الصيد فى مصر - الاستفسار عن بوصه 9م

الصيد فى مصر (http://www.egyhunt.net/index.php)

- صيد السمك (http://www.egyhunt.net/forumdisplay.php?f=75)

- - الاستفسار عن بوصه 9م (http://www.egyhunt.net/showthread.php?t=46899)

ahmed_atoon

14-08-03 11:33 AM

الاستفسار عن بوصه 9م

اريد شراء بوصه 9م يكون بها اعلي نسبه كاربون
وجدت هذا النوع Ares ولكني بعد بحثي لم اجد له شئ علي النت
ارفق صوره لثلاث اطوال 7 ، 8 ، 9 متر وعليهم بياناتهم برجاء توضيح البيانات واذا كان هناك نوع احسن وخفيف بالنسبه الى الطول وفى نفس السعر تقريباً (250) برجاء ذكرها

http://oi62.tinypic.com/14bmiyh.jpg

وليد سالم

14-08-03 12:56 PM

رد: الاستفسار عن بوصه 9م

في نوع افضل اسمة ( سوبر استار الامين ) وده اكثر الانواع جوده لانه من الانتاج القديم والاصلي منه ممكن تعرفة بسهولة لانه لا يخرج عن لونين اصليين له ( الابيض * الاصفر ) اما لو في لون تاني للعود يباه تقليد ومش اصلي
علامة العود المميزه ... هتلاقي علي جسمة اعلي المقبض اسمة بالانجليزي ( سوبر ستار وبجانبها صورة صغيره للاهرام او كلمة بيراميدز ) اسفل العباره اسم الامين وده اكبر مستورد ادوات صيد سمك في مصر وديما استيراده بيكون من افضل الانواع

ahmed_atoon

14-08-03 01:08 PM

رد: الاستفسار عن بوصه 9م

اقتباس:

المشاركة الأصلية كتبت بواسطة وليد سالم (المشاركة 564785)

شكرا لك اخي وليد
لو امكن ان تضع لنا صوره للعود والسعر ونسبه الكربون واين يمكن ان اجده

وليد سالم

14-08-03 01:45 PM

رد: الاستفسار عن بوصه 9م

العود انا اشتريته ب 130 جنية وهو صناعه بتوكيل من كوريا لحساب التاجر محمد الامين
واللي معايا طولة 4 متر وفي اطول من 4 متر بس مش عارف بكام بصراحة ممكن تفرق حاجات بسيطة لكن لو 9 متر احتمال يكون زياده حوالي 100 جنية في السعر
اما نسبة الكربون فيه فانا بصراحة مسالتش علي النسبة دي لاني مش بصطاد بيه بحري ده نيلي فقط اما لو انك عايز عود كربون صرف فده بيكون حاجه تانية خالص وبيكون بدون حلقات علي العقل وبيتركبلة حلقات خاصة تركيب وفي الاطوال اللي انت عايزها منه

ودي صورة العود اللي معايا

http://im72.gulfup.com/nlhjKs.jpg

ahmed_atoon

14-08-03 02:34 PM

رد: الاستفسار عن بوصه 9م

اقتباس:

المشاركة الأصلية كتبت بواسطة وليد سالم (المشاركة 564789)

ممكن تقولي ع حد اسأل عنده انا من الاسماعيليه فلو امكن ان ترسل لي ارقام تليفون لحد اسأل عنده ع حاجه كربون نضيف وسعرها
وايه رأيك فى الصوره اللى رفعتها فى اول مشاركه علشان اول مره اسمع عن ares ومش لاقي اي داتا ليها ع النت

وليد سالم

14-08-03 03:29 PM

رد: الاستفسار عن بوصه 9م

اقتباس:

المشاركة الأصلية كتبت بواسطة ahmed_atoon (المشاركة 564793)

ههههههههههههه

يا ابو حميد انا مش خبير اوي في معدات الصيد البحري انا بس ممكن افيدك بالمعلومات اللي انا عرفتها من الخبراء اللي طلعت معاهم كام مره وكنت ديما بعرف منهم ازاي استفيد بالمعلومة وافيد غيري
وطبعا مش كل انواع اعواد الصيد بيكون ليها داتا او معلومات علي النت الا طبعا لو بتتكلم عن انواع البوص الياباني والالماني او الامريكي من الماركات العالمية والمشهوره ودي طبعا ممكن تعدي الالف جنية للعود فقط ويمكن اكتر من الف بكتير

اما عن سؤالك عن اماكن البيع في الاسماعيلية فانا بصراحة مش علي علم بيها لاني من القاهره بس اكيد ممكن تسال عندك في الاسماعيلية واكيد هتعرف المحلات دي فين

ahmed_atoon

14-08-03 04:11 PM

رد: الاستفسار عن بوصه 9م

اقتباس:

المشاركة الأصلية كتبت بواسطة وليد سالم (المشاركة 564803)

ههههههههههه ياباشا اسماعيليه انا عارف محلاتها انا بسألك عن المحلات اللى في القاهره
يعني العود ال ares ده من اسكندريه
اسماعيليه بعافيه شويه فى الحاجات ديه ويوم ماربنا يكرمك وتلاقي حد جاب حاجه نضيفه تلاقيه ضرب التمن ما بين القاهره والاسماعيليه ع الاقل فى 60%

وليد سالم

14-08-04 02:07 AM

رد: الاستفسار عن بوصه 9م

اقتباس:

المشاركة الأصلية كتبت بواسطة ahmed_atoon (المشاركة 564806)

لحضرتك رسالة علي الخاص شوفها وقول لي اية رايك في البيانات وهل عرفت افيدك ولا لا استاذ احمد

ahmed_atoon

14-08-05 02:11 PM

رد: الاستفسار عن بوصه 9م

تسلم ياباشا
ع المعلومات وادعي الاقي عود حلو يكون 9 متر

الساعة الآن 03:47 AM