الصيد فى مصر - استفسار ارجو الرد درورى

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - استفسار ارجو الرد درورى (http://www.egyhunt.net/showthread.php?t=4674)

memo2224

11-02-05 06:23 PM

استفسار ارجو الرد درورى

بسم الله الرحمن الرحيم

انا كنت سالت قبل كده على افضل بندقيت رش فى حدود 500الى 800 جنيه و ورد واحد مشكور على وقال زود 200 وهات تركى على العلم انى بحثت فى المنتديات على التركى ولقيت انى ليها عيوب كتير السوسته بتتكسر وانا احترت الصراحه اجيب اى ممكن حد يتكرم ويقولى اى افضل الانواع ومواصفاتها وسعرها وتكون فى حدود من500الى 1000 جنيه بس يريت الرد يكون سريع عشان انا هجبها خلال اليومين دول بس لما اطمن انها تمام
وجزاكم الله خير
ونا مقدر مجهودكم الرائع فى المنتديات

بدر	11-02-05 06:34 PM

رد: استفسار ارجو الرد درورى

اقتباس:

المشاركة الأصلية كتبت بواسطة memo2224 (المشاركة 45183)

الاخ الكريم
مع احترامى للجميع ولجميع الاراء لو ركزت شوية فى الكلام بتاع الناس هتلاحظ ان عيوب البندقية تتم بالمقارنة بالانواع الاخري مثل الديانا الالمانى و الانجليزى والجامو الاسبانى وطبعا مفيش مقارنة بس خد بالك ان مفيش مقارنة برضة من ناحية الاسعار اقل من نصف السعر لاقل واحدة من الموديلات السابقة .بالظبط زى ما ينفعش تقارن المرسيدس والجاجور بالشاهين أو الفيرنا بس كل حاجة وليها حاجة و دايما الناس تقولك لما تتعلم السواقة اتعلم على حاجة قديمة 128 وبعدين هات الالمانى.علشان كدة ابدأ بالتركى و بعدين بعد فترة الممارسة هات اللى انت عايزة.على فكرة انا لسة اليومين دول جايب واحدة كرال زى الفل دة طبعا علشان مجربتش حاجة تانية دة اكيد .بس للامانة البندقية دى سوستتها جامدة جدا عايزة واحد صحتة مساعداة .و تقبل مرورى

memo2224

11-02-05 06:46 PM

رد: استفسار ارجو الرد درورى

فى البدايه اشكرك على الرد ونا معاك فى الى انت بتقوله بس فى ناس بتقول ان الكرال سوستتها بتتكسر بعد 100رشه يعنى اجيب بندقية جديده وتبوظ بعد 100رشه ده كلام معا العلم انهم بيقولو زى منه قولت انها قويه وتمام بس السوسته بتبوظ ويغيروها ده على زى ما قرية فى المنتدى ويرت افاده لو كنت غلطان فى حاجه ولك جزيل الشكر

Consul

11-02-05 06:47 PM

رد: استفسار ارجو الرد درورى

الأخوة الأعزاء الأفاضل...لا تحيروا أنفسكم...لا توجد بندقية على وجه الأرض بلا عيوب...ولو كان هناك بندقية واحدة كلها مزايا ولا يوجد بها عيوب لبارت ولم تباع باقي أنواع البنادق الأخري...ولكنها عملية أذواق وأولويات وراحة نفسية...لا يحددها ولا يقررها إلا صاحب الشأن بنفسه طبقا لإمكانياته وإهتماماته وأولوياته...خالص تحياتي...

بدر	11-02-05 09:11 PM

رد: استفسار ارجو الرد درورى

اقتباس:

المشاركة الأصلية كتبت بواسطة consul (المشاركة 45187)

تمام كلام جميل سعادة القنصل.بس فعلا محتاجين رأى قاطع فى موضوع السوستة اللى بتنكسر بعد 100 رشة .دة كلام صح ولا مباغ فية وخصوصا دة مش مسدس بلاستيك.وتقبل تحياتى

Consul

11-02-05 09:25 PM

رد: استفسار ارجو الرد درورى

أخي الحبيب الأستاذ بدر...هذه ليست بقاعدة...ولا نستطيع أن نعممها...وأي بندقية ممكن تكسر سوستة...وكما رأيتم في البندقية الألماني ديانا 350 ماجنوم التي تكسر ماسورتها وليس السوستة فقط...وعموما الكرال ميزتها أنه يركب عليهاسوستة الجامو عموما وكذلك قطع غيارها...وأنا عن نفسي عندي بندقيتين ومستهلك أكثر من علبتين رش عليهم...ولله الحمد لم يحدث شيئ...محافظ عليهم بالتشحيم والتزييت والتنظيف أولا بأول...خالص تحياتي...

بدر	11-02-05 09:28 PM

رد: استفسار ارجو الرد درورى

اقتباس:

المشاركة الأصلية كتبت بواسطة consul (المشاركة 45211)

طمنتنى ربنا يطمن قلبك وارجو ان يكون الاخ السائل وصلت لة المعلومة.شكرا سعادة القنصل

Consul

11-02-05 09:34 PM

رد: استفسار ارجو الرد درورى

إفتكرت كمان بالمناسبة البندقية bsa الإنجليزي الصنع التي إشتراها أخونا الفاضل الدكتور محمد كمال...من أخونا العزيز خط الصعيد وكانت كاسرة السوستة الأصلية...وكذلك النيشان...هذه حوادث وحالات فردية ولا نستطيع أن نعممها...عايز أعرف كام واحد في منتدانا أو المنتديات الأخرىإشتري هذه البندقية وكسرت معاه السوستة...تحياتي...

adel152

11-02-06 02:11 AM

رد: استفسار ارجو الرد درورى

الأخ العزيز الغالى استاذ جمال
ارجو ان تكون بصحة جيدة وفى احسن حال.
الكرال عندى كسرت سوسته وده رابط فيه صورة السوسته وهى مكسورة.
http://www.egypthunt.net/showthread....E1%CA%D1%DF%EC

ونفس الشئ حصل مع الاستاذ المحترم احمد عصام mido_23279 .
خالص تحياتى واحترامى.

Consul

11-02-06 02:53 AM

رد: استفسار ارجو الرد درورى

اقتباس:

المشاركة الأصلية كتبت بواسطة adel152 (المشاركة 45284)

الأخ العزيز الغالى استاذ جمال
ارجو ان تكون بصحة جيدة وفى احسن حال.
الكرال عندى كسرت سوسته وده رابط فيه صورة السوسته وهى مكسورة.
http://www.egypthunt.net/showthread....e1%ca%d1%df%ec

ونفس الشئ حصل مع الاستاذ المحترم احمد عصام mido_23279 .
خالص تحياتى واحترامى.

بارك الله فيك أخي الحبيب وحمدا لله على السلامة...بندقيتكم السابقون وبندقيتنا اللاحقون...أنا عارف من مدة وقرأت موضوعك في وقتها...وأخونا الأستاذ أحمد عصام...يعني كل الحصيلة حتي الآن 2...من كام واحد إشتري هذه البندقية...وعموما قطع غيارها متوفرة وطبعا الأحسن تركب لها سوستة الجامو بس لما تتكسر...مافيش مشكلة تأخذ وقتها...برضو سعرها يشفع لها...ولا إيه؟...عموما أنا في الإنتظار ومستعد إن شاء الله وعارف هأعمل إيه...خالص تحياتي...

memo2224

11-02-06 03:11 PM

رد: استفسار ارجو الرد درورى

ياجماعه انا بشكركم على المعلومات الروعه دى ومع خالص تحياتى وشكرى لكل الاعضاء الكرام من وجهت نظرى انا هشترى الكرال التركى دى وربنا يبارك فيها وانا ونصيبى بقا بس سؤال اخير بس اى افضل محل اجيبها منه على العلم انى انا من الصعيد يعنى المنيا خصوصأ ومش عارف اجبها منين وتقبلو مرورى

talha

11-02-07 11:16 AM

رد: استفسار ارجو الرد درورى

لما تشتريها ابقى قولي ايه اخبارها علشان انا ناوي اجيب واحدة

الساعة الآن 12:45 PM