|
ارجو الاهتمام بالموضوع للافاده العامه
السلام لكم جميعا
القصه باختصار شديد ارجو الاحتراس من الاخوه الافاضل الذين ممكن ان يتصلوا باي واحد مننا عارض موضوع للبيع لان هناك من اتصل بي علي موضوع معروض كان من سنه و نصحته و بعدين اتفقنا علي ان يشتري مني بندقيه كانت عندي في غير احتياجي المهم اتقابلنا و هنا بقي التحذير جرب البندقيه تمام و بعدين طلعها البيت عنده و بعدين نزل علشان نروح لاي مكنه ايه تي ام مع العلم انه انسان محترم جدا و مرتبه مرموقه و لكن الماكينه لم تعطيه المبلغ المطلوب الي هو اقل من ال700جنيه فاعطاني جزء من المبلغ و وعدني انه في خلال اسبوع سيسدد باقي المبلغ اللي هو اساسا اقل من 700 جنيه بس بقي خد عندك اتصالات و مكالمات و حكايات و مافيش اتفاق علي ميعاد مقابله علي كده 3اسابيع لحد ما كلمته و اقنعته بما انها مش عاجباه لانه مش عايز يدفع تمنها يرجعها ليا و ياخد الفلوس اللي دفعها برضه خد اسبوع علي ما ربنا وفقني و حاجتي رجعت مع صديق له الغريب باتصل بيه علشان افهمه اني حادفعله ال100جنييه اللي الماكينه رضيت تطلعها له الباشا ما بيردش عليا و طبعا ابنه برضه ما بيردش عليا مع اني لم افعل شي سوي اني طرحت فيه الثقه لمكانته الوطنيه المحترمه ارجو الحذر و عدم الاحراج من اخذ تمن الحاجه المعروضه بالكامل و احذروا معسول الكلام نيتهم مش كويسه هو جايز علشان سنه كبير مش مقتنع ان ممكن يكون فيه ناس كويسه ممكن تقابلها عن طريق الانترنت علشان كده كان اسلوبه مراوغ بعض الشي المهم كل حاجه تمام و اسف للاطاله و اتمني لكم جميعا السلامه |
رد: ارجو الاهتمام بالموضوع للافاده العامه
الحمد لله قدّر ولطف؟؟؟
|
رد: ارجو الاهتمام بالموضوع للافاده العامه
الحمدلله
بس كان موقف محرج بصراحه |
رد: ارجو الاهتمام بالموضوع للافاده العامه
اقتباس:
100 like وشكرا على المعلومات دى لانى بصراحة المواقف دى سيئة جدا وعلشان جدا الافضل ان الواحد يتعامل مع ناس قريبين منه يكونوا عن تجربة وثقة افضل من انه يشترى او بيع اذا لزم الامر من الغريب بس بجد حضرتك خطفتنا بالموضوع دا انا اتخيلت ان حد اضرب عليه نار لاقدر الله ههههههههههههههههه و بالتوفيق نايل برنس وكل عام وانتم بخييير |
رد: ارجو الاهتمام بالموضوع للافاده العامه
صدقني انا كنت متردد اني اقول ما حدث و لكني وجدت انه من الامانه مشاركه الموقف للاحتياط العام لان سبب المعرفه كان من اعلان علي المنتدي بتاعنا ده
فانت فاهم بقي بدل ما تتكرر مع اخ عزيز اخر المهم اشكرك للمرور الطيب تحياتي |
رد: ارجو الاهتمام بالموضوع للافاده العامه
احب اضيف نوع من التجارب السيئة فى البيع والشراء
انا كنت محتاج سكوب وكان فيه احد الاعضاء ( لا داعى لذكر اسمه ) عارض بندقية وسكوب فاتصلت بيه بخصوص الاسكوب واتفقنا وهو من احدى المحافظات وانا من الجيزة فاتفقت معاه انى ابعتله حد تبعى يكون نازل عندهم بظروفها ويبعت معاه الاسكوب دا بعد ما ياخد الفلوس طبعا ووافق المهم قلتله يا استاذ فلان انا كدة هاخد الاسكوب بضمان ثقتى فى كلامك فلو فيه اى عيب عرفنى قاللى ما فيهوش اى عيوب خالص ، وكان مفهمنى ان نوعه تاسكو اتفاجئ يا سادة انه اسكوب تعبااااااان جدا ومالوش ماركة خالص وبيشكل وما ظبطش معايا الخلاصة ما تشتريش حاجة غير لما تشوف وتجرب غير كدة لأ واسف للاطالة |
رد: ارجو الاهتمام بالموضوع للافاده العامه
ولا يهمك ماحدش بيتعلم ببلاش
و اللي فاكر نفسه ناصح و بيخدع خيره. هو اللي خسران علي الامد البعيد |
رد: ارجو الاهتمام بالموضوع للافاده العامه
اكثر من مره نوهنا على ضرورة توخى الحزر فى التعاملات الالكترونيه
بالرغم من تمتع منتدانا بقدر كبيير من مصداقية عروضه الا ان هناك بعض المواقف التى تستدعى الحيطه فى التعامل |
رد: ارجو الاهتمام بالموضوع للافاده العامه
اكثر من مره نوهنا على ضرورة توخى الحزر فى التعاملات الالكترونيه
بالرغم من تمتع منتدانا بقدر كبيير من مصداقية عروضه الا ان هناك بعض المواقف التى تستدعى الحيطه فى التعامل |
رد: ارجو الاهتمام بالموضوع للافاده العامه
ده مش النت بس اللي فيه خداع الحياه كلها واحد زمان قالي كلمة حكمة الله يرحمه
حصلت مشكلة معانا في الجامع اللي كنا بنصلي فيه فالراجل الصف ضالط اللى كان ليصلي لينا كتير وعامل فيها امام الائمة عمل مشكلة كبيرة وصلت للسب وييييييه المهم بسال الراجل المحترم ده على الحل في المشكلة دي هل هيننفع يصلى بينا تاني قال بالحرف كده ياابني مين خلاكم عملتوه شيخ اصلا وقال في اخر الزمان لا تظنن باحد خيرا الا ان تعلمه منه بمعنى متامنش لحد الا لواحد ثقة . بمعنى قدم سوء الظن حتى يثبت هو العكس |
رد: ارجو الاهتمام بالموضوع للافاده العامه
اقتباس:
|
| الساعة الآن 09:23 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir