|
افيدونى بالله عليكم ( مكان الصيد )
السلام عليكم
اليوم وانا راجع من الشغل قلت اعاين المكان اللى ناوى اطلع اصطاد فيه يوم الجمعة انشاء الله ودى اول طلعة ليا والكلام ده كان بين العصر والمغرب يعنى قبل المغرب بشوية بمعنى وانا راجع كانت الشمس بدأت تغرب المهم المكان بحسب ما عرفت من المحترفين مثالى جدا للصيد يعنى غيطان واشجار وكمان دلوقتى حصاد القمح الغريب ان المكان كان مليان بالطيور عصافير .. غربان .. ابو قردان انما يمام ما شوفتش بعد حوالى نص ساعة مشى بين الغيطان والشجر غير تلات اربع يمامات طب ليه اليمام فين ؟؟؟؟؟؟؟؟؟ بقول يمكن ظهور اليمام بيكون الصبح بدرى مش اخر النهار مش عارف ولا الوقت مش بيفرق يعنى لو طلعت الساعة 6 الصبح هيكون فيه يمام ولا لأ ارجوا الافادة |
رد: افيدونى بالله عليكم ( مكان الصيد )
يا جدعااااان احلفلكم ان اليمام ما بيكونش فى الاراضى
اليمام فى الاماكن الريفيه بيكون فى حدود البلاد وبيميل اكتر للاماكن السكنيه اللى فيها اشجار وطالما هتصطاد متعتمدش على مكان واجد لازم تلف على الاقل 10 كيلو طالما على رجلك .لو معاك موتسيكل او عربيه لف كتييييييييير تصطاد اكتر |
رد: افيدونى بالله عليكم ( مكان الصيد )
خلص الكلام بس ناقص معلومة صغيرة ان صيد اليمام الصبح بدرى افضل وقت يعنى لو الظهر هتصطاد 5 الصبح هيكونوا 30 وبالليل 15
ومفيش حاجة عند اليمام اسمها الساعة 6 اقول على حاجة اول ميعاد لطلوع اليمام هو ميعاد طلوع الشمس يعنى قبل ما تطلع تصطاد من بالليل جهز عدتك وجهز ورقة النتجية بتاعت بكرة وشوف الشروق الدقيقة كام واعمل حساب مسافة الطريق بحيث تكون فى مكان الصيد لحظة طلوع الشمس وكفاية كده عشان الصلوة الله اكبر |
رد: افيدونى بالله عليكم ( مكان الصيد )
يعنى يا جماعة المكان اللى انا وصفته هيبقى كويس للصيد ولا لأ
ولو مش مناسب يا ريت وصف المكان المثالى للصيد |
رد: افيدونى بالله عليكم ( مكان الصيد )
واحد قالك على المكان وواحد قالك على الزمان عايز ايه تانى
ارجع لكلام الاستاذ هشام بخصوص المكان واقراه كلمة كلمة فيه خلاصة السنين اطلع انت بس وابقى قابلنى بعد الطلعة يعنى هههههههههه |
رد: افيدونى بالله عليكم ( مكان الصيد )
اقتباس:
مسيرك تتزنق فى حاجة انا بفهم فيها اكتر منك وساعتها هعمل معاك زى ما بتعمل معايا كدة |
رد: افيدونى بالله عليكم ( مكان الصيد )
محدثات الصوت يا كبير
|
رد: افيدونى بالله عليكم ( مكان الصيد )
اقتباس:
مش عارف الموضوع هايمشى ازاى هرجع بيمام ولا لأ او هلاقى يمام اصلا ولا لأ فبحاول اجمع اكبر قدر من المعلومات علشان اقرب من الموضوع |
رد: افيدونى بالله عليكم ( مكان الصيد )
هتلاقي ان شاء الله بس من هنا لحد يوم الجمعة افضل العب بالبندقية زى امممممممم :sal:يعنى هات صفيحة سمنة وحطها على بعد15 مش اقل من كده واضرب عليها لحد متتعود على البندقية والتنشين خلص علبة علبتين رش ولا يهمك الرش كتير والفلوس اكتر والحمد لله:pleur::pleur: بعد متلاقي نفسك بقيت بتجبها في الصفيحة ايه ده هو انا ممكن مجبهاش:punnch::punnch: اه ده اكيد مش هتجبها من الاول
تعمل اية تزود التحدى شوية تصغر الهدف شوية شوية لحد متجيب عود الكبريت على المسافة المذكورة |
رد: افيدونى بالله عليكم ( مكان الصيد )
اقتباس:
وما تنساش انى ضربت نار كتييييييير من اول الفرد الصناعة المحلية لحد ال7*62 بس اشوف ام اليمام وانا اجيب الرشة فى منقاره انشاء الله |
رد: افيدونى بالله عليكم ( مكان الصيد )
بس خلاص مفضلش غير العزومة
|
رد: افيدونى بالله عليكم ( مكان الصيد )
اقتباس:
مش فاهم |
رد: افيدونى بالله عليكم ( مكان الصيد )
عزومة اليمام انت قلبت على منو كده ليه ولا اللى ياكل لوحده يشبع
|
رد: افيدونى بالله عليكم ( مكان الصيد )
اقتباس:
اخوك فهمه ضعيف شوية برده مفهمتش |
رد: افيدونى بالله عليكم ( مكان الصيد )
مش انت لما تصطاد اليمام هتعزمنا عليه ولا هترميه للقطط ولا ممكن هتكون هتتصدق بيه احنا اولى احنا بردوا غلابة هههههههههه
|
رد: افيدونى بالله عليكم ( مكان الصيد )
اقتباس:
انا حاسس ان الجمعة اللى جاية دى حاجة من الاتنين اما تخلينى مدمن صيد واما تخلينى تكسر ام البندقية هههههههههه يا مسهل |
رد: افيدونى بالله عليكم ( مكان الصيد )
مدمن ان شاء الله
هههههههههههه |
رد: افيدونى بالله عليكم ( مكان الصيد )
يا عم بكره تتودك وتبقى صياد قد الدنيا وتتنط علينا كمان يامه ناس كانت داخله المنتدى متعرفش الرش نمره واحد من اتنين ودلوقتى احنا مش عجبنهم
|
رد: افيدونى بالله عليكم ( مكان الصيد )
بص يا عم عاطف......اولا انت لو هاتصتاد من العربية ودة انا بافضلة خصوصا فى صيد اليمام لان اليمام زكى جدا لو لمحك بالسلامة...يبقى تكون فى العربية وجاهز للصيد بعد الفجر على طول اول ما الشمس تشقشق هاتلاقى اليمام فين بقى داخل المدن السكنية الهادية زى التجمعات الجديدة والمساكن الشعبية اللى مليانة شوارع فرعية هاتلاقى اليمام فى الشوارع دى وعلى اسلاك الكهربا ..الصبح بدرى لحد الساعة 9 بالكتير بعد كدا ما تشوفوش فى الاماكن دى....لو هاتصتاد مشى....يفضل اماكن غير مفتوحة زى الغيطان والصحرا لان اليمام فى المناطق دى بيكون حذر جدا جدا يعنى هايقطع نفسك مشى وراة وكل ما تقرب من شجرة هايطير من عليها .....يبقى تعمل اية ....الاماكن اللى زى دى جنب غيطان القمح اللى بدا يتحصد هاتختار مكان تحت شجر كثيف وتلبد تجتة ويا سلام لو كان على حراف ارض غلة محصودة ...اليمام بيريح فى الشجر دة وينزل ياكل...يبقى تلبد وما تبانش خالص وتقعد واليمام ان شاء الله ينزل على الشجر فوقك الكلام دة امتة بقى من فترة بعد الظهر الساعة 2او 3 لحد بعد العصر...وممكن يكون الشجر دة مكان اليمام بيبات فية زى اشجار التوت والفيكس ممكن تصتاد لبعد المغرب واليمام جاى يبيت...اماكن الصيد بتيجى من الخبرة وكترة الطلوع احيانا الواحد بيطلع يرجع بجوز يمام _ههههه_ بعد الخبرة والصيد الاف المرات بس دى ارزاق وبعد الخبرة انت هاتبص للمكان من بعيد تعرف اذا كان فية طير والا لا...اخرج واصتاد وموش شرط تعمل اسكور لانك لو فكرت فى الاسكور وصور الصيد هاتتوتر وانت بتنشن على الطير
|
رد: افيدونى بالله عليكم ( مكان الصيد )
اقتباس:
|
رد: افيدونى بالله عليكم ( مكان الصيد )
اقتباس:
المنتدى ليه فضل على كل اعضائه واللى بيتنطط ده يبقى قليل الاصل ويجب ان يرد الفضل الى اهله |
رد: افيدونى بالله عليكم ( مكان الصيد )
اقتباس:
|
رد: افيدونى بالله عليكم ( مكان الصيد )
يا عم عاطف احنا هنا اخواتك...... وهدفنا نقل الخبرة .....وخيركم من تعلم العلم وعلمة ..لو فية اى اسالة تانية انا تحت امرك
|
رد: افيدونى بالله عليكم ( مكان الصيد )
فين الطلعة راحت فين
فين الصور والفيديوهات النهاردة الجمعة وكمان بقينا بالليل ملكش حجة ولا تكون مصتطدش حاجة :pleur::pleur:اياك ثم اياك |
رد: افيدونى بالله عليكم ( مكان الصيد )
اقتباس:
هما تلات يمامات وبعدين طلعت على البحر وجبت فرختين ميه فى ساعتين واهو بضحك على نفسى وبقول يا واد علشان اول طلعة ههههههههههه ولا انت ايه رأيك |
رد: افيدونى بالله عليكم ( مكان الصيد )
انت عايز رايي
ممتاز ممتاز بالنسبة ان هذه اول مرة فعلا وبعدين فيه اتنين فرخة مية ودى صعبة جدا في صيدها فيه صيادين كتير بس مش محترفين مبيعرفوش يصطادوها والمحترفين بيصطادوها بس بعدد قليل جدا زي بتاعك واحدة او اتنين يعنى انت كده بقيت قناص فراخ مية هههههههههه بجد والله كده كويس البندقية التركى اصلا بتاخد وقت على ما تتعود عليها ده للصيادين القدامى ما بالك بصياد اول مرة يمسك بندقية ثانيا انا عايزك تكتب اللى كان بيحصل معاك في الساعتين دول عشان نشوف ايه اللى محتاج يتظبط |
رد: افيدونى بالله عليكم ( مكان الصيد )
كستور ولا مستور ؟ عموما الف مبروك . وقد اصبحت عضوا فى زمرة الصيادين .
|
رد: افيدونى بالله عليكم ( مكان الصيد )
اقتباس:
ده بالنسبة لفراخ المية اما بالنسبة لليمام انا ضربت على حوالى 12 يمامة وكنت بنشن عليهم صح بس مش عارف الرشة ما كانتش بتيجى فيها ليه ؟ عايز اراجع ضبط الناشينكان يمكن يكون محتاج يتظبط وكان فيه حاجات بتطير اول ما اقرب منها انشاء الله هحاول اتجنب الحاجات دى المرة الجاية |
رد: افيدونى بالله عليكم ( مكان الصيد )
اقتباس:
|
رد: افيدونى بالله عليكم ( مكان الصيد )
انت ضربت على 12 بس يبقى فيه حاجة غلط
يا اما تكون اتاخرت في الطلوع عن الشروق او المكان مش مناسب مفيهوش يمام كتير هذه اول ملحوظة التانية انت كنت مظبط البندقية على هدف افقي مساوى للبندقية لان الصيد يختلف اوقات يكون الهدف اعلى مثلا على الاشجار واسلاك الكهرباء او منخفض على الارض ودي كل واحدة بيختلف فيها وضع سن الدبانة الامامية في الاعلى بترفعه مقدار واحد مم مثلا فى المنخفض تخفضه ايضا بنفس المقدار وهذا للتغيير في اثر الجاذبية على الرشة ونفس الكلام يقال على تغير المسافات |
رد: افيدونى بالله عليكم ( مكان الصيد )
اقتباس:
|
رد: افيدونى بالله عليكم ( مكان الصيد )
بس لو كنت مصور اى حاجه الطلعه الاولى بتبقى احلى ذكرى على العموم ربنا يوفقق فى المره الجايه
|
رد: افيدونى بالله عليكم ( مكان الصيد )
الاستاذ ابو مسلم
استفسار انهاردة جيت اظبط الناشينكاه لقيته محتاج ينزل شوية فحاولت لقيته نازل على اقصى درجة يا ترى الحل ايه فى الموضوع ده ؟؟؟ وغالبا هو ده السبب اللى ما كانش بيخلى الرشة تصيب اليمام ههههههه مهو زى ما قولتلك انا كنت بنشن على اليمامة بالظبط ومع ذلك ما كانتش بتيجى فيها يا ريت لو فيه حل لموضوع تنزيل الناشينكاه اكون شاكر جدا |
رد: افيدونى بالله عليكم ( مكان الصيد )
سهلة جدا لو البكرة بتاعت الناشنكاة الخلفي على اخرها ولسه بتضرب عالى
تيجى انت منزل مقدمة البندقية شوية يعنى تخلى سن الدبانة تحت الهدف شوية يعنى تخلى الهدف بارز فوق الدبانة ويبقى تصويبك اسفل الهدف |
رد: افيدونى بالله عليكم ( مكان الصيد )
وده حصل لان الناشنكان متغير مش بتاعها فعادى متقلقش
|
رد: افيدونى بالله عليكم ( مكان الصيد )
اقتباس:
بس استفسار تانى لو تلسكوب بيبقى محتاج ظبط هو كمان ولا بيبقى مظبوط لوحده بمجرد ما يركب بمعنى ان لو هو بشعار صليبة اخلى الهدف فى منتصف الصليبة ولا ايه مع الاخذ فى الاعتبار ان الاسكوب بيكون اعلى من الماسورة بمسافة لا بأس بها معلش كمان استفسار امبارح كنت بنضف المسدسات وبازيتها فقلت بالمرة انضف البندقية وازيتها المهم لقيت مسمار من الاتنين الاماميين مهوى مش مربوط وهو بوردة مشرشرة ولاقيت فى مجرة من المجر اللى جوا الدبشك قطعة معدن بيتهيالى انها حتة من السوستة القديمة واللى عدل البندقية ما اخدش بالو منها وهى مش من المكونات الحالية لانها لو من المكونات الحالية كان اداء البندقية هيختل لكن هى ادائها بسم الله ما شاء الله 10/10 ودى صورة حتة المعدن دى http://store2.up-00.com/2015-04/1430024093651.jpghttp://store2.up-00.com/2015-04/1430024703642.jpg8 |
رد: افيدونى بالله عليكم ( مكان الصيد )
بالنسبة للتلسكوب بيحتاج تظبيط زيه زي الناشنكان واكتر وتقدر تقرا فى المنتدى عنه
والحتة المكسورة دى اكيد فعلا من السوستة لانها نفس الشكل ومفيش حاجة شبهها فى البندقية الا السوستة |
رد: افيدونى بالله عليكم ( مكان الصيد )
اقتباس:
|
| الساعة الآن 10:21 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir