الصيد فى مصر

الصيد فى مصر (http://www.egyhunt.net/index.php)
-   صور وفيديو الصيد ورحلاته (http://www.egyhunt.net/forumdisplay.php?f=47)
-   -   الله ينور على الرمسيس وصيدها (http://www.egyhunt.net/showthread.php?t=4487)

dr mohamed kamal 11-01-16 02:41 AM

الله ينور على الرمسيس وصيدها
 
2 مرفق
هذه الطلعة سريعة جدا لم تستغرق سوى 15 دقيقة ,سبع يمامات بسبع رشات,وهذه الطلعة لرفع روحى المعنوية,بالرمسيس 1 حبيبتى , بعدما أصابتنى BSA Airsporter22 بالاحباط

mahmoud el masry 11-01-16 08:06 AM

رد: الله ينور على الرمسيس وصيدها
 
اية الجمال دة انا بردو عندى رمسيس بصيد بيها كل حاجة يمام و حمام وغربان :d

درويش51 11-01-16 10:08 AM

رد: الله ينور على الرمسيس وصيدها
 
هذه الطلعة سريعة جدا لم تستغرق سوى 15 دقيقة ,سبع يمامات بسبع رشات,وهذه الطلعة لرفع روحى المعنوية,بالرمسيس 1 حبيبتى , بعدما أصابتنى BSA Airsporter22
دكتور محمد لك منى كل تحية وبالهنا والشفة
بس معلش يعنى ازاى نقارن بين رمسيس نمرة واحد وبى اس اية ايرسبورت
كانك بتقارن بين السما والارض واية كمان بتقول الرمسيس احسن ازاى يعنى
رايى الشخصى لو الغاز اللى ابتكرتة رائع للدرجة دية اعرضة على شركة بى اس اية يمكن تلغى نمازجها وتعتمد نموزجك الجديد
المهم بالف هنا وشفا مرة تانية والصيد صياد مش بندقية صح ولا لاة تقبل مرورى واسف على الاطالة

msa_79 11-01-16 11:46 AM

رد: الله ينور على الرمسيس وصيدها
 
ما شاء الله يادكتور محمد الطلعات الخيانه دي اللي من ورانا
بس ولا يهمك وبالهنا والشفا

ابو مروان 11-01-16 02:29 PM

رد: الله ينور على الرمسيس وصيدها
 
الف هنا يا دكتور بس انتة كدة قناص موش صياد

هشام سمير 11-01-16 04:01 PM

رد: الله ينور على الرمسيس وصيدها
 
الف هنا وشفا يا دكتور وافضل بندقيه هو ما يتألف معها الصياد مهما كان نوعها فأنا اعرلم كثيراًمن الصيادين غير مقتنعين غير بالتل المجرى ويسخر من اليانات والبى اس

dr mohamed kamal 11-01-16 05:14 PM

رد: الله ينور على الرمسيس وصيدها
 
اقتباس:

المشاركة الأصلية كتبت بواسطة درويش51 (المشاركة 43554)
هذه الطلعة سريعة جدا لم تستغرق سوى 15 دقيقة ,سبع يمامات بسبع رشات,وهذه الطلعة لرفع روحى المعنوية,بالرمسيس 1 حبيبتى , بعدما أصابتنى bsa airsporter22
دكتور محمد لك منى كل تحية وبالهنا والشفة
بس معلش يعنى ازاى نقارن بين رمسيس نمرة واحد وبى اس اية ايرسبورت
كانك بتقارن بين السما والارض واية كمان بتقول الرمسيس احسن ازاى يعنى
رايى الشخصى لو الغاز اللى ابتكرتة رائع للدرجة دية اعرضة على شركة بى اس اية يمكن تلغى نمازجها وتعتمد نموزجك الجديد
المهم بالف هنا وشفا مرة تانية والصيد صياد مش بندقية صح ولا لاة تقبل مرورى واسف على الاطالة

شكرا أ/درويش على مرورك الكريم ,المشكلة مش الجاز رام ,أنا غيرت الجاز رام وركبت السوستة مرة أخرى ,وسوستة ب7 جنيه 37 حلقة وسمك السوستة هو سمك سوستة البى إس ولكن القطر أقل طبعا ,وما زالت مدفع كما هى ونفس الدقة,والبندقية بنتائجها و ليس بإسمها ومركتها, لك تحياتى

osama2011 11-01-16 05:49 PM

رد: الله ينور على الرمسيس وصيدها
 
متألق كعادتك يا دكتورنا العظيم ولو بنبله هتصطاد بيها
ربنا يباركلك ويوفقك

مختار 11-01-16 05:54 PM

رد: الله ينور على الرمسيس وصيدها
 
تسلم ايدك يا دكتور واى بندقيه سواء رمسيس أو بى اس مع المحافظه عليها بتكون ممتازه وبعدين 7 يمامات فى 15 دقيقه يعنى بمعدل يمامه كل دقيقتين ده انجاز وبحييك وشكرا ليك

AMR EBID 11-01-16 06:21 PM

رد: الله ينور على الرمسيس وصيدها
 
فعلا يا دكتور البي اس اير اسبورت مع احترامي للمدلات التنيه من بي اس صفر علي عشره كفايه كل خمس رشات بيتفك النشان الامامي والخلفي بعتها بخصاره 700 جنيه واشتريت ديانا 54 متعه بس للاسه بقالها 7 شهور مركون ام الغربا

dr mohamed kamal 11-01-16 06:29 PM

رد: الله ينور على الرمسيس وصيدها
 
اقتباس:

المشاركة الأصلية كتبت بواسطة osama2011 (المشاركة 43585)
متألق كعادتك يا دكتورنا العظيم ولو بنبله هتصطاد بيها
ربنا يباركلك ويوفقك

أستاذ أسامه شكرا على مروركم الكريم,أنت إنسان جميل,و أخلاقك عظيمةونبيلة,تحياتى

أميجو 11-01-16 11:09 PM

رد: الله ينور على الرمسيس وصيدها
 
ألف هنا وشفا
وفعلا الرمسيس هى البندقية الشعبية فى مصر وهى الاصل .

Consul 11-01-16 11:39 PM

رد: الله ينور على الرمسيس وصيدها
 
بسم الله ماشاء الله...لا قوة إلا بالله...بارك الله فيما رزق...بألف هناء وشفاء أخي العزيز الدكتور محمد كمال...إن شاء الله تكون نفسيتك أحسن الآن...أنا بقى إللي نفسيتي تعبت...علشان المفروض كنت خارج معاك لولا المطر وإصلاحات الغاز في منزلي...تتعوض قريبا بإذن الله...خالص تحياتي...

dr mohamed kamal 11-01-17 01:40 PM

رد: الله ينور على الرمسيس وصيدها
 
اقتباس:

المشاركة الأصلية كتبت بواسطة msa_79 (المشاركة 43561)
ما شاء الله يادكتور محمد الطلعات الخيانه دي اللي من ورانا
بس ولا يهمك وبالهنا والشفا

شكرا أ/محمد ,البى إس خلتنى أشك فى نفسى, فكان فيه شجرة فى ميدان السكاكينى عندنا فى الظاهر ,نزلت بالكشاف الجديد والرمسيس, وكان الصيد الخاطف ده ,لان الشجرة تبعد عن قسم الظاهر 30 متر,أنا مستنى إعادة الكره مره ثانيه فى نكلا,وسلامى لعمرو

msa_79 11-01-17 02:17 PM

رد: الله ينور على الرمسيس وصيدها
 
عيب تشك في نفسك يا دكتور حضرتك ماشاء الله عليك صياد بجد بس البي أس هيا اللي حالتها استثنائيه
وان شاء الله اول طلعه حضرتك معانا

dr mohamed kamal 11-01-17 04:04 PM

رد: الله ينور على الرمسيس وصيدها
 
شكرا أبو مروان على مرورك الكريم ,وعلى الشهادة الغاليه,تحياتى

coyote160 11-01-25 12:02 AM

رد: الله ينور على الرمسيس وصيدها
 
ممتاز يا لاشا والله انت لو بصيت في الورشة في المنتدي تلاقي موضوع طويل عن الرمسيس والله البندقية دي مظلومة وبفكر نعمل في المنتدي اتحاد ملاك الرمسيس عشان انا بزعل عشانها والف هنا يا باشا

Consul 11-01-25 12:12 AM

رد: الله ينور على الرمسيس وصيدها
 
أخي العزيز الأستاذ كيوت160...والله لك وحشه كبيييييييييرة...إنت عامل 3 أجزاء ما شاء الله في الرمسيس...أنا لسه من يومين فاككها ( عزيزة ) ومغيرلها جلبة ومشحمها وزي الفل...عروسة في الكوشة...عشرية وليها أكثر من 37 سنة معايا بنت حلال وقنوعة وبترضى بالقليل...لها مكانة ومعزة خاصة في قلبي...خالص تحياتي...

talha 11-02-05 02:52 PM

رد: الله ينور على الرمسيس وصيدها
 
هو لموضوع مش البندقية الموضوع هو الصياد


الساعة الآن 12:11 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir