عن الصيد بغير ضرورة للتسلية..
 

نقﻻ عن القبطان المصرى: مشهد كاد ان يبكينى
.....
السلام عليكم ورحمة الله وبركاته
النهارده قررت اطلع اصطاد شويه قبل الشغل
وبالفعل طلعت ساعتين
وكان اليوم ماشى كويس
حمام ماشى ...يمام ماشى
لغاية مالقيت حمامتين واقفين على سور سطوح احد المنازل فى الدور التالت
سميت وضربت الحمامه اتقفلت مكانها خلصانه عالسور ماتحركتش وماتت
والتانيه طارت وقعدت تروح وتيجى على وليفتها زى ماتكون زعلانه عليها
وبعدين طارت وراحت وقفت بعيد على سلك كهربه
المنظر شدنى شويه لكن مسبتش نفسى للعاطفه تهزمنى
قربت منها شويه وضربتها وسمعت الرنه بتاعة الطلقه فى صدرها
اخدت الطلقه وفضلت تطير لغاية ماوصلت جنب اختها اللى انا ضاربها عالسور
وحطت دماغها على اختها وقعدت تفرفر شويه وماتت هى كمان
ساعتها بس حسيت ان جسمى قشعر من الموقف وزعلت جدا
لولا بس انى عارف ان الصيد حلال كنت كرهت نفسى
وطبعا سبتهم ومشيت ومعرفتش اجيبهم عشان فى الدور التالت على بيت
وبعد الموقف ده روحت على طول ونفسى اتسدت عن الصيد
التفاصيل
تم ضرب 23 رشايه
الاصابه 16
الخطأ 7
الحصيله 8 حمامه و8 يمامه
يا قبطان..
خليها رماية وبﻻش صيد يا قبطان الحمام موجود فى المحﻻت جاهز..الطير الحر الجميل . اصابتة وتعذيبة دون اﻻستفادة من ذلك امر غير انسانى ربنا حلل الصيد صحيح بس اليمام والحمام الجبلى ممكن يكون واكل حاجات منعرفهاش او يكون عندة امراض..سيب الطير حر أفضل..لما كنت طفل 10 سنين كنت بنشن كويس وأصبت عصفورة جناحها اتكسر واستخبت فى مكان تحت سور والدم ملطخ جناحها..اتأثرت وندمت وكانت آخر مرة انشن على كائن حى خصوصا انى مش جعان ومش محتاج يعنى تعذيب لمخلوقات ربنا وبس.. العدوانية دى اعرفها عند الغزاة البيض الى ميعرفوش لهم رب لكن احنا خير امة اخرجت للناس وعندنا اوامر بعدم الصيد فى اﻻشهر الحرم والصيد عموما للضرورة مش للتسلية.. لو ربنا قدرك وصليت الفجر اطلع البكونة بعد الصﻻة وابدر بعض الحبوب او فتافيت الخبز على السور وضع وعاء صغير للماء النظيف صدقة للطير لعلها تتسبب فى دخولك الجنة.

رد: عن الصيد بغير ضرورة للتسلية..
 

احل الله الصيد
طالما انه يؤكل ولا يرمى .
فالرحيم جل وعلا احله وشع له تشريع خاص به
قل من حرم زينه الله التى اخرج لعباده والطيبات من الرزق

رد: عن الصيد بغير ضرورة للتسلية..
 

هو الصيد حرام طالما انت عاطفي اووي كدا لو دخلنا حرب مش هتقتل

رد: عن الصيد بغير ضرورة للتسلية..
 

موضوع مهم لان فى صيادين كتير ممكن يضربوا على طير وهما عارفين انهم مش هيعرفوا يجيبوا ...لذلك انا افضل الصيد فى المناطق الزراعيه من على الشجر

رد: عن الصيد بغير ضرورة للتسلية..
 

صح الكلااااااااااااااااااام يا اتش