الصيد فى مصر - ربنا سترني ولله الحمد

الصيد فى مصر (http://www.egyhunt.net/index.php)

- صيد السمك (http://www.egyhunt.net/forumdisplay.php?f=75)

- - ربنا سترني ولله الحمد (http://www.egyhunt.net/showthread.php?t=47093)

ربنا سترني ولله الحمد

خرجت النهارده للصيد المهم المدام شبطت معايا وقالت طالعه معاك اصطاد قلتلها بلاش المهم عملت زي الاطفال قلت وماله فسحه ليها وللواد ابني الصغير المهم طول الطريق وانا رايح علي النيل عمال ادعي ربنا ميكسفنيش ادم المدام المهم وصلت ظبطت حاجتي وباقي اني اتوكل علي الله وارمي السناره وبعد ما رميت بعديها بدفائق معدوده لفيت البلوب ضرب جامد رحت عامل نفسي عنتر بن شداد ومسكت السناره وسحبت والحمد لله طلعت انومه كبيره لدرجت ان السن كان مفاس اربعه اعتقد وهي بلعه السن المم اخر حصيلت اليوم كانت 3 انوم وحوالي 7 كركور في ساعتين ونص الحمد لله رجعت البيت مجبور الخاطر وعامل نفسي صياد اسود هههههههههههههههه :lf:

رد: ربنا سترني ولله الحمد

الحمد لله , ربك برضه بيستر

ياريت لو تشرحلنا بالتفصيل شوية علشان ناس كتير نفسها تجرب صيد السمك

يعنى احسن وقت لصيد السمك ايه و نوع الطعم ايه و سمك الأنوم ده ايه و الكركور ؟

رد: ربنا سترني ولله الحمد

بالف هنا وشفا يا اشرف باشا بس بردو بلاش تاخد العيال معاك في الصيد خصوصا وان صيد السمك بيكون افضل وقت لية بالليل متاخر الا اذا كنت متطمن للمكان اللي انت رايحه :lov::lov:

رد: ربنا سترني ولله الحمد

اقتباس:

المشاركة الأصلية كتبت بواسطة dr_mohasan (المشاركة 566526)

صديقي الغالي دكتور / محمد

سمك الانوم او ما يطلق علية بعض الناس في مصر خشم البنات

هو احد انواع اسماك النيل وتوجد بكثره في مياة منطقة مسطرد وسرياقوص وعند معدية عثمان بالاميرية وايضا في منطقة المنيل والمعادي وحلوان
وهي سمكة جميلة ولكن زفارتها عالية جدا وعشان تتخلص من زفارتها يجب ان يتم تشريح جلدها عند منطقة الزيل اكثر من مره حتي يتم اخراج الدماء من جسمها لان الزفاره فيها سببها الدماء بتاعتها وبيتم وضعها فورا في الايس بوكس وسط الثلج بعد تصفية دمائها منها لانها بتفسد بسرعه من حراره الجو
وقبل طهيها بيتم غسلها باليمون والخل

http://im77.gulfup.com/0IxPEm.jpg

اما سمك الكركور او ما يطلق علية بعض الصيادين اسم ( ابو ريالة )

فهو من نفس فصيلة القراميط والبياض تقريبا ومقارب جدا للشبه لهم ولكن الاحجام بتكون صغيره عنهم ويمتاز بجسم به مسامات تفرز ماده لزجه عند الامساك به واصطياده حتي يستطيع الهرب والافلات من الصياد
به شوكتان علي جانبي جسمة حاده جدا مسببه لالم شديد عند عدم الحذر منها ولكنها غير سامة ويتم سلخ جلده قبل طهية ودسه في حلة الارز مثل الجمبري تمام ودي اكثر الطرق التي يتبعها محبي اكل الكركور نسبة البروتينت في الكركور عالية جدا جدا والطعم ممتاذ جدا

http://im82.gulfup.com/JWn3Vu.jpg

رد: ربنا سترني ولله الحمد

شكرا يا صديقى ، ماتيجى نطلع طلعة صيد سمك ، انا عندى سنارة جاهزة

رد: ربنا سترني ولله الحمد

دائما سباق يا اتساذ وليد في الخير وصاحب رؤية جملة ومعلومات جديده علينا بارك الله فيك

رد: ربنا سترني ولله الحمد

اقتباس:

المشاركة الأصلية كتبت بواسطة dr_mohasan (المشاركة 566561)

شكرا يا صديقى ، ماتيجى نطلع طلعة صيد سمك ، انا عندى سنارة جاهزة

وانا موافق يا دكتره وربنا يسهل في اقرب وقت بس انت افضي شوية يا عم :sante::sante::lov::lov::lov:

رد: ربنا سترني ولله الحمد

اقتباس:

المشاركة الأصلية كتبت بواسطة mr-ashraf (المشاركة 566625)

دائما سباق يا اتساذ وليد في الخير وصاحب رؤية جملة ومعلومات جديده علينا بارك الله فيك

من بعض ما عندكم استاذ اشرف

رد: ربنا سترني ولله الحمد

معلومات جميلة جزاك الله خيرا

رد: ربنا سترني ولله الحمد

طلعه جميله والحمد لله ان ربنا رزقك علشان الكسوف ههههههههههه تحياتى

رد: ربنا سترني ولله الحمد

اقتباس:

المشاركة الأصلية كتبت بواسطة وليد سالم (المشاركة 566529)

صديقي الغالي دكتور / محمد

سمك الانوم او ما يطلق علية بعض الناس في مصر خشم البنات

هو احد انواع اسماك النيل وتوجد بكثره في مياة منطقة مسطرد وسرياقوص وعند معدية عثمان بالاميرية وايضا في منطقة المنيل والمعادي وحلوان
وهي سمكة جميلة ولكن زفارتها عالية جدا وعشان تتخلص من زفارتها يجب ان يتم تشريح جلدها عند منطقة الزيل اكثر من مره حتي يتم اخراج الدماء من جسمها لان الزفاره فيها سببها الدماء بتاعتها وبيتم وضعها فورا في الايس بوكس وسط الثلج بعد تصفية دمائها منها لانها بتفسد بسرعه من حراره الجو
وقبل طهيها بيتم غسلها باليمون والخل

http://im77.gulfup.com/0ixpem.jpg

اما سمك الكركور او ما يطلق علية بعض الصيادين اسم ( ابو ريالة )

فهو من نفس فصيلة القراميط والبياض تقريبا ومقارب جدا للشبه لهم ولكن الاحجام بتكون صغيره عنهم ويمتاز بجسم به مسامات تفرز ماده لزجه عند الامساك به واصطياده حتي يستطيع الهرب والافلات من الصياد
به شوكتان علي جانبي جسمة حاده جدا مسببه لالم شديد عند عدم الحذر منها ولكنها غير سامة ويتم سلخ جلده قبل طهية ودسه في حلة الارز مثل الجمبري تمام ودي اكثر الطرق التي يتبعها محبي اكل الكركور نسبة البروتينت في الكركور عالية جدا جدا والطعم ممتاذ جدا

http://im82.gulfup.com/jwn3vu.jpg

معلومات رائعه وشرح مبسط نجم يا عم وليد ربنا يزيدك تحياتى

رد: ربنا سترني ولله الحمد

ألف هنا وشفاء يأخي وشكرآ عالمعلومات الجميلة