|
بشاير البياض النيلى بالصور
اصدقائى محبى صيد الاسماك سلام الله عليكم.......امبارح الحمد لله ربنا كرمنى باول استفتاح للبياض النيلى او (مز عبيد) الاسم الدارج له تقريبا حوالى كيلو ونص.............طريقة الصيد حداف والطعم دود ارضى عنكبوت فى سن صغير نسبيا بالنسبة للحداف وهو مقاس 6 ..........المياة سريعة جدا(حامية) الصيد رزق ونصيب طبعا ....كنت شغال الاول غماز وفسفور وطعم دود ارضى المهم ما فيش حاجة بتاكل وجربت اكتر من دور والا اى حاجة فكرت وشيلت الغماز وقلبت حداف على نفس العود 3 متر....ورميت رمية والتانية والا قى الباشا وصلت ......الصعوبة بقى انى باصتاد من مكان عالى حوالى 3 متر كورنيش مبطن علة المية على طول زى حمام السباحة والسمكة كانت تقيلة...لميت بالماكنة لحد تحتى ورفعت من السلك بس الحمد للة كانت بالعة حلو قوى وربنا كرم وطلعتها على برة وما عرفتش افك السن منها لانها كانت بلعاة فى مصارينها........قصيت ....كملت صيد بعدها بساعة او ساعتين وما غمزتش تانى والا غمزة واحدة بكركور ...بارك الله فيما رزق........البياض بيتنضف ويتعمل صينية فى الفرن بالطماطم والبصل والخضرة وما بيتحطش علية اى دهون....ملحوظة فية زعنفة زى السفنج على ديل البياض...وانت بتنضف السمكة سيبها وما تشيلهاش لانها دهن السمكة ..زى لية الخروف كدا............اسيبكم مع الصور...مريم وهى واخدة البياضة بالحضنhttp://im67.gulfup.com/R3aXNL.jpghttp://im67.gulfup.com/2FPgmM.jpghttp://im67.gulfup.com/BwTX5w.jpg
|
رد: بشاير البياض النيلى بالصور
|
رد: بشاير البياض النيلى بالصور
بسم الله ما شاء الله ربنا يباركلك فيما رزقك وبالف هنا وشفا حبيت اضيف ان عندي ظهر البياض انا اصطدت اتنين بس احجام صغيره جدا ودا يعتبر بشره علي وجود البياض وبداية الاكل
|
رد: بشاير البياض النيلى بالصور
بسم الله ما شاء الله سمكه جميله وصياد رائع وبألف هنا
|
رد: بشاير البياض النيلى بالصور
mr-ashraf...نورت الموضوع بمرورك..انا فعلا طلعت قبل كدا من اسبوعين تلاتة بياض فتل صغير بس عالغماز وبوستة ورميتة تانى..واهة بعت امة_ههههههههه
|
رد: بشاير البياض النيلى بالصور
البهواشى............الف شكر على كلماتك الرقيقة ومرورك العطر
|
رد: بشاير البياض النيلى بالصور
الف هنا يا باشا وعقبال ما تجيب العيلة البياضه دى هههههههههه
|
رد: بشاير البياض النيلى بالصور
مشرف>>>>>>>>>لو جيبت العيلة البياضة او نصها هاعزمك على غدوة حلوة
_هههههههههه_نورت الموضوع |
رد: بشاير البياض النيلى بالصور
ان شاء الله ربك كريم قول انته يارب بس وانته هتلاقى السمك طالع لوحده هههههههه
|
رد: بشاير البياض النيلى بالصور
تسلم ايدك يا ابو مروان بس كنت قول قبل ما تطبخها كنت جبت رغيفين وجيتلك يا عم ههههههههههههه :rir::rir::rir::lov::lov::lov::lov:
|
رد: بشاير البياض النيلى بالصور
الله ينور يا ابو مروان ، بسم الله ما شاء الله
فهمنى بقى لو سمحت معنى الجملة دى "وجربت اكتر من دور" يعنى ايه دور ؟ و تحياتى ليك و تمنياتى بالتوفيق الدائم |
رد: بشاير البياض النيلى بالصور
اقتباس:
الدور يا صديقي هو عباره عن مكان بجانب حافة الماء بيجهزه الصياد لنفسة قبل الصيد وفي صيادين بتجهزه قبل الصيد بعدة ايام وبتقوم بتنظيف المكان من ( الزلفه ) بمعني الاعشاب والعوالق المتوقفة في الماء بالمكان اذا كانت اعشاب نيلية او حتي اكياس بلاستيك او خلافة واذا كان في اسلاك حديدية ملقاه في الماء بتتشال بره عشان الخيط مايشبكش فيها كل شوية وينقطع ده طبعا لو المياه مش غويطة وبعد كده كثير من الصيادين بيحضروا معاهم شنط ( علفة ) وهي عباره عن ( قمح مسلوق - ردة خشنة ) مخلوطين علي بعض ويتم رمي القليل منهم علي حرف المكان لجذب الاسماك علي رائحة القمح والرده بس بشرط ان القمح مايكونش مستوي والحبه بتاعته مقفولة مش تكون اتفتحت اثناء السلق واتهرت من غلي الميه والرمي للسمك اسمة تزفير الدور وبيكون حبه قليله تقريبا مليئ كف اليد فقط عشان السمك ما يشبعش منه ويذهد الطعم بتاع السناره واستخدام السناره في المكان مستحب انه يكون بعد عملية التزفير بربع ساعه تقريبا وتكون المياه مش حامية بمعني مش سريعة الحركة عشان متاخدش العلف وتمشي بعيد وكانك يا ابو زيد ما غزيت ولو المياه حامية ملوش داعي التزفير وملوش داعي بردوا استخدام الغماز في السناره والشغل بالحداف احسن بدون غماز |
رد: بشاير البياض النيلى بالصور
الله ينور عليك يا استاذ وليد
|
رد: بشاير البياض النيلى بالصور
اقتباس:
|
رد: بشاير البياض النيلى بالصور
|
رد: بشاير البياض النيلى بالصور
اقتباس:
|
رد: بشاير البياض النيلى بالصور
اقتباس:
|
رد: بشاير البياض النيلى بالصور
مصطفى ابواسماعيل_نورت الموضوع يا باشا
|
رد: بشاير البياض النيلى بالصور
استاذ وليد الف شكر على ردك ولكن الدور اللى حضرتك وصفتة دة دور البلطى انما المية اللى انا باصتاد فيها ميه حامية جدا لانها ترعة كبيرة 20 /30 متر عرض ومبطنة من الجنبين كورنيش عالى 3 متر .ز.....المية صاروخ ......والمشكلة كمان ان فيها كمية كياس و خلافة كبيرة جدا يعنى ممكن فى ساعتين تلاتة صيد تقطع 10 وشوش......بس الميزة ان فيها غلطات احجام رهيبة ممكن تطلع اربع خمس طلعات ما تضربش حاجة حلوة وممكن ساعتين تضرب بياضتين حلوين والاهم من دا ودا بالنسبالى انها قرب بيتى ب 50 متر وتحت مكتبى ب 20 متر يعنى ممكن اخد العدة معايا واخلص شغل وانزل اصتاد على طول بس الحلو مايكملش من كتر الشبكات وتقطيع الوشوش
|
رد: بشاير البياض النيلى بالصور
بالهنا و الشفاء .....وكل سنة وانتم جميعا طيبين ........عيد سعيد
|
رد: بشاير البياض النيلى بالصور
اقتباس:
هترجعونا للإجرام لية بقا.......... اولا الجواب اللى انت حطيتة مش عارف لية متاخد كوبى وبيست من مكان تانى مش عارف انت واخد منة والا هو واخد منك https://www.facebook.com/fishing.for...levant_count=1 الدور ابسط من كدا بكتيييييييييييير اوى ببساطة الدور هو اى مكان قعدت علية على اى مية وكان مجمع سمك بس يعنى مثلا ممكن ترعة طويلة عريضة تلاقى فيها 3 حتت شغالين مثلا قدام الجامع وقبل الكوبرى وعند التوتة فاحنا بقى بنقول الدور بتاع الجامع او الدور بتاع الكوبرى عشان يبقا لينا لغة نفهمها لان لما بنجرب صيد وننتقل من مكان لمكان بنلاحظ ان السمك مابياكولش الا فى الاماكن دى فبنسمية دور ممكن تصطاد منة عارف عامل زى اية زى محطة الاتوبيس والدور بيكون مجمع سمك لاسباب كتير مثلا فية حجارة او فية شوية عفشة تحت المية مش باينينلك بس عاملين بيت للسمك اويكون حرف المية عالى والسمك بيحب يسكن العالى وممكن دور السناادى مايبقاش دور السنة اللى بعدها معلش بقا اخوك صياد ريم ولافف ادوار كتير خالص تحياتى وارق امنياتى |
رد: بشاير البياض النيلى بالصور
فعلا كلام سليم 100% لان الدور دة موش ثابت ممكن يشتغل فى سنة ويقف فى السنة اللى بعدها وممكن يشتغل اول الموسم ويمنع
|
| الساعة الآن 07:06 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir