استفسار ارجو الرد
 

عندى سؤال ماهى افضل بنادق الرش الصينى واسعارها ومواصفاتها ومميزاتها وعيوبها وهل الصينى افضل ام التركى انا عارف انى بطلب طلب صعب بس انا واثق انى المنتدى الجميل ده يوجد به رد

رد: استفسار ارجو الرد
 

ايه يخونا يعنى 4 شافو الموضوع ومحدش قال صلى على النبى ( حته)

رد: استفسار ارجو الرد
 

السلام عليكم ورحمة الله تعالى وبركاته
اهلا بيك اخى الحبيب memo عضوا معنا فى المنتدى
بالنسبه لسؤالك : افضل البنادق الصينى هى البام12 او22 وهى تعد من اقوى البنادق لانها فى قوة الالمانى ديانا52
وسرعتها حوالى 295 /متر فى الثانيه , والذى يميز البندقيه قوتها الكبيره حيث تصيب اصابه كبيره من على بعد 80 و 90 متر واكثر من ذلك وكل هذا بالتجربه بس علشان تصيب بالمسافه دى لازم يكون معاك تليسكوب مثل البوشنال والبندقيه دى ممكن تصيد بيها ارانب وبط وممكن غزال كمان وخامات البندقيه دى جميله لانها تعد افضل البنادق الصينى, والذى يعيبها هو ثقل وزنها وان لها رد فعل قوى بسبب قوتها الشديده وبسبب هذه القوه الناشينكان الخلفى بيتحرك فى البام 21 وتم تعديل هذا العيب فى البام22 , اما بالنسبه للسعر من 1800 إلى 2000 (وذالك السعر قبل الاحداث الاخيره).
اما بالنسبه لسؤالك الثانى : فالبنادق التركى خامتها احسن من الصينى .
ارجو ان اكون قد افدتك .
وربنا يوفقك وتشترى البندقيه اللى نفسك فيها.
وإن شاء الله باقى الاعضاء الكرام فى المنتدى يفيدوك احسن منى.
ارجو من الخبراء بالمنتدى التصحيح إن كان هناك اخطاء.

رد: استفسار ارجو الرد
 

( صلي على النبي ) عليه الصلاة والسلام...واضح أخي العزيز أنه لديك فكرة ليست بالقليلة عن البنادق...ولا أستبعد ولا أستغرب أن تقول لنا أنت وتفيدنا من بحر معلوماتك الزاخر...عموما طلبك هذا ليس بصعب أو مستعصي الرد...ولكن الإجابة تتوقف على غرضك وهدفك من هذا السؤال...هل لمجرد جمع معلومات وحب إستطلاع...أم لرغبة جادة في الشراء...فإذا كان لمجرد جمع المعلومات وحب الإستطلاع فأمامك المنتدى زاخر بالمواضيع التي ترضي فضولك وتجيب على كل تساؤلاتك ولن يحتاج الموضوع منك أكثر من القليل من المجهود والتعب في القراءة...أما إذا كان بغرض الرغبة الجادة في الشراء فما هو سقفك وحدودك في الشراء...والغرض من شراء البندقية...هل للصيد أو للرماية أو لمجرد الإقتناء وحب التملك...وإذا كان بغرض الصيد...فأي الطرائد تفكر أن تصيد...عصافير مثلا أو يمام أو حمام أو بط أو أرانب...أو غزال...وهكذا...لا بد أن توضح حتى نجيبك ونعطيك الرد المفيد ولا نضيع وقتك ووقتنا سدى...فكر وخذ وقتك وكلنا تحت أمرك نتشرف ونسعد بالرد عليك...خالص تحياتي وتقديري واحترامي...

رد: استفسار ارجو الرد
 

فى البدايه (بعد الصلاه على النبى )(عليه افضل الصلاه والسلام ) كلامك مظبوط حضرتcosulانا عندى فكره عن البنادق بس بالقليل فانتم الافضل فى هذه المجال وبسراحه انا بحب الصيد جدأ جدأوضربت بالمعادى ورمسيس بس دو بنادق زى منتو عرفين على قدها بس نفسى اجرب البنادق الثقيله زى الالمانى والانجليزى بس انا كنت عايز اجيب وحده فى حدود من500الى 1000 وبعد كده ربنا يسهلها وجيب المانى او انجليزى وسمعت عن الكرال وشوفت ناس بتشكر فيها وناس بتقول فيها عيوب على العلم انى عارف ان اى بندقيه لها مزاياها وعيوبها بس انا عايز حاجه تكون معمره وقويه وسعره مناسب لامكانياتى حاليأ وبعد كده اجيب حاجه تانى وانوع على العلم انى لما بجيب حاجه محبش ابعها يعنى بحب اشلها عندى بس الصينى فى ناس بتشكر فى انواع منه زى البام بيقوله قوى ونا عايز اشوف الافضل الصينى ولا التركى على العلم رد لسؤال حضرتك انواع الفرائس الى انا بحب اصدها زى اليمام والحمام والارانب ومن اجل المتعه بحد اخلص على الغربان لانى بكرههم

رد: استفسار ارجو الرد
 

اللهم صلى على النبي المختار صلا الله عليه وسلم اشرف الخلق وعلى اله وصحبه وتابعين وتابعيهم باحسان الى يوم الدين اخى الكريم لوكان عندى ادنى معلومه ما بخلت عليك بيها ارجو ان تسامح جهلى وقله حيلتى

رد: استفسار ارجو الرد
 

اشكر كل من اطلع على الموضوع ده سوء افادنى او لم يفدنى يكفى زيارته وكان الله فى العون وشكرى الى كل اعضاء المنتدى

رد: استفسار ارجو الرد
 

بارك الله فيك أخي الحبيب...وأعتذر عن عدم إفادتي لك بالرد أول مرة...لا تتعجل أخي الحبيب وغدا وفي القريب إن شاء الله ربنا ينولك ما تصبو إليه وتتمناه...المهم...إذا كنت تريد شراء بندقية قوية هاي باور بهذا المبلغ فليس أمامك سوي الكرال التركي عيار 5.5 ( نمرة 2 ) وأنا أفضل طبعا أم دبشك بني بلون الخشب فخامتها وتشطيبها أحسن وأنظف من السوداء...ولكن يستحسن بعد الشراء أن تقوم بعمل صيانة لها من تنظيف وتشحيم وتزييت...وتأكيد على ربط مسامير تثبيت البندقية في الدبشك...وهي بندقية قوية وتستطيع أن تصيد بها كل ما تريد من طيور وحيوانات صغيرة ومتوسطة...ولا تستمع لمقولة أن بها عيوب...لا يوجد بندقية ليس بها عيوب...ويشفع لها أنها بهذه الخامات وهذه القوة وبهذا السعر...وقطع غيارها متوفرة وهي نفس قطع الجامو وتركب عليها...وعلى بركة الله...توكل على الله...مبروك مقدما وربنا يديك خيرها ويكفيك شرها...خالص تحياتي...

رد: استفسار ارجو الرد
 

مشكور حضرت ال Consul على الافاده واتمنى لكى الاعضاء التوفيق

رد: استفسار ارجو الرد
 

اللهم صلى وسلم وبارك على نبينا محمد وعلى اله وصحبه وسلم
" اللهم صلى على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم فى العالمين إنك حميد مجيد "
خالص تمنياتى بالتوفيق,,,