|
صاحب المنتدي
السلام عليكم ورحمة الله وبركاته اعضاء منتدي " الصيد في مصر " الكرام اولا : احب ارحب بيكم ثانيا : انا حابب اتكلم في بعض النقاط الخاصه بمنتدانا اذا سمحتولي ثالثا : اختياري لاسم الموضوع " صاحب المنتدي " محاولة لجذب الاعضاء الي الموضوع ____________________________ اولا ازيكم يارب كل اعضاء المنتدي بخير وكل سنه وانتو طيبين بقرب شهر رمضان الكريم ثانيا انا في يوم من الايام دخلت المنتدي وعجبني جدا واتعرفت علي ناس محترمه جدا واستفدت كتير وعشان كدا كنت لازم اعمل الموضوع دا لان المنتدي دلوقتي مش عاجبني جدا فا المنتدي واقع جدا طبعا انا عارف ان في مواقع اجتماعيه اخري زي الفيس وتويتر والخ بس احنا المفروض ان المنتدي دا حاجه كانت بالنسبه لينا مهمه جدا فا بالتالي مينفعش نتخلي عنها بسهوله كدا فا انا حابب اني اتكلم في موضوعين اولهم ان احنا ممكن نستفيد من الموضوع الي انا عامله ونساعد بعض حتي لو بعيد عن الصيد يعني كل واحد يخش يكتب هو ايه تخصصه او شغله في الحياه يعني مثلا انا راجل بشتغل كمبيوتر بس دلوقتي انا شغال علي صفحات الفيس بوك انا ومجموعه من اصدقائي بمعني اننا بنشتغل في بيدجات رياضه او فن او اي نوع بنديرها 24 ساعه في الاسبوع وبنكبر عددها ونزود تفاعلها وهكذا فا اي حد محتاج حاجه في هذا المجال دا يقول وانا تحت امره وياريت كل واحد دخل الموضوع دا يقولنه شغله ومجاله عشان نفيد بعض اعتقد ان انا لو لقيت حد هنا بيعمل حاجه انا عايزها اكيد هيخدمني جدا احسن من الناس الغريبه واكيد مش معني كلامي اننا نعمل الحاجه ببلاش دا شغل بس اعضاء المنتدي ائمن من الشارع يعني " الي نعرفه احسن من الي منعرفوش " الفائده ان المنتدي هيبقي انشط نوعا ما وكمان كلنا هنفيد بعض اكتر 2 : تاني نقطه عايز كل واحد يشوف الموضوع دا يكتب فكره نطور بيها المنتدي ونخليه يرجع زي الاول يعني لو عندك اي فكره هتفيد المنتدي ممكن تكتبها هنا في الموضوع دا والي فكرته كويسه وهتتنفز ممكن الاداره تعمل موضوع شكر ليه ويتثبت في المنتدي وانا هبتدي , انا عندي فكره اننا ممكن نعمل اقسام باسامي محافظات بمعني القاهره والاسكندريه وطنطا والمنصوره وهكذا عشان مثلا الي عايز يشتري او يبيع حاجه من الاسكندريه يخش يكتب الطلب بتاعه في قسم الاسكندريه وهكذا واتمني من ادارة المنتدي والناس القائمه علي صفحة الفيس الخاصه بالمنتدي انها تنشر الموضوع دا علي البيدج عشان الناس تدخل وتتفاعل ويارب اكون حاولت اعمل حاجه مختلفه شكرا ليكم |
رد: صاحب المنتدي
الاخ الغالى الخواجه
اولاً بشكر حضرتك جداً جداً على شعورك الطيب واخلاصك للمنتدى الذى ينم عن طبعك الوفى وخصالك النبيله اولاً احب اعرف حضرتك ان المنتدى هو اول منتدى للصيد فى مصر وتقريباً فى الوطن العربى معظم الناس اللى فى المجال ده سواء صيد او اسلحه بأنواعها اكتر من نص معلومتهم مكتسبه من المنتدى ده هو اللى عرف الناس دى كلها على بعضها . لولاه بعد فضل الله ماكنش حد عرف حد فسبحان الكل ساب المنتدى يقع هو مش وقع بالمعنى الاصطلحى بس مش هو ده منتدى الصيد فى مصر قلعة المعلومات الاكبر والاضخم عربياً للعلم المنتدى ده كان بتكتب فيه فى يوم من الايام اكتر من 1200 مشاركه يومياً . قارن بقا 50 و60 مشاركه حالياً ثانياً عايز اوضح لحضرتك ان الامل حالياً مش فى الناس القديمه اللى اتعلمت من هنا . لانهم تقريبا مش هيستغنوا عن الفيس الموقع العقيم ده الامل على الناس الجديده ودول هيجو من خلال الدعايه للمنتدى وحضرتك فى مجالك ده اكتر واحد تقدر تفيد المنتدى عمتاً حنا بنعمل اللى علينا اتمنى بس ان انتا تفضل معانا مش انتا كمان تسيبنا زى بقيت الناس عمتاً احلى تقيييم لمعاليك |
رد: صاحب المنتدي
شرف ليا اكون اول واحد يشارك في الموضوع ده بعد الاستاذ هشام سمير الخبرة القيمة و الشخصية الجديرة بالاحترام و فعلا كان المنتدي في السابق فيه مشاركات اكثر بكتير من المشاركات الحالية و اعتقد ده بسبب الظروف اللي مرت بها البلد و انشغال الاعضاء باعمالهم بس فعلا الواحد اتعرف بمجموعة رائعة و في مجالات مختلفة و ناس فعلا اثبتت التجارب انهم اصدقاء بجد سواء في الادلاء بمعلومات قيمة جيدة و نصيجه محترمة نتيجة خبرة في الهواية الرائعة و انا معجب بفكرتك تقسيم المواضيع وفقا للمحافظات و ايضا بموضوع توضيح طبيعة التعامل ... و انا عملي الحالي في شركة نشاطها تمويل السيارات و مستعد للتواصل مع اعضاء المنتدي المحترم اللي باتشرف بالانتماء اليه و رقمي 01205555630
|
رد: صاحب المنتدي
موضوع رائع كاتبه شخص اروع امين وحدير بالاحترام
فعلاً انا نفسى المنتدى يرجع لسابق عهده القديم المتألق اسم هز اركان الهوايه منتدى الصيد فى مصر انا معاكم ومستمر معاكم وبدعمكم بكل ما اوتيت من قوه لكن فكرة المحافظات فكره ليست جيده لان التفاعل فيها عيكون ضعيف جدااا مما يعطى انطباع اكثر عن ركووود المنتدى انا عن نفسى اعمل فى مجال الستائر الحديثه وبقدم احدث الموديلات الايطاليه والاسبانيه وممكن اقدم خدماتى ومعارضى هديه للمنتدى |
رد: صاحب المنتدي
اقتباس:
|
رد: صاحب المنتدي
اقتباس:
حلو جدا شعورك اتجاه المنتدي واتجاه الاصدقاء الي اتعرفت عليهم وطبعا مجال تمويل السيارات حاجه جميله جدا وانا لو احتجت حاجه مش هتاخر ولا هتردد اني اكلم حضرتك :) |
رد: صاحب المنتدي
اقتباس:
واسعدني جدا انتقادك لفكرة المحافظات بس انا حابب اوضح جزء صغير ان فكرة تقسيم اقسام محافظات سيسهل علي الاعضاء حاجات كتير جدا وفكرة ان التفاعل هيكون قليل فا هو كدا كدا التفاعل قليل فا احنا اتكلمنا الاول في فكرة زيادة التفاعل لان انا من وجهة نظري ان لو المنتدي رجع زي الاول فا اقسام المحافظات كلها هتبقي نشيطه جدا فا اهم مشكله بتواجهنا دلوقتي ان نزود تفاعل المنتدي |
رد: صاحب المنتدي
موضوع ممتاز ايه اللى نقدر نساعد بيه وانا مش هتأخذ ابدا
|
رد: صاحب المنتدي
اقتباس:
|
رد: صاحب المنتدي
شكرا لصاحب الموضوع والمشاركين الاعزاء . أنا شخصيا مدمن هذا المنتدى العظيم واحب واحترم كل الاعضاء المشاركين فيه . وللحق .. قد استفدت منه معلومات غزيرة وقيمة فى شتى المواضيع . تقبلوا اعطر تحياتى.
|
رد: صاحب المنتدي
معلومة على السريع
ده الموقع والمنتدى الوحيد اللى انا مسجل فيه ومشارك وبدخله باستمرار كل يوم من يوم ما عرفته طول ما فيه عندى نت وانا اتمنى لهذا المنتدى ان يصير افضل منتدى ليس فى الصيد وحسب ولا في مصر وحسب بل فى كل المجالات غير الدينية وكل الدول العربية انا بحب الرماية جدا ومن فرط حبي لها خطبت عنها خطبة كاملة في الجيش وانا امام وخطيب مسجد اللواء اللى كنت فيه في عام 2004 وبينت فضل الرماية وخطورة تركها ونسيانها وكيف نحبب ابناءنا فيها ولما جبت نت ولاقيت المنتدى ده في 2012 عشان كنت عاوز اشترى بندقية مش هقول لكم على مدى سعادتى به وفى النهاية انا عملى امام وخطيب ومدرس باوقاف البحيرة |
رد: صاحب المنتدي
اقتباس:
|
رد: صاحب المنتدي
اقتباس:
|
رد: صاحب المنتدي
المهم الحل ايه
|
رد: صاحب المنتدي
اقتباس:
|
رد: صاحب المنتدي
ان شاء الله انا هعمل شوية تغيرات لعل وعسى
|
رد: صاحب المنتدي
موضوع رائع وانا معاكم
|
رد: صاحب المنتدي
اقتباس:
|
رد: صاحب المنتدي
حبيبي يا اتش المنتدى منور بيكم وان شاء الله يرجع لمجده القديم |
رد: صاحب المنتدي
افكار جميله ياخواجه ولكن انا ليبى ونتمنى ان نتبادل المعلومات عن وقت هجره الطيور مثلا اوبيع وشراء بنادق ديانه خارج مصر مثلا وانا كذلك مهندس ميكانيكى وهندسه لحام واى معلومه انشاء الله لن اقصر
|
رد: صاحب المنتدي
اهلاً بك اخونا صياد الحجل
|
رد: صاحب المنتدي
اقتباس:
انا معاك طبعا يا فندم فكل كلام حضرتك هنا وواضح انك انسان فعلا علي قدر عالي من الاحترام والذوق والادب والاخلاق فعلا المنتدي نايم جدا ومستواه مش زي زمان زي ماقال الاستاذ هشام طبعا وبرضو بعد بحث في الموضوعات القديمة كان بيكون في تفاعل اكبر من كده سواء في البيع والشراء والطلبات او الاستجوابات بشكل عاام علي عكس دلوقتي تماما مبيكونش في اكتر من ثلاث او اربع اعضاء فقط في كل موضوع بيتناقشوا ده اذا حصلت مناقشة من الاساس وساعات كتير برضو بتقوم برد علي مشاركه معينه صاحب الموضوع ميردش عليك اصلا وانت احيانا بتكون في امس الحاجه لرده او حتستفيد منة بالبلدي مفيش متابعة من الاعضاء او اهتمام بمواضيعها من الاساس تقبل مروري تحياتي nour eltoureny |
رد: صاحب المنتدي
اخى هشام سمير شكرا على الترحاب وكلك ذوق فى الاعلان وكل عام وانت بخير
|
رد: صاحب المنتدي
إن شاء الله يرجع احسن من الاول
|
رد: صاحب المنتدي
احمد سعيد محامي
مش معناها في المصايب بس فيه ناس ليها بيزنس وشركات رمضان كريم 01221108490 |
رد: صاحب المنتدي
انا كمان كنت في المنتدي من حوالي 5 سنين وكنت فرحان جدا ان فيه ناس بتحب الصيد وعاملين منتدى بنشارك بعض في المعلومات والمغامرات في رحلات الصيد ..ان شاء الله يرجع احسن من الاول ..
|
رد: صاحب المنتدي
اقتباس:
مؤيد تماما لكلامك وخصوصا عن الفيس اللى اخد الناس من بيوتها واهليها مش من هوايتها بس وبفضل الله يمكن اكون الوحيد فى مصر اللى ما عندوش اكونت ع الفيس هههههه وحتى لو القدام هجروا المنتدى بعد ما اتعلموا كل شئ منه فتاكد انه دايما هيكون فيه جداد محتاجين يتعلمو وهيفضل المنتدى ده يخرج اجيال من الصيادين وهواة السلاح طالما ان مصر لسة فيها شباب دماغهم لسة ما اتسممتش بالمخدرات والارهاب والافكار الهدامة والعك . الصيد فى مصر صرح كبير وسقوطه ليس بالامر الهين . |
رد: صاحب المنتدي
اقتباس:
|
رد: صاحب المنتدي
انا ياسيدى شغال يوتيوب بارتنر وادسنس بوبلشر
|
رد: صاحب المنتدي
اقتباس:
|
رد: صاحب المنتدي
معلومه قد تكون قديمه فى المنتدى : طريقه بسيطه لتعديل قناص بندقيه هوائيه . نثبت البندقيه جيدا ومثبت عليها القناص ثم ناتى بورقه بيضاء حجم متوسط ونرسم عليها بقلم خطاط اسود علامه زائد بحجم كبير ثم نثبت الورقه على بعد 20 متر تقريبا ثم نصوب بالبندقيه بحيث تكون علامه زائد القناص على علامه زائد الورقه متطابقه ثم نرى نتيجه التصويب ونكرر الطريقه مرتين للتاكد من عدم وجود خطا للشخص الرامى فاذا كانت النتيجه من التصويب بعيده عن منتصف علامه الزائد ( نقطه تلاقى الخطين) نقوم بتحريك التعديل الراسى والجانبى للقناص ونثبت علامه زائد الخاصه بالقناص على نتيجه التصو يب السابق الخطا بعدذلك نطابق علامه زائد القناص مرة اخرى على علامه زائد الورقه ونصوب وتكون انشاء الله تصويبه ممتازه واتمنى ان يستفيد من المعلومه اصحاب المنتدى الاحباء
|
رد: صاحب المنتدي
مفيش جديد نفسنا نخدم بأي حاجه والله علشان نشوف المنتدي ده زي ماكان
|
رد: صاحب المنتدي
اسأل الله ان تظل الامور على كده ولا تددهور اكر
|
| الساعة الآن 10:43 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir