الصيد فى مصر - أسهل طريقة لظبط التيليسكوب على بندقية ضغط الهواء

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - أسهل طريقة لظبط التيليسكوب على بندقية ضغط الهواء (http://www.egyhunt.net/showthread.php?t=4733)

Consul

11-02-09 09:03 PM

أسهل طريقة لظبط التيليسكوب على بندقية ضغط الهواء

الأخوة الأعزاء الأفاضل...بناء على رغبة الكثير من الزملاء ( خاصة الذين لم يشاهدوه من قبل ) أعرض عليكم مرة أخرى فيديو كيفية ظبط التيليسكوب على بندقية ضغط الهواء...أرجو أن تعم الفائدة على الجميع...خالص تحياتي...

http://www.youtube.com/watch?v=lLirsAFpsfE

http://www.youtube.com/watch?v=Nuon5sW0luE&feature=related

بدر	11-02-09 09:06 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45854)

http://www.youtube.com/watch?v=llirsafpsfe

http://www.youtube.com/watch?v=nuon5...eature=related

ربنا يخليك لينا ومايحرمناش منك أبدا

بدر	11-02-09 09:14 PM

رد: أسهل طريقة لظبط التيليسكوب على بندقية ضغط الهواء

سعادة القنصل
بالنسبة للاعضاء اللى تعليمهم حكومى ذى العبد لله ومش فاهمين حاجة من المقطع هنعمل معاهم اية

Consul

11-02-09 09:30 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة بدر (المشاركة 45858)

سعادة القنصل
بالنسبة للاعضاء اللى تعليمهم حكومى ذى العبد لله ومش فاهمين حاجة من المقطع هنعمل معاهم اية

يا حبيب قلبي أنت بتغزي عنك العين بس...كلنا تعليم حكومي وقديم كمان...لا إحنا بتوع ميرديديه ولا ليسيه فرانسيه ولا نوتر دام ديزابوتر...حتى اللغة المستخدمة سهلة وبسيطة ليست بها كلمات مكلكعة أو مصطلحات طبية أو لوغاريتمات...توكل على الله وشوف الفيديو مرة وإثنين وثلاثة...وآخر مرة وطي الصوت خالص...ها تلاقي نفسك حفظت الكلام لوحدك...هذه طريقة مضمونة...وعن تجربة...خالص تحياتي...

بدر	11-02-09 09:35 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45861)

يا حبيب قلبي أنت بتغزي عنك العين بس...كلنا تعليم حكومي وقديم كمان...لا إحنا بتوع ميرديديه ولا ليسيه فرانسه ولا نوتر دام ديزابوتر...حتى اللغة المستخدمة سهلة وبسيطة ليست بها كلمات مكلكعة أو مصطلحات طبية أو لوغاريتمات...توكل على الله وشوف الفيديو مرة وإثنين وثلاثة...وآخر مرة وطي الصوت خالص...ها تلاقي نفسك حفظت الكلام لوحدك...هذه طريقة مضمونة...وعن تجربة...خالص تحياتي...

ماشى كلامك طيب سؤال من تلميذ خايب البندقية لازم تكون مثبتة بشكل محكم ولا ممكن الموضوع يتم بشكل عادى يعنى انشن على حاجة ثم اقوم بالضبط السؤال التانى افضل مسافة تقريبا للضبط ومش حسأل تانى

Consul

11-02-09 10:00 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة بدر (المشاركة 45862)

يستحسن طبعا أن تكون البندقية مثبتة...وهذا كما في الفيديو الأول...وإن تعذر ذلك فيمكن أن تتبع الطريقة الموجودة في الفيديو الثاني...ببساطة شديدة...ممكن تسند البندقية على شكارة رمل أو كيسين أرز 5كجم وترسم دائرة صغيرة بقطر عملة 50 قرش معدن على كرتونة أو ورقة بيضاء وتثبتها على لوح خشبي سميك أو شكارة رمل أيضا لا بأس وتجعلها على بعد مسافة من 15-20 متر وتقوم بالتصويب والنيشان على منتصف هذه الدائرة...وتطلق رشتين أو ثلاثة على نفس المكان ( منتصف الدائرة )...بعد ذلك ستري إتجاه الرش ومدى قربه أو بعده عن الدائرة...وعليه يتم تعديل المفتاح المتدرج الموجود بأعلى التيليسكوب ( مسئول عن تعديل التيليسكوب لأعلى وأسفل ) وكذلك تعديل المفتاح المتدرج الموجود على يمين التيليسكوب ( مسئول عن تعديل التيليسكوب يمين ويسار ) وعلى فكرة مرسوم على المفتاحين إتجاه اللف...أعلى وأسفل...ويمين ويسار...وهكذا وتطلق رشتين أو ثلاثة مرة أخرى بعد التعديل على منتصف الدائرة وترى هل بعدت أكثر أم قربت من الدائرة...وهكذا أخي الحبيب...العملية بسيطة وليست معقدة...خالص تحياتي...

كريم الشامي

11-02-09 10:21 PM

رد: أسهل طريقة لظبط التيليسكوب على بندقية ضغط الهواء

تسلم تسلم يا سيادة القنصل و ربنا يبارك في خبرة حضرتك.
أنا النهاردة اشتريت من أ. هشام سمير سكوب 3-9/ 32 مم bsa و حظبتو بالطريقة المشروحة من حضرتك جزاك الله كل خير .

Consul

11-02-09 10:28 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة كريم الشامي (المشاركة 45874)

ألف مبروك أخي الحبيب...ربنا يديك خيره ويكفيك شره...هذا التيليسكوب عندي أخوه...وهو ممتاز ورؤيته واضحة وبه إضاءه للشعار الداخلي باللونين الأحمر والأخضر...وللعلم هو مقاوم للماء والأمطار...حافظ عليه من الوقوع أو التعرض للصدمات والخبطات...بالذات العدسات...خالص تحياتي...

بدر	11-02-09 10:32 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45877)

الله يبارك فيك وشكرا على الكلام الجميل وانا فعلا مبسوط بية بس لسة مش عارف اضبطة . أنا مش عارف لية مش كانو يعملو منظار اتوماتيك يضبط لوحدة بدل الدوخة دى. بس مشكور على الفيديو وتحياتى

بدر	11-02-09 10:36 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة كريم الشامي (المشاركة 45874)

مبروك يا اخ كريم على التليسكوب
طيب يا راجل مش كنت انتظرت شوية نتشرف بيك

بدر	11-02-09 10:39 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45868)

تمام سعادتك
طيب لو فرضنا الرشة كانت أسفل الهدف كم عدد الدورات لاعلى او كم تكة تقريبا

Consul

11-02-09 11:37 PM

رد: أسهل طريقة لظبط التيليسكوب على بندقية ضغط الهواء

الأخوة الأعزاء الأفاضل...هذه أشكال توضيحية تبين لكم وتدربكم على فكرة ونظرية التوجيه والتحكم في التيليسكوب...أرجو أن تعم الفائدة على الجميع...خالص تحياتي...

http://www.arld1.com/images/swfs/scopedemo.swf

http://www.arld1.com/images/swfs/tar...rajectory3.swf

وهذه بعض الأشكال التي يمكن أن تطبعوها من على الكمبيوتر طرفكم وتتدربوا على النيشان عليها...تمنياتي لكم بالتوفيق.

http://www.arld1.com/images/swfs/mixedtargets.swf

http://www.arld1.com/images/swfs/fieldtarget2b.swf

بدر	11-02-09 11:44 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45889)

http://www.arld1.com/images/swfs/scopedemo.swf

http://www.arld1.com/images/swfs/tar...rajectory3.swf

http://www.arld1.com/images/swfs/mixedtargets.swf

http://www.arld1.com/images/swfs/fieldtarget2b.swf

متهيألى بعد كل دة محدش عندة حجة كل واحد يقعد يذاكر النظرى وبعدين يطبق العملى
تحياتى على مجهودك سعادة القنصل بس دة العشم

Consul

11-02-09 11:45 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة بدر (المشاركة 45883)

تمام سعادتك
طيب لو فرضنا الرشة كانت أسفل الهدف كم عدد الدورات لاعلى او كم تكة تقريبا

بارك الله فيك أخي الحبيب...هذا يتوقف على مدى قرب أو بعد الرشة عن الهدف الذي تصوب عليه...وعموما بالتدريب والممارسة والصواب والخطأ سرعان ما تفهم النظرية وتكتسب المهارة...لا تقلق وتوكل على الله وإبدأ...أهم شيئ مراعاة تثبيت التيليسكوب جيدا وبحرص على البندقية ومراعاة عدم إتلاف رأس مسمار التثبيت أو مفتاح الربط الألنكية...توخي الحرص والحذر أثناء الربط حتي لا يتآكل ويتلف...

Consul

11-02-09 11:53 PM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة بدر (المشاركة 45890)

لا تقلق أخي الحبيب...الوقت معك وفي صالحك...وعلى رأيك...ذاكر النظري وإستوعبه جيدا وبعدين طبق عملي...ولقاءنا في الإمتحان...وفي الإمتحان...يكرم المرء إن شاء الله...ويكلل مجهوده بالنجاح والفلاح...والدرجات العالية...إدعي معايا وقول...يا رب...خالص تحياتي...

بدر	11-02-10 12:00 AM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45894)

واللة لو سعادتك اللى هتراقب علينا وتصحح الامتحان فيكفينا هذا الشرف.
ولكن ان شاء الله هنطول رقبتك .بارك الله لنا فيك

Consul

11-02-10 12:25 AM

رد: أسهل طريقة لظبط التيليسكوب على بندقية ضغط الهواء

الله يبارك فيك حبيب قلبي...يا رب ما تقع تحت إيدي...أجارك الله أنا عارف نفسي كويس...ما أعرفش أبويا في الإمتحان...وبيني وبينك...قرب شوية وإديني ودنك...مش عايز حد يسمعني...شكلي يخوف حبتين...أنا عن نفسي لما بأبص في المرآة بعيد عنك بأخاف...أمال أنتوا يا حبايبي ها تعملوا إيه...كان الله في عونكم...بالتوفيق إن شاء الله...خالص تحياتي...

بدر	11-02-10 12:28 AM

رد: أسهل طريقة لظبط التيليسكوب على بندقية ضغط الهواء

اقتباس:

المشاركة الأصلية كتبت بواسطة consul (المشاركة 45899)

احنا مش هنعمل حاجة غير ان الناس كلها فى المنتدى بتدعيلك بالصحة والعافية ادام الله فى عمرك ومتعك بالصحة والعافية

كريم الشامي

11-02-10 11:22 AM

رد: أسهل طريقة لظبط التيليسكوب على بندقية ضغط الهواء

الشرف ليه يا استاذ بدر :)

بدر	11-02-10 03:29 PM

رد: أسهل طريقة لظبط التيليسكوب على بندقية ضغط الهواء

السلام عليكم ورحمة الله وبركاتة
باركوللى ياجماعة تاني محاولة لضبط التليسكوب وبرضة طلعت بملحق فى العملى ومعرفتش اضبطة
يمين وشمال تمام بس الاتجاة الرأسى الرشة بتيجى تحت لازم ارفع النيشان فهل دة صح ولا فية حاجة غلط ومع لف الزرار مابيعملش حاجة

الساعة الآن 11:13 PM