أريد حلا ضرورررررررررري
 

والله من غير مااعرفكم كلكم حبيتكم في الله واريد حلاً لمشكلتي وياريت ألاقي اهتمام
اولا انا محمد من اسكندرية 23 سنة
من فترة كبيرة من وانا طفل وانا نفسي امتلك بندقية رش وبعشق النشال
ولم احقق اي شئ في هذا المجال إلي ان جاءتني رغبة مولعة الآن في هذه الأيام بأن أحقق هذا الحلم وأشتري بندقية ومشكلتي أني مش عارف أشتريها أزاي نوعها أو أي حاجة حتي أني مش عارف أي مكان أصطاد فية بألأسكندرية ولكني اريد بندقية تصطاد أي شئ طيور وحيوانات ومسافات بعيدة والسعر
لا يتعدي 2500 جنية فكنت بفكر اشتري تركي وقلت ما أنا أشتري الصيني وتكون امكانيتها علية
لاأني اعرف ان اغلي بندقية صيني ما تعديش 2000 جنية وبعدين قلت ممكن ما تستحملش اصلا
والافكار كتير وواهية لأني لا أعلم اي حاجة عن عالم الصيد والزخيرة غير معلومات بسيطة عرفتها من المنتدي واسف للشرح الطويل
بس بجد اريد شراء بندقية جديدة هذة الأيام لا أندم علي شرائها ابدا وشكراُ ليكم كلكم حتي ان لم اجد رد ((احبكم جميعاً)):):)

رد: أريد حلا ضرورررررررررري
 

منورنا يا محمد بجد...
بس نصيحة قبل الشراء راجع الموضوعات في المنتدى اي حاجه تصادفك راجعها ومتستجلش في الشراء بجد ..واقراء مشاركات الساده الاعضاء هتستفييييد زي ما انا استفدت ...ولو اي حاجه انا تحت امرك بس في الاول راجع الموضوعات .... ولك مني كل تقدير و احترام

رد: أريد حلا ضرورررررررررري
 

أهلا ومرحبا بك أخي العزيز...ومبروك علينا جميعا إنضمامك لأسرتنا الحبيبة...تماما وكما نصحك أخي الحبيب الأستاذ محمد وفيق...تصفح وإقرأ المواضيع المختلفة والكثيرة في هذا المنتدى حتى تتكون لديك فكرة جيدة وستخرج بحصيلة ومعلومات ممتازة عن البنادق...وبعد ذلك تقرر ما هو الأصلح لك...وللعلم السعر الذي حددته تستطيع أن تشتري به بندقية صناعة أسباني ممتازة سواء جامو أو نوريكا وفي هذه الحالة وبهذا السقف المحدد للشراء ( 2500 جنيه ) لا أنصحك بالصيني أو التركي أو المصري...لإختلاف الخامة والتصنيع والدقة...الأسباني أحسن بالطبع...خالص تحياتي...

رد: أريد حلا ضرورررررررررري
 

وعليكم السلام ورحمة الله وبركاته أولا: مرحبا بيك يا أ/ محمد بين اخوانك فى المنتدى.
ثانيا:المبلغ الموجود معاك مبلغ معقول يعنى ممكن يجيب بندقيه ماركه زى الجامو الأسبانى أو البى أس ايه الأنجليزى وبعدين أنصحك نصيحه متجبش حاجه مستعمله ولا صينى . صحيح فى صينى قوى وبيودى مسافات بعيده لكن مش خامه ولا هيه بندقية العمر وبعدين فى عندك فتح الله أعتقد أنه فى محطة الرمل. أرجو ان اكون افدتك ولو بشئ بسيط وتابع ردود الأخوه

رد: أريد حلا ضرورررررررررري
 

متشكر جداُ جداُ علي ردودكم واهتمامكم
وبرجاء انا قرأت بجد يمكن كل مواضيع الصفحات بشكل عام ولكن اريد نصيحة من أخ أي نوع أشتري
واين هي أماكن الصيد بالاسكندرية وشكراً ليك يأستاذ
mohd_wafik
واستاذ مختار
و أستاذ Consul

رد: أريد حلا ضرورررررررررري
 

انا من القاهره بس سمعت اماكن الصيد عن برج العرب بس فين بالظبط معرفش ... بس في حاجه مهمه هوه ينفع تصطاد في قصر المنتزه اصل هناك شجر كتير ... اسأل بردو محلات السلاح همه هيدلوووك

رد: أريد حلا ضرورررررررررري
 

السلام عليكم
انا اخاك احمد من الاسكندريه انا انصحك زى ما نصحك به اخوانى فى المنتدى انك تقرء الاول عن الصيد نفسه علشان تفهم ده اسمه ايه واحكام الصيد واساليب الصيد اما بالنسبه للبندقيه فلو حضرتك امكنياتك لحد 2500 فانصحك بكام بندقيه كده حذكرهم ليك فى نوريكا مارفيك وفى جامو هانتر440 وفى بندقيه صينى بس خامتها نضيفه جدا وقوتها لا يضاهيها قوه بصراحه الا الالمانى البندقيه دى عندى كمان والحمد لله شايف منها خير كتير اسمها بام22 وبالنسبه للمحل الى تحب تشترى منه فهو فتح الله الى فى محطه الرمل فى شارع سعد زغلول وبالنسبه لاماكن الصيد كتيره انت حضرتك اذكرلى ساكن فين وانا بامر الله حبقى ادلك على مكان كويس تصطاد منه بامر الله وده ايميلى لو احتجت منى اى مساعده اخرى chemist.ahmedfathy@yahoo.com .

رد: أريد حلا ضرورررررررررري
 

ربنا يجازي الاستاذ أحمد علي نصايحة الجامدة وكلامة معايا علي الخاص وشرحة ليا الامور ببساطة ربنا يجزيك خير وان شاء الله هشتري البنطقية الصيني بام 22 وجزي الله جميع اصحاب الرد كل خير وارجو منكم النصح الدائم

رد: أريد حلا ضرورررررررررري
 

بارك الله لك وهداك الي الاختيار الأمثل

رد: أريد حلا ضرورررررررررري
 

ربنا يوفقك وانت اخترت هواية ورياضة الملوك
زي ما قال لك الاخوة ادخل اقرا الموضوعات في المنتديات لتكون اكبر فكرة عن البنادق
والمبلغ الذي ذكرته ممكن تشتري صيني او تركي و نيوركا او جامو ام ممكن تحصل على بندقية مستعملة وتكون من مصدر موثوق فيه ويكون نوعها بي اس ايه مثلا اير سبورتار6 mk او mk7
وممكن في المستعمل هتلاقي حاجات كويسة وسعرها معقول
بس اهم حاجة انك تكون مقتنع باللى هتشتريه وعارف عيوبه قبل مميزاته
وبالنسبة لأماكن الصيد في اسكندرية
طبعا لا يفضل لصيد داخل المدينة وعليك بالخروخ الى اماكن الزراعة او القرى المجاورة وبعيدا عن اماكن السكن
وتقبل تحياتي

رد: أريد حلا ضرورررررررررري
 

إن شاء الله ربنا يوفقك لما فيه الخير والصواب , وتشترى البندقيه اللى نفسك فيها .
وإن شاء الله تورينا الصيد الوفير .
تقبل مرورى,,,

رد: أريد حلا ضرورررررررررري
 

متشكر اوي اخي أسامة لكلامك الجميل دة وكلك زوق ويارب نكون اصحاب ونتبادل الحديث دائماً اخوك محمد
وانا منتظر كثير من النصيحة