الكرال بعد 5000 ضربة
 

5000 رشة

هذا هو العمر الافتراضي للكرال بعد التعديل، وأقل من ذلك كثيرا بدون تعديل

صديقي اشترى بندقية كرال منذ سنتين تقريبا بعد 500 رشة القاعدة الفبر اتكسرت فعمل واحدة معدن عند الخراط، والسوستة ضعفت فركب لها سوستة شادو 1000 أسباني ، والجلبة نفست فركب لها جلبة شادو 1000 ، وعلشان التعديل يكمل عمل في مقدمة السوستة حدافة مثل حدافة الشادو 1000، واشتغلت معاه كويس ييجي 2000 ضربة مع الفك والتشحيم كل فترة، بعد كده بدأت تشكل خصوصا في المسافات، وجرب كل أنواع الرش ومفيش فايدة كله بيشكل وأقصى مسافة للصيد بدون تشكيل 15 متر، قال ماشي، وكل شوية التشكيل يزيد لغاية ما وصل حوالي 5000 رشة غير جلبة البستم وجلبة بيت الرش والتشكيل مستمر مع كل أنواع الرش، السوستة قوتها مش وحشة، مسامير الدبشك مربوطة كويس طيب إيه سبب التشكيل؟
قعدنا مع بعض فكينا البندقية نشوف أثر الـ 5000 رشة عليها ....
لاحظنا مايلي:
1- لسان العشيق في مجموعة الزناد متآكل وممكن يفلت البستم والبندقية تضرب لوحدها، وبمجرد لمسة على الزناد البندقية بتضرب.
2- بداية بيت الرش مكان وضع الرشة حوافه متآكلة
3- الشخشخنات لم تعد بارزة كما كانت في البداية ولكن أصبحت ممسوحة ولا يظهر منها إلا أثر بسيط
4- الماسورة فيها لخلخة وعدم ثبات نتيجة اتساع محور الماسورة الذي يمر به مسمار ربط الماسورة بالكانون
5- الطرف السفلي للبستم لم يعد دائريا كما كان لكن ظهر به بعض الانبعاجات
6- فتحات الكانون مكان مجموعة الزناد وحركة ذراع التعمير ظهر بها زوائد للداخل من الممكن أت تؤدي إلى تجريح الجلبة الجديدة عند إدخالها

لا أنصح بشراء كرال مستعملة، اشتريها جديدة لعلها تكون جيدة وتصيد بها قبل انتهاء عمرها الافتراضي

رد: الكرال بعد 5000 ضربة
 

تسلم يا عم صابر على نقل التجربة دى

رد: الكرال بعد 5000 ضربة
 

ممكن توضيح يعنى ايه ( البندقية بتشكل )
مع جزيل شكرى

رد: الكرال بعد 5000 ضربة
 

يعني كل رشة في مكان رشة فوق رشة تحت رشة يمين رشة شمال

رد: الكرال بعد 5000 ضربة
 

على حسب الاصدار على فكره يا استاذ صابر
الكرال ليست سيئه ربما حظه العسر هو اللى وقع فى الاصدار القديم اول اصدار للكرال نزل مصر

رد: الكرال بعد 5000 ضربة
 

يعنى الاصدار الجديد لا يوجد به هذه العيوب
وازاى افرق بين الاصدارين
ياريت الافادة يا ا/ هشام

رد: الكرال بعد 5000 ضربة
 

الكرال بندقيه جميله جداً وانا استخدمتها بدعت معايا بندقيه تستحق تمنها اكتر كتييييييييييييير كمان من ثمنها فى ظل التزايد الغريب والمبالغ فيه من الاسعار

رد: الكرال بعد 5000 ضربة
 

الكرال اللى كانت معايا كانت الاصدار الثانى السوستة الطرية نوعا ما وكنت جايبها من هشام
واظن ممكن تكون وصلت ال 5000رشة او لاء بس العيوب دى كلها لم تكن فيها اخرها تكسر وردة او سوستة او سن الدبانة
وبالنسبة لسعرها مناسبه جدا لما كانت ب 1200 اما توصل ل2000 كدا كتير اوي

رد: الكرال بعد 5000 ضربة
 

يعنى من الاخر يا جماعة اللى هيشترى كرال يبص على ايه ويتاكد من ايه فى البندقية عشان تكون اصدار كويس
علشان خاطر ربنا حد يفيدنى فى الموضوع ده علشان انا تعبت من الكلام فيه

رد: الكرال بعد 5000 ضربة
 

شكرا على المعلومات القيمة دي ويمكن فعلا زي ما الاستاذ هشام قال انها الاصدار القديم.. وربنا يستر ع بندقية سترونج اللي عندي انا وصلت بيها ١٤٠ رشة جامو ماتش مسطح ..رماية ..اما نشوف وربنا يبارك للجميع فيما رزق :)