الصيد فى مصر - مناقشه لحل ازمة الانفلات الامني

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - مناقشه لحل ازمة الانفلات الامني (http://www.egyhunt.net/showthread.php?t=46055)

مناقشه لحل ازمة الانفلات الامني

السلام عليكم ورحمة الله وبركاته

ياجماعه انا عامل الموضوع دا وعارف ومتاكد انه يهم كل انسان محترم في البلد دي

شبرا - منية السيريج

المنطقة دي اللي انا اتربيت فيها يوميا ومن بعد يناير 2011 انفلات امني تااااااااااام ويوميا اطلاق نار لأتفه الاسباب من 3 ايام طفل عنده 13 او 14 سنه واقف عند بقال بيشتري منه لبن ومجموعه من الشباب بيجروا واول طلقه طلعت جت في الواد دا والطلقه كانت خرطوش ومضروبه من فرد محلي الصنع والخناقه اشتغلت حوالي ساعه او ساعه ونص واللي فض الخناقه اهل المنطقه عن طريق ضرب في الطرفين واخدو الولد ع المستشفى وتم استئصال جزء من الكلى والطحال وحاجات تانيه مش فاكرها الحقيقه والولدا في العنايه المركزه وداخل في غيبوبه تامه وطبعا المحلات قفلت والازاز ملى الشارع والغريب في الموضوع ان الفروده الخرطوش بقت قليله اوي واللي انتشر البنادق الخرطوش والالي واللي حرق دي اكتر ان الخناقه كانت علشان فرد حمام !!!!!!

وقبلها بيوم كان اليوم التالت لخناقه برده والابطال اللي فيها لابسين ماسكات ومعاهم بنادق خرطوش بامب اكشن والبندقيه الخرطوش اللي هي 8 طلقات الاتوماتيك وبيجرو بيها في الشارع عادي جدا والخناقه تضل شغاله 4 او 5 ساعات وبعد ماتخلص الشرطه بتيجي مع ان القسم بينه وبين المنطقه عندي 5 داقايق بالعربيه او 10 بالكتير اوي ومع العلم برده ان المنطقه مالينا مرشدين ومع اول طلقه بتتضرب الحكومه بتعرف والغريب اكتر واللي انا مخنوق منه ان الناس اللي بتتمسك بتخرج بعدها بيومين او تلاته الا حالات معينه زي القتل يعني لو خناقه اتقتل فيها حد فعلا دا اللي مابيخرجش .

وغيرها كتير اوي ... بس الغريب مع الناس دي انهم بيكونوا بيضربوا على بعض نار لوقت طويل اوي مثلا 8 او 9 ساعات وما البلاغات بتكتر اوي و الحكومه بتنزل وفجأه بتلاقي الطرفين بيضربوا نار ع الحكومه لغايه ناس من المنطقه بردوا يخلوهم يبطلوا ضرب النار .

مش عارف ايه العمل و انا واحد من الناس اللي عندنا بيت تاني في منطقه غير شبرا وروحنا نعيش هناك لغاية مانشوف حل للقرف دا او نعيش هناك على طول ودا الافضل لأن المنطقه بصراحه بقت مزبله تجار سلاح وتجار مخدرات وبلطجيه ومابيسلكش معاهم الا اللي من اصل المنطقه والحمد لله احنا اكتر من عائله في المطقه بس اصرار اهلي اننا نروح بيتنا التاني اني كنت لازم انزل انا وشويه شباب من المنطقه اي خناقه تحصل علشان نفضها وحصلت مشاكل كتير بيني وبين اسرتي بسبب الموضوع دا اني اعمل نفسي مش سامع .

وطبعا مناطق كتير جدا حصل فيها كده
ومن ضمن المواقف المؤثره جدا حادثه تثبيت على الطريق الدائري او المحور لدكتور عيون هوا وابنه والدكتور دا من اكتر الشخصيات المحترمه جدا جدا جدا الله يرحمه كان عامل عمليه لوالدتي الله يرحمه ويدخله فسيح جناته الحراميه حطوله حجارة ع الطريق وهوا ماشفهاش دخل فيها والعربيه اتقلبت من فوق ونزل على ارض زراعيه تحت الكبري والحراميه نزلوا وراهم وسرقوا كل حاجه بس كان عندهم رحمه انهم سابوا التليفون لمراته تتصل بالاسعاف وهي في حاله زهول تام اتصلت باخر رقم وكان للناس اللي كانوا عندهم واخدوا منها التليفون بعد ما اتصلت .

وكتير من المهازل بتحصل ...

السؤال بقى هنا امتى المهازل دي هتنتهي ولا احنا نشتري سلاح ونحني نفسنا زي ايام 25 يناير ؟