|
مساعدة من الخبراء+طلب شراء بالأسكندرية أو الشحن
السلام عليكم
أزيكوا يا صيادين؟ ان شاء الله تكونوا بخير :) أنا من أسكندرية و كنت عايز مسدس بلو سي....بس المشكلة أن للأسف سمعت للناس و الي يسمع للناس يحتار حيرة ما بعدها حيرة... في ناس قالتلي ان البلو-سي فيه عيب تصنيع أنه بيحشر طلقات...و طبعآ أنا لو جبته هيكون أول مسدس ليا...و مش عايز أشتري حاجة أندم عليها أنا عايز حد يرشحلي مسدس كويس يكون شكله حلو..في الي قالي أشتري بلو اف92 بس شكله مش عاجبني أوي...انا يعجبني الحاجات الي زي البلو-سي و الوالتر بي99 و الحاجات دي ممكن حد يقولي أقدر ارووح عند مين في أسكندرية أتفرج عنده؟ و عايزه جديد ياريت الي يقدر يساعدني بمعلومة حتي لو بسيطة يسيبلي رقمه في رد و أنا هتصل بيه دي أول مشاركة ليا في المنتدي و ياريت متكسفونيش :punnch: |
رد: مساعدة من الخبراء+طلب شراء بالأسكندرية أو الشحن
انا برضه من اسكندرية واشتريت من فتره blow f92 ساعتها كنت عايز اشتري البلو سي هو مسدس ممتاز بس برضه سمعت موضوع الحشر دا روحت شاري البلو اف 92 ومعايا بقاله 4 شهور وبصراحه جميييييييييييل جدااااااااا عن تجربة
ويارب حد من الخبراء الاكبر يفيدك |
رد: مساعدة من الخبراء+طلب شراء بالأسكندرية أو الشحن
اقتباس:
لما تحب تشتري مسدس تمام اول حاجة تحدد مقدرتك علي ثمن بعض الانواع اللي بتحبها وبعد كده تفكر في قطع غياره لو لا قدر الله حصلة حاجة هتكون متوفره بسعر مناسب ولا نادره وسعرها نار عند بعض التجار المحتكرين لها وبعدين تشوف عيوبة هل هو بيحشر مع بعض انواع الطلقات هل بيكونفيه عيب انه مع الاستعمال الكتير بيرفض يتطر الفوارغ هل في يوم من الايام لو حبيت تبيعة هيجيب اقرب سعر من اللي انت اشتريتة بيه ولا هتخسر فية بسبب ندرة العيارات الخاصة بتاعته او قطع غياره النادره في مصر انا كنت امتلك البروني جاب الايطالي والشبية تماما بالجلوك وكنت فرحان بيه جدا بس بعته لما عرفت ان الشاكوش الخاص بية بس ثمنة حوالي 300 جنية وده علي اقل تقدير وبعته وخسرت فية كتير وبعده جبت الريتاي بارون وبردو بعته بس مخسرتش فيه جنية واحد ده لانه معروف ومتداول وشغال مع اغلب انواع الطلقات وبصراحة لو فكرت في يوم اني اقتني مسدس اخر لن افكر الا في الفرات ماجنوم لقوتة وشدة تحملة وامكانية تداول قطع غياره وتوفرها في الاسواق بسعر مناسب لا تبحث عن الشكل وجمال المظهر فقط فدائما تكون المظاهر خداعه ولكن ابحث عن الاجود كخامة واوفر كقطع غيار والاعلي احتمالا فانا من رايي ان تقتني الفرات ماجنوم هو شكل البلو اف 92 بس في فرق كبير جدا في قوتة وسمعته طبعا الفرات اعلي واغلي واقوي واقل اعطالا من الانواع الاخري وان حدث له اي شيئ فقطع غياره متوفره وان فكرت تبيعة مش هتخسر كتير ده لو انت فرطت فيه اساسا وبالتوفيق بعون الله |
رد: مساعدة من الخبراء+طلب شراء بالأسكندرية أو الشحن
أولآ شكرآ لصديقي الأسكندراني علي الرد و ياريت تسيبلي رقم تليفونك علشان عايز أسألك علي كذا حاجة بخصوص المسدس الي معاك ده
ثانيآ شكرآ للأستاذ وليد سالم علي الشرح أنا شخصيآ استفدت منه و فعلآ قدرت أحدد أهداف ليا...بس دلوقتي طالب مساعدتك...بلو سي ولا بلو اف92 ؟ تحياتي لكم و شكرآ علي الرد :) |
رد: مساعدة من الخبراء+طلب شراء بالأسكندرية أو الشحن
ارشحلك الريتاي بارون وعن تجربة مسدس يريح قلبك..
وبخصوص البلو سي والحشر يااخي اسال حد جربه لانك بتتعامل مع شعب اشاعات يسمعو الحاجة يروحو ينشروها كانهم شافوها وايقنوها، فما تلغيش الموضوع من راسك بسبب كلام دور واتاكد المسدس فحدود الف ونص مش معقول يكون بالرداءة دي.. والبلو اف 92 سمعته كويسة وقطع غياره متوفره وسعره معقول فحدود الالف.. ياليت الي معاه بلو سي او جرب البلو سي يدخل يشارك ويفيدنا "دعوة عامة" ويوجد اوبين بوفيه لا تتاخروا -.- |
رد: مساعدة من الخبراء+طلب شراء بالأسكندرية أو الشحن
اقتباس:
https://www.facebook.com/mohamed.aboeldahab.2020 دا الاكونت بتاعي |
رد: مساعدة من الخبراء+طلب شراء بالأسكندرية أو الشحن
Alex ممكن تريح نفسك وتستفيد من حاجة انا عملتها لما حبيت ادور علي احسن انواع المسدسات الصوت
وهو انك تدخل علي قسم الورشة بالمنتدي وتقلب في المواضيع القديمة قبل الجديده وتشوف اكثر الانواع اعطالا وهل هي اعطال مكرره لنفس المسدس ولا لأ والاقل اعطالا ممكن تحدد هدفك علية للاقتناء وده ممكن يكون ابسط شيئ ممكن تستفيد منه جرب وقولي رايك ورسيت علي اية وعلي راي الاستاذ / alsaher سيبك من الكلام !!!!!!! ولكن انا اوافقة الراي ان البلو سي 06 مسدس تحفة وجميل بس للاسف الاصدار القديم منه فقط ده لو لقيتة عند اي محل في مصر وان وجد بيكون محتاج لبعض التعديلات علية ليمتنع عن حشر الطلقات + ان قطع غياره ايضا غير متوفره ماعادا الخزنة فقط يوجد منها في بعض المحلات وثمنها من 250 الي 300 جنية اما المتوفر الان في مصر الاصدارات الجديده منه وهي ليست بنفس قوة ومتانة الاصدار القديم اما الفرات ماجنوم فالاصدار القديم والجديد منه نفس القوة والمتانة والكفاءه ولم يتغير فية الا شكل المقبض الفيبر فقط فبدلا من المقبض المطبع علي شكل الاصابع اصبح مقبض مستقيم وهذا هو الفارق فقط بين الاصدارين والريتاي بارون طبعا شيئ تحفة وهو معشوق صديقي محمد المصري وهو خبير في الريتاي ولكن ان كسر منه شيئ لسبب ما فهل سيجد له غيار الا ان كان مجرد مسدس قديم يباع كقطع غيار قطعه قطعه علي العموم انت لك حرية الاختيار وما علقت به هو مجرد رايي الشخصي ومش مجرد كلام انا يا دوب لي اكثر من 2,178 ما بين تعليق وموضوع يعني لسة عضو جديد :swit::swit::swit::sante::sante: |
رد: مساعدة من الخبراء+طلب شراء بالأسكندرية أو الشحن
أنا بشكرك يا أستاذ وليد علي ردك و مساعدتي..بس بصراحة أنا فعلآ جربت أقتراح حضرتك قبل ما تقوله و دخلت و لفيت و بالشكل ده..مش هجيب مسدس :(
بصراحة بعد كلامك علي الفرات ماجنوم أنا بفكر أجيبه...بس أنا كان نفسي في البلو-سي للأسف |
رد: مساعدة من الخبراء+طلب شراء بالأسكندرية أو الشحن
و بعدين كنت عايز أعرف حاجة كمان....الريتال ايجل و الريتاي فالكون انا شفت ان ليهم شعبية قوية بين الناس..هل المسدس ده متوفر له قطع غيار؟..و هل صوته كويس؟..و أعطاله و خاماته شكلها ايه؟
|
رد: مساعدة من الخبراء+طلب شراء بالأسكندرية أو الشحن
اقتباس:
ههههههههههههه لا يا عم مش للدرجادي وعموما انت براحتك لو حابب تجيب البلو سي هاته وربنا يبارك لك فية |
رد: مساعدة من الخبراء+طلب شراء بالأسكندرية أو الشحن
اقتباس:
الريتاي ايجل او ما يسمية البعض بالمدفع طبعا جميل وصوتة رعد وافضل من الريتاي فالكون طبعا بكتير يعيبة شيئ واحد عدم وجود قطع غياره بوفره في السوق وبص لو عايز تعرف ايه انواع المسدسات المتداولة في السوق والاكثر شعبية واقتناء ابحث عن نوعية قطع الغيار المتوفره لتلك الانواع من ( شاكوش ضرب النار - الابره - الخزنة - الكوبري - المقابض - سوست الاجزاء ) ولما تلاقي ان في نوع اكثر تلك القطع تتوافر له في الاسواق اعلم وكن علي يقين انك لن تكون خاسر اذا اقتنيته ودفعت فية فلوسك وكن علي علم ايضا ان جميع مسدسات الصوت ولو حتي ب 5000 جنية هي عباره عن سبيكة انتيمونيا تختلف كل نوع سبيكة عن الاخري من حيث القوة والصلابة وكثافة معدن الانتيمونيا وقالة الاضافه من اي معدن اخر او شوائب تدخل في نسيج السبيكة اثناء سبكها عشان كده ديما بتلاقي الالماني والايطالي من اغلي الانواع بسبب نوعية وخامة ونقاء السبيكة المصنع منها المسدس ولكن الكثير من تلك الانواع لا تستطيع ان تستخدم معها الطلقات التركي ولكن مع الطلق الالماني طبعا حكاية بس غالي وبردو مشكلة قطع الغيار ماذال تقف في وجه المسدسات الالماني والايطالي في مصر وخليك علي علم بان اي مسدس صوت هو صوت فقط بمعني انه للاحتفال او لزوم حب الاقتناء ودي هي غاية الشراء عند اغلب الاعضاء لا اكثر من ذلك |
رد: مساعدة من الخبراء+طلب شراء بالأسكندرية أو الشحن
أرجوك هات تليفونك بئي أنت كل ما بترد بتزود تعلقي بمسدس معين :sal:
بجانب أني عايزه كمقتني شخصي...يعني لا علشان الافراح ولا الفشخرة ولا هخرج بيه اصلآ :lf: أنا بس بحب المسدسات...و عاجبني البلو-سي و الفرات ماجنوم و الريتاي أيجل و نفسي أعرف أرسي علي واحد ياريت فعلآ تسيبلي تليفونك علشان عندي كام سؤال مهمين..وشكرآ :punnch: |
رد: مساعدة من الخبراء+طلب شراء بالأسكندرية أو الشحن
اقتباس:
تم ارسالة لك علي الخاص تشرفني يا صديقي |
| الساعة الآن 07:56 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir