|
ثلاثية الصقر الفضى (القبطان المصرى )
السلام عليكم ورحمة الله وبركاته
طبعا كلنا متابعين معارك وحروب بندقية الصقر الفضى على المنتديات كلها ولانى دايما باحب امشى مخالف للناس كلها واجرب كل جديد وكل ماهو غريب توكلت على الله وقمت بايع الكرال الرامبو اللى معايا اللى كانت ممتعانى صيد ورمايه وجبت الغريبه العجيبه الصقر الفضى xt208 دبشك رمايه اول مامسكتها حسيت انى ماسك بندقيه محترمه قلت الحمد لله انا مانضحكش عليا دبشك زى الفل ووزن كويس وناشانات عسل اول حاجه قمت بتليينها بعلبتين رش وكانت قوتها رهيبه فعلا بجد وكأنك بتضرب بديانا او هانتر لكن دائما تأتى الرياح بما لاتشتهى السفن اول صدمه ليا كانت انى اثناء التعمير كنت باسند الطابان الكاوتش بتاع البندقيه على الكرسى وانا قاعد باعمر لاحظت ان الكاوتشه الطبان خامتها ضعيفه جدا وبتتاكل من اقل احتكاك اتاكل منها قطعه صغيره فى حجم الرشه وعلى طول قام الرعب ماسك فى قلبى قلت لنفسى شكلك اتخميت ياواد ياقبطان وسيرتك هاتبقى على كل لسان ههههههههههههههههههه وعلى طول قمت فاكك البندقيه عشان اشوف اجزائها من جوه شكلها ايه ولما شوفتها من جوه استغربت اه والنعمه استغربت اولا سوسته طولها 28 سنتى وعدد حلقاتها 26 فقطططططططططططط امال السرعه الرهيبه دى جايه منين ؟؟؟؟؟؟؟؟؟ مش عارف انطباعى عنها البستم كويس جلبة البستم كويسه الدليل الخلفى على ما اعتقد ضعيف لانه من الفايبر واليكم تفاصيل البندقيه بالتمام والكمال قطر الكانون من الخارج 32 ملى قطر الكانون من الداخل 28 الطول 36 سنتى ونص http://www13.0zz0.com/2014/09/19/20/266772520.jpg ....... قطر البستم من الخارج 27 ملى ونص من الداخل 24 مللى قطر عامود لاقط التعمير 10 ملى طول البستم بدون الجلبه وعامود اللاقط 12 سنتى ونص http://www13.0zz0.com/2014/09/19/20/227267539.jpg ................. قطر جلبة البستم 28 مللى ارتفاعها 5 ملى http://www13.0zz0.com/2014/09/19/20/201459674.jpg ................ السوسته الطول 26 سنتى عدد الحلقات 28 القطر من الخارج 21 ملى القطر من الداخل 14 ملى ونص قطر السلكه 3 مللى http://www13.0zz0.com/2014/09/19/20/135775585.jpg .................. طول الماسوره 47 سنتى عدد الشخشخنات 12 http://www13.0zz0.com/2014/09/19/20/847891281.jpg .............. طول الدليل بتاع السوسته 11 سنتى http://www13.0zz0.com/2014/09/19/20/236897631.jpg ................ الزناد http://www13.0zz0.com/2014/09/19/20/845345612.jpg ........................... طول البندقيه الكلى 115 سنتى .......................... وبعد ماشحمتها وقفلتها جربتها تانى ولقيتها زى الفل فى الضرب تانى يوم اتمشيت حوالى ساعه كده ربنا كرم بــ خمس حمامات ويمامتين قلت كويس تالت يوم خرجت اصطاد بيها سمك ضربت حوالى 11 رشه بــ 9 سمكات وزنهم حوالى اتنين كيلو واتنين حمامه يعنى فى الاداء كانت ممتازه لكن مسكتها مريحتنيش دبشكها صغير شويه انا باحب البندقيه اللى دبشكها طويل وعريض كمان الناشنكاه الخلفى لازم تعليه للاخر عشان تظبط البندقيه وده معناه ان مسمار البكره بيكون مفكوك على اخره ومعرض للوقوع والضياع وفتحة الشيز الخلفيه واسعه جدا كمان يعنى هاتتعبك شويه فى التركيز وبعدين الدنيا مطرت وانا باصطاد قمت مروح وانا راجع فى السكه عديت على صديق ليا كان شارى منى الجامو سى اف اكس رويال من سنه كده مسك الصقر الفضى وجربها وعجبته جدا قالى تبادل بالجامو اللى كنت واخدها منك وتدفع الفرق انا اتصدمت مكنتش متوقع الكلمه دى قلتله ياعم ده انا لسه مفرحتش بيها ههههههههههههههههه المهم اتفقنا على الفرق ووافقت على البدل وبعد ماكنت طالع من البيت الصبح بالصقر رجعت بالرويال هههههههههههههههههههههههههههه كلمه اخيره بالامانه البندقيه ملحقتش اقيمها كويس ده بناء على تجربة ثلاث ايام فقط الله واعلم كان هايظهر فيها عيوب تانى ولا لا لكن انا شايف ان اسعارها غاليه بالنسبه لخاماتها والسلام عليكم ورحمة الله |
رد: ثلاثية الصقر الفضى (القبطان المصرى )
يسعدنى ويشرفنى جدا جدا جدا انى اكون اول من يعلق على موضوع حضرتك وانا من المتابعين لحضرتك وحضرتك تعتبر مثلى الاعلى وانا متابع حضرتك من زمان اوى وكنت حابب اصطاد بقى وكدة ومش عارف اشترى اية انا كنت بفكر فى كرال رامبو اللى كانت مع حضرتك بس مش عارف هل هى مناسبة لمبتدا زى وشكرا
|
رد: ثلاثية الصقر الفضى (القبطان المصرى )
اقتباس:
توكل على الله وهات الرامبو بجد من وجهة نظرى احسن من الصقر الفضى ومن الشادو الف الاسبانى ربنا يوفقك |
رد: ثلاثية الصقر الفضى (القبطان المصرى )
شكرا جزيلا على الرد طب لو سمحت اية التعديلات اللى محتاجها البندقية يعنى السوستة وكدة عشان انا مش هعرف اغيرلها حاجة غير كل مدة طويلة لانى فى منطقة ريفية ومافيش محلات وكدة فاعاوز اغيرلها كل حاجة هى محتجاها ساعة الشرى وشكرا
|
رد: ثلاثية الصقر الفضى (القبطان المصرى )
هههههههههههه شوف الموضوع الي متثبت بتاعي عن الصقر الفضي يا قبطان
بالزمة حد يبيع بندقية عجبتة بعد 3 ايام بس لا ويشتري بندقية بتاعتة وباعها لواحد صحبه ههههههههههههههه واحشني جدا جدا اجد يا قبطاااااااااان |
رد: ثلاثية الصقر الفضى (القبطان المصرى )
ههههههههههههههههههه ايه ده ياهانى اقولك على حقة اظاهر ان مش انا لوحدى الى صحابى بيشبطو فى حاجتى ههههههه
الله ينور لى المجهود |
رد: ثلاثية الصقر الفضى (القبطان المصرى )
اقتباس:
كنت اتمنى تقييم لمجموعة الزناد وخامته ايضا من صياد محترف زى حضرتك. موضوع يستحق احلى تقييم ياباشا. خالص تحياتى. |
رد: ثلاثية الصقر الفضى (القبطان المصرى )
ربنا يبارك فيكم ياجماعه والله
اشكر مروركم الجميل |
رد: ثلاثية الصقر الفضى (القبطان المصرى )
اقتباس:
لكن الشهاده لله مش مستريحلو |
رد: ثلاثية الصقر الفضى (القبطان المصرى )
اقتباس:
لو كنت حلتها يمكن كنت تقدر تقييم الخامات للأجزاء الداخلية أكثر. شكرا على مشاركتك لنا هذه التجربة السريعة ياباشا. |
رد: ثلاثية الصقر الفضى (القبطان المصرى )
الله ينور عليك و تسلم ايدك على الموضوع يات هاني
كانت وحشاني مواضيعك اوي والله العظيم و الف مبروك عالرويال :) |
رد: ثلاثية الصقر الفضى (القبطان المصرى )
ماقلتليش ياقبطان الكرال رامبو محتاجة تغيير سوستة ولا اى حاجة ولا لا
|
رد: ثلاثية الصقر الفضى (القبطان المصرى )
تسلم ايدك موضوع جميل خصوصا بعد معارك عن الصقر الفضي كان لابد من رأي محايد وغير منحاز لاي طرف |
رد: ثلاثية الصقر الفضى (القبطان المصرى )
انا شايف يا قبطان بالنسبه للاسعار متكلمشى فيها لان الاسعار نار فى السوق اما البندقيه انت بتقول مميزاتها كتيره وممكن تلاقى عيب او اتنين فالتقييم بنسبة 80 فى الميه يعنى مش وحشه لواحد عايز حاجه قويه وبسعر مناسب..
|
رد: ثلاثية الصقر الفضى (القبطان المصرى )
اقتباس:
مش محتاجه حاجه خالص بالامانه من المحل على الصيد على طول وبسم الله ماشاء الله دقه خامه سعر حلو قوه |
رد: ثلاثية الصقر الفضى (القبطان المصرى )
اقتباس:
وانا ماقولتش غير كده يعنى من الاخر هى زيها زى الكرال هاتقضى الغرض على قد فلوسها |
رد: ثلاثية الصقر الفضى (القبطان المصرى )
الف شكر ياقبطان على الرد ويارب يارب يارب يرزقك ببندقية ديانا 52 ولا 54 والله ياقبطان انت تعمل بيها العجايب ربنا يوفقك وتجيبها واكون انا اول من يباركلك يارب
|
| الساعة الآن 02:57 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir