الصيد فى مصر - ممكن مساعدة من فضلكم؟؟

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - ممكن مساعدة من فضلكم؟؟ (http://www.egyhunt.net/showthread.php?t=48437)

solom1

15-04-25 04:51 PM

ممكن مساعدة من فضلكم؟؟

معلش طلب من إخواتي في المنتدى
في حد معرفة قالي إنه عايز يبيع بنقدية رش صيني عنده علشان مزنوق في تمنها. فجابهالي أشوفها فهي حالتها كويسة بس أنا ماقدرتش أعرف نوعها إيه والمفروض يكون تمنها إيه تقريبا.
أنا صورت الجزء اللي مكتوب فيه الماركة بس للأسف هو مش واضح كويس.
في حد ممكن يساعدني يقولي دي ونوعها إيه وسعرها المفروض بيكون كام تقريبا.
علشان مايضحكش علي فيها؟؟؟
http://imageshack.com/a/img537/8858/t4RfNL.jpg
وشاكر ليكم مقدما...
https://imageshack.com/i/ext4RfNLj

solom1

15-04-26 02:10 PM

رد: ممكن مساعدة من فضلكم؟؟

ياجماعة اللي يعرف أي معلومة يقولي بعد إذنكم.

ابومسلم2005

15-04-26 06:34 PM

رد: ممكن مساعدة من فضلكم؟؟

البندقية دى يا باشا مكتوب عليها شنغهاى
والسعر حسب حالتها اظن 300 ج كويس

solom1

15-04-27 12:25 AM

رد: ممكن مساعدة من فضلكم؟؟

اقتباس:

المشاركة الأصلية كتبت بواسطة ابومسلم2005 (المشاركة 575330)

البندقية دى يا باشا مكتوب عليها شنغهاى
والسعر حسب حالتها اظن 300 ج كويس

300 جنية؟؟!!!!
تصدق إنه عايز يبعهالي ب 1200 جنيه!!!!!!!!!!!!

ابومسلم2005

15-04-27 12:32 AM

رد: ممكن مساعدة من فضلكم؟؟

طيب معلش اساله انت جايبها بكام ومن امتى
ولو عندك صور اوضح نزلها عشان منبخس حاجة حد

solom1

15-04-27 01:09 PM

رد: ممكن مساعدة من فضلكم؟؟

اقتباس:

المشاركة الأصلية كتبت بواسطة ابومسلم2005 (المشاركة 575342)

طيب معلش اساله انت جايبها بكام ومن امتى
ولو عندك صور اوضح نزلها عشان منبخس حاجة حد

هو قالي إنه جايبها من فترة. ومش عايز يقولي جابها بكام وللاسف ماعنديش صور تاني ليها.
بس هي حالتها عموما كويسة.
السؤال: هي لو في منها جديد بيكون تمنه كام.
ولو مفيش منها جديد كان آخر تمن بتتباع بيه كان كام؟

ابومسلم2005

15-04-27 07:06 PM

رد: ممكن مساعدة من فضلكم؟؟

جديدة ب750 وانا عن نفسي ابقى مكارمه لو اخدتها ب100
فسيبك منه وهاتلك كرال بالسعر ده هاى بور وصيادة وقطع غيارها متوفرة

صابر	15-04-28 06:06 PM

رد: ممكن مساعدة من فضلكم؟؟

اقتباس:

المشاركة الأصلية كتبت بواسطة ابومسلم2005 (المشاركة 575373)

أنا لا أدفع فيها أكثر من 150 لاستخدامها كحقل تجارب للديزلنج

solom1

15-04-28 06:30 PM

رد: ممكن مساعدة من فضلكم؟؟

اقتباس:

المشاركة الأصلية كتبت بواسطة ابومسلم2005 (المشاركة 575373)

أولا جزاك الله خيرا على إهتمامك وردك علي.
ثانيا ربنا يسامحه أخينا ده اللي شكله كان عايز يضحك علي أو يمكن هو مايعرفش الاسعار عاملة إزاي.
وأنا أصلا معايا نوريكا سبورت صحيح هي ضعيفة شوية بس أنا كان هدفي من إني أشتري الشنغهاي إني أساعده لأنه محتاج الفلوس.
لكن على كلامك ده طبعا ها أعتذرله إني أشتريها.
بخصوص كلام حضرتك عن الكرال. هو لسه في حد أصلا بيبيع بنادق
أنا حاسس إن الهواية بتاعتنا دي خلاص قربت تنقرض!!!!! ومن ساعة مابقتش ألاقي الرش الجامو وأنا راكن البندقية بقالي يجي سنة.

solom1

15-04-28 06:31 PM

رد: ممكن مساعدة من فضلكم؟؟

اقتباس:

المشاركة الأصلية كتبت بواسطة صابر (المشاركة 575383)

أنا لا أدفع فيها أكثر من 150 لاستخدامها كحقل تجارب للديزلنج

شكرا جزيلا لحضرتك. كويس إنكم فهمتوني

ابو يوسف المصري 2

15-04-29 01:44 PM

رد: ممكن مساعدة من فضلكم؟؟

النورويكا سببورت ممكن تكون قويه جدا فوق ما تتخيل انا عنات عليها تعديل بسيط جدا والحقيقه بقت ممتازه جدا

solom1

15-04-30 03:39 PM

رد: ممكن مساعدة من فضلكم؟؟

اقتباس:

المشاركة الأصلية كتبت بواسطة ابو يوسف المصري 2 (المشاركة 575404)

النورويكا سببورت ممكن تكون قويه جدا فوق ما تتخيل انا عنات عليها تعديل بسيط جدا والحقيقه بقت ممتازه جدا

طب إيه هو التعديل وممكن أعمله أزاي أو فين؟

ابو يوسف المصري 2

15-04-30 07:06 PM

رد: ممكن مساعدة من فضلكم؟؟

التعديل بسيط جدا هو انك هتركب لها سوسته بتاعه الجامو الاسباني بس هتشيل 3 عقل علشان السوسته الجامو اكبر شويه معلش هتتعب وانتا بتركبها لانها هتكون شديده شويه بس النتيجه هتبهرك لما تضرب علي يمامه بعيده بعييييييييده وتلاقي ان الرشايه فرتكتها او عصفوره وتلاقي نصها سايب منها علي فكره رد فعل البندقيه متغيرش نهائي بس سرعتها زادت كتير بقت اقوي فعلا
اسف علي الاطاله ويارب اكون قدرت اوضح التعديل
تقبل مروري

ابومسلم2005

15-05-01 11:28 AM

رد: ممكن مساعدة من فضلكم؟؟

احلى حاجة فى النوريكا المتوسطة القوة صيد الليل المسافات قريبة والصوت واطى والبندقية قصيرة ودقة فى التنشين

scream15

15-07-10 01:25 AM

رد: ممكن مساعدة من فضلكم؟؟

ياريت صور كمان عشان منظلمهوش في أنواع شنغهاي بتعدي ال 2000 مستعملة

الساعة الآن 08:15 AM