الصيد فى مصر - حاجات كتير لازم تتغير فى المنتدى ده

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - حاجات كتير لازم تتغير فى المنتدى ده (http://www.egyhunt.net/showthread.php?t=46188)

حاجات كتير لازم تتغير فى المنتدى ده

عشان نتطور . يبقى لازم نعدل .. و عشان نعدل لازم نغير . و عشان نغير يبقى نفكر .. و نتعب ..
و مادام بنحب الهواية دي .. يبقى لازم نستحمل .. و نتعب لها .. عشان نشهرها .. . و يبقى ليها إهتمام عند الناس

جت معايا فترة إني أسيب الهواية لأني ما كنتش لاقي حد مهتم بيها من 4 سنين ..
لغاية ما إتعرفت على المنتدى الغالي ده . و وعلى اعضاءه وادارته الموقره
ربنا يخليهم لينا ..
بجد يا جماعه انا عضو فى كل المنتديات التانيه . مستريحتش نفسياً غير ى المنتدى ده . يكفى ان فيه اى استفسار بدور عليه لو مش فى تفاعل الاعضاء فبلقيه فى المواضيع القديمه واعتقد ان دا سبب تميزه وانفراده بالاضافه للروح الموجوده فيه كأول منتدى للصيد
أكيد في شباب تانية بتحب الهواية بس مش عارفة تطورها أو تنميها ,.. لأن ما حدش مهتم بيهم و ما عرفوش يوصلولنا .. يبقى لازم إحنا نوصلهم . و نساعدهم .. ونقولهم إن إحنا هنا موجودين ..

و عشان يبقى لينا وجود .. لازم يكون لينا مكان ..
ومكاننا هو المنتدى .. لازم يكون أنضف حاجة الناس تشوفها .. عشان يعرفوا أن الي ورا الهواية دي رجالة .
رجالة بيهتموا بيها . أكتر من نفسهم ..

و عشان كده .. رجاءا من أي عضو حابب أنه يساعدنا . ويطور المنتدى معانا . و يعرف الناس بينا لو عنده ملحوظة ما يبخلش علينا بيها .. .. ويعرف أصدقاءه و زملاءه في مجال عمله أو كليته . أو مدرسته . أو حتى جيرانه ..بالهواية لأنه هو سفير المنتدى عند الناس الي حواليه

و أنا أولكم .. و كل ما أقعد قعده حلوة مع أصحابي أكلمهم عن الموضوع ... و عملت موضوع في منتدى كليتنا ..
و جراني و أصحابي بأدردش معاه و أكلمه عن الهواية و عن المنتدى و أخليه يجرب بندقيتي .. عشان يحس بمتعة الهواية ..
ودي ملحوظاتي ..

1- لماذا لا يمكنني .إضافة صور إلى مشاركات الأعضاء . لتوضيح آرائهم . أو إختصارا لزيارة مواقع أخرى لرؤية الصور

2- قالب المنتدى الرئيسي لا يعبر عن الصيد ... "
* عملا بمقولة الجواب يعرف محتواه من عنوانه ,...لذا وجب تغيير القالب شكليا

3- لا بد من إضافة شريط إهداءات . في أعلى الصفحة الرئيسية للمنتدى ...
* عشان الأعضاء المتميزين ...نكتب لهم التهاني . .. و تناقل آخر الأخبار .

4- لا بد من إضافة شريط يحتوي على آخر الموضوعات المضافة بالمنتدى
* إختصارا على الزوار من البحث داخل الأقسام

5- إعلام الأعضاء بريديا بشكل أسبوعي . بكافة المواضيع المضافة بالمنتدى .من خلال رسالة بريدية واحدة
*مش معقول أدخل المنتدى و أقعد أدور على المواضيع الجديدة في قسم قسم .. بياخد وقت و يزهق والله

6 - إعلام الأعضاء المشتركين بالمواضيع بآخر الردود بكافة المواضيع من خلال رسالة بريدية واحدة .
*عشان بألاقي 20 رسالة تقريبا كل يوم .. و حيزيدوا مع الوقت مع زيادة المواضيع و الأعضاء و الزوار

7- الاهتمام بمضمون المشاركات

8- إضافة أكواد تشغيل ملفات الفيديو Youtube .. المنتدى محتاج أكواد كتيير ..عشان الحياة فيه تبقى أسهل .

9- التبادل الإعلاني مع المواقع و المنتديات الأخرى .. مما يرفع من شهرة المنتدى ... والموقع ..

10- إضافة لائحة الأعضاء المتميزين لكل شهر .. و الأكثر نشاطا ...

11- طلب البحث عن كل مشاركات العضو و مواضيعه لا يعمل ... رجاء .. تصليحه ...

12- تنبيه الأعضاء ذوي صفر المشاركات بواسطة بريدهم المسجل في المنتدى . بأن عضويتهم ستحجب لحين المشاركة في المنتدى .. بعد إرسال رسالة تنبيهية أولا بأن هناك مواضيع جديدة في المنتدى ..
__________________