الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   كيف تصطاد اسد ببندقية رمسيس نمرة 1 (http://www.egyhunt.net/showthread.php?t=4492)

mero1x 11-01-16 03:22 PM
كيف تصطاد اسد ببندقية رمسيس نمرة 1
 
الى جميع الاخوة الاعزاء بالمنتدى

تصدقوا ان ممكن الواحد يصطاد اسد ببندقية رش نمرة واحد

قبل ما ادخل للموضوع كنت عايز اعمل استفتاء للسادة المؤيدين لكلامى والسادة المعارضين
وبعدين هقولكم على السر

وعلى فكرة انا جربت الطريقة دى على الكلاب الجبلى وما اشد الكلاب عموماً

مستنى الردود

امير
عاشق السلاح

msa_79 11-01-16 03:27 PM
رد: كيف تصطاد اسد ببندقية رمسيس نمرة 1
 
طبعا محتاجه حظ ومهارة قوية جدااااا
الطريقة الأولي
انك تضربه مباشرة في النخاع الشوكي وهو المنطقه في اعلي الرقبة من الخلف وهي منطقة خالية من العظام وأذا تمت اصابتها سوف يصاب الاسد بشلل كامل في جميع جسده بإستثناء الرأس فقط.
الطريقة الثانية وهي أصعب وتعتمد علي ان تصيبه في حنجرته مباشرة وسوف يصاب بالاختناق.

مختار 11-01-16 04:19 PM
رد: كيف تصطاد اسد ببندقية رمسيس نمرة 1
 
يا جماعه لحظو انكو بتتكلمو عن اسد مش كلب .احنا بنشوفه بيضربوه ببنادق نار وبيموت بعد ثلاث او أربع طلقات يعنى مش بالسهل انه يموت . هوه يموت اه انما يموت بكده معتقدش والنقاش مفتوح لباقى الأعضاء

msa_79 11-01-16 04:31 PM
رد: كيف تصطاد اسد ببندقية رمسيس نمرة 1
 
مانا قلت عايزه حظ جامد اوي لأنها لو مجتش في المكان الصحيح يبقي قول علي نفسك يارحمن يارحيم

dr mohamed kamal 11-01-16 05:26 PM
رد: كيف تصطاد اسد ببندقية رمسيس نمرة 1
 
اقتباس:
المشاركة الأصلية كتبت بواسطة mero1x (المشاركة 43572)
الى جميع الاخوة الاعزاء بالمنتدى

تصدقوا ان ممكن الواحد يصطاد اسد ببندقية رش نمرة واحد

قبل ما ادخل للموضوع كنت عايز اعمل استفتاء للسادة المؤيدين لكلامى والسادة المعارضين
وبعدين هقولكم على السر

وعلى فكرة انا جربت الطريقة دى على الكلاب الجبلى وما اشد الكلاب عموماً

مستنى الردود

امير
عاشق السلاح
يمكن ذلك يا أخى بس فى حالة واحده فقط ,إنك تضربه ببندقيتى الرمسيس 1 الجبارة ,وتكون نائم بتحلم ,هههههههه, تقبل تحياتى

osama2011 11-01-16 05:53 PM
رد: كيف تصطاد اسد ببندقية رمسيس نمرة 1
 
متهيالي الموضوع ده خيالي زياده عن اللزوم

hoka 11-01-16 06:14 PM
رد: كيف تصطاد اسد ببندقية رمسيس نمرة 1
 
اولا حتى لو الاسد نايم وانت جاى على اى منطقه فى جسمه وتضرب بويبلى نمره 1
بردو مش هاتموته
لعده اسباب اولها سماكه جلده الرهيبه وقوه عظامه
جرب كده هات عظمه من عجل او جاموس من الجزار واضرب فيها رشايه وشوف التاثير
وقارن طبعا قوه اسد بكده
ثانى سبب ان مفيش رش قوى يقدر يستحمل كده وما يطبقش بفعل الاصطدام
السبب الاخير ان حتى لو نارى وبتضرب رشه نمره 1 ببارود هايحصل حاجه من اتنين
اما الرشه تبطق قبل ما تخرج من البندقيه او انها تطبق على عظم الاسد ده اذا اخترقته اصلا
وللعلم
حتى لو ضرب فى عينه مش هاتقدر تموته لان عظم العين مخروطى ولازم الرشه تمشى فى مسار معين على طول خط مستقيم علشان تقدر بالكاد انها تكمل حتى نهايه اعصاب العين
فى كل حال من الاحوال ده شئ لا يقبله عقل
وراعى انك قلت فى موضوعك بالرمسيس نمره 1 وجاى تكتب فيه ببندقيه رش نمره 1
معنى كده انك بتغير فى محتوى العنوان

Mo7a 11-01-16 06:36 PM
رد: كيف تصطاد اسد ببندقية رمسيس نمرة 1
 
اقتباس:
المشاركة الأصلية كتبت بواسطة dr mohamed kamal (المشاركة 43581)
يمكن ذلك يا أخى بس فى حالة واحده فقط ,إنك تضربه ببندقيتى الرمسيس 1 الجبارة ,وتكون نائم بتحلم ,هههههههه, تقبل تحياتى
زي ما الدكتور بيقول ويكون حلم جميل

أميجو 11-01-16 11:37 PM
رد: كيف تصطاد اسد ببندقية رمسيس نمرة 1
 
الدنيا الان فيها العجب والحلم اول الطريق لتحقيق المستحيل .
لما لا
كل شئ وارد

Consul 11-01-17 12:21 AM
رد: كيف تصطاد اسد ببندقية رمسيس نمرة 1
 
أنا عن نفسي زماااااااان كان لي صاحب مربي فأر في مصيدة...ولشجاعته وجرأته ولماضته...كان مسميه أسد...فإذا كان الأسد الذي تقصده من هذه النوعية...فيمكن حتي أن تقتله بالشبشب وليس بالرمسيس...أما إذا كنت تقصد أسد بمعني أسد ( ملك الغابة ) المعروف للجميع...فأنا قلت زمان في مداخلة أن أي بندقية يمكن أن تضرب بها أسد...ولكن للأمانة لن تسقطه أو توقعه من على الشجرة...ها تنزله بس علشان يجري وراك...وتحياتي لأقرب شجرة تتسلقها هربا من الأسد...

hoka 11-01-17 12:39 AM
رد: كيف تصطاد اسد ببندقية رمسيس نمرة 1
 
يا جماعه
انتظرو رد احمد روك
هايغير فكركو تماما

فارس العرب 11-01-17 02:05 AM
رد: كيف تصطاد اسد ببندقية رمسيس نمرة 1
 
والله يا جماعه انا كنت مفكر ان الرمسيس دي محطه بس طلعت كمان بندقيه اهو اللي يعيش ياما شوف ولو عايزها تقتل اسد وماله موش عيب ميخسرشي اها كلها اساطير عن البندقيه الرمسيس اللي انا ماشفتهاش علي مدي حياتي :D:p .. والسلام ختام

mero1x 11-01-17 12:48 PM
رد: كيف تصطاد اسد ببندقية رمسيس نمرة 1
 
[IMG]C:\Documents and Settings\Amir Saad\Desktop\Target[/IMG]اولاً شكراً للأعضاء اللى شاركو فى الموضوع سواء مقتنعين بالموضوع او مش مقتنعين

مالهدف الاساسى لموضوعى دة مش انك تموت اسد بس تعرف مهارات عن اى طريدة عايز تصطادها وللعلم
انا كنت اعرف شاب عندة 28 سنة وكان عندة بندقية رمسيس نمرة 1 والكلام اللى هقولة دة اقسم بالله العظيم انى شوفتة ..... كان يجيب علبة الرش المارس مان 100 رشة ويعمل رهان انة هيجيب بيها 99 ضحية سواء عصفورة اوحمام او يمام او صقور او بوم
والله والله كانت رشة واحدة اللى بتهيف منه وكانت بتيجى برضوا بس عمر الطير بيبقى اطول.

عموماً هنبدأ بنقاط القتل قى الطيور والحيوانات الصغيرة وصولاً للأسد واللى مش مصدقنى يجرب على اى كلب

mero1x 11-01-17 12:52 PM
رد: كيف تصطاد اسد ببندقية رمسيس نمرة 1
 
4 مرفق
اليكم بعض الصور لنقاط القتل

msa_79 11-01-17 01:12 PM
رد: كيف تصطاد اسد ببندقية رمسيس نمرة 1
 
في انتظار الباقي

mero1x 11-01-17 01:30 PM
رد: كيف تصطاد اسد ببندقية رمسيس نمرة 1
 
فى الصور اللى فاتت القتل بيعتمد على اختراق الرشة لجسم الطريدة والنقاط دى اضعف جزء فى الطرائد الصغيرة واللى بينطبق على الارنب والفأر ينطبق على القطط لأن جسمها ضعيف ولو عليز تصيد ثعلب نفس مكان الارنب بس عاير بندقية اجمد شوية

اما الاهداف الكبيرة فبتختلف لأن البنادق الرش صعب انها تخترف جلد وانسجة واربضة وعضلات وطبعاً زى ما قال زميلنا فى الرد اللى فات مستحيل تأثر فأى عظمة
ومعلومة اخرى ان السلاح النارى نفسة ممكن ميموتش كلب من اول رصاصة الا لو فى مقتل ( الرأس والصدر)
وانا كان ليا تجارب كتيرة بالمورس وال9 مم فى الجيش لما كنا بنطلع نموت الكلاب الجربانة فى جبل الطور
كان الكلب ممكن ياخد 3 رصاصات ويصوت ويطلع يجرى بهرولة .
وعمومأ تجربة الرش على الكلاب فى المكان اللى هقولكو علية فعالة بنسبة 100% والوفاة بتكون ما بين 5 اللى 15 دقيقة بس لازم تعرفوا حاجة مهمة ..
انة شرعا حرام قتل الحيوانات بدافع التسلية
وان الكلاب السوداء (الكلب العقور )هوا اللى ممكن نموتة طبقأ للحديث الشريف (الفواسق الخمس)
ومعلومة اهم ان المكان اللى هقولكم علية لو منشنتش فية مظبوط هتعذب الكلب عذاب لا يحتمل وهيموت بردو بس من الغرغرينة او تسمم الدم

doos99 11-01-17 03:31 PM
رد: كيف تصطاد اسد ببندقية رمسيس نمرة 1
 
مستحيل اللي حضرتك بتتكلم فيه ده لان الاسد بيموت بعد ثلاث طلقات الي
ازاي يموت برشايه بندقيه رمسيس

dr mohamed kamal 11-01-17 03:38 PM
رد: كيف تصطاد اسد ببندقية رمسيس نمرة 1
 
http://www.egypthunt.net/showthread.php?t=4314أخى العزيز راجع فيديو ما تقدرش فى القسم العام وقولى رائيك,وهذا هو الرابط, تحياتى

أميجو 11-01-18 12:33 AM
رد: كيف تصطاد اسد ببندقية رمسيس نمرة 1
 
اقتباس:
المشاركة الأصلية كتبت بواسطة consul (المشاركة 43660)
أنا عن نفسي زماااااااان كان لي صاحب مربي فأر في مصيدة...ولشجاعته وجرأته ولماضته...كان مسميه أسد...فإذا كان الأسد الذي تقصده من هذه النوعية...فيمكن حتي أن تقتله بالشبشب وليس بالرمسيس...أما إذا كنت تقصد أسد بمعني أسد ( ملك الغابة ) المعروف للجميع...فأنا قلت زمان في مداخلة أن أي بندقية يمكن أن تضرب بها أسد...ولكن للأمانة لن تسقطه أو توقعه من على الشجرة...ها تنزله بس علشان يجري وراك...وتحياتي لأقرب شجرة تتسلقها هربا من الأسد...
أضحك الله سنك جمال بك

mero1x 11-01-18 11:45 AM
رد: كيف تصطاد اسد ببندقية رمسيس نمرة 1
 
الاخوة الاعزاء
انا والله عارف ان الاسد ممكن ميمتش من رصاصة حية وممكن ميمتش من 20 رصاصة
و الكلاب وحيوانات كتير كدا مدام مش فى مقتل ..!

وعموماً انا ليا فيديو على اليو تيوب هرفعوا وانا بضرب كلب ب 9مم وممتش الا بعد 1/4 ساعة وفى قلبة
بس مننكرش ان بحقنة لا تتدعدى ال ربع ملى (سمك سنها ) ممكن تموت اى كائن حى ولا كلامى غلط ؟

وبعدين اللى بينى وبينكم الطريقة والتجربة .

بس ادفعوا بقى :)

mero1x 11-01-18 11:54 AM
رد: كيف تصطاد اسد ببندقية رمسيس نمرة 1
 
http://video.google.com/videoplay?do...54015099800178

mero1x 11-01-18 12:04 PM
رد: كيف تصطاد اسد ببندقية رمسيس نمرة 1
 
ودة فيديو تانى على كلب مش اسد

Consul 11-01-18 04:22 PM
رد: كيف تصطاد اسد ببندقية رمسيس نمرة 1
 
لقطات بشعة وقتل وحشي غير مبرر...حسبي الله ونعم الوكيل...

mero1x 11-01-20 01:17 PM
رد: كيف تصطاد اسد ببندقية رمسيس نمرة 1
 
انا مع حضرتك واكيد يوم القيامة الكلب دة هيقتص من اللى قتلوة اما عن الكلب اللى انا موتوا كان سعران وعضنى
ولما قتلتو برصاصة واحدة فى القلب عملاً بالحديث الشريف ( اذا قتلتم فأحسنوا القتل ) والكلام دة على اى حيوان وعلى الرغم من كدا صعب عليا بس كان يستاهل لأنة هاجم ناس كتير ومكنتش اعرف لحد ما عضنى من رجلى , وربنا يسامحنى

Consul 11-01-20 02:30 PM
رد: كيف تصطاد اسد ببندقية رمسيس نمرة 1
 
اقتباس:
المشاركة الأصلية كتبت بواسطة mero1x (المشاركة 44015)
انا مع حضرتك واكيد يوم القيامة الكلب دة هيقتص من اللى قتلوة اما عن الكلب اللى انا موتوا كان سعران وعضنى
ولما قتلتو برصاصة واحدة فى القلب عملاً بالحديث الشريف ( اذا قتلتم فأحسنوا القتل ) والكلام دة على اى حيوان وعلى الرغم من كدا صعب عليا بس كان يستاهل لأنة هاجم ناس كتير ومكنتش اعرف لحد ما عضنى من رجلى , وربنا يسامحنى
لا حرج عليك أخي الحبيب...فلا ضرر ولا ضرار...وأنت قتلته لدفع ضرره وأذاه عن الناس...ونحن مأمورون بقتل الكلب العقور ولو في الحرم...فلا تحمل نفسك ما لا طاقة لك به...خالص تحياتي...

ماجددرباس 11-01-21 12:33 AM
رد: كيف تصطاد اسد ببندقية رمسيس نمرة 1
 
باللغه الام شكرا جزيلا
مشكوووووووووووووووووووووور
©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــ رائع جدا جدا جدا جدا ــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــ يعطيك العافية والمزيد من الابداع ــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــ ــــــــــــــــــــــــــــــــــــــــــــ¤©§¤°ح لو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــــ¤©§¤°ح لو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــ


الساعة الآن 09:52 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir