الصيد فى مصر - هل فيه بندقية معادي جديدة

الصيد فى مصر (http://www.egyhunt.net/index.php)

- البنادق الهوائيه (http://www.egyhunt.net/forumdisplay.php?f=79)

- - هل فيه بندقية معادي جديدة (http://www.egyhunt.net/showthread.php?t=48065)

ابومسلم2005

15-02-17 07:12 PM

هل فيه بندقية معادي جديدة

يا جماعة عندي سؤال هو فيه بندقيةمعادي نمرة 2 جديدة وبتتباع فين وبكام

عاطف الشاذلى

15-02-17 11:03 PM

رد: هل فيه بندقية معادي جديدة

هى عموما انتاج شركة المعادى للصناعات الهندسية وممكن تجيب تليفوناتهم من النت واعتقد انهم لسة بينتجوها اما بالنسبة للسعر ممكن تعرفو بالتليفون وهى فعلا بندقية محترمة وصيانتها وقطع غيارها سهلة ومناسبة جدا لأى مبتدئ وبالتوفيق انشاء الله ....

ابومسلم2005

15-02-18 07:39 PM

رد: هل فيه بندقية معادي جديدة

الف شكر علي الرد استاذ عاطف وزي ما انت كنت اول واحد يرد علي ان شاء الله هتكون اول واحد يعرف انا عمات بيها ايه اكيد هتقول هتصطاد بيها ايوة هصطاد بيها بس مش هيبقى اي صيد ده هيبقي تغيير جذري في الصيد ان شاء الله

عاطف الشاذلى

15-02-18 09:39 PM

رد: هل فيه بندقية معادي جديدة

بالتوفيق انشاء الله يا أ / ابو مسلم ومبروك مقدما بس استفسار رفيع يعنى ايه صيد غير عادى يعنى هتصطاد بيها خيول برية مثلا . ههههههههه . بالتوفيق يا باشا انشاء الله وابقى ورينا صور المعادى الجديدة بقى ...

ابومسلم2005

15-02-19 05:14 PM

رد: هل فيه بندقية معادي جديدة

اسمع يا استاذنا انا ناوي احولها لبندقية قد تكون اقوى من البي سي بي تعمل بالسبرتو والبندقية االمعادى هتكون احسن حاجة فى الموضوع ده انا مكنتش عايز اتكلم الا لما انفذ وانزل شرح كامل بالصور والنتيجة بتعتها وهل نجحت ام لا بس انت بقا الي اضطرتني لسبق الاحداث ولعله خير ممكن حد من الصيادين الخبراء والعباقرة في منتدانا يفدنا باي معلومات او ملحوظات

عاطف الشاذلى

15-02-20 11:23 AM

رد: هل فيه بندقية معادي جديدة

ايوة ايوة عارف التعديل ده وكان فيه احد الاعضاء من مدة نفذه فعلا وعرض شرح ليه مزود بصور للبندقية بعد التعديل وقال انها شغالة بقوة خارقة ممكن حضرتك تبحث عن الموضوع فى المنتدى واكيد هيفيدك .. بس خد بالك لانى ليا رأى متواضع فى التحويل ده ان معاملات الامان فيه مش هتكون بالقدر الكافى .. يعنى بيبقى سائل مشتعل وغرفة احتراق وضغط عاااالى جدا .. اتمنى مراعاة عوامل الامان من اجل سلامتك وسلامة اى حد هيعمل التحويل ده . وبالتوفيق انشاء الله

ابومسلم2005

15-02-20 09:05 PM

رد: هل فيه بندقية معادي جديدة

بص يا باشا بالنسبة للتعديل ده انا شاركت في الموضوع اللي مكتوب في المنتدى ولاحظت انه ممكن يكون احسن من كده بطريقة عمل تحويل لبندقية موجودة اصلا وليس صناعة اخرى قد يكون بها عيوب قاتلة زي اللي حضرتك المحت اليها فانا قلت اعمل تحويل احسن من جهة الامان باني افرع البندقية من كل ما فيها عدا الدبشك والماسورة وطبعا الناشنكانات والكانون بمعنى كل ما هو داخلي في الكانون واقوم بلحام كل الفتحات به عدا فتحة خروج الهواء التى هى موجودة اصلا امام بيت الرش و اكيد جسم البندقية سيكون اقوى من علبة الرش اللي موجودة على اليوتيوب او غيره والله المستعان

ابومسلم2005

15-02-20 09:07 PM

رد: هل فيه بندقية معادي جديدة

اسف افرغ بالغين

ابومسلم2005

15-02-20 09:09 PM

رد: هل فيه بندقية معادي جديدة

علبة الرش اللى هى زجاجة مستخدمة في التعديل ده مصنوعة للمبيدات الرش

ابومسلم2005

15-03-08 01:14 PM

رد: هل فيه بندقية معادي جديدة

انهاردة اتصلت عليهم وردوا علي انهم اوقفوا انتاج المعادى والرمسيس ومفيش غير انهم يعملوا غير الصيانة بس وتخدها بعد 15 يوم ومبيبعوش قطع غيار

الساعة الآن 07:18 AM