الصيد فى مصر - رحلة ادمان من المسدسات لبنادق الرش

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - رحلة ادمان من المسدسات لبنادق الرش (http://www.egyhunt.net/showthread.php?t=46917)

رحلة ادمان من المسدسات لبنادق الرش

https://fbcdn-sphotos-h-a.akamaihd.n...abc35934996979

السلاح عند الرجال كالذهب عند النساء شعور لا يعرفه الا من اقتناه
حقيقة يشعر به كل ممتلك سلاح اين كان نوع السلاح
الواحد من صغره دايما كان غاوى مسدسات ومر بمراحل غريبه من مسدسات الاطفال الى ليها شريط طويل وتقعد تضرب وبعدين مسدسات الساقيه الى بيجيلها القرص الاحمر وبعد كده الواحد اطور وظهرت مسدسات الخرز وعملت قلبان شويه شويه وبقيت فى الاعدادىه كان عندى مسدس مونديال او الربع شكل مابنقول وطول الفترة دى الواحد كانت كل علاقته ببنادق الرش شهر 8 ده عن نفسى فى مولد عندنا فى البلد فكنت بحب اروح اضرب بومب بالرش وكانت البنادق مهما تقربها من البومبه مابتجيش فيها حاجة غريبه شويه وجبت مسدس ساقيه صوت برده ربع الى بيضرب الطلق الكباسيل دى ودن ده مشوارى مع المسدسات وسنة ورا سنه الواحد كبر واشتغلت فى سيناء وما ادراك ما السلاح فى سيناء والى انا شفته ومسكته وضربت بيه هناك المهم قامت الثورة وانا ساعتها اتجهت للمسدسات الصوت ال9 ملى وامتلكت البارون عشقى الاول والاخير وتوالت عليها مسدسات كتيرررررررررررررر اوى كله يروح والبارون باقى ولحد دلوقتى البارون باقى لحد من سنتين بالظبط اشتريت بندقيه رش شكلها عاجبنى من على النت ورتنى الويل ومرواح للامن العام وسين جيم المهم طلعتها بعد طلوع روح وبعتها فى نفس الاسبوع من الى شفته لحد شهر 10 الى فات ماكنش فيه ولا بندقيه وفى خلال ال8 شهور دول اتقلبت حياتى 360 درجة من الاهتمام بالمسدسات للاهتمام بالبنادق
يكفى انك تعرف انى فى خلال ال10 شهور دول غيرت فيهم البنادق دى بالترتيب
كرال عتله - جامو 900 - استرونج -- نوريكا جت - شادو 1000 ديانا 350-- ديانا 54
بجد فى بنادق منهم غيرت مفهوم البنادق دى عندى من لعب اطفال بنلعب بيها فى الموالد لبنادق بجد مش مهم هى بتضرب رش ولا رصاص ولا حتى خرطوش لا المهم هى تقدر تعمل ايه واتشديت للصيد وبجد احساس مابعده احساس وانته فرحان بفريستك وهيه فى ايدك وكل بندقيه من الى فوق دى ليها حدوته معايا وسبب للشراء وسبب للبيع وسبب للتغيير
وطبعا ناس كتير او نعبتها معايا اسئلة واستفسارات ومازلت بتعبهم برده وهما عمرهم ماكلو ابدا منى ومن اسئلتى بل بالعكس قبل ما بقابل المشكله بلاقيهم بيقولوها ليه وازاى اتفادها زى عم محمد محمود وعم عادل احمد وغيرهم كتير بس بجد دول اكتر اتنين انا دوشهم اسئلة واستفسارات ده انا بصحيهم من النوم علشان يجوبونى ووالله عمرهم ماتاخرو ربنا يباركلى فيهم وفى كل واحد سالته وجاوبنى
وبجد الى مجربش احساس الصياد بصيده مهما كان خسر كتير اوى من نشوة ومتعة وحده من اهم الغرائز الانسانيه