الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   اخيرا جبته (http://www.egyhunt.net/showthread.php?t=4832)

rock 11-02-14 07:16 PM
اخيرا جبته
 
السلام عليكم ... ازيكم يا جماعه ...

انا عارف ان الموضوع ممكن ميهمش غير المهتمين باسلحة الصوت بس انا قلت تشاركونى فى آخر مقتنياتى ... نزلت النهارده عند ميشيل عازر ويالهول مالاقيته من تكسير فى المحل ... المهم كنت رايح وانا خلاص مسلم انى هجيب الحته التركى زى مالناس بتعمل دلوقتى ... والحمد لله ربنا وفقنى فى شراء حبى وعشقى الاول والاخير البرونى البى 4 من انتاج بريتا ... بس اللى زعلنى سعر الطلقات عموما والالمانى خاصة ب 250 ج لييييييييييييييييييه الطلقه الواحده ب5 ج ... دا تمن طلقة خرطوش 12 او 16 ... وانا حاطط صور المسدس ... وهو فردى مش آلى لأن بصراحه انا مش شايفها ميزه ... تحياتى ليكم وعايز اعرف رايكم ...

بدر 11-02-14 08:25 PM
رد: اخيرا جبته
 
الف مبرووووووووووووووووووووووووووووووووووووووووووووووو وووووووك
وماذا عن السعر لانى لسة كنت عند ابو ضيف والاسعار مش حلوة خالص
والحتة الكولت لقيتها ولا لأ. تحياتى

saskon 11-02-14 11:09 PM
رد: اخيرا جبته
 
مبروك بس ليه الآلى مش ميزة؟

بدر 11-02-14 11:12 PM
رد: اخيرا جبته
 
اقتباس:
المشاركة الأصلية كتبت بواسطة saskon (المشاركة 46862)
مبروك بس ليه الآلى مش ميزة؟
يعنى المتعة فى سماع طلقة طلقة اما الالى مش هتحس بالصوت فى ثوانى الطلقات بتخلص
الحاجة التانية احتمالية اعطالة اكتر من العادى وكذلك عمرة الافتراضى بس طبعا على المدي الطويل.تحياتى

jamayka 11-02-14 11:20 PM
رد: اخيرا جبته
 
مبــــــــــــــــــروك استاذ rock ربنا يباركلك فيها و يحفظك من شرها ان شاء الله
بس كان ليا طلب حضرتك زى ما قلت لسه جايبها اليومين دول ف لو ممكن تقولى الاسعار اللى لقيتها تبتدى من كام لو تكرمت و تكون مشكــــور

ابو عامر 11-02-15 12:05 AM
رد: اخيرا جبته
 
lمعلش ممكن اعرف هل عند مشيل نفس مجوعه البنادق الى كان بيعرضها ولا المحل فعلا تعرض للسرقه لانى كنت عايز انزله اشترى بندقيه واتفرج على الى معروض عنده

rock 11-02-15 01:44 AM
رد: اخيرا جبته
 
اقتباس:
المشاركة الأصلية كتبت بواسطة بدر (المشاركة 46864)
يعنى المتعة فى سماع طلقة طلقة اما الالى مش هتحس بالصوت فى ثوانى الطلقات بتخلص
الحاجة التانية احتمالية اعطالة اكتر من العادى وكذلك عمرة الافتراضى بس طبعا على المدي الطويل.تحياتى
برنس يابدر ... اجابه شافيه ... ربنا يباركلك ... تحياتى .

rock 11-02-15 01:45 AM
رد: اخيرا جبته
 
اقتباس:
المشاركة الأصلية كتبت بواسطة saskon (المشاركة 46862)
مبروك بس ليه الآلى مش ميزة؟
الله يبارك فيك ... وانا مش هقدر ازود عن كلام بدر ... تحياتى .

rock 11-02-15 01:58 AM
رد: اخيرا جبته
 
اقتباس:
المشاركة الأصلية كتبت بواسطة jamayka (المشاركة 46865)
مبــــــــــــــــــروك استاذ rock ربنا يباركلك فيها و يحفظك من شرها ان شاء الله
بس كان ليا طلب حضرتك زى ما قلت لسه جايبها اليومين دول ف لو ممكن تقولى الاسعار اللى لقيتها تبتدى من كام لو تكرمت و تكون مشكــــور
الله يبارك فيك ... الاسعار رائعه ... بس الطلقات !!!!!!!

انا لسه جايب الطبنجه النهارده .... الجاب شبيه الجلوك9مم 1200 ج .... برونى p4 ج1100 .... وموجود كل الايكول ماعدا الكومباكت .... وشبيه الكيمار تركى .... الوالتر 8مم1300 ج .... دى الحاجات اللى شفتها هناك فقط .... الطلقات الالمانى 50 طلقه ب250 ج بس فيه نوع انا كنت بستخدمه اسمه باكس .... ممكن يكون اقل فى السعر .... بس طلقات حكايه .... شوف وقوللى .. تحياتى .

rock 11-02-15 02:04 AM
رد: اخيرا جبته
 
اقتباس:
المشاركة الأصلية كتبت بواسطة ابو عامر (المشاركة 46871)
lمعلش ممكن اعرف هل عند مشيل نفس مجوعه البنادق الى كان بيعرضها ولا المحل فعلا تعرض للسرقه لانى كنت عايز انزله اشترى بندقيه واتفرج على الى معروض عنده
ازيك يابو عامر ... عموما الله يبارك فيك ... انا مشفتش اى بنادق فى المحل واللى لفت انتباهى جدا ... ان مفيش حتة زجاج سليمه فى المحل ... بس ممكن تسالهم 0225902625.... وده التليفون ... تحياتى .

talha 11-02-15 12:11 PM
رد: اخيرا جبته
 
مبروك عليك با استاذ rock الحاجات الجامدة دي

بدر 11-02-15 12:19 PM
رد: اخيرا جبته
 
اقتباس:
المشاركة الأصلية كتبت بواسطة rock (المشاركة 46894)
الله يبارك فيك ... الاسعار رائعه ... بس الطلقات !!!!!!!

انا لسه جايب الطبنجه النهارده .... الجاب شبيه الجلوك9مم 1200 ج .... برونى p4 ج1100 .... وموجود كل الايكول ماعدا الكومباكت .... وشبيه الكيمار تركى .... الوالتر 8مم1300 ج .... دى الحاجات اللى شفتها هناك فقط .... الطلقات الالمانى 50 طلقه ب250 ج بس فيه نوع انا كنت بستخدمه اسمه باكس .... ممكن يكون اقل فى السعر .... بس طلقات حكايه .... شوف وقوللى .. تحياتى .
اسعار فوق ممتازة المسدس انا لسة شايفة انهارضة عند (ولا مفيش داعى)بيتكلم ف 1600 جنية شوفتو الافترا وكمان المعروض الموديلات اللى مش بتتباع عندهم . علشان كدة نصيحة للاخوة الافاضل اللى عايز يشترى يصبر شوية .
او يتعامل مع العروض داخل المنتدى .تحياتى
شكرا للاخ الكريم روك على الافادة

ابو عامر 11-02-15 04:57 PM
رد: اخيرا جبته
 
شكرا للاخ الغالى الاستاذ بدر وان شاء الله ها اتصل بيهم
ومبروك عليك

Consul 11-02-15 05:11 PM
رد: اخيرا جبته
 
أخي العزيز الأستاذ أحمد عبد الغني ( روك )...ألف مبروك وأنا بجد فرحان لفرحك وسعيد جدا أنك إشتريت وإقتنيت ما تحب...ربنا يديك خيره ويكفيك شره...وعقبال الأخوة جميعا يجيبوا إللي نفسهم فيه وبيحبوه...خالص تحياتي...

hgaber 11-02-15 06:35 PM
رد: اخيرا جبته
 
اقتباس:
المشاركة الأصلية كتبت بواسطة بدر (المشاركة 46955)
اسعار فوق ممتازة المسدس انا لسة شايفة انهارضة عند (ولا مفيش داعى)بيتكلم ف 1600 جنية شوفتو الافترا وكمان المعروض الموديلات اللى مش بتتباع عندهم . علشان كدة نصيحة للاخوة الافاضل اللى عايز يشترى يصبر شوية .
او يتعامل مع العروض داخل المنتدى .تحياتى
شكرا للاخ الكريم روك على الافادة
بيتهيألي عرفت حضرتك بتتكلم عن مين يا أستاذ بدر
دا مفتري علشان كدة مكانش عنده ولا زبون

rock 11-02-15 09:19 PM
رد: اخيرا جبته
 
اقتباس:
المشاركة الأصلية كتبت بواسطة consul (المشاركة 47013)
أخي العزيز الأستاذ أحمد عبد الغني ( روك )...ألف مبروك وأنا بجد فرحان لفرحك وسعيد جدا أنك إشتريت وإقتنيت ما تحب...ربنا يديك خيره ويكفيك شره...وعقبال الأخوة جميعا يجيبوا إللي نفسهم فيه وبيحبوه...خالص تحياتي...
ربنا يخليك يا استاذنا الكبير ... يارب كل اللى بيحلم بحاجه يجيبها ان شاء الله ... تحياتى .

مؤنس محمد 11-02-16 11:22 AM
رد: اخيرا جبته
 
مبروك يا معلم وربنا يكفيك شرة

هشام سمير 11-02-16 12:28 PM
رد: اخيرا جبته
 
الف مليون مبروك يا ابو حميد انتا تستاهل كل خير يا كبير

hgaber 11-02-23 02:49 PM
رد: اخيرا جبته
 
اقتباس:
المشاركة الأصلية كتبت بواسطة rock (المشاركة 46793)
السلام عليكم ... ازيكم يا جماعه ...

انا عارف ان الموضوع ممكن ميهمش غير المهتمين باسلحة الصوت بس انا قلت تشاركونى فى آخر مقتنياتى ... نزلت النهارده عند ميشيل عازر ويالهول مالاقيته من تكسير فى المحل ... المهم كنت رايح وانا خلاص مسلم انى هجيب الحته التركى زى مالناس بتعمل دلوقتى ... والحمد لله ربنا وفقنى فى شراء حبى وعشقى الاول والاخير البرونى البى 4 من انتاج بريتا ...

مبروك يا أستاذ أحمد
أنا عملت زي حضرتك ورحت اشتريت نفس الحتة
عندي سؤال لحضرتك :
لما نزلت سقاطة الامان و ضغطت على الزناد لقت الشاكوش بيتحرك حركة بسيطه
هل دا كدة عادي؟
على فكرة الخزنه كانت فاضيه.

rock 11-02-23 06:47 PM
رد: اخيرا جبته
 
اقتباس:
المشاركة الأصلية كتبت بواسطة هشام سمير (المشاركة 47260)
الف مليون مبروك يا ابو حميد انتا تستاهل كل خير يا كبير
الله يخليك يااتش .... تحياتى .


اقتباس:
المشاركة الأصلية كتبت بواسطة hgaber (المشاركة 49013)

مبروك يا أستاذ أحمد
أنا عملت زي حضرتك ورحت اشتريت نفس الحتة
عندي سؤال لحضرتك :
لما نزلت سقاطة الامان و ضغطت على الزناد لقت الشاكوش بيتحرك حركة بسيطه
هل دا كدة عادي؟
على فكرة الخزنه كانت فاضيه.
السلام عليكم ... حركة الشاكوش دى عاديه وانا كنت جايب برونى برضه قبل ده وكان فيه نفس الحركه ....متقلقش .... بس المهم ميكونش بيعلق .... عشان المسدس لما بيكون جاى جديد بيكون فيه شحم وزيت من التخزين فلازم تنظفه الاول .... وهيكون تمام معاك .... ومتكترش زيت ...تحياتى .

hgaber 11-02-23 07:17 PM
رد: اخيرا جبته
 
طيب عايزين فيديو تنضيف البروني علشان قلبت عليه الدنيا
بصراحه مش عايز ازيت حته غلط

بدر 11-02-23 07:25 PM
رد: اخيرا جبته
 
اى خدمة يا سيدى

بدر 11-02-23 07:26 PM
رد: اخيرا جبته
 
ودة كمان فيديو اوضح

hgaber 11-02-23 07:42 PM
رد: اخيرا جبته
 
اقتباس:
المشاركة الأصلية كتبت بواسطة بدر (المشاركة 49093)
ودة كمان فيديو اوضح
تسلم ايدك يا باشا فديوهات فوق الممتازه
بس ده فك و تركيب
بصراحه انا لسه مبتدء و مش عارف ايه الى يتشحم و ايه الى يتزيت و ايه الى ما ألمسهوش
يا سلام لو حضرتك تدلني كمان علي موضوع يكون فيه أسماء أجزاء المسدس يكون لك الأجر و الثواب


الساعة الآن 02:03 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir