نوريكا 56
 

عند بحثي في المنتدى عن ما يخص هذه البندقية وجدت موضعا يشرح كيفية عمل تعديل بها وتغيير بعض أجزائها من فايبر الى معدن
لتحسين ادائها وهذا هو رابط الموضوع :
http://www.egypthunt.net/showthread....CA%DA%CF%ED%E1
وكنت أريد ان أعرف امكانية عمل هذا التعديل في ورشة أسلحة وعن التكلفة المتوقعة له . وهل الزيادة في قوة البندقية سببه تغيير السوستة أو تغيير الأجزاء الفايبر بأخري معدنية ...
ولكم جزيل الشكر ...
احمد سعد

رد: نوريكا 56
 

انا عامل بعض التعديلات على النوريكا 56 .......
1- غيرت الدليل الفيبر بدليل من الحديد الصلب ودى ممكن تعملها عند اى خراط توديلو الدليل الفيبر وقولو اعملى واحد معدن صلب ودا كلفنى 50جنية
2- اما بخصوص كوتشة البستم نصيحة لوجة الله سيبها فيبر
3- ومتحولش تغير السوستة بسوستة اقوى او مواصفاتها تختلف عن السوستة الجات بيها من المصنع ولو انت شايف ان السوستة محتاجة لتغير غيرها بنفس نوع سوستة البندقية....:(

:confused:بس انا مش فاهم ان بتحاول تخلى البندقية وحشة وخلاص لعلمك البندقية دى جميلة جدا جدا وقوية :D على العموم لو احتجت اى حاجة او حبيت مساعدة فى تعديلها انا فى الخدمة:rolleyes:

رد: نوريكا 56
 

أنا شاكر لردك جدا يا استاذ محمود ...
هي المشكلة مش ان أنا عايز أسوء سمعة البندقية بالعكس في ناس كتير بيشكرو فيها بس أنا السبب الفعلي اللي محسسني بضعفها أنا معظم صيدي بيها لازم أدبحه بعد الصيد يعني البندقية ما بتقتلش الفريسة فورا وحتى بعد ما زيتها بس من الثقب اللي بيطلع منو الهوا حسيت بفرق بسيط بس برضو المشكلة قائمة وطبعا الاصابات الليبتكلم عنها أماكنها قاتلة زي الرأس و الرقبة واسفل الرقبة
يعني لو الرشة عدت بس جنب المناطق دي الفريسة هتموت d:

رد: نوريكا 56
 

أخي العزيز الأستاذ basic...لا تنسى أخي العزيز أن الأصل هو التزكية بالذبح وإراقة أكبر كمية دم من الذبيحة...وهذا لمصلحتك...وسبق أن عرضنا فتوى الداعية الشيخ محمد حسان ويمكنك البحث عنها في القسم العام أحكام الصيد...فلا يحزنك هذا وأنه أفضل لك أن تزكيه بأن تسمي وتكبر ثم تذبح الصيد وبهذا تتأكد وتطمئن...والبندقية نوريكا 56 متوسطة القوة سرعتها لا تتعدى 160م/ث ليست مدفع أو تصنف على أنها هاي باور...ومع هذا فإن سرعتها أعلى من الرمسيس 128م/ث التي يتم صيد العصافير واليمام والحمام بها ومعظم الصيادين القدامي وأنا منهم يمتلكونها ومازالوا يستعملونها...نصيحتي لا تغير شيئ في بندقيتك وتعامل معها كما هي ولا تحملها فوق طاقتها...الرحمة حلوة...خالص تحياتي...

رد: نوريكا 56
 

كلامك مقنع وجميل يا سيادة القنصل كالعادة ......ربنا يباركلك

وشكرا للرد....

رد: نوريكا 56
 

على العموم فى كام اختبار ممكن تعملو على البندقية عشان تشوف ان كان فيها مشكلة ولا لا
1-اشفط الهواء من ماسورة البندقية بفمك واغلق الماسورة بلسانك وشوف ان كان فى تسريب ولا لا ولقدر الله لو فى تسريب سعتها هيبقى فى كلام تانى لكن فى كل الاحوال الموضوع بسيط جدا بس اعمل الاختبار ورد على

رد: نوريكا 56
 

شكرا يا باشا على متابعتك معايا ......
انا جربت أشفط هوا من الماسورة .....اول لما اقفل الماسورة بلساني بيكون الضغط قوي وشوية بشوية بيقل بس بعد فترة مبيتعدمش يعني بيبقى فيه ضغط بس ضعيف جدا ...... والنهاردة طلعت اصطاد لقيت بعد فترة كدة ان فيه صوت غريب لما باجي اعمر زي تكتكه قبل التكة بتاعت الزناد لما بيلقط في السوستة .....مش عارف من ايه بس هية عملت كدة فجأة ........

ياريت لو فيه تفسير ....معلش هتعبك معايا يا باشا ......بس نقص الخبرة بقى

شكرا مقدما ...

أحمد سعد

رد: نوريكا 56
 

رد: نوريكا 56
 

قصدك أفك البندقية واشحمها من الداخل .....عشان أنا زيت البندقية بزيت عربيات من فتحة خروج الهوا بناء على نصيحة بعض الزملاء في المنتدى .....هل ده كافي ولا لازم افتحها من جوة ......

رد: نوريكا 56
 

انت كدة خوفتنى من موضوع الصوت دة خلى بالك ممكن تكون السوستة اتكسرت او حاجة تانى السوستة لو متنية ومعوجة ممكن دراع التعمير يكون بيحتك فيها .........
ان شاء الله هوريك البندقية نوريكا 56 متفككة حتة حتة فيديو وهوريك حركة تخليك تعرف ان كانت كوتشة البستم سليمة ولا لا وهخليك تعرف المشكلة جية من فين
بس انت ممكن تريح دماغك من كل دة وتوديها لشريف فى شارع شبرا

رد: نوريكا 56
 

زي ما أشار عليك وقال أخونا الأستاذ محمود المصري...لو ما عندكش خبرة وعدة كافية لفلك البندقية...وبدل ما تنطر السوستة منك في الفك وتسبب إصابات لا قدر الله...ريح نفسك ووديها لشريف 100 شارع شبرا قريبا من محطة مترو روض الفرج...وها يعمل لها الصيانة والتشحيم اللازم وترجع عروسة زي الأول...خالص تحياتي...

رد: نوريكا 56
 

انا شاكر جدا ليكم على المتابعة معابا .....
انا برضو اول ما سمعت الصوت ده قلت مفيش غير استاذ شريف هوة اللي هيجيب قرارها ورب ضارة نافعة .....

بس هوه استاذ شريف بيبقى فاتح يوم الجمعة ولا بيكون اجازة ....؟؟؟؟

رد: نوريكا 56
 

على فكرة انا عندى دليل سوستة نوريكا 56 من الحديد الصلب لو محتاجة خدة من غير مقابل

رد: نوريكا 56
 

انا شاكر ليك جدا با استاذ محمود لعرضك ..
ان شاء الله هوديها لاستاذ شريف ولو احتجت الدليل ده هبقى أكلم حضرتك

رد: نوريكا 56
 

بارك الله فيك أخي الحبيب...هذه هي الروح الحلوة الجميلة والتي نرجو ونتمني أن تسود بيننا جميعا...مصداقا لقول الرسول عليه الصلاة والسلام :- " من كان عنده فضل ظهر فليعد به على من لا ظهر له ومن كان عنده فضل زاد فليعد به على من لا زاد له حتى ظننا أنه لا حق لأحد منا في الفضل "...رواه أبو داود...ليس كل شيء تجارة ومكسب...معرفة الناس كنوز...خالص تحياتي...