رحمه الله و بركاته ...
انا محمد عضو قديم في المنتدي - مش قديم أوي يعني :) - اولا وحشتوووووني جدا جدا جدا والله لأني بعتبر الصيد في مصري بيتي الثاني انا كنت بنشر مواضيع نظري كتير اوي عن الخرطوش و متعلقاته و الحمد لله ربنا كرمنا وعرفنا نرخص بندقي خرطوش - بغرض الحمايه و الدفاع عن النفس - بنللي - بس بنصاد بيها عادي في الخباثه كده :) في الريف عندنا - بس للأسف مش لاقي متعه القنص ودي هوايتي من الاساس ياريت بعد إزنك نتناصح مع بعض في الحاجات دي : انا إن شاء الله نويت اجيب بنادق ضغط هواء - هاي بور - في العيارات الثلاثه 177. ، 22 ، 25 يعني نمره 1 ، 2 ، 3 وحبيبت اخد ارأئكم و نصائحكم لأني إن شاء الله عاوز اجيب افضل حاجه - بغض النظر عن السعر - في الثلاث نمر فأبأذن الله عاوز اعرف افضل نوع و موديل في كل نمره من حيث السرعه الفعليه ، المدي المؤثر ، المتانه ، الفاعليه ، انسب - افضل - نوع رش ليها من حيث النوع و الوزن والشكل و هكذا ، افضل تلسكوب موائم ليها برده لو في اي حاجه تانيه انا نسيتها ياريت تفيدوني فيها بس انا عاوز رأي فيصل يعني :) في ال3 عيارات او نمر وياريت برده فكره عن السعر مايضرش :) الطرائد الي هصيدها بأذن الله : من اليمام للغزال مرورا بالبط و البجع و الحمام :) وايه رأيكم في بنادق ضغط الهواء الي بتعتمد علي الغاز ؟ والف مبروك علي عوده المنتدي بس ليا تعقيب بسيط لو تسمحوا كان في مواضيع كتيره جدا جدا مش موجوده هنا خاصه في القسم هنا ياريت تحاولوا تجيبوها والف شكر مقدما :) |
رد: استفسار عن الهاي باور
اي مساعده :)
|
رد: استفسار عن الهاي باور
من الاخر كده ونصيحه
هات ديانا 54 اير كينج نمره 2 وتبقى جبت من الاخر خالص |
رد: استفسار عن الهاي باور
زي ما قال اتش الديانا 54 من الااااااااااخر وبس
|
رد: استفسار عن الهاي باور
بندقيه تعيش لغاية حفيد حفيدك
|
رد: استفسار عن الهاي باور
طب وسعرها كام على كده ال54 دى يا استاذ هشام
|
رد: استفسار عن الهاي باور
هات ديانا 54 اير كينج بالاسكوب بتاعها حلم كل صياد هاتصطاد معاك اى حاجه وملهاش رد فعل وسيبك من بنادق الغاز لانها لسه مش منتشره فى مصر والله الموفق نسر مصر
|
رد: استفسار عن الهاي باور
متشكر ليكم جدا بس ممكن معلومات عنها زي مواصافاتها ، سرعتها ، قوتها ، سعرها و مستلزماتها زي السكوب كده لأني لقيت نقاش في المفاضله بين ال 54 و ال 56 و ال 52 وال 350 وياريت وجهه نظركم في البنادق الغاز لوقتها الجباره واعيرتها المختلفه والف الف شكر ليكم
|
رد: استفسار عن الهاي باور
استاذي العزيز اولا الف مبروك علي ترخيص البنيلي طبعا حاجة محترمة فوق الوصف وربنا يديك خيرها ويبعد عنك شرها بعون الله اما عن طلبك في الافادة عن نوع وعيار افضل البنادق ضغط الهواء فان كنت تفضل انواع الهاي باور فاعلم ان اي بندقية تتخطي حاجز ال 210 متر / ث هي من بنادق الهاي باور ولكن تختلف البنادق من حيث القوة والدقة وجمال الصناعة والفينيش اولا طبعا بنادق الديانا الالمانية وشهرتها الواسعة تجعلها متربعة علي عرش الهوائيات للصيد والديانا ال 52 او الديانا ال 54 اير كينج هم الافضل لاختيار معظم محبي هواية الصيد في مصر وربما في اكثر البلدان العربية لقوتها وجمال شكلها ودي صورة الديانا 54 http://im81.gulfup.com/mWhB5.jpg وزن البندقية 4 ك السرعة حسب القياسات المقدره للعيار 22 . 270 م/ث من جدول شركة ديانا الطول الكلي للبندقية 110 سم السعر حسب التاجر وسعر السوق بين يوم واخر بس ممكن من 7000 جنية زيرو **************** اما الديانا 52 ودي صورتها http://im50.gulfup.com/jdXud.jpg لا تختلف كثيرا عن شكل سابقتها 54 وزن البندقية 4 ك السرعة حسب القياسات المقدره للعيار 22 . 270 م/ث من جدول شركة ديانا الطول الكلي للبندقية 110 سم السعر حسب التاجر وسعر السوق بين يوم واخر بس ممكن من 6000 جنية زيرو **************** اما بالنسبة لبعض الانواع الخري التي تنافس الديانا فمنها ( الفايروخ ) الالمانية ايضا وتتعدد منتجات فايروخ وتتعاظم في الشكل والتقنية والجمال والدقة عن مثيلاتها الديانا الالمانية ومنها علي سبيل المثال الفايروخ 77 ودي صورتها http://im44.gulfup.com/giZ2Q.jpg مواصفات البندقية نظام تعمير بعتلة سفلية سرعة 230 م/ث للعيار .22 .... و290 م/ث للعيار .177 ولكن المتاح منها في مصر العيار 177 وزن البندقية 4 ك و 100 جرام تقريبا والسعر في مصر تقريبا من 7500 جنية حسب التاجر ايضا ***************** الفايروخ 80 الجباره ودي صورتها http://im45.gulfup.com/Z6F9B.jpg نظام التعمير بكسر الماسورة السرعة 245 م/ث للعيار .22 ..... و 295 م/ث للعيار .177 الوزن 4 ك السعر تقريبا من 6000 جنية لما اعلي حسب سعر السوق والتاجر ***************** بعد كده نيجي للماتادور الاسباني ( جامو ) ومنها الجاموا القوية والفتاكة وايضا صاحبة الدقة العالية جدا جدا جامو هانتر 1250 ودي صورتها http://im85.gulfup.com/6cT0t.jpg وزن البندق 4 ك و 100 جرام تقريبا سرعة الطلقة بالثانية 280 م /ث للعيار 22 الطول الكلى للبندق 123 سم السعر تقريبا من 5500 حسب سعر السوق ****************** وايضا ملكة الجامو وتسمي الموووس او الملكة وهي جامو cfx. royal ودي صورتها http://im90.gulfup.com/NnxKG.jpg ودي معشوقتي وامتلكها الان قمة في الاداء والدقة والروعه وزنها 3ك و 100 جرام تقريبا الطول الكلي للبندقية 116 سم السرعة حسب قياس الكرونوا 220 م/ث للعيار 22 السعر من 4200 تقريبا حسب سعر السوق ******************* واخيرا الفارق بين العيار 177 والعيار 22 هو اختيارك لنوع الصيد فلو انك ستصطاد احجام كبيره مثل البط والبجع فلن يكون العيار 177 زو تأثير ايجابي معك وذلك لخفة وزنه وصغر حجمة مع تلك الاحجام من الطيور ولذلك انصحك بالعيار 22 افضل واختيارك للبندقية يتوقف علي قبولها لديك شكلا وموضوعا وسعرا فالقوه في بعض الاحيان تأتي علي حساب الدقة في بعض البنادق وهذا ما تعلمتة من الاكثر مني خبره علي مضي الوقت فالديانا قوية جدا في مطلق انواعها ولكن الجامو ادق في الرمايه والتصويب والديانا جميلة جدا ولكن الفايروخ ابهي واقيم من حيث الشكل والتصنيع والابتكار والتطور فانا لو مكنك لاخترت العيار 22 بدون نقاش وعدم التفكير في العيار 25 لندرة تواجده في مصر وايضا لندرة قطع غيار البنادق نمره 3 وغلاء اسعارها ده ان وجدت اساسا فعليك ان تختار ما بين الديانا والفايروخ والجامو لذلك وضعت لك الصور والبيانات لكل الانواع التي يحبها ويسعي لاقتنائها الصيادين في مصر غير انواع بنادق الهواء سابقة الشحن او ما يسمي بال pcp وانواع الرش التي انصحك بها الجامو ماتش - البرو ماجنوم - h.n الالماني واخيرا ارجوا ان اكون قد وفقت في ايصال المعلومات اللازمة لك واتمني ان اكون اصبت في المعلومات التي تعلمتها من اساتذة كبار واصدقاء اكن لهم وافر التقدير والاحترام والاعتراف بالفضل ملحوظة اخيره وهامة : ان قررت شراء الديانا ابحث عن اصدارات الزناد t01 وليس t06 وذلك لتجنب بعض العيوب التي ذكرها الكثير من محبي هواية الصيد عن الاصدار t06 |
رد: استفسار عن الهاي باور
لا اجد كلمات اعبر بها عما اراه ، جزاك الله خيرا علي الشرح الوافي الجميل و علي الدعاء الاجمل ، لكن ارجو ان يتقبل صدرك الرحب مقام الحوار :
جزاك الله خيرا حضرتك وضحت مميزات كل نوع علي حدي وكل موديل ، من ناحيه الشكل الجمالي انا اميل للديانا خاصه موديل 54 ، من ناحيه العيار بعد توضيح حضرتك افضل عيار 22 لمميزاته لكن لي تعليق لو تسمح : انا محتار عشان حاجات كتير ، ناس كتير بتعيب البنادق العتله و ناس تانيه بتعيب الكسر ، صعب اني افاضل القوه عن الدقه او العكس ، اني الاقي كذا موديل مثلا لديانا زي 52 و 54 السرعه واحده وفرق السعر مش كبير ، حاجه زي الفرق بين ال 350 ماجنوم و ال 56 وال 54 وال 34 ناس كتير ليهم باع في المجال بيفضلو موديل واحد ويعيبو الباقي ، برده حاجه زي بنادق الغاز مش قادر اتجاهل فرق القوه الي ساعات بتوصل ل 50 ضعف الديانا ، برده انواع تانيه زي الويبلي جميله - كل دي اسباب مخلياني محتار جدا بس اعمل ايه !؟ وياريت اعرف عموما ايه الافضل العتله و لا الكسر من ناحيه كل حاجه و المقذوفات الثقيله زي الباركودا افضل و مش بتفرق ؟ ، اسف علي الاطاله و رجاء ان يسع صدركم لي ، الف الف شكر |
رد: استفسار عن الهاي باور
((( انا محتار عشان حاجات كتير ، ناس كتير بتعيب البنادق العتله و ناس تانيه بتعيب الكسر )))
استاذي العزيز موضوع الفارق بين العتلة والكسر او الاختيار بينهما والمفاضلة يتوقف علي ارتياحك للموديل ونظام استخدامة في ناس تفضل الكسر لقلة خطوات التعمير وتخوفها من استخدام العتلة لما يتردد عنها بانها سهلة الافساد ولكني اري ان بوظان اي بندقية او فسادها سببه الرئيسي عدم الاعتناء بها وصيانتها وردائة الاستخدام والتعامل معها من الاساس ولا اظن ان الشركات العالمية المنتجة والتي طورت من نظام الكسر الي العتلة تري ان نظام العتلة نظام رديئ او غير محبب وتستمر في انتاجة بتلك الكميات ومع اختلاف الاصدارات والاشكال وده ردي علي استفسارك في الجزء الخاص بالعتلة او الكسر |
رد: استفسار عن الهاي باور
(((
صعب اني افاضل القوه عن الدقه او العكس ، اني الاقي كذا موديل مثلا لديانا زي 52 و 54 السرعه واحده وفرق السعر مش كبير )))ولا صعب ولا حاجة كل اللي تقدر تستفيد منه انك لما تكون حابب انك تقتني الديانا تشوف اكبر وامهر الصيادين بيفضلوا انهي نوع في اصدارات الديانا عندك مثلا : الاستاذ المحترم محمد محمود وهو من امهر الصيادين الذين عرفتهم يفضل ال 54 " 52 وايضا الانسان الخلوق الاستاذ حسن عرابي / لسة جايب الديانا 54 زيرو ربنا يبارك له فيها وايضا الاستاذ المحترم هشام سمير / اختارها ورجحها لك في اول التعليقات وايضا الانسان الخلوق الاستاذ / جلال خليفة يمتلك ال 54 وايضا الاخ الفاضل / ابو شمس لا اظن انه يستطيع ان يفضل شيئ عن تلك الاصدارين والمحترم الكريم / استاذ ايمن ايضا يعشق ال 54 ويمتلكها وختامها مسك / السيد المستشار محمود بك فليفل الاب الروحي وعميد منتديات الصيد ايضا مع ال 54 والسيد المحترم صاحب اجمل طلعات المستشار / حسن الاسيوطي مع الديانا ال 54 من هنا يا صديقي ومع كل تلك الشخصيات التي اصبحت كالنجوم في عالم هواية الرماية والصيد وعشقها لنوع معين من البنادق تستطيع ان تحدد هدفك وتختار |
رد: استفسار عن الهاي باور
اما بخصوص بنادق ال pcp سابقة الشحن فطبعا لها عشاقها ومريديها وهي حلم كل صياد ولكن تقريبا معظم الناس بتفضل الديانة وبعض الانواع الاخري نظرا لعدة اسباب
1 - ارتفاع اسعار تلك النوعية من البنادق بشكل خرافي 2 - ندرة وجود قطع الغيار وارتفاع سعرها ايضا في مصر 3 - اختلاف قوة دفع واطلاق المقزوفات من بداية اطلاق اول رشة مقارنه بالتي تليها الا اذا كانت مزوده بسيستم لمعايرة وتنظيم كمية الهواء المضغوط للتحكم في سرعة وقوة الاطلاق وده مش في كل الانواع 4 - لذلك الديانا بالنسبة للعمالقة كالسهل الممتنع وبدون وجع دماغ ليهم |
رد: استفسار عن الهاي باور
اما بخصوص انواع الرش والمفضل منها للصيد او للرماية
فمعظم من ذكرتهم لك من السادة الاساتذة والعمالقة الكبار يستخدمون ( الجامو ماتش ) الثقيل للرماية بسبب دقته ومنهم من يستخدمة ايضا للصيد وليس للرماية فقط والبعض الاخر يفضل الجامو ماتش للرماية والبروماجنوم للصيد لكلا منهم اراء مختلفة حول نوعية الرش المستخدم حسب راحتة وقناعته الشخصية به وانا تحت امرك في اي استفسار في اي وقت وفي اي شيئ طالما كان باستطاعتي الاجابة علية بما تعلمتة من الجميع من الاساتذة الكبار فانا حتي الان ماذلت اتعلم منهم الجديد والجديد كل يوم |
رد: استفسار عن الهاي باور
تسلم إيدك علي الرد الأكثر من وافي ربنا يكرمك
انا خلاص استقريت إن شاء الله علي الديانا 54 اير كنج وبأذن الله هبدأ اخد لفه علي المحلات والاسعار وهجيب الزناد ال t01 زي ماحضرتك نصحتني ، بس موضوع ال pcp مش راضي يطلع من دماغي انا ممكن اجيب الأثنين بس مش الفكره ، معلش لو ممكن حضرتك تشرحلي فكره عمل البسم بس بأسلوب بسيط لأن في مصطلحات كتير مش عارفها وجزاك الله كل خير |
رد: استفسار عن الهاي باور
ولو امكن برده تشرحلي ميكانزم ال pcp يبقي جميل عمره ماهنساه لأني صراحه شوفت ال pcp بتاعه الد.يسري وعجبتني فكره التصنيع فابدل ما اشتري إثنين اشتري الديانا واصنع دي - دي مجرد فكره - والف شكر لحضرتك
|
رد: استفسار عن الهاي باور
اقتباس:
لذا كان علي شرح ميكانيزم ال pcp عليك وعلي الاستاذ عادل احمد او الاستاذ محمد فكية دول ملوك المعلومات عن الانواع دي من البنادق اما انا فحجم معلوماتي عنها ضئيل جدا يا صديقي بالنسبة لهؤلاء الخبراء المتخصصين |
رد: استفسار عن الهاي باور
اقتباس:
علي البركة والف مبروك مقدما وبالمنتدي عروض كثيره من اكثر التجار امانة واحتراما فكلهم علي حد سواء وانا بصراحة عاجبني عرض ايهاب حمزاوي ( شيخون ) علي البنادق الديانا ممكن تدخل وتتابع عرضة الاستاذ / حسن عرابي لسة شاري منه الديانا 54 من يومين تقريبا واصدار t01 |
رد: استفسار عن الهاي باور
الف شكر لحضرتك يافندم والي فيه الخير ييسره ربنا ، جزاك الله كل خير
|
رد: استفسار عن الهاي باور
اقتباس:
بالتوفيق بعون الله استاذ محمد |
رد: استفسار عن الهاي باور
موضوع رائععععععععععععععععععععععععع
|
رد: استفسار عن الهاي باور
الديانا على وجه العموم بنادق محترمة جدآ من ال48 _52_54_ 350 ماجنوم ____اذا حضرتك عايز حاجة بدون رد فعل ووزن تقل يبقى ال54 ايركنج ___اذا حضرتك عايز حاجة برد فعل ووزن اقل من وزن ال54 يبقى ال48_او ال52___واذا حضرتك عايز بندقية اقوى بفار طفيف ووزن اخف يبقى ال350 ماجنوم ____ما يعيب انتاج t06هو انفلات عامود البستم وليس العيب فى الزناد نفسه ___وقد شاهدت ذلك بأم عينى عندما اصلحت بنادق t06مثل ديانا 52 او 54 وقد شاهدتها فى ديانا 48\52 t01وتم اصلاح البساتم بعمل تيله مقلوظة___ ومنها اخرى تم عمل ثقون وملئها بالنحاس وهى تعمل بكفاءة عالية حتى لا تتسب فى ضرر لاحد بفضل الله
|
رد: استفسار عن الهاي باور
من سعر الديانا اكيد واضح انها اجمد بندقية ضغط هواء 7000 جنيه :d
|
| الساعة الآن 08:55 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir