الصيد فى مصر - الحقونى قبل ما اغرق

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - الحقونى قبل ما اغرق (http://www.egyhunt.net/showthread.php?t=4785)

الحقونى قبل ما اغرق

بعد بسم الله الرحمن الرحيم والصلاة والسلام على اشرف المرسلين
انا منضم جديد الى المنتدى انا حشترى بكرة بندقية المفروض انها اسبانى وحشتريها ب500 جنية
بس للاسف انا خبرتى والحمد لله صفر فى عالم الصيد فالمفروض ان انا اعرف نوع البندقية دى ازاى وماركتها اية وكويسة ولا لا افيدونى يا صيادين مصر قبل ما اغرق
وشكرا للجميع واتمنى ان اكون عضو مقبول من جميع الاخوة

رد: الحقونى قبل ما اغرق

اقتباس:

المشاركة الأصلية كتبت بواسطة sniper shot (المشاركة 46391)

أولا أهلا ومرحبا بك أخي العزيز لإنضمامك لأسرتنا الحبيبة...ولكن أعذرني أخي الحبيب...الكلام غريب حبتين وأريد أن أستوضح منك حتي أستطيع أن أرد عليك وأفيدك...أنت الذي ستقوم بشرائها أم أن أحدا آخر سيشتريها لك...وكيف تم التفاوض على شرائها وتحديد سعرها...على أي أساس...وأنت حتى لم ولا تعرف نوعها ولا عيارها ولا قوتها ولا حالتها جديدة أم قديمة ومستعملة...وحسب ما فهمت من كلامك أنك لم تراها من أصله...فما هو السبب أو الظرف القهري الذي يجبرك على شراء شيئ لا تعرفه ولم تراه وكمان مفروض عليك وأكثر من هذا محدد السعر أيضا...ما الذي يجبرك...أم أنه تخليص حساب...ورأيت أنه أفضل من عدم إسترداد نقودك...أعذرني أخي الحبيب فأنا أريد أن أفهم حتى أفيدك...خالص تحياتي...

رد: الحقونى قبل ما اغرق

انا مع كلام سيادة القنصل
ولكن ساحاول ان اعطيك فكرة عامة بعد اذن القنصل

الموضوع بسيط ومش محتاج تردد
في الاول ياريت تقول نوع البندقية الاسباني ايه هي غالبا نورريكا 56
وياريت صور ليها لو تقدر وعموما الاسباني كويس جدا بس ممكن تكون ضعيفة معاك
لو تقدر تكمل وتجيب حاجة اعلي يبقي ماتستعجلش (هات بندقية تحببك في الصيد) ودي ملحوظة كبار الصيادين في مصر قالوها
واقرا براحتك المواضيع اللي في الافسام هنا في المنتدي فيها كل مايتعلق بالبنادق
ولو انت مستعجل ولازم ومضطر تشتري البندقية دي يبقي ياريت تقولينا نوعها ورقمها لو نوريكا او جامو ويستحسن صور ليها غير كده افتكر هايكون صعب اني ادلك
وعموما
جودة بنادق ضغط الهواء الصناعية بحسب البلدان من الاحسن الي الأقل في الجودة
الالماني ويبدأ سعرة من 4000 الي 7000 مثل الديانا 54 الاير كنج 6250
والانجليزي bsa بسعر 3500 والباتريوت 7000
الاسباني اثنين الاول شركة جامو والثاني شركة نوريكا
التركي كرال 1000 جنية أو هاتسن (غير متوافرة في مصر)
واخيرا المصري الرمسيس والمعادي
وفي انتظار اراء الاخوة الاعضاء وبالتوفيق

رد: الحقونى قبل ما اغرق

السلام عليكم ... اهلا بيك عضو من اعضاء الصيد فى مصر .

البندقيه بيكون مكتوب اسمها والموديل بتاعها ... عند كسر الماسوره او تحت الناشينكان الخلفى او على آخر الماسوره مطرح ما بتحط المنظار ... اتاكد ان البندقيه مش متعمره وحط الماسوره فى فمك واشفط الهوا لو لسانك اتشد فى الماسوره يبقى مبتنفس والجلده تمام واكسر الماسوره (عمر البندقيه ) وشوف مقاومة السوسته ... وطبعا لازم تجرب على الاقل 3 رشات فى عرق خشب ومن بعد مناسب ... وطبعا كشرط اساسى لازم تكون خاليه من العيوب والخدوش وكل ما يعيب الخشب او الحديد .... بس مش لازم تشترى دلوقتى ممكن تعرف الماركه والموديل والاخوه الاعضاء يفيدوك ان شاء الله ... تحياتى .

رد: الحقونى قبل ما اغرق

عزيزى القنصل هى فعلا الموضوع من الاخر كان تصفية حساب وانا كان ليا عندة مبلغ ومحيرنى علية
فانا كنت بشوفة دايما بيصطاد بيها وسالت ناس كانم بيصطادم معاة وقالو ان البندقية جميلة وقوية كمان
فانا كان نفسى فى واحدة من زمان فالموضوع دا زى ما بيقولو صحى فيا حس الصياد
فانا توكلت على الله واشتريتها االنهاردة وحبدا اتعلم عليهاواحدة واحدة وادونى فرصة شوية علشان ابدا المنافسة
مع القناصين الشداد اللى فى المنتدى وربنا يوفقنى
وشكرا جزيلا يا قنصلنا العزيز على اهتمامك

رد: الحقونى قبل ما اغرق

بعد السلام عليكم
عزيزى the rock انا خلاص اشتريت البندقية وحبدا اتعلم عليها من اليوم وهى شكلها بندقية كويسة انا جربتها على كذا رشة وهى بتدى مدى بعيد وقوية كمان
وهى فى كل الاوضاع انا حبدا اتعلم عليها لحد ما اتقن الصيد وبعدين بمشورتكم وكل الاخوة فى المنتدى حنبقى نجيب واحدة تانية بمعرفتكم ان شاء الله
وشكرا جزيلا يا قناص

رد: الحقونى قبل ما اغرق

اقتباس:

المشاركة الأصلية كتبت بواسطة sniper shot (المشاركة 47287)

مبروك عليك وربنا يديك خيرها ويكفيك شرها...وربنا يوفقك وبكره تجيب الأحسن إن شاء الله...بس برضو ما قلتش إيه ماركتها وموديلها...علشان نفيدك بمواصفاتها...بس لو بهذا السعر وأسباني غالبا تكون نوريكا 56 زي ما قال أخونا العزيز الأستاذ أسامة...خالص تحياتي...

رد: الحقونى قبل ما اغرق

قنصلنا العزيز
البندقية الى انا جبتها نوعها flecha mod 14 مش عارف انا اول مرة اسمع الاسم ده
انا معايا الصورة بتاعتها بس مش عارف ارفعها
قولى ارفع الصور ازاى ولو عندك معلومات عن البندقية قولى عليها
وشكرا على اهتمامك