الصيد فى مصر - الحمايه والاستعداد ( الجزء الأول )

مساء الفل علي كل رجاله المنتدي
بقالي فتره بتفرج علي برنامج بيجي علي قناه ناشيونال جيوجرافيك اسمه (Armageddon Outfitters )
البرنامج بكل اختصار بيتكلم علي مجموعه من اربع اشخاص عملين فريق بيساعد الناس ، الفريق دا مجموعه لها خبره في القتال في الحياه
البريه وفي الانقاذ وحاجات كتيره ...

بس الهدف هوا الي غريب وفكر جديد الفريق دا و الناس الي بيساعدوهم بيحضروا نفسهم لأي احتمالات كوارث ممكن تؤثر علي امنهم وامن
اسرتهم ( سيول ، فيضانات ، زلازل ، إضرابات ، احتلال ، انقلابات ، كساد اقتصادي ، حروب شوارع ..) بمعني شامل اي شئ يهدد امنهم

الناس دي بتستعد بكل شئ بدء من تخزين الطعام الجاف ذو الصلاحيه البعيده والمياه حتي المخابئ ضد الصواريخ
بيتعلموا زي يحموا بيتهم بطرق كتيره وازاي يعيشوا في الغابه ،، ازاي يبقوا علي قيد الحياه في الدفاع عن امنهم

انا اكتبلكم ملخص سريع عن البرنامج لو في اهتمام ممكن نتعلم منهم حاجات و ننشرها هنا لنستفيد كلنا وربنا هوا الحامي الأول و الأخير