الصيد فى مصر - العجوزه

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - العجوزه (http://www.egyhunt.net/showthread.php?t=48763)

TheLegnedkiller

15-06-21 12:20 PM

العجوزه

السلام عليكم
يا جماعه انا عاوز اروح من المنصوره للعجوزه
بصراحه انا مرحتهاش قبل كده خالص
فخايف اروح القاهره اسئل واتوه وطبعا كتير من القاهره لازم يفتي بأي حاجه وخلاص
ناس كتير مش كلهم
طبعا ده بعيد كل البعد عن الرجاله المحترمين الي هنا من القاهره
عشان كده انا قلت اسئلهم احسن عشان احنا اخوات كلنا هنا
المهم
انا من المنصوره وعاوز اروح العجوزه
انا طبعا هركب ميكروباص وهنزل رمسيس
بعد كده ايه بقي مش عارف
انا عاوز اروح العجوزه 192 ش النيل
بجوار مسرح البالون
فرع british council
ياريت يا جماعه الي يعرف مكانها او اسهل طريقه اروحها من رمسيس سواء بالمترو او بأي حاجه يقولهالي
عشان ان شاء الله يومين تلاته كده وانزل القاهره
تحياتي

hell007_hell

15-06-21 02:42 PM

رد: العجوزه

شوف يا ليجيند .... اولا كل سنة و انت طيب...
بعد ماتنزل رمسيس .... هتركب حاجة راحة عبد المنعم رياض .... مش هتاخد اكتر من 10 دقايق ...
و هتنزل عند هيلتون رمسيس ..... هتلاقي مطلع كوبري قدام الهيلتون ... تقف عنده .... و تركب اي ميكروباص رايح للعجوزة هتاخد في حدود 10 دقايق برضو ....
البريتيش كونسيل بعد مستشفى الشرطة و مستشفي العجوزة ..... هتنزل من الميكروباص و تعدي الشارع .....
اتمني اكون افدتك ..... و لو عاوز توضيح اكتر عرفني ...

ابو صلاح

عاطف الشاذلى

15-06-21 04:20 PM

رد: العجوزه

كل سنة وانت طيب يا ليجند
زى ما قالك ابو صلاح هتوصل فى اقل من تلت ساعة انشاء الله
بس الافضل تاخد تاكسى ابيض من رمسيس العداد هيعمل اقل من 7 جنيه وهتوصل فى 10 دقايق وهتريح نفسك من السؤال عن الميكروباصات والانتظار فيها
تروح وتيجى بالسلامة

TheLegnedkiller

15-06-22 02:52 PM

رد: العجوزه

اقتباس:

المشاركة الأصلية كتبت بواسطة hell007_hell (المشاركة 577127)

اولا بحب اشكر حضرتك جدا لردك السريع
وكل سنه وحضرتك طيب ورمضان كريم
بس معلشي عندي استفسار
بعض الناس قالولي هتركب المترو تقريبا وتنزل محطه معينه هتلاقي هناك مكروباصات العجوزه علطول
مش عارف كلامهم صح ولا غلط
علي العموم انا ان شاء الله نازل بكره القاهره وان شاء الله خير
تحياتي لحضرتك
وشكرا لمساعدتك

TheLegnedkiller

15-06-22 02:57 PM

رد: العجوزه

اقتباس:

المشاركة الأصلية كتبت بواسطة عاطف الشاذلى (المشاركة 577131)

كل سنه وحضرتك طيب يا استاذ عاطف
التاكسي الابيض العداد
اسمع انه اقل مشوار هياخد مني لايقل عن 25 و 20 جنيه تقريبا
انا هروح برضه ولما اوقفه هتفق معاه الاول
وربنا يسهل
شكرا يا كبير
تحياتي لحضرتك

عاطف الشاذلى

15-06-22 09:23 PM

رد: العجوزه

اقتباس:

المشاركة الأصلية كتبت بواسطة thelegnedkiller (المشاركة 577184)

كلام مش مظبوط انا على طول باخد التاكسى من العتبة لحد الوراق عندنا ب15 جنيه وده قد مشوارك مرتين تلاتة وعلى فكرة من وسط البلد للعجوزة مسافة صغيرة جدا يعنى لو هتبقى مزاجك رايق وهتنزل بعد الفطار ممكن تتمشاها والعجوزة ما فيهاش مترو انت لو مش تاكسى اركب اييييييييى ميكروباص طالع كوبرى 6 اكتوبر وهتنزل العجوزة

TheLegnedkiller

15-06-24 12:17 PM

رد: العجوزه

اقتباس:

المشاركة الأصلية كتبت بواسطة عاطف الشاذلى (المشاركة 577196)

شكرا جدا لحضرتك
الحمد لله رحت ورجعت وخلصت مشواري علي خير
بس هنزل القاهره تاني ان شاء الله يوم 4 يوليو ان شاء الله
بس المرادي في فندق اسمه
فندق سفير بالدقي ؟؟

انا هقوم نازل رمسيس واركب المترو وانزل الدقي واسئل علي الفندق ده

ان شاء الله خير

تحياتي

الساعة الآن 08:58 PM