|
تحذير هام جدا للجميع
زملائي الأعزاء في المنتدي بعد السلام عليكم الموضوع بإختصار إن في عدد كبير جدا من محلات بيع الحيوانات الأليفة بدأت تبيع بعض الكلاب علي إنها كلاب سايبيريان هاسكي و هو نوع مشهور جدا من الكلاب و نادر الوجود في دول مناخها زي مناخ مصر لأنه بيعيش في المناطق الباردة فقط لكن بعض التجار إستغلوا رغبة الكثيرين من الشباب في المنظره الفارغه و التفاهة و عملوا عملة مهببة بيعرضوا حاليا كلاب للبيع علي إنها هاسكي لكن الحقيقة إنها كلاب مهجنة بين الجرمان شيبارد و الذئاب الجبلي المصرية التهجين لم يتم طبيعي لكنه إتعمل بحقن في الرحم و النتيجة كانت كلب يشبه شوية الهاسكي لكن سلوكيات و صوت الذئب و النتيجة الأسوأ إن صديق عزيز مقرب مني جدا جاره شاب متهور إشتري واحد و كانت النتيجة إنه عض إبن صديقي عضة بشعة جدا تسببت في خدش عضم الساق و تهتك في غضروف الركبة و بعد خناقات بسبب الكلب عرضوه علي دكتور بيطري في المعادي و الدكتور هو إللي إكتشف المصيبة دي و فضل يصوت ساعة أول ما شافه و كان عايز يبلغ الشرطة أنا شفت الكائن ده مرتين و بالفعل هو يستحيل يكون كلب لا صوت و لا شكل و لا سلوكيات برجاء الحذر الشديد جدا جدا جدا الهاسكي لا يعيش في المناطق الحارة و لو عاش بيكون عمره قصير جدا النصب و قلة الضمير وصل لمرحلة العبث في ميزان وضعه الخالق عز و جل و للعلم الكائن ده منتشر جدا في محلات كتير أوي في مناطق راقية كتير في القاهرة زي مدينة نصر و المعادي ربنا يرحمنا جميعا شكرا لسعة صدر حضراتكم |
رد: تحذير هام جدا للجميع
شكرا على التنبية يا فندم
|
رد: تحذير هام جدا للجميع
حسبنا الله ونعم الوكيل وجزاك الله خيرا على التحذير ربنا يلطف بعباده
|
رد: تحذير هام جدا للجميع
شكرا ياكبير ع التنبيه بس فعلا في هاسكي موجود في مصر بس اسعاره مبالغ فيها اوي
|
رد: تحذير هام جدا للجميع
شكرا عالتنبية يا كبير قلة الضمير عادت سمة في الشعب
|
رد: تحذير هام جدا للجميع
شكراً جزيلاً لك بس ياريت تكمل جميلك وتوضح بالصور للنوعين حتى يسهل التعرف عليهم وتعم الفائدة
|
رد: تحذير هام جدا للجميع
بس نظرياً يستحيل يحصل تهجين بين الجرمن والذئاب
بس ممكن حضرتك توضح ايه المقصود بحقن فى الرحم ؟ |
رد: تحذير هام جدا للجميع
نظريا وعمليا يا استاذ هشام يمكن التهجين بين اي نوع من انواع الكلاب وبين اي نوع من انواع الذئاب وبين اي نوع من انواع ابن اوي
لان الثلاث فصائل لديهم نفس طول شريط الد ان ايه واصولهم واحده تقريبا راجع معلوماتك |
رد: تحذير هام جدا للجميع
الكلاب و الذئاب و ابن اوى و الثعالب و الضباع كلها تنتمي للفصيله الكلبيه و اصولها واحده
و هو بيقول اتعملت بحقن في الرحم زي الحقن المجهري الي بيتعمل للبني ادمين كده تقريبا على اد فهمي يعني بس فين دا انا عاوز اجيب 5 ههههههههههههههههههههههههههههههههههههههههههههه |
رد: تحذير هام جدا للجميع
بمناسبة الكلاب ما رأيكم فى البيتبول ؟
|
رد: تحذير هام جدا للجميع
كلب شرس بطبعه و صعب التدريب
بس لو اتدرب صح بيقى حاجه وهم |
رد: تحذير هام جدا للجميع
اقتباس:
الحقن في الرحم يعني بيتم حقن الحيوانات المنوية في رحم أنثي الكلب مش بتلقيح طبيعي و موجود و بيتباع و ما زال بيتباع للأسف حتي خلقة ربنا مش عايزين يعتقوها |
| الساعة الآن 05:42 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir