|
موضوع محيرني و مخوفني من الصيد
اهلاً بشباب المنتدي انا اول مره اشارك في المنتدي و كلن عندي استفسار غريب شويه
انا اشتريت بندقيه صيني و اول مره هنزل اصتاد و مش عارف هو من الطبيعي انزل في البندقيه في الشارع بعد الحصل في مصر و انا خايف حد يعمل مشاكل معايه و انا بصتاد عشان هصتاد من منطقه فيه مباني قديمه و المنطقه هاديه يعني هسبب ازعاج لحد ولا عادي محدش يقدر يقول حاجه هو غلط اصتاد في شوارع جانبيه و منطقه فيه مباني يا ريت اي حد عندو تجربه سابقة يفدني اسف اني طولت عليكو في السوال شكراًً |
رد: موضوع محيرني و مخوفني من الصيد
انا هقول لحضرتك على اصول الصيد بالنسبالى وبالنسبه لكثير من الصيادين فى المناطق السكنيه وهى انك ما تحاولش تضرب حمام مثلا بتاع حد او حمام بلدى وبلاش تضرب بالبندقيه فى منطقه يكون فيها اطفال واكيد ان الناس لما بتلاقى الصياد ملتزم بالحاجات دى ما بتحاولش تحتك بيه اصلا بل انه بيكون فيه احترام وما تخافش وانزل توكل على الله ومحدش هيتكلم معاك.
والله ولى التوفيق .................... |
رد: موضوع محيرني و مخوفني من الصيد
ربنا معاك بس حاوك تبتعد عن الناس قدر استطاعتك
وحبذا لو تنزل بعد الفجر او فى بداية الشروق ... ممتعه وايضا الناس قليلون وبالتوفيق ان شاء الله وماتنساش تعزمنا ع الصيد هههههه تحيـــــــاتى |
رد: موضوع محيرني و مخوفني من الصيد
اسمع الكلام من صياد قديم اتقى شر الشبهات ومتحطش نفسك فى موقف محرج مع حد ومتعرضتش نفسك للمسائلة القانونية و تخلى حد يتكلم معاك احسن حل فى وجهه نظرى انك تشوف عضو يكون قريب من السكن بتاعك وتطلعو مع بعض فى مناطق ريفية او صحراوية بعيدا عن الاهالى و القلق
تقبل تحياتى وهلا بيك و سط اخواتك |
رد: موضوع محيرني و مخوفني من الصيد
شكراً محمد يونس و شكراً hazeeeeem و شكراً خط الصعيد
هو انا لو هنزل اصتاد احسن وقت 6 مساء العصفير بتكون واقفه علي الشجر مبتتحركش خالص بس الاستاذ خط الصعيد خوفني من حتة المسائلة القانونية و اني اروح اصتاد في حته صحراوي او مع حد احسن انا عايش في الاسكندرية في محرم بك اي حد في المنتدي بينزل رحلات صيد ممكن اتعرف عليه و ننزل مع بعض نصتاد |
رد: موضوع محيرني و مخوفني من الصيد
اقتباس:
ثانيا ياراجل المتعة فى الصيد انك تطارد الهدف مش تروح تضربة وهو نايم فوق الشجرة الساعة 6 اقلبها بدل ما ستة مساء خليها ستة 6 صباحا احسن |
رد: موضوع محيرني و مخوفني من الصيد
انا فعلا نزلت اصتاد اليوم ولكن كل ما اصتاد في حته الناس تتكلم و تقولي متصتدش هنا روح حته تاني
و اليقول متصتدش في الشجره ده الشجره دي بتاعتي و كلام غرب و اليقول حرم تموت العصفير انا اخر ما اتخنقت روحة البيت من غير ولا عصفوره و شكلي مش هنزل اصتاد في الشارع تاني يا ريت حد يقولي لما احب اصتاد روح قين انا في الاسكندريه اي حد يعرف مكان حلو يقولي عليه قبل ما اتخنق و ابيع البندقيه |
رد: موضوع محيرني و مخوفني من الصيد
اقتباس:
تحياتى |
رد: موضوع محيرني و مخوفني من الصيد
فيه اماكن كتير في اسكندرية
ممكن تروح تصطاد في المناطق الريفية زي ابيس و برج العرب |
رد: موضوع محيرني و مخوفني من الصيد
يا باشا دى اسكندريه فيها شوية اماكن خطيره ماشاء الله
|
رد: موضوع محيرني و مخوفني من الصيد
بص انت تنزل تصطاد فى أى حته بس برده زى ما قال الأعضاء الأفضال انك تبتعد قدر الامكان عن الناس
|
رد: موضوع محيرني و مخوفني من الصيد
والله الناس فضولية جدا وكمان فى ناس بتحقد عليك لمجرد انك ممكن تاكل حمام ببلاش وكان لية تجربة بسبب الموضوع دة كنت فى مرة بصطاد فى المنطقة عندنا ففى واحد خرج من البلكونة اعد يشتم ويسب وروح اصطاد عند بتكو الخ وكان النتيجة انى نشنت على اللمبة بتاعت البلكونة واتكسرت فوق دماغة فخدت ديلى فى سنانى ويفكيك والمصية ان الراجل دة عمرتو بعيدة عن الحتة الى بصيد فيها بحوالى 50متر والعمرات الى انا بصيد فيها مش مسكونة اصلا يعنى فى تلاكيك اكتر من كدة
|
رد: موضوع محيرني و مخوفني من الصيد
انا برضو من اسكندرية ومحتاج اعرف اماكن للصيد
|
رد: موضوع محيرني و مخوفني من الصيد
ههههههههههههه والله احنا شعب ابن نكتة ....اولا السلام على كل من فى المنتدى ومن ليس فيه انا عضو قديم بس بقالى فترة منقطع عن دخول المنتدى وواضح ان الناس لسه دمها خفيف زى ما هى ما اتغيرش بعد 25 يناير وبالنسبة ل خط الصعيد مستغرب تعليقه لانه عروف عنه انه بيصطاد بنى آدمين اساسا وهو الوحيد اللى نصح 123mmn ان يشوف اماكن مفيهاش ناس وعلى العموم الناس نسيت تقوله ان الصيد صبر قبل اى شئ فما تتضايقش من مضايقة الناس ومتقولش هبيع البندقية ولكن اسأل عن اماكن صيد تانية مفيهاش ناس ومتزعلش اوى كده انا عايش فى قرية وبصطاد فى وسط الغيطان والناس بتقولى ما تصطادش هنا ف احمد ربنا ده انت فى اسكندرية وعموما على الطريق الدولى وانت رايح العجمى على ما اظن فيه مجرى مائى مش عارف ان كان ترعة ولا مصرف الله اعلم هناك ممكن تلاقى صيد كتير جرب وقلنا وربنا يوسع رزقك ورزقنا
|
رد: موضوع محيرني و مخوفني من الصيد
لا جمد قلبك واتبع الاماكن الى الاعضاء الكرام دول قلولك عليها وان شاء الله تعزمنا قريب .. ههههههه
|
رد: موضوع محيرني و مخوفني من الصيد
الاعضاء من اسكندرية الحبيبة عاملين طلعة صيد اهية http://www.egypthunt.net/showthread.php?t=4796
تواصل معاهم بقى وان شاء الله ربن يوفقكم |
رد: موضوع محيرني و مخوفني من الصيد
اقتباس:
*ربنا*معاك ***تقبل*مرورى |
رد: موضوع محيرني و مخوفني من الصيد
احب اشكر كل الاعضاء علي النصائح و انا ان شاء الله هنزل اصتاد تاني بس لما اصلح البندقيه عشان وقعت و اتكسر الخشب و سن نملة الدبانه اتعوج بعد ما تتصلح هحاول انزل و ان شاء الله هحط صور رحلة الصيد
و بكرر شكري لكل الاعضاء |
رد: موضوع محيرني و مخوفني من الصيد
انا اوافق العضو hazeeeeem فبالنسبة الى الفجر هو الوقت الافضل للنزول خاصة عندما تنزل وتشم النسيم العليل وتسمع زقزقة العصافير سيو سيو سيو سيو هههههههه جزاكم الله خيرا وفعلا الاستاذ123mmn محق لانه فتح هذا الموضوع فهو موضوع بالغ الاهمية فالناس هيخافوا من شكل البندقية مش كدة ؟
وعموما طلعة حلوة وصيد وفير وعدت سالما غانما وتقبلوا مرورى مع تحياتى : عبد الله |
رد: موضوع محيرني و مخوفني من الصيد
انا من اسكندرية من محرم بيه برضو بس باصطاد في العجمي البيطاش عند الحتة اللي كلها فيلل وجايب للبندقية جراب مش معمول اصلا للبنادق ومش مجسم عليها وماحدش بياخد باله وباروح وباركب المشروع " الميكروباص" من محطة مصر وماحدش بياخد باله والاحسن لو ربنا كرمك بواحد صاحبك عنده عربية يبقا احسن من 3 نواحي اول حاجة انها حتساعدكو في الحركة و دخول شوارع كتير في وقت قليل تاني حاجة ان محدش حياخد باله او يكلمك تالت حاجة ان اليمام والعصافير والحمام مش بيخاف من العربية ومرة ضربت يمامة هيا اللي نزلت قدامي جنب العربية
وارجو ان اكون افدتك........ |
رد: موضوع محيرني و مخوفني من الصيد
عشان الصيد اتعب شويه وروح الاماكن الريفيه التى بها فلاحين عشان الطيور بتكون موجودة
حول الطعام والشراب وعشان خاطر عيون الصيد والهوايه استحمل كلام الناس وتجنبالاهداف الى خلفها زجاج شباك نصيحه لما تنزل مكان اتعرف على الناس وكل فى مطعم عندهم وخد معا حد من الاولاد من نفس البلد يجبلك الصيد يدلك على الاماكن صاحب الناس خليك قريب مش جى تاخد اليمام والحمام والعصافير بتعتهم وتمشى اول واحد تديلو جوز يمام الى بيقولك هنا مينفعش وشوف النتيجه كلها خبرات حاول وصابر واستمر |
| الساعة الآن 12:41 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir