الصيد فى مصر - معلومات بسيطه تهم الصيادين

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - معلومات بسيطه تهم الصيادين (http://www.egyhunt.net/showthread.php?t=4569)

msa_79

11-01-24 01:43 PM

معلومات بسيطه تهم الصيادين

في هذا الموضوع سوف اذكر معلومات بسيطه اعتقد معظمكم يعرفها ولكن اظن انها ستكون مفيدة للاخوة الصيادين الجدد في رحلاتهم في الصيد:
- قبل ما تبدأ الطلعة تأكد ان كل مسامير بندقيتك متربطه كويس عشان الضرب ميشكلش معاك وتخنقك طول اليوم.
- تأكد ان البندقية مظبوطه قبل ما تضرب علي اليمام(جرب اضرب اربع رشات علي هدف) ومتكسلش وتقول دي مظبوطه لأنها حاجه بسيطه ممكن تفسد عليك اليوم كله وتخنقك من البندقية ومن نفسك.
- لو ضربت يمامه متجريش عليها تمسكها علطول اتركها مكانها لأن اليمام بيكون اجواز في الغالب الفرد التاني بتعاها هاينزل جمبها او هايقف قريب منها ينتظرها وتكون فرصتك انك تضربه كمان.
- بالنسبة لضرب اليمام اللي بيكون واقف علي الارض انا عارف ان صعب علي معظمنا السر انك تضرب تحت اليمامه وقبلها بحاولي 2 سم مش في جسمها مباشرة وان شاء الله الاصابة هاتكون مباشرة.
- حاول تضرب اليمامه في الاماكن القاتلة ( الرأس -الصدر- الجناح) وابتعد عن الجزء السفلي من جسم اليمامه عشان متاخدش الرشه وتطير وبعدين تتعذب الحد ما تموت.
- متضربش اليمامه الا لو هاتقع في متناول ايدك والا هايبقي حرام عليك انك قتلتها وتركتها تتعفن فوق سطح او في بلكونه مهجوره.
- لو يمامه واقفه علي سطح او سور متضربهاش مباشرة من جهة وجهها انما اضربها من زاوية جانبيه لأن اليمامه كده هاتطلب الهوا وتقع الي الخارج وليس الي داخل.
- بالنسبة لضرب اليمام علي الشجر اليمامه بيحب يتخفي بأنه يقف وجسمه موازي للفروع العريضه حاول تركز في الفروع العريضه هتلاقي اليمام واقف عليها.
- حاول تاخد من الصيد علي قد اللي هاتأكله في أكله واحده أو اتنين بالكتير وابتعد عن الصيد الجائر عشان اليمام يفضل موضوج ويتكاثر وتلاقيه موجود علطول.
- حب سلاحك واعتز بيه مهما كان نوعه و بعد الطلعة زيت البندقية بزيت محركات وامسحها ونظفها عشان تحافظ عليها وتعيش معاك افضل فترة ممكنه.

اتمني يكون الموضوع فيه افادة لبعضكم ولو اي حد من الاخوة الخبراء يحب يضيف اي معلومة ده شيء يشرفني.

Consul

11-01-24 02:47 PM