|
علشان الضغط علي عليا
عارف إن فكرة موضوعي و طلبي ساذجة جدا لكن بصراحة أنا ضغطي علي مني من كتر البحث و السؤال من فترة من حوالي 15 يوم خرجت مع مجموعة من أصدقائي غاويين صيد أنا الحقيقة عمر الصيد ما كان هوايتي لكن رحت كنوع من التغيير بعد محاولات معايا إني أجرب أضرب ببندقية رش و بعد ما بصراحة خفت أطلع أدامهم أضبش جربت أضرب ببندقية واحد فيهم ( كرال ) علي غربان و كانت المفاجأة بصراحة ليا قبلهم إني جبت 5 غربان بخمس رشات إتنخفت عليهم طبعا و عملت فيها شوارزنجر و فكرة إني أشتري بندقية كبرت في دماغي جدا بصراحة مش عايز أدفع كتير في بندقية مبدئيا لغاية ما أحترف الهواية و أفكر أقتني حاجة قيمة أنا عارف إني غير معروف لمعظم أعضاء المنتدي سواء أفراد أو تجار بشكل يسمح لي أطلب مساعدة من حد لكن يا ريت أعرف إيه هي أقل البنادق سعراً المتاحة و يكون أداءها معقول نوعا ما و يفضل بندقية بعتلة سواء سفلية أو جانبية بعتذر عن طلبي الغريب و كل عام و حضراتكم بخير |
رد: علشان الضغط علي عليا
اقتباس:
الجملتين اللي انت كاتبهم دول غلط .. احنا هنا بنساعد اي حد هدفة نبيل و احنا هنا اهل و اخوة و ده بيتنا ..اسأل زي مانت عايز هتلاقي اللي يدلك و يفيدك |
رد: علشان الضغط علي عليا
اقتباس:
أنا بس حاولت أوضح إني مش من الناس المعروفة أوي علشان أتدلع و أطلب أسعار :) :) :) فبعدها أصعب عليهم و يدوني الأسعار هههههههههههههههههه كل سنة و حضرتك طيب إنت و كل أسرتك الكريمة و شرفتني بردك |
رد: علشان الضغط علي عليا
باشا احنا.عمر ما.كان.مبدانا في المنتدي اننا نساعد المعروف لينا بس ويمكن.انت بقالك.فتره بتشوف الكلام ده بنفسك وانا هديك نصيحتي واتشرف بذلك بص بما انك اول مره تطلع اصطدت اذن انت الدنيا تمام.معاك مش.هتحتاح تدرب يعني وكده فانت هات حاجه مش بتاعه مبدئين هات حاجه عاليه تنفعك لو الهوايه انت حبتها وشدتك وحبيت تعلي في الصيد انك تصطاد بط او حاجات محتاجه بنادق عاليه تبقي البندقيه العاليه موجوده مش هتحتاج تغيرها وفي نفس الوقت وجبت بندقيه عاليه وحبيت تصطاد حاجات قليله زي الحمام واليمام والعصافير البندقيه مش هتقول لا لكن البندقيه القليله لو طلبت معاك تصطاد بط مش هتنفع معاك ارشحلك البندقيه الجباره الصقر الفضي هي صيني اينعم بس من وجهه نظري هي.تستحق الاحترام وده بشهاده جميع الخبراء وانا بقولك الكلام ده مش اني تاجر لا انا جربتها بنفسي وتبقي في رينج سعر 2800 جنيه
موفق بامر الله |
رد: علشان الضغط علي عليا
اقتباس:
و وجهة نظر حضرتك وجهة نظر وجيهة جدا و تحترم أشكرك جدا علي تعبك في الرد الرائع و كل سنة و حضرتك طيب |
رد: علشان الضغط علي عليا
اؤيد كلام ابو عمار وخلى بالك الرماية دى موهبة من الله يعنى انت ممكن تكون موهوب فى الرماية وتبقى صياد كويس جدا فى فترة قليلة المهم ان الهواية تكون عجبتك وبعد كدا الخبرة بتيجى من الممارسة يعنى فين تلاقى اماكن طيور تضرب كل نوع طير ازاى اهم حاجة انك تكون حبيت الموضوع موش مجرد طلعة وعجبتك الحكاية وبعدين تجيب بندقية وترميها فى البيت .....بالتوفيق واحنا تحت امرك فى اى سؤال
|
رد: علشان الضغط علي عليا
اقتباس:
ثانيا شئ يشرفني جدا كلام حضرتك سليم أنا عمري في حياتي ما إيتعملت بندقية ضغط هواء خالص و استغربت أكتر من صاحب البندقية نفسه من نتيجة تجربتي الموضوع بصراحة عجبني جدا جدا و في حد نصحني ببندقية صيني عتلة سفلية سعرها رخيص لكن معرفش تقييمها إيه هي سعرها أقل من 1000 جنيه كل سنة و حضرتك طيب :) |
رد: علشان الضغط علي عليا
اللى اقل من 1000 جنية هاتبقى متوسطة القوة هى ممكن تكون كويسة مع اليمام والحمام لكن او طير اكبر من كدا موش هاتقتلة.......اللى هايحدد البندقية امكانياتك المادية وموش لازم ترهق نفسك ماديا الصيد عبارة عن صياد موش بندقية بس هو الافضل تجيب حاجة قوية عشان ما تزهقش من الصيد او حاجة مستعملة اسبانى او المانى او انجليزى
|
رد: علشان الضغط علي عليا
اقتباس:
بما ان حضرتك جربت الكرال وكان فيه انسجام بينكم فى الصيد فى اول طلعة نصيحتى انك تشترى بندقية كرال بس تكون كسر مش عتلة. الكرال بندقية موجودة فى السوق المصرى من فترة كبيرة وتم معرفة كل العيوب الموجودة فيها ومعالجتها بسهولة + ان تقريبا جميع قطع غيارها متوفرة فى الاسواق وتعتبر بندقية معروفة المصدر أكثر من البنادق الصينى الجديدة. ولو قدرت تجيب الموديل الجديد من الكرال زى اللى موجودة فى هذا الرابط مش هتندم وانا متأكد انها موجودة فى بعض المحلات فى القاهرة. http://www.gunmart.net/gun_review/kr...pion_air_rifle دى وجهة نظرى الشخصية وأتمنى لحضرتك التوفيق فى اختيارك. خالص تحياتى. |
رد: علشان الضغط علي عليا
|
رد: علشان الضغط علي عليا
اقتباس:
تمام يا استاذ عادل كلامك مظبوط فعلا البندقية دي ناس كتير بتشكر فيها وفي خامتها ودقتها بخلاف الانواع السابقة قبلها من الكرال وطبعا القبطان المصري اكثر من استخدمها |
رد: علشان الضغط علي عليا
اقتباس:
هي حضرتك تعرف متوسط سعرها كام تقريبا ؟؟؟؟ و سؤال تاني حضرتك ليه نصحتي بالكسر مش العتلة ؟؟؟ أشكرك جدا علي إهتمام و كل سنة و حضرتك طيب |
رد: علشان الضغط علي عليا
اقتباس:
|
رد: علشان الضغط علي عليا
اقتباس:
|
رد: علشان الضغط علي عليا
اقتباس:
بالنسبة للسعر أعتقد تجار المنتدى ممكن يفيدوك اكثر منى فى هذا الموضوع. اما بالنسبة لموضوع الكسر والعتلة فيوجد اكثر من سبب اولهم سهولة صيانة البندقية الكسر زى مثلا تنظيف الماسورة من رواسب الرش. عدم وجود قطع غيار معينة زى الجزرة فى البنادق العتلة (ودى من اكبر مشاكل البنادق العتلة فى مصر لبعض البنادق زى الكرال والتل المجرى). البندقية الكسر اسرع فى التعمير وتلقيم الرشة (من وجهة نظرى) اثناء الصيد. فى حالة لا قدر الله وجود أى خلل فى الماسورة (مثل انعواج الماسورة مثلا) من السهل تبديل الماسورة كاملة فى البندقية الكسر لأن أغلب البنادق العتلة الماسورة ثابتة مع القميص. من الناحية الامنية البنادق الكسر معروفة بأنها بنادق رش اكثر من العتلة والناس الموجودة فى الشارع بيبقى عندها قلق من طريقة تعمير العتلة لأنهم واخدين على طريقة تعمير الرمسيس والمعادى. بالتوفيق فى اختيارك. تحياتى. |
رد: علشان الضغط علي عليا
اقتباس:
أنا بشكر حضرتك جدا علي إهتمامك بالرد علي إستفساري و أشكرك جدا جدا علي تعبك معايا :) |
رد: علشان الضغط علي عليا
اقتباس:
|
| الساعة الآن 03:12 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir