|
صيد الثلاثاء 15-2-2011
2 مرفق
السلام عليكم
انا بقالى حوالى شهر بسبب احداث المظاهرات منزلتش اصطاد واكيد كمان كتير من اخوانى كده وكنت متردد بصراحه انى انزل اصطاد بسبب رد فعل الناس بس والحمد لله عقدت العزم انى انزل وتوكلت على الله وكانت الرحله ميدانيه فى شوارع المنطقه السكنيه الى ساكن فيها جبت 3 يمامات غير الى راحو منى غير انى كنت متخوف من صوت البندقيه لانها بام 22 بس والحمد لله طلع صوتها خاطف ومحدش لاحظه وانا عارف ان العدد قليل بالنسبه لاخوانى بس حبيت انزل الموضوع لسبب وهو انى اطمان اخوانى على انهم ينزلو ويستمتعو بالصيد وبدون اى مشاكل لان الحياه والحمد لله بدئت ترجع لطبيعتها وبقلهم ميقلقوش من حاجه والصور دى الدليل واحب اتاسف لصديقى الدكتور احمد كمال لاننا متعودين نطلع مع بعض كل مره بس هو بحكم شغله فى الايام دى مبيقدرش يطلع معايا فبتمناله دوام الصحه والعافيه ولجميع اعضاء المنتدى وكل عام والامه الاسلاميه والعربيه بخير وسلامه وامان واسف على الاطاله واترككم مع الصور . |
رد: صيد الثلاثاء 15-2-2011
بسم الله ما شاء الله
صيد جميل و بألف هنا و شفا |
رد: صيد الثلاثاء 15-2-2011
جزاك الله خيرا يا اخى سيد على هذه المداخله واتمنى اشوف صيدك فى القريب العاجل بامر الله .
|
رد: صيد الثلاثاء 15-2-2011
ما شاء الله الله ينور يا دكتور احمد بالهنا والشفا
والف شكر على اهتمامك باخوانك |
رد: صيد الثلاثاء 15-2-2011
جزالك الله خيرا يا اخى ده ميجيش جزء من مائه من الى بتجيبه ، كل سنه وانت طيب واتمنالك دوام الصحه والعافيه .
|
رد: صيد الثلاثاء 15-2-2011
يا اخى الكريم والله ما هى حرفنه دا رزق فقط والعبره مش بالعدد ابداً
يكفى اننا بنطلع نصطاد ونمارس هوايتنا |
رد: صيد الثلاثاء 15-2-2011
اكيد عندك حق وانا حتى والله ذكرت ان بالرغم ان العدد ده 3 الا انى اهم حاجه عندى تبليغ الرساله لاخوانى بانهم ينزلو ويستمتعو بالصيد لان الحمد لله الاجواء بدئت ترجع لطبيعتها .
|
رد: صيد الثلاثاء 15-2-2011
مبروك أول نزول بعد الحظر بس انا خايف الطيور تعمل علينا انقلاب و تطلب اننا نتنحي عن بنادقنا :)
|
رد: صيد الثلاثاء 15-2-2011
لا اطمن داحنا الى حنحيها عن الحياه كلها لا ولو تلاحظ كمان صفحه الجرنال الى تحت ال 3 يمامات هى صفحه الوفيات كمان .
|
رد: صيد الثلاثاء 15-2-2011
ماشاء الله
|
رد: صيد الثلاثاء 15-2-2011
مشاء الله .... رحلة موفقه ... وبجد فتحت نفسي ان انزل انش شويه ... وبألف هنا و شفا
|
رد: صيد الثلاثاء 15-2-2011
صيد موفق والف الف هنا
|
رد: صيد الثلاثاء 15-2-2011
اخوانى moem وmohd_wafik و memo2224 اسعدتنى ردودكم واتمنا بامر الله رؤيه صيدكم عما قريب ويكون اوفر وامتع من هذا الصيد بامر الله .
|
رد: صيد الثلاثاء 15-2-2011
الله ينور يا د/احمد وحضرتك ايه رأيك في البندقية البام 22 وهي احسن ولا البام21 وحضرتك مش مركب تليسكوب ليه وهل هو عملي ولا لا
|
رد: صيد الثلاثاء 15-2-2011
بسم الله ماشاء الله
يا دكتور صياد ولا احلى |
رد: صيد الثلاثاء 15-2-2011
ما شاء الله لا قوة إلا بالله...مبارك الصيد وبألف هناء وشفاء...خالص تحياتي...
|
رد: صيد الثلاثاء 15-2-2011
اخى وليد واخى حسان واستاذى الفاضل جمال شكرا جزيلا على ردودكم الرقيقه واتمنا لكم دوام الصحه والعافيه وكل عام وانتم بخير , وبالنسبه لكلام الاستاذ وليد انا الى معايا بام 22 ومركبلها تليسكوب بس الكاميرا للاسف مجبتهوش نظرا لكبر البندقيه وما شاء الله شغال معايا على مسافات كبيره تمام جدا والفرق بين البام 22 والبام 21 حاجه بسيطه ان الناشنكاه الخلفى كان فى البام 21 مش ثابت واتعالج فى البام 22 بس ده الاختلاف الوحيد الى اعرفه لكن الاتنين ماشاء الله عليهم من حيث الدقه والقوه وانا عنيا ليك فى اى سؤال تانى بخصوصها بالاضافه ان حضرتك ممكن تاخد رئى استاذنا الكبير استاذ جمال لانه كمان اهل خبره عنى بيها وباكتر منها .
|
رد: صيد الثلاثاء 15-2-2011
اقتباس:
|
رد: صيد الثلاثاء 15-2-2011
اقتباس:
|
رد: صيد الثلاثاء 15-2-2011
جزاك الله عنا جميعا كل الخير يا استاذ جمال على هذه المعلومات القيمه الى حضرتك اضفتها ونتمنى اننا كلنا نتعلم المزيد من خبرتك الكبيره ، وبمناسبه المعلومه الى حضرتك ذكرتها على البام 21 وال 22 من حيث الصنع فحضرتك شديت انتباهى لحاجه وهى ان ليه الشركه مكتبتش على البندقيتين made in china بدال ما تكتب على الطراز الاقدم made in china وتكتب على الموديل الاحدث وهو البام 22 made in p.r.c بالبحث فى النت على موضوع china و p.r.c وجدت ان فى ناس كتيره جدا مبقتش تشترى المنتجات الصينيه بسبب جودتها الرديئه وطبعا لو شافو كلمه china يبعدو عنها على طول فالصين عملت حركه ماكره وكتبت p.r.c بحيث توهم جمهور الناس انها مش صينى وانها من بلد تنيه ايا كان اسمها لان اغلب الناس ميعرفوش ان الترجمه للحروف دى هى جمهوريه الصين الشعبيه واسف على الاطاله لكنى حبيت اوضح النقطه دى .
|
رد: صيد الثلاثاء 15-2-2011
أخي الحبيب وإبني الغالي الكيميائي أحمد فتحي...كلامك في مجملة سليم وصحيح...وهذا عندنا هنا في مصر بالذات...للأسف السمعة السيئة للمنتج الصيني تقريبا عندنا نحن فقط...وهذا مرتبط بالمورد للبضائع والمنتجات الصيني الجشع الذي يستورد أسوأ فرز في المنتجات الصيني ليحقق أعلى مكسب...ولكن في أوروبا والولايات المتحدة الوضع يختلف تماما...المنتج الصيني هناك فرز أول ( نمرة 1 ) ومعظم الأمريكان والأوروبيين يفضلون شراء المنتجات الصينية لجودة خامتها ودقة صناعتها ورخص ثمنها ( عليها إقبال منقطع النظير )...حتي أن معظم دول أوروبا وأمريكا نفسها مدينين للصين...والإقتصاد الصيني بعتبر من أقوى الإقتصاديات في العالم...ودول العالم تنظر الآن بعين الإعتبار وتولي كل الإهتمام بالإقتصاد وتعتبره هو القوة القادمة والمسيطرة على العالم...حتى أن الدول الأوروبية فتحت الحدود فيما بينها ووحدت عملتها وأنشأت ما يسمي بالسوق الأوروبية المشتركة لمواجهة هذا الغول القادم...ماذا فعلنا نحن العرب...ونحن أمة وحضارة ولغة ودين وثقافة واحدة...للأسف زادت خلافاتنا وتشتتنا وبعدنا عن بعض...خالص تحياتي...
|
رد: صيد الثلاثاء 15-2-2011
اقتباس:
منور المنتدى انا بقى عندي استفسار تانى بس فى نطاق الموضوع وهتأكدلى حاجة شاكك فيها من خلال مشاهداتى اليومين دول للاسعار والبضاعة طبعا بتكلم عن مسدسات الصوت (اللى حضرتك مبتحبهاش) هل فعلا مسدسات الصوت الموجودة فى السوق فى منها كذا فرز يعن فية محلات بتعرض بضاعة بجودة وفنش معين وبناء علية سعر اعلى وبعضهم بيستورد نفس البضاعة بس اقل جودة فرز تانى وتقبل تحياتى |
رد: صيد الثلاثاء 15-2-2011
نتمنى من الله سبحانه وتعالى انه يردنا الى ديننا ردا جميلا ولا نكون كغثاء السيل وان تتالف قلوبنا ونعيد للامه العربيه امجادها وحضارتها القديمه التى اضائت للعالم اجمع جميع السبل حينما كان يسوده ظلومات الجهل فى هذا الوقت ولكن فى حاله واحده فقط نستطيع ان نرجع ما فقدناه من اخلاق وثقافه وتاريخ لو كل انسان يبدء بنفسه ونبطل نقول الجمله المشهوره ( وهو انا الى حصلح الكون ) وشكرا لحضرتك على مداخلتك الكريمه .
|
رد: صيد الثلاثاء 15-2-2011
سعادة القنصل (حبيب الملايين)
معلش هعيد المداخلة تقريبا مخدتش بالك منور المنتدى انا بقى عندي استفسار تانى بس فى نطاق الموضوع وهتأكدلى حاجة شاكك فيها من خلال مشاهداتى اليومين دول للاسعار والبضاعة طبعا بتكلم عن مسدسات الصوت (اللى حضرتك مبتحبهاش) هل فعلا مسدسات الصوت الموجودة فى السوق فى منها كذا فرز يعن فية محلات بتعرض بضاعة بجودة وفنش معين وبناء علية سعر اعلى وبعضهم بيستورد نفس البضاعة بس اقل جودة فرز تانى وتقبل تحياتى |
رد: صيد الثلاثاء 15-2-2011
اقتباس:
|
رد: صيد الثلاثاء 15-2-2011
اقتباس:
بس انا فعلا محروق دمى للاستغلال الى بيحصل ومع الاسف الناس هيا الى مدية فرصة للتجار يعملو كدة علشان كدة للمرة المليون بوجة نداء للاخوة الافاضل مفيش داعى للاستعجال فى الشراء الدنيا ماطارتشى |
رد: صيد الثلاثاء 15-2-2011
كلامك صحيح د/أحمد , وهذا موجود فى منتجات كتير جدا فى السوق
وتحية كبيرة جدا للأستاذ الكبير (مقاماً طبعا) أ/ جمال من زميل جديد فى الهواية |
رد: صيد الثلاثاء 15-2-2011
بسم الله ما شاء الله امتى الواحد يبقى صياد محترف زيك كدا!
|
رد: صيد الثلاثاء 15-2-2011
السلام عليكم
اخى محمود البحيرى انا والله ما محترف بس كل الموضوع انى حبيت الهوايه دى وانت كمان كل اما حبك للهوايه دى يزيد حتشوف منها متعه اكبر ومعلومات اكثر وشكرا على ردك الجميل . |
رد: صيد الثلاثاء 15-2-2011
ماشاء الله صيد جمل جدا
والله انا كمان طلعت اصطدت امبارح ثلاث يمامات وبلبل ده غير اللى وقع ومعرفتش اجيبه واللى خد الطلقه وطار. المهم بارك الله لك فيما رزقك وان شاء الله المره الجايه احسن. تقبل مرورى,,, |
رد: صيد الثلاثاء 15-2-2011
الف مبروك يا دكتور احمد على السلاح الجديد وربنا يبارك لك فيه ! بس ايه السبب فى انك غيرت رايك فى البام انت كنت مقتنع بالهنتر440 جداا وايه رايك بعد التجربة !!!!!!!!!!!!!!!!!
|
رد: صيد الثلاثاء 15-2-2011
السلام عليكم
الله يبارك فيك يا اخى وشكرا جزيلا على ردك الجميل , انا فعلا والله كنت مقتنع تمام بالهانتر وكنت ناوى اشتريها لولا حصل شىء خلانى اغير فكرتى عنها قليلا من حيث السرعه ففى اخ فاضل هنا قام باستلاف جهاز كرونى لقياس السرعه ووجد سرعه الرش فى هذه البندقيه على الحقيقه باخف نوع من الرش فى حدود ال 220 بعكس ما كنت متصوره او ما قرئته عنها بينما قال ان سرعه البام من 260 الى 280 وده غير ان الماسوره بتعتها ثابته لزياده الدقه مما شجعنى انى انسى موضوع الهانتر واتمسك بالبام وقررت انى اشتريها والحمد لله بعد الشراء مريحانى نفسيا جدا وفعلا الى اتذكر عنها من قوه ودقه طلع مطابق عمليا لما رئيته بعينى . |
رد: صيد الثلاثاء 15-2-2011
كنت عاوز انبه سيادتك لحاجه ان صفحة الوفيات بيكون فيها قران فخد بالك متترميش وربنا يرزقنا جميعا
|
رد: صيد الثلاثاء 15-2-2011
ماشاء الله أخي الغالي تسلم ايدك رحله موفقه باذن الله
|
رد: صيد الثلاثاء 15-2-2011
السلام عليكم
اخى taisonnn جزاك الله خير على تنبيهك وان شاء الله يوضع فى الاعتبار , وجزاك الله اخى خالد على ردك المشجع واتمنا ان ارى صور طلعات صيدكم عما قريب بامر الله . |
رد: صيد الثلاثاء 15-2-2011
اقتباس:
|
رد: صيد الثلاثاء 15-2-2011
اقتباس:
كلام سليم جدا وفوق كدة بلاش نستعمل ورق الجرائد عامة لاحتوائه على لفظ الجلالة وكمان ورق الجرائد فيه حبر ممكن نعمل منه قلمين Bic وممكن ثلاثة لو العدد الأسبوعي!فمن الناحية الصحية هو مؤذي جدا وربنا يباركلك يا مهندس أحمد... صيد جميل ورامٍ ماهر |
رد: صيد الثلاثاء 15-2-2011
اللة يا ينور يا ابو جميد مع انك خنتني وطلعت لوحدك بس تسلم ايدك وبالهنا والشفا
|
رد: صيد الثلاثاء 15-2-2011
السلام عليكم
اخى clam&silent جزاك الله خيرا ونصيحتك موضوعه فى الاعتبار , و اخى وصديقى الدكتور احمد والله ماقدر اخون اصدقائى خصوصا صديق عزيز ليا زيك بس نظرا والله لكثره مشاغلك الله يعينك قلت مبدهاش بقى وكمان علشان اجرب صوت البندقيه فى الشارع حيكون عامل ازاى وادينى اهو يا دكتور مستنيك لما اشوف حتيجى معايا ولا زى المره الى فاتت حنزل لوحدى تانى بس طبعا الصيد معاك ليه متعه افضل مليون مره من الصيد لوحدى يكفى فقط حسن اخلاقك والله حتى لو مش حنجيب اى حاجه . |
رد: صيد الثلاثاء 15-2-2011
الف هنا وشفا
|
رد: صيد الثلاثاء 15-2-2011
احنا فعلا محتاجين نتشجع في اسكندرية اننا ننزل ونمارس هوايتنا بعد الأحداث الأخيرة
مبرووك الصيد وبالهنا والشفا ... أنا بعتلك رسالة على الخاص ويا ريت ترد عليَ |
رد: صيد الثلاثاء 15-2-2011
احنا فعلا محتاجين نتشجع في اسكندرية اننا ننزل ونمارس هوايتنا بعد الأحداث الأخيرة
انا بقى محتاج اعرف اماكن صيد يمام وحمام فى اسكندرية وتكن امان لانى بصراحى نفسى اصطاد ومش لاقى مكان وشكرا. |
| الساعة الآن 12:39 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir