ما هو العيار السائد في مصر
 

الأخوة الأعزاء

إن شاء الله تصريح الشراء هستلمة خلال ايام - اخيراً و الحمد لله
يوم ما هستلمها هطلع اعمل طلب استيراد من الامانة العامة لوزارة الدفاع

بس احد الاخوة الافاضل اللي عامل موضوع الاستيراد نصح بالبداء قبل التصريح في المراسلات

أولاً انا مش عارف افرق بين الانواع المختلفة للمسدس الواحد
مثال (بريتا بي اكس 4) على سبيل المثال ليها 8 انواع

ثانياً موضوع العيار

380 Automatic
.40* 12
9 mm
9 x 19mm
9mm
9x19


ثالثاً الأخوة اللي أستوردوا سلاح من قبل كدة

ينفع ابعت السلاح عن طريق احد مواقع الشراء من الخارج زي لينكس او ادفعلي

رد: ما هو العيار السائد في مصر
 

اولا الف مبروك يا دكتور مقدما على تصريح الشراء
ثانيا وانا اسف على الخبر السئ ده بس للأسف وزارة الدفاع قافله طلبات الاستيراد بقالها سنه ونصف وغير معلوم هتفتح ولا لأ
أما بالنسبه لموضوع اختلاف الموديل رغم انه نفس الاسم-انا طبعا مش متخصص فى النقطه ده- بس على سبيل المثال الهكلر بى 30 فى منها 3 موديلات هكلر بى30 وده العاديه - هكلر بى30 ال وده ماسورته اطول من العادى - هكلر بى30 اس وده فيه امان الضرب.
موضوع الاستيراد ده سهل بس طبعا مينفعش تتعامل مع الشركات ده لأنه مبيجيلكش على البيت او مكان الشركه ده حضرتك بتستلمه بنفسك من الجمارك
آسف على الإطاله وأرجو أكون أفدتك قليلا

رد: ما هو العيار السائد في مصر
 

الله يبارك فيك يا باشا
و الله يطمنك على الخبر بتاع وزارة الدفاع ,,,
هي خلاص هنلبس في الحلوان وأمرنا لله
لغاية لما نشوف حد من حبايبنا يكون معاه حته حنينة

انا حاولت افهم قصة الموديلات بس في اختلاف في الشكل وسعة الخزنة والامكانيات
بس المشكلة الاكبر في عيار الطلق اللي انا مش فاهمة لسة

موضوع السلاح انا عارف انه بيوصل الجمرك وميخرجشي الا بمعرفتي
بس في واحد قالي انه استوردها وخلص الاجرائات مع الشركة والاستلام كان عن طريق وزارة الداخلية
صة كدة عملها بس الكلام ده كان من 4 سنين
والف شكر لردك
ونورتني

رد: ما هو العيار السائد في مصر
 

مبروك على تصريح الشراء و ربنا يوفقك فى شراء طبنجة محترمة

اولا: ال8 انواع للبريتا بى اكس 4 ستورم
ليها 3 احجام (موديلات) ستاندرد زى معظم الطبنجات الجديدة دلوقتى ( full size , compact , sub compact )
و كل حجم له موديلين بزنادين مختلفين واحد سنجل اكشن و واحد دبل اكشن
و موديلين بعيارين 9مم و 45 مواصفات قياسية عسكرية لا يباع للمدنيين
و خليك فى الF عشان ده الوحيد بامان ديكوكر و مانوال , الباقى كل ال c &D&G ديكوكر على دبل اكشن بدون امان مانوال
و عموما الf هو اللى موجود فى مصر فى المصنع الحربى

ثانيا : العيار السائد فى مصر
هو عيار 9مم (9*19) , المشهور ب 9مم طويل
ييجى فى المرتبة التانية ال 9مم قصير (9*17) , المشهور بعيار 8 و نص

و دائما اى طبنجة 9مم قصير حتلاقى حجمها ملموم و رد فعلها اقل و انعم فى الضرب مقارنة بالطبجات ال9مم طويل و لكن مداها المؤثر اقل بامتار بسيطة عن ال9مم طويل
و كل عيار له مميزاته و له عيوبه

العيارين موجودين فى المصنع الحربى

ثالثا : بالنسبة للاستيراد
الاستيراد موقوف تماما منذ حوالى سنتان .. فلا تنتظر او تضيع وقتك



خالص تحياتى,
أحمد سيد

رد: ما هو العيار السائد في مصر
 

تارجت ستور ( أستاذ أحمد ) : واضح وصريح ومتمكن . ماشاء الله . أرجو قبول اعجابى وتحياتى .

رد: ما هو العيار السائد في مصر
 

كان نفسى افيد حضرتك بس استاذنا احمد السيد قد افاد واجاد بعلم واقتدار باكتر من اللى كنت هقولهولك بكتير جزاه الله خيرا و لا نزكيه على الله
مبروك ع تصريح الشراء و دقق فى كل كلمة قالها استاذ احمد و ان شاء الله ربنا يعمل اللى فيه كل الخير
تقبل تحياتى

رد: ما هو العيار السائد في مصر
 

خالص تحياتى لشخصكم المحترم فكرى بك