ساعدوني !!!!!!!!!!!!
 

يا جماعة انهو احسن رمسيس نمرة 1 ولا نمرة 2
انا مش عارف
ناس تقول نمرة 1 احسن عشان البندقية مش قوية اوي
و ناس تقول لأ نمرة 2
انتو ايه رأيكو؟؟؟؟؟؟؟؟؟

رد: ساعدوني !!!!!!!!!!!!
 

السلام عليكم
بص انا حقول لحضرتك حاجه انا سالت على رمسيس نمره واحد عند فتح الله قلى انها عمله عنده 600 جنيه ورمسيس نمره واحد مع احترامى لرئى اخوانى فى المنتدى هى اسوء بندقيه موجوده فى السوق ونمره اتنين افضل من نمره واحد لان نمره 2 تصلح للصيد انما نمره واحد فصعب تصطاد بيها ومش حتحس معاها بمتعه الصيد ولو انت حتجيب نمره 2 يبقى بلاش تجيب رمسيس وكمل على فلوسك شويه وجيب كرال تركى نمره 2 هى تقريبا 1100 قويه وحتفيدك فى الصيد واغلب اخوانى فى المنتدى بيشكرو فيها .

رد: ساعدوني !!!!!!!!!!!!
 

شوف يا اخ سيد/ نمره واحد بالنسبه لأمكانيات البندقيه الرمسيس أفضل من نمره 2 ده لو امكانياتك الماديه لا تسمح الا بهذا المبلغ ولو تسمح ذود المبلغ شويه وهات الكرال التركى نمره 2 ذى مقال أ/ chemist ahmed fathy

رد: ساعدوني !!!!!!!!!!!!
 

لو مبتدأ فى المجال وعايز تجرب بالتدريج وبأمكانيات محدوده يبقى رمسيس نمرة 1 .
أما لو الامكانيات سامحة يبقى الديانا 54 مع تليشكوب جامو وجراب محترم وكده يبقى معاك بندقية العمر بإن الله .

رد: ساعدوني !!!!!!!!!!!!
 

متشكر اوي يا جماعة على المرور
بس ايه رأيكو في شنجهاي b3-2 دي و سعرها كام
و ياريت لو حد يعرف محل في المنوفية

رد: ساعدوني !!!!!!!!!!!!
 

أخي العزيز الأستاذ سعيد علاء...البندقية شنغهاي b3-2 بندقية متوسطة القوة وسرعتها في عيار 4.5 ( نمرة 1 ) 170م/ث...وعيار 5.5 ( نمرة 2 ) 128م/ث والتعمير بعتلة سفلية وفتحة تلقيم الرش بوابة...وسعرها حوالي 600-750 جنيه وموجودة عند أخونا المحترم الأستاذ محمد رضا العبد وعامل بيها شغل زي الفل وبيقول فيها قصايد شعر...وهو أكثر واحد يفيدك فيها وعن تجربة وإستعمال...وإليك صورتها...وعموما الموضوع فيه سعه وأنواع وأشكال وقدرات وأسعار مختلفة تناسب كل ذوق ومقدرة...وفي الآخر كله بيصطاد...مع خالص تحياتي...

رد: ساعدوني !!!!!!!!!!!!
 

السلام عليكم
انا من رئىى تبعد عن الشنغهاى والبنادق متوسطه القوه لانى مجربها وبجد والله تعبت منها جدا لان البنادق دى لازم تقرب من الهدف علشان تضمن ان الرشه تبقى مؤثره فيه وبالتالى حتفقد حجتين حاجه اساسيه وحاجه ممكن تفقدها وممكن لا الحاجه الاساسيه الى حتفقدها هى متعه صيد الهدف من مسافه الطير حاسس بالامان فيها وان محدش حيطوله الحاجه الى التنيه الى ممكن تفقدها وممكن لا ان بقربك للطائر علشان تضمن مدى مؤثر للرشه ممكن الطائر ياخد بعضه ويطير وخصوصه لو المكان الى انت بتصطاد فيه مكشوف ومبين جميع تحركاتك للطيور انا بذكرلك بس وجة نظرى من خلال تجارب سابقه على النوع ده من القوه وليك فى الاخر حريه اختيارك للسلاح المناسب ليك .

رد: ساعدوني !!!!!!!!!!!!
 

انا ليا وجهة نظر مختلفه عن الاستاذ احمد فتحى
وطبعا بسلم عليه لانه وحشنى جدا من اخر مكالمه على الاسكاى بى وكان شرحه رائع للتلسكوبات..
انا رايى ان الشنجهاى ال b3-2 اثبتت نفسها قوه ودقه وبالتجربه
هتاخد وقت شويه فى الاول لظبط النشان بس لما تاخد عليها وتظبط النشان تمام
وطبعا التزييت وتغيير الجلده الى بتكون موجوده على الاسطوانه الخارجيه يبقى كدا انت ضمنت قوه ودقه شديده
الدليل على كدا

الطلقه تخترق الغراب من مسافة 40 متر
ابعد مسافه قمت بالتصويب عليه مع الاصابه الدقيقه مع قياس المسافه 60 متر على قطعة خشب مربعه
طولها 5 سم
وطبعا غير سعرها الحنين
ارجو ان اكون وفقت فى عرض مميزاتها
وملحوظه اول ما بتشتريها بتكون دقتها مش تمام وقوتها مش اد كدا
يعنى هتشتريه وتعمل الاتى للوصول الى افضل النتائج
هتفك البندقيه وتزييت
تغيير الجلده الى بتكون على الاسطوانه الخارجيه
علشان التنفيس ينعدم
والجلده سعرهاا 15 جنيه
وتحياتى ليكم

رد: ساعدوني !!!!!!!!!!!!
 

متشكر اوي على المرور
بس اجيب نمرة كام 1 ولا 2

رد: ساعدوني !!!!!!!!!!!!
 

اه و ايه هية الاسطوانة الخارجية دي
ههههههههه
معلش مبتدأ

رد: ساعدوني !!!!!!!!!!!!
 

الشنجهاي مش موجودة خالص يا جماعة مش لاقيها خالص
ايه رأيكو في الجامو 640 الفايبر
ايه رأيكو فيها
و ياريت لو حد يعرف سعرها كان دلوقتي

رد: ساعدوني !!!!!!!!!!!!
 

اخى الكريم اسأل عنها الاستاذ محمد رضا هو تقريباً معاه شنجهاى
ولكن
الكرال التركى وخصيصاً الدبشك البنى افضل البنادق زهيدة الثمن فى مصر افضل كثيراً من الصينى القريبه لها فى السعر عليك بها وفقك الله